“Flas sot me thirrjen time drejtuar qytetarëve, popullit opozitar, në këto momente që ky regjim i mbështetur në krim, drogë, në vjedhjen e qytetarëve, dëshmoi se është i aftë të bëjë gjithçka për eliminimin e opozitës së vërtetë. jam sot para jush si dëshmi e shpirtit të pamposhtur të opozitës, vendimit sublim për tu përballur dhëmbë për dhëmbë me regjimin  kriminal dhe kreun e tij Rama që në traditën e etërve të tij xhelatë e mizorë, babai i tij firmoste varje në litar të kundërshtarit, dajës së tij që urdhëronte varrosjen e gjallë të kundërshtarëve politikë, jam këtu për t’i thënë : Je i pashpresë. Me asgjë nuk do arrish të mposhtët opozitën. Në aktin më korruptiv ke arritur të blesh e shesësh deklarata deputetë, kryetarë opozite e të tjerë, por kjo ka marrë fund”, tha Berisha.

Kreu demokrat u ndal dhe te serra me kanabis në Berat.

“Unë e fala Gerti Shehun, se është një mjerian që merr para, s’ka pse të rri ai në burg kur porositësi rri këtu i kapardisur, s’ka moral. Ku është kjo, ka shkuar ta takojë Viktorin në burg, e dini ju lidhjen e kësaj me kokainën e Fierit.

Serra e Beratit, Edmond Targaj u kalua në Akademin e Policisë nuk u penalizua si rrjeti i policisë, ai ishte drejtues i aktivitet kriminal dhe shkoi te ministri i familjes Çuçi dhe i tregojë mesazhin me Aranit Arapin, që ky i fundit i ka kërkuar që mos të preket serra se kështu do ministri. Prandaj dhe Çuçi nuk e hoqi”, tha Berisha./albeu.com

The post Berisha: Me sulmin ndaj meje, Rama dëshmoi se është i aftë të bëjë gjithçka për të eliminuar opozitën appeared first on Albeu.com.

Sipas tij, kreu i qeverisë shqiptare kishte menduar se protesta do të agravonte në forma të tjera pas goditjes së liderit të opozitës.

Në një intervistë për emisionin “Kontrast”, Meta tha se e gjithë situata u menaxhua nga opozita, duke e dështuar planin e Ramës.

Meta: Nuk ka pasur asnjë ide për probleme nga opozita. Qeveria ka qenë e vetmja, që i ka fryrë idesë së provokimeve. Opozita ka vepruar në mënyrën më paqësore dhe demokratike. Kështu veproi gjatë gjithë manifestimit. Nuk kishte qëllim nga opozita për të krijuar një tension të tillë, ndërkohë që Tirana priste samitin. Si qytetarë europianë, shqetësimet i kishim ndaj qeverisë.

Ajo që ka ndodhur, padyshim që është një inskenim mafioz. Këtë e tregojnë rrethanat ku pas këtij agresioni u vendos në shërbim të krimit dhe alibive, një aparat i tërë propagandistik. Për fat të mirë, ai incident mbeti i izoluar. Të gjithë e kanë të qartë kush e ka fajin.

Pyetje: Çfarë interesi do kishte Rama që mund të çonte në atë që ndodhi? Nuk është se përfitonte nga kjo ngjarje.

Meta: Sigurisht që nuk ka ndodhur ajo që ka pritur Rama. Ka pritur variante të tjera, që u evituan nga menaxhimi i kujdesshëm i situatës nga opozita dhe Berisha. Ne e dimë shumë mirë që ngjarja mund të shkonte në drejtime të tjera, sipas asaj që do dëshironte Rama. Autori është vetëm një, Edi Rama, është porositësi i këtij atentati kundër Berishës. Gjuha e tij e dhunës dhe gjithë mjetet që ka pasur në dispozicion i ka përdorur për të goditur opozitën, pluralizmin politik. Ka treguar qartë se nuk i interesonte integrimi europian i vendit. Për të nuk është qëllim integrimi europian, dhe provokimi i opozitës. Ishte një skenar shumë i lexueshëm për ne dhe tashmë i dështuar.

The post Dhuna ndaj Berishës, Meta: Rama kishte planifikuar që ngjarja të shkonte në drejtim tjetër appeared first on Albeu.com.