Ju mund të zgjoheni me dhimbje qafe nëse jastëku që keni zgjedhur nuk është i duhuri, ose nuk është mbajtur në pozicionin e duhur, gjë që, jo vetëm ju lë pa gjumë, por në mëngjes zgjoheni të bllokuar e me qafë të shtangur.

Ndaj ekspertët sugjerojnë që të zgjidhni një jastëk të përshtatshëm për harkun e qafës suaj, që nuk ka asgjë të keqe, që të jetë edhe ndryshe nga ai i partnerit/es tuaj në shtrat.

Gjithashtu, konsultat dhe trajtimet me një fizioterapist ndihmojnë mjaftueshëm në trajtimin e dhimbjeve dhe shqetësimeve të tjera që mund të vijnë si pasojë e pozicionit të keq të kokës, apo trupit gjatë natës.

Ndaj, për të pasur një gjumë të qetë, pa dhimbje e shqetësime, e sigurisht një zgjim të rehatshëm pa dhimbje qafe, shpine apo koke, zgjidhja është jastëku, që ju mundëson të njëjtën linjë lartësie si pjesa tjetër e trupit.

The post Ky është shkaku pse zgjoheni me dhimbje qafe në mëngjes appeared first on Albeu.com.

Por si mund të ndalohet kjo dhimbje? Ka disa mënyra, dhe ato i gjeni sa vijon:

Gjumi

Kushtojini vëmendje pozicioneve të gjumit, pasi është e rëndësishme për qafën. Kurrë mos flini me bark, sepse ndodh përdredhja e kokës.

Jastëku i sheshtë

Kur ju mbani jastëk poshtë kokës, qafa bllokohet. Në mëngjes ju ndiheni ndjeni ngurtësi në qafë. Ndaj flini në një jastëk të sheshtë ose pa jastëk fare.

Postura

Postura është shumë i rëndësishëm për shmangien e dhimbjes së qafës. Duke pasur monitorin e kompjuterit përballë dhe jo më lartë syve ose poshtë syve, shmang dhimbjet e qafës. Edhe kur udhëtoni, kujdesuni që të mos e mbani qafën e përkulur gjatë vozitjes.

Tendosja e trupit

Tendosja e trupit është çelësi i lehtësimit të dhimbjes së qafës. Ju mund të aplikoni mënyra të ndryshme të tendosjes së trupit.

Masazh

Masazhi ndihmon në lëvizjen e lëngjeve dhe qetësimin e dhimbjeve të qafës. Nëse ju bëni masazh, dhimbja kalon dhe ditët në vazhdim do të ndiheni më mirë.

Ilaçe

Nëse mënyrat natyrale të ndalimit të dhimbjeve nuk funksionojnë, ju mund të përdorni ilaçe anti-inflamatore.

The post Disa mënyra efektive si të ndaloni dhimbjet e qafës appeared first on Albeu.com.

Pjesa e qafës vuan nga një presion i jashtëzakonshëm si pasojë e mbajtjes së kokës ulur gjatë punës në kompjuter ose në telefonat celularë. Megjithatë, kjo sëmundje është e menaxhueshme dhe ajo mund të mbahet nën kontroll për të mos prishur cilësinë e jetës. Mungesa e aktivitetit fizik nxit shfaqjen e spondiliartrozës. Përpiquni të bëni aktivitet fizik të paktën 10 minuta në ditë. Sipas të dhënave aktivitetet më të rekomandueshme janë ecja, noti dhe çiklizmi.

The post Trajtimet natyrale kundër dhimbjeve të qafës dhe shtyllës kurrizore appeared first on Albeu.com.

Dhimbjet e qafës kanë shkaktarë të ndryshëm si stresi, pozicioni i keq i gjumit dhe lloji i dyshekut ku keni fjetur. Cilado qoftë arsyeja, ju me siguri doni që kjo dhimbje e tmerrshme të largohet sa më shpejt.  Ja disa truke që mund të përdorni:

Bëni ushtrime të ngadalta

Një nga mënyrat më të shpejta për të trajtuar dhimbjen e qafës është stërvitja. Sidoqoftë këto lëvizje duhen kryer ngadalë, me një fraksion të shkurtër lëvizjesh.

Përkulni kokën përpara dhe pas. Pastaj alternojini me lëvizje nga njëra anë në tjetrën.  Pasi të ndjeni se muskujt janë më të ngurtë, kthejeni majtas ngadalë. Më pas kthejeni djathtas. Bëjeni me ngadalë pasi kthimi mund t’ju dhembë.

Bëni të paktën 20 përsëritje të këtij ushtrimi. Bëjeni në disa orë derisa dhimbjet dhe ngurtësia  e qafës të zbuten.

Masazhoni qafën me vajra esencialë

Përzieni së bashku disa pika vaj borziloku, vaj selvie, vaj livande dhe vaj mesteje me një lugë vaj ulliri të ngrohtë. Masazhojeni përbërjen në qafë për disa minuta. Aplikojeni këtë përzierje të paktën dy herë në ditë. Secili prej vajrave esencialë ka veti kuruese. Vaji i mentes qetëson muskujt ndërsa vaji i livandës do të largojë stresin dhe do të qetësojë mendjen. Vaji i borzilokut është një anagjezik dhe ka veti antispazmatike që qetësojnë dhimbjen. Ndërkohë, vaji i selvisë stimulon qarkullimin e gjakut.

Kompresa me uthull molle

Zhysni një pecetë në uthull molle. Vendoseni në qafë dhe lëreni të qëndrojë për një deri në dy orë. Aplikojeni dy herë në ditë derisa dhimbja e qafës të largohet. Uthulla e mollës është një ilaç i shkëlqyer për muskujt e ngurtë. Karakteristikat anti-inflamatore dhe antioksidantët që gjenden tek uthulla do të ndihmojnë në uljen e stresit në muskujt e qafës.

Vendosni akull

Vendosni kuba akulli brenda një peshqiri dhe aplikojeni në zonën që ju dhemb. Lëreni të qëndrojë për disa minuta. Akulli do të lehtësojë dhimbjen e qafës dhe do të reduktojë inflamacionin në zonën e prekur.

Përveç këtyre metodave, duhet të bëni gjithashtu kujdes për ritualet që mund të shkaktojnë dhimbjet e qafës. Ju gjithashtu duhet të bëni shumë ushtrime. Ngrihuni herë pas here nga tavolina juaj e punës, të paktën çdo një orë dhe kushtojini vëmendje qëndrimit tuaj.

The post Truke që ju lehtësojnë jetën nëse vuani nga dhimbjet e qafës appeared first on Albeu.com.