Këngëtarja 32-vjeçare ka folur për Harper’s Bazaar dhe ka përmendur diferencën në moshë mes tyre, por edhe këndvështrimin e ndryshëm që kanë për botën.
“Ai e sheh jetën shumë ndryshe nga unë ”, tha Miley. Më pas ajo shtoi: “Ai më ngjan shumë. Ne të dy nuk e marrim jetën shumë seriozisht”.

Ajo përmendi më tej bashkëpunimin e tyre në këngën “Something Beautiful”, titulli i albumit të saj të ardhshëm që do të pritet në 2025.

“Kam punuar me babin tim gjatë gjithë kohës. Dhe kështu u njohëm me ish-burrin tim Liam Hemsworth. Kam punuar gjithmonë me njerëzit që dua. Dhe Max më frymëzon kaq shumë”, pranoi ajo për partnerin e saj.

Së fundi, ajo shtoi për rrjetet sociale: “Ndoshta është shumë e vështirë të futesh në këtë biznes tani, me telefonat dhe Instagramin. Kjo nuk ka qenë gjithmonë pjesë e jetës sime dhe as unë nuk jam pjesë e saj tani. Nuk e kam as fjalëkalimin e Instagramit”.

The post Miley Cyrus flet për diferencën në moshë me partnerin: Ai e sheh jetën shumë ndryshe appeared first on Albeu.com.

Sipas një studimi të ri nga Qendra për Kontrollin dhe Parandalimin e Sëmundjeve, gati një e treta e grave i bëjnë fëmijët e tyre në një diferencë moshe shumë të afërt.

Ekspertët mjekësorë rekomandojnë që nënat të presin një minimum prej 18 muajsh përpara se të ngelen përsëri shtatzënë. Ata thonë se diferenca ideale e moshës së fëmijëve të jetë rreth 2.25 vjec. Pavarësisht se një e treta e nënave i bëjnë fëmjët në një diferencë të afërt sipas studiuesve është e rëndësishme që gratë të marrin kohën e tyre që të shërohen plotësisht dhe trupi i tyre të kthehet në një gjendje normale.

Ekspertët gjithashtu kanë zbuluar se të gjitha nënat që mbeten shtatzënë brenda vitit kanë më shumë mundësi të lindin fëmijë para kohe.

Mbi te gjitha ekziston edhe një rrezik që kur të rritet do të kete probleme me sjelljen. Nënat në Mbretërinë e Bashkuar lënë mesatarisht një diferencë moshe prej 3 vjet e 8 muajsh tek fëmijët e tyre.

Duke pasur një diferencë të afërt në moshë mes fëmijëve, mund të jetë e lodhshme duke u kujdesur për një fëmijë kur jeni edhe shtatzan.

Një avantazh është që fëmijët mund të luajnë së bashku, por disavantazh është që mund të tregojnë xhelozi kur kuptojnë se vëmendjen e tij po e merr fëmija më i vogël.

The post Kjo është diferenca ideale e moshës që fëmijët duhet të kenë nga njëri-tjetri appeared first on Albeu.com.

Çifti kanë zgjedhur që këtë ditëlindje ta festojnë në New York, nën shoqërinë e njëri-tjetrit.

Por a e dini moshen e tyre?

Arbana Osmani festoi ditën e djeshme 39 vjetorin e lindjes, ndërsa partneri i saj Eduarti festoi 33-vjetorin.

Eduarti dhe Arbana janë prindër të një djali, Diellit dhe po presin fëjen e tyre te dyte.. Joni është djali i madh i Arbanës nga martesa e parë.

Familja prej 4 anëtarësh, shpesh shfaqet në rrjetet sociale duke marrë komente të shumta që komplimentojnë harmoninë dhe pozitivitetin që përcjellin.

 

View this post on Instagram

 

A post shared by Arbana Osmani (@arbanao)

The post Festojnë ditëlindjen në të njëjtën datë, e dini sa vite më e madhe se Eduarti është Arbana (FOTO LAJM) appeared first on Albeu.com.

Sot, 16 ditë më vonë, është ditalindja e Ermal Mamaqit dhe aktori feston gjithashtu 40-vjetorin e lindjes.

Pra Amarda dhe Ermali kanë vetëm 16 ditë diferencë dhe aktori është më i vogël.

Ami dhe Ermali janë prindër të dy fëmijëve, Joeli dhe Sias. Në këtë ditë festë për te, Ermali është surprizuar nga miqtë që duket se kanë të njëjtin sens humori me aktorin, pasi në tortën e tij i kanë vënë qirinj “23”./albeu.com/

The post Më i vogël se partnerja e tij Ami? Sa vjeç mbush sot Ermal Mamaqi (FOTO LAJM) appeared first on Albeu.com.

Teknologjia SPECT ofron imazherinë e trurit në funksion duke kapur aktivitetet mentale ndërsa ndodhin.

E kuptoj që jeni bërë kuriozë për të lexuar cilat janë këto ndryshime, veçanërisht nëse keni parë në youtube videon mbi trurin e femrave dhe meshkujve, video e cila u bë virale.

Cilat janë pikërisht këto ndryshime sipas skanimit të mbi 46 mijë personave, femra dhe meshkuj:

Së pari: Truri i femrave është më i zënë/okupuar se truri i meshkujve

Gjatë 2017 skanimeve SPECT u analizuan 80 zona të trurit. Në 70 të tyre, truri i femrave tregonte shumë më tepër aktivitet se truri i meshkujve. Në përgjithësi, truri i femrave është më i zënë krahasuar me trurin e meshkujve. Për sa i përket zgjidhjes së problemeve, femrat aktivizojnë disa zona të trurit ndërsa meshkujt bazohen në një zonë të lokalizuar, kjo ndoshta është edhe arsyeja që femrat mund të bëjnë shumë gjëra në të njëjtën kohë* ndërsa meshkujt tentojnë të mbarojnë një punë dhe pastaj të fillojnë tjetrën.

Së dyti: Pjesa frontale e trurit tek meshkujt është “më e fjetur” se tek femrat

Sipas skanimeve, meshkujt kanë më pak aktivitet në zonën frontale të trurit që quhet PreFrontalCortex – pjesa e krijuar në 10,000 vitet e fundit të evolucionit të trurit të njeriut. Siç e kam shpjeguar edhe në artikuj të mëparshëm, zona frontale ose PFC përfshihet në aktivitete të tilla si planifikimi, gjykimi, e folura, empatia dhe kontrolli i impulseve. Ndoshta kjo lidhet me pikën 1, që truri i femrave është më i zënë se i meshkujve, por gjithashtu mendoj edhe me marrjen e riskut më të lartë tek meshkujt se sa tek femrat. Duke qenë se zonën PFC e kanë më të fjetur, nuk kanë shumë shqetësime kur marrin përsipër riskun e diçkaje.

Nisur nga ky fakt, Langdon nënvizon:

“Meshkujt dhe femrat kanë beteja të ndryshme në jetë dhe fillojnë me “karta” të ndryshme**.
Shpesh herë ndeshem me komente të cilat edhe të bëjnë për të qeshur, por edhe të fusin në mendime. Një nga këto komente nga Ami ishte: Kur e pyes bashkëshortin se çfarë po mendon, ai më përgjigjet “asgjë”. Në atë moment them me vete : Si është e mundur të mos mendosh asgjë?”.

Së treti: Qëndrat përgjegjëse për emocionet janë më aktive tek femrat

Është e panevojshme të shprehemi që femrat janë më emocionale se meshkujt. Kjo është kthyer në një të vërtetë të pakundërshtueshme në millenia. Por edhe imazhet SPECT e vëtetojnë që truri i femrave tregon një aktivitet më të lartë në zonën limbike, që njihet ndryshe edhe si truri primitiv. Zona limbike mbart në vetvete “ylberin” e emocioneve dhe është përgjegjëse për krijimin e lidhjeve, familjes, miqësive, kujdesin ndaj të tjerëve e kështu me radhë. Me sa duket kjo është edhe arsyeja që femrat e ëndërrojnë më shumë martesën, krijimin e familjes dhe fëmijët se sa meshkujt.

Së katërti: Zona Anterior Cingulate punon më fort tek femrat

Kjo zonë është përgjegjëse për kalimin e vëmendjes nga një veprim tek tjetri si dhe në identifikimin e gabimeve. Zona Anterior Cingulate ka një tendencë për t’u fokusuar më shumë në mendime negative ose sjellje për të cilat ndjejmë keqardhje si dhe fokusin në atë që nuk funksionon se sa çfarë ecën mirë. Gjithashtu këtu ndodhet edhe zona që aktivizon shqetësimet dhe sa më i lartë aktiviteti në këtë zonë aq më shumë shqetësohemi. Kjo nuk do të thotë që meshkujt nuk shqetësohen apo nuk fokusohen tek problemet. Thjesht, femrat dhe meshkujt tentojnë të kenë mënyra të ndryshme se si shqetësohen.

Së pesti: Qëndrat vizuale dhe të kordinimit punojnë më fort tek meshkujt

Këto qëndra janë më aktive tek meshkujt sesa tek femrat dhe ndoshta kjo shpjegon faktin që meshkujt kanë një përcaktim më real të distancës nëpërmjet pasqyrave të makinës. Ndërkohë një studim tjetër nga Science Daily rikonfirmon se truri i femrave dhe i meshkujve i përgjigjet ndryshe stimujve vizualë***. Ky studim u fokusua në 28 pjesëmarrës, 14 femra dhe 14 meshkuj, të cilëve ju dhanë imazhe që lidheshin me ndërveprim social dhe seksual. Skanimet fMRI treguan nivele të ndryshme të aktivizimit të Amygdalës, e cila kontrollon, rrezikun, emocionet dhe motivimin. Skanimet treguan se meshkujt i procesojnë imazhet vizuale ndryshe nga femrat. Studime të tjera tregojnë se meshkujt kanë një nivel më të lartë të testosteronit (25% më të lartë se tek femrat) në korteksin vizual, pikërisht zona ku procesohen imazhet.

Së gjashti: Intuita femërore është reale

Skanime të trurit tregojnë se femrat kanë një zonë më të madhe të trurit që i përgjigjet intuitës, vecanërisht ajo zonë që quhet Default Mode Network (DMN), zonë e cila është super aktive edhe kur ne mendojmë që truri ynë është në qetësi të plotë. Femrat janë më të shpejta në vlerësime të njerëzve apo situatave me informacion të limituar, duke pasur ato ndjesitë e brendshme në zonën e stomakut, ku ndodhen rreth 40 mijë neurone me të njëjtat cilësi si edhe ato në trurin tonë.

Së shtati: Nivelet e Serotonin janë të ndryshme në trurin e femrave dhe meshkujve

Sipas imazherive të trurit, fMRI apo SPECT vihet re që serotonin (neurotransmetues i trurit) është rreth 52% më i lartë tek meshkujt sesa tek femrat. Dihet që serotonin ndikon ndjeshëm në stabilizimin e luhatjeve të humorit, në gjumë më të qetë, ulje të dhimbjes etj. Zakonisht njerëzit me nivel të ulët të serotonin kanë ankth, dhimbje fizike, shqetësohen vazhdimisht deri në raste depresive.

Kjo, mendoj, shpjegon faktin që ankthi dhe depresioni janë më prezente tek femrat se sa tek meshkujt si dhe dhimbjet fizike si pasojë e artriteve apo reumatizmës.

Ankthi dhe depresioni dëmtojnë cilësinë e jetës tuaj. Shëndeti mental është sfida e kohës dhe është detyra jonë për një shëndet cilësor 4 dimensional: fizik, mental, emocional dhe shpirtëror.

Një tru i shëndetshëm ndikon për një jetë të shëndetshme dhe cilësore si në planin personal dhe atë profesional.

Arsyeja e shpjegimit të këtyre ndryshimeve dhe kuptimi i anëve të forta dhe sfidave është hapi i parë shumë i rëndësishëm për një jetë cilësore dhe drejt suksesit, çfarëdo qoftë suksesi për ju.

Fakti që jemi të ndryshëm dhe truri ka diferenca nuk do të thotë që njëri ka avantazh kundrejt tjetrit. Rëndësi ka të vlerësojmë këtë fakt dhe të mbështesim pikat e forta të njeri-tjetrit. Gjithashtu nuk do të thotë që njëra gjini është më e zgjuar/aftë apo në avantazh sesa gjinia tjetër.

Personalisht mendoj që këto ndryshime janë zhvilluar në mijëravjeçarë si pjesë e angazhimit social, ekonomik dhe kulturor të gjinive të ndryshme pasi për aq sa jam e informuar nuk janë ndryshime biologjike.

Duhet të mbajmë parasysh që studimi i trurit është ende në hapat e parë dhe sa më shumë kërkime dhe studime të bëhen, aq më shumë do të kemi në dorë informacione për një përdorim efikas dhe të shëndetshëm të tij./bm/

The post 7 ndryshimet midis trurit të femrave dhe meshkujve appeared first on Albeu.com.

“Kur është folur për Alfën dhe Betën ne e nisnim me humbje shije, nuhatje e me radhë. Aktualisht ne nuk i kemi këto tek Delta, por ne kemi një dhimbje koke, kemi raninozë ose hundë, pra rrufë. Kemi dhimbje fyti dhe më mbrapa mbivendoset edhe kolla. Këto janë shenja që janë pothuajse në të gjitha virozat, qofshin këto edhe virozat e stinës, megjithatë këtu duhet bërë dhe diferencimi. Nëse ne shikojmë që përhapja e kësaj viroze është e shpejtë në shumë persona në të njëjtën kohë, atëherë detyrimisht duhet të ndalojmë për të parë dhe për të bërë detektimin, analizimin dhe më mbrapa edhe gjetjen e variantit”, -tha mjeku.

Varianti Delta po bëhet shkaku kryesor pse disa vende kanë vendosur të mos i lehtësojnë masat anti-Covid. Ky variant ende nuk është konfirmuar në Shqipëri, ndërsa Kosova konfirmoi dy rastet e para rreth një javë më parë.

The post Varianti Delta mund të ngatërrohet edhe me virozën e stinës: Si ta bëjmë dallimin? appeared first on Albeu.com.

Megjithatë, disa kanë edhe dilema si për shembull çfarë bën diferencën mes koronavirusit dhe alergjisë.

“Simptoma të tilla si bllokimi i hundës, dhimbja e fytit dhe humbja e nuhatjes janë vetëm disa nga simptomat e zakonshme të Covid-19 dhe alergjive sezonale”, vëren Dr. Jonathan Matz, alergolog dhe imunolog në LifeBridge Health, një organizatë jofitimprurëse në Maryland, SHBA. Por a mund të dyshojmë se këto nuk janë simptoma të Koronavirusit? Përgjigja është po, por në rast se ka një histori të alergjive sezonale: “Personat me alergji nuk shqetësohen veçanërisht sepse simptomat e tyre janë të parashikueshme”.

Kjo thjesht do të thotë që nëse është e zakonshme që ju të keni simptoma të tilla si rrjedhja e hundës dhe dhimbja e fytit në këtë periudhë të vitit për çdo vit që kalon, atëherë ka shumë të ngjarë të jetë një alergji sezonale. Një tjetër shenjë se alergjitë sezonale janë të pranishme, së bashku me përsëritjen, është kruajtja e rëndë në zonën e fytit ose hundës, simptoma që nuk përkojnë me simptomat e zakonshme të Koronavirusit .

Por nëse keni ethe, atëherë është një shenjë që vuani nga COVID-19 pasi ethet nuk janë simptomë e alergjive sezonale. Nëse ende keni dyshime dhe nuk ndiheni mirë, është më e sigurta të bëni një test diagnostikues të Koronavirusit.

Por edhe nëse konfirmohet që simptomat tuaja janë për shkak të një alergjie sezonale dhe jo të virusit SARS-CoV-2 që shkakton Koronavirusin, simptomat tuaja mund t’i bëjnë njerëzit përreth jush të mos ndihen rehat.

The post Koronavirus apo alergji? Simptoma që bën diferencën appeared first on Albeu.com.