Diego Armando Maradona Archives - Albeu.com

Papa Françesku zbulon favoritin: Më i miri në futboll është…

prak tike — Thu, 02 Nov 2023 18:29:06 +0000

Papa Francesku në një intervistë të dhënë për mediat italiane, ka zbuluar së fundmi se cilin prej dy legjendave të vendit të tij, Argjentinës, Mesin apo Maradonën, preferon më shumë.

Por ai i surprizoi të gjithë kur tha që asnjërin dhe se i preferuari i tij është legjenda e Brazilit, Pele.

“Midis Maradonës dhe Mesit, kë preferoj? Do të them të tretin, Pele. Maradona ishte i mrekullueshëm si lojtar, por si njeri ai dështoi, ai rrëshqiti mes atyre që e lavdëruan dhe nuk e ndihmuan, djaloshi i gjorë.

Mesi është shumë korrekt, zotëri, por unë preferoj Pelen, një njeri me zemër, ai ishte shumë humanitar. Megjithatë ata të tre mbeten të mëdhenj”, deklaroi Papa Françesku./albeu.com

The post Papa Françesku zbulon favoritin: Më i miri në futboll është… appeared first on Albeu.com.

Maradona zhduket nga fanellat e Napolit, çfarë ndodhi?

E S — Thu, 22 Sep 2022 09:10:29 +0000

Gjykata ka vendosur heqjen e Maradonës nga fanellat e Napolit, pas një kërkesë për ndalimin e përhapjes dhe përdorimit të imazhit të legjendës argjentinase. Ish-menaxheri Sefano Ceci iu ndalua nga Gjykata cdo përdorim i mëtejshëm i imazhit të Diego-s dhe autorizoi Jorge Sabatian Baglietto, i caktuar nga trashëgimtarët e Maradonës. Mësohet se Ceci i kishte [...]

“Kini më shumë respekt për Maradonën”, tifozët e futbollit shpërthejnë pas zbulimit të statujës së Maradonës në Spanjë (FOTO LAJM)

E S — Tue, 02 Aug 2022 20:19:16 +0000

Ditën e sotme në qytetin spanjoll L’Alcudia u zbulua para finales së COTIF statuja e Diego Armando Maradonës.

Në vendngjarje ishte edhe presidenti i Federatës së Argjentinës, Claudio Tapia për të zbuluar veprën në nderim të Maradonës.

Punimi i stutujës linte shumë për të dëshiruar dhe kjo ka bërë që tifozët në mbarë botën të shpërthejnë në kritika.

“Kini respekt për Diegon”, shkruan një tifoz. “Oops Deigo u shkri”, shkruan një tjetër.

Vepra u punua nga artisti spanjoll Rafa Ferri.

Rasti ngjan me atë të Cristiano Ronaldos apo edhe Kun Agueros./albeu.com

The post “Kini më shumë respekt për Maradonën”, tifozët e futbollit shpërthejnë pas zbulimit të statujës së Maradonës në Spanjë (FOTO LAJM) appeared first on Albeu.com.

Mou udhëtoi drejt Napolit për të luajtur ndaj tyre dhe për të nderuar Maradonën, djali i legjendës bën postimin emocionues

admin — Tue, 19 Apr 2022 12:26:50 +0000

Trajneri i Romës, Jose Mourinho, përfitoi nga udhëtimi i Giallorossi-t për të luajtur me Napolin për të nderuar Diego Maradona, teksa vendosi një buqetë me lule në muralin kushtuar ish-yllit të Napolit.

Trajneri portugez ka takuar edhe djalin e Maradonës, Diego Maradona Junior, i cili ka postuar një foto me trajnerin të shoqëruar me një mesazh emocionues në rrjetet e tij sociale.

“U përqafuam dhe u emocionuam duke kujtuar babin”, ka shkruar ai.

“Jose Mourinho, një mik besnik dhe besnik i Diego-s dhe më pas i Maradonës, një mik i ngushtë! Të dua aq sa ke dashur babin.”/ h.ll/albeu.com

View this post on Instagram

A post shared by Diego Armando Maradona Junior (@diegomaradonajunior)

The post Mou udhëtoi drejt Napolit për të luajtur ndaj tyre dhe për të nderuar Maradonën, djali i legjendës bën postimin emocionues appeared first on Albeu.com.

Shokon ish e dashura e Maradonës: Më mësoi të pija kokainë kur isha 16 vjeç (FOTO LAJM)

A M — Fri, 01 Oct 2021 10:50:15 +0000

Më 20 nëntor do të bëhen një vit nga vdekja e legjendës argjentinase të futbollit, njërit nga futbollistët më të mirë që ka prodhuar mbarë globi, Diego Armando Maradona. Nderimet dhe përkujtimoret për të sa vijnë e intensifikohen në Argjentinë, por dhe vende të tjera, ku “Dora e Zotit” ka luajtur në rang klubesh.

Natyrisht, edhe mediat kanë nisur “gjahun” për të zbuluar sa më shumë rreth jetës kontraverse të kampionit të Botës në “Meksikë 1982”. Një personazh i tillë, edhe pse i ndarë nga jeta, vijon të prodhojë polemika të forta.

Këtë herë mendoi për “t’i hedhur benzinë zjarrit” Mavys Alvarez, ish e dashura kubane e “Pibe de Oro”, të cilën e njohu gjatë viteve që jetonte në Havana, ku shkoi për të trajtuar varësinë nga droga. Vajza, asokohe adoleshente dhe tani grua 41-vjeçare, foli për herë të parë në televizion:

“Unë isha thjesht një vajzë e pafajshme, nuk kisha keqdashje. Ai ishte një i huaj, një njeri i pasur dhe me famë. Më kishte vënë re, nuk mund t’i thoja jo. M’u duk privilegj asokohe të isha e dashura e tij”.

Me tej, gruaja kubaneze zbuloi prapaskena, që nuk e nderojnë shumë ish-yllin e futbollit botëror:
“Diego më mësoi të pija kokainë kur isha 16 vjeçe. Në fillim më tha që, nëse e prekja atë që përdorte vetë, do të më vriste, por pas një kohe nuk i pëlqente ta pinte më i vetëm. Pastaj këmbënguli shumë, derisa nisa ta konsumoj dhe unë të bardhën”.

Kjo interviste e Mavys Avlvarez nuk u përjetua aspak mirë në familjen e Maradonës në Argjentinë. Gianinna, vajza më e vogël e ‘Pibe de Oro’, shpërtheu në Instagram: “Bij k***sh, nuk po jua uroj vdekjen, thjesht sepse nga atje lart do t’ju bluajë me dhëmbët e tij. Unë ju urrej të gjithëve, bij k***ash”.

The post Shokon ish e dashura e Maradonës: Më mësoi të pija kokainë kur isha 16 vjeç (FOTO LAJM) appeared first on Albeu.com.