“Na ka bërë tokat copë-copë. Vjet thanë do vijmë, por shkuan vetëm në një fshat dhe këtu nuk erdhën. Këtë vit ka bërë namin karkaleci. Sidomos jonxhën njëherë e ka dëmtuar komplet. Ne me atë mbajmë blegtorinë”, tha një fermer.

Drejtori Rajonal i Veterinarisë dhe Mbrojtjes së Bimëve, Fatmir Ozuni pasi ka inspektuar në terren thotë se sipërfaqe të tëra në Belsh ndodhen  në kushtet e emergjencës. Sipas tij dezifektimi ka nisur nga njësia administrative Kajan.

Duke qenë se banorët mbarështojnë bagëti të imëta dezifektimi i vatrave të infeksionit kryhet me një preparat që nuk i dëmton këto të fundit dhe kryesisht pasditeve.

Një situatë e tillë në zonën e Drumresë përsëritet prej tre vitesh. Dezinfektimet sporadike rezultojnë të pa suksesshme pasi karkaleci shfaqet sërish me ardhjen e stinës se verës. Sipas fermerëve, dezinsektimi bëhet me vonesë dhe i lokalizuar!

The post Karkaleci ‘pushton’ fushat e Dumresë! Fermerët: Ka bërë namin, dezinsektimi nisi me vonesë! appeared first on Albeu.com.

Ministrja e Shëndetësisë dhe Mbrojtjes Sociale, Albana Koçiu së bashku me drejtoreshën e ISHP-së, Eugena Tomoni, si dhe nënprefekti i Qarkut Tiranë, Parid Xhihani inspektuan nga afër procesin e dezinsektimit, i cili po kryhet në zonën bregdetare dhe urbane, sipas të gjitha standardeve për të minimizuar efektin negativ në natyrë dhe për të mbrojtur biodiversitetin e natyrës.

Ministrja Koçiu nënvizoi se ky program kombëtar i dedikohet tërësisht pastrimit nga mushkonjat në territoret me pushues.

Ajo theksoi rëndësinë e bashkëpunimit me pushtetin vendor për dezinsektimin edhe të sipërfaqeve që kanë bizneset private, sikundër edhe territori që mbulohet nga bashkitë e qarkut që të garantohet një mjedis sa më i sigurt dhe i shëndetshëm për pushuesit dhe turistët.

“Duhet fort që të respektohen masat higjieno-sanitare për të gjithë bizneset, gjithë operatorët privatë, që veprojnë. Jo pa qëllim kemi edhe Inspektoratin Shtetërore Shëndetësor, i cili gjithashtu kryen rol për të mbikëqyrur gjithë operatorët, bizneset private, gjithë strukturat akomoduese hoteliere të respektojnë masat higjieno-sanitare”, deklaroi Koçiu.

Ministrja e Shëndetësisë ka nënvizuar se dezinsektimit do të shtrihet në të gjithë vijën bregdetare, laguna dhe parqe, një proces i cili do të vijojë deri në tetor në varësi të kushteve meteorologjike. Monitorimi i vazhdueshëm do të kryhet çdo dy-tre javë, në varësi edhe të situatës.

Në Malin e Robit janë rreth 13 hektarësh kanale, pellgje, parqe, puseta, të cilat janë vlerësuar nga Njësitë Vendore të Kujdesit Shëndetësor në bashkëpunim me bashkitë, për sa i përket territoreve ku janë evidentuar larvat apo habitatet të cilat janë të rriskuara për prezencën e tyre.

The post Pas Shirokës, vijon procesi i dezinsektimit në Kavajë, ministrja: Do vijojmë në gjithë vijën bregdetare appeared first on Albeu.com.

“Kemi filluar tashmë prej disa javësh me monitorimin e zonave, por edhe ka filluar procesi i dezinsektimit nga Shkodra, në Lezhë, Tiranë, Durrës dhe duke zbritur në Kavajë, në Vlorë edhe deri në Sarandë, për të parandaluar dhe për të kontrolluar sëmundjet infektive që vijnë nga mushkonjat.
Manastirliu bëri me dije se procesi i dezinsektimit do të vijojë gjatë gjithë verës.

“Janë vlerësuar habitatet dhe përcaktimi i lëndëve biocide që përdoren dhe vijon dezinsektimi i këtyre zonave, ashtu sikurse ka filluar, edhe përgjatë gjithë verës, deri në muajin tetor, që është planifikuar të kryhet ky proces”, tha Manastirliu.
Ndërkohë e shoqëruar edhe nga drejtoresha e Insitutitit të Shëndetit Publik, Albana Fico tha se në këtë proces po përdoren lëndë që nuk cenojnë habitatin natyror dhe është përfshirë një sipërfaqe e konsiderueshme.

“Është dhe një volum shumë i madh pune, kryhet në rreth 4 mijë hektarë gjatë kësaj periudhe dhe së dyti nuk duhet të harrojmë që duhet kombinuar me rregulla higjeno-sanitare përgjatë vijave bregdetare nga bizneset dhe nga qytetarët. Duhet thënë që lëndët që ne përdorim nuk e cënojnë ambientin, pra e ruajnë ambientin, habitatin. Sepse është shumë e rëndësishme që jo vetëm të luftojmë mushkonjat, por të mos dëmtojmë speciet e tjera, të cilat janë pjesë e këtij habitati”, theksoi Fico.

Programi i dezinsektimit (për parandalimin e sëmundjeve të transmetuesshme nga mushkonjat) po vijon në të gjitha zonat e përcaktuara nga ekspertët e shëndetit publik. Zonat e njohura për këto trajtime, nga Velipoja në Parkun Kombëtar të Butrintit, përfshirë dhe zona urbane si Tirana, Divjaka etj, përbëjnë një sipërfaqe rreth 4000 ha.
 

The post Nis dezinsektimi në Shëngjin, Manastirliu: Do kemi një sezon turistik më të sigurt (VIDEO) appeared first on Albeu.com.