Kështu lidhur me konçensionin e “check up” do të thirren për të dëshmuar nga Alma Cani, drejtoresha e QSUT-së, te drejtuesit e spitaleve rajonale.

Për të dëshmuar janë thirrur ish-drejtorët e spitaleve rajonale Durrës, Elbasan, Shkodër, Vlorë, drejtori i Koço Gliozhenit, Traumës dhe anëtarët e grupit të punës së check up.

Mbledhja e sotme, ndoshta nga më të qetat e zhvilluara në këtë komision, që drejtohet nga Albana Vokshi, ka zgjatur rreth 20 minuta, ç`ka duket se palët janë dakordësuar përsa i takon thirrjes së dëshmitarëve të rinj.

Albana Vokshi, kryetare e Komisionit Hetimor, tha se lista e dëshmitarëve do të nisë nga ata drejtues apo ish-drejtues që nuk preken nga mungesa e informacionit.

“Lista e dëshmitarëve e kemi diskutuar dje gjatë në mbledhjen e kryesisë, jemi dakordësuar që meqë një pjesë e materialeve nga SPAK sa i përket check up, që arrijnë deri në 2019, ka ardhur vetëm disa ditë para, kemi vendosur që ta nisim me ata persona në listën e dëshmitarëve që nuk preken nga mungesa e këtij informacioni.

Propozimi është që të thërriten ish-drejtorët e QSUT, drejtoresha aktuale, ish-drejtoresha e spitalit Durrës, traumës, Shkodrës, Elbasanit, Vlorës, drejtori i Koco Gliozhenit, anëtarët e grupit të punës së check up, kanë qenë disa mjekë dhe mjekët që i kishim në listë para se të mbyllej sesioni i kaluar por nuk e bënë dot dëshminë”, tha Vokshi.

Opozita dhe mazhoranca miratuan në seancën e 25 korrikut, zgjatjen e afatit për komisionin hetimor për dy koncesionet sterilizimin dhe check up. i vetmi deputet që votoi kundër ishte socialisti Erion Braçe.

Koncensionet e Sterilizimit dhe Check-up-it, janë prej disa kohësh çështje hetimore nga SPAK-u. Për çështjen e parë hetimet janë mbyllur, ndërsa janë nën arrest me burg ish-zv.ministri i shëndetësisë Klodian Rrjepaj dhe koncensionari Ilir Rrapaj, si dhe dyshohet për shkelje dhe shpërdorim detyre ish- ministri i shëndetësisë Ilir Beqaj.

Hetimet lidhur me koncensionin e Check-up-it vijojnë.

The post Komisioni Hetimor për Shëndetësinë/ Nga drejtoresha e QSUT te drejtuesit e spitaleve rajonale, ja dëshmitarët që do thirren appeared first on Albeu.com.

55-vjeçari kishte një histori të gjatë në shantazhe, bomba, rrëmbime dhe akuza për vrasje, ndërsa konsiderohej bashkëpunëtor i të vrarëve Vassilis Stefanakos dhe të burgosurit Panagiotis Vlastos. ‘Kathimerini‘ raporton se ato formuan një nga grupet më të fuqishme duke u zgjeruar e duke u marrë me çështjet e kontrabandës së karburanteve, cigareve apo sendeve të tjera.

I njohur me “Xhaxha Xho”, ai mori më shumë se pesëmbëdhjetë plumba nga kallashnikovi, shumica në gjoks dhe bark, si dhe tre të shtëna në kokë me pistoletë. Autorët kanë vepruar në momentin kur truprojat e tij ishin larg shtëpisë, pasi për shkak të ditës dhe me urdhër të Skaftouros do të punësoheshin pas orës 4.

Një ose më shumë persona në rrethin e tij të ngushtë kishin informacionin se 55-vjeçari do të ishte i pambrojtur atë ditë. Burime policore, lënë të hapur mundësinë që autorët të kenë vëzhguar lëvizjet e Skaftouros dhe kanë vepruar duke konstatuar se mungonin truprojat e tij.

Dëshmitarët okularë kanë dëshmuar se autorët mund të jenë shqiptarë.

Plani i atentatit u realizua nga të paktën katër persona të cilin kishin hypur në dy motoçikleta të mëdha. Të tre u hodhën nga muri i jashtëm dhe pasi iu afruan njerëzve në kopsht, hapën zjarr duke vënë në shënjestër 55-vjeçarin. Të afërmit që folën publikisht i përshkruan xhelatët duke bërtitur “bie poshtë” përpara se të lëviznin drejt Skaftouros, duke e quajtur atë me emrin e tij të parë, “Gjon, Gjon”, me sa duket për t’u siguruar që ai ishte njeriu që ishin urdhëruar të vrisnin.

Giannis Skaftourou u vra në vilën e tij në Dervenochoria, Beotia. Hetimet po vijojnë dhe dyshohet se pas këtij krimi qëndron një bandë shqiptarësh. Kjo vjen pas një konflikti që ka pasur vetë Skaftourou me një grup shqiptarësh në burgun e Koridhalos, ku dhe u plagos prej tyre në vitin 2018. Edhe urdhri për vrasjen e tij dyshohet të ketë dalë nga i njëjti burg, por ende nuk ka asnjë të arrestuar./albeu.com

The post Vrasja e “Xhaxha Xho”, dëshmitarët: Autorët janë shqiptarë appeared first on Albeu.com.

Në orën 10.30 pritet te nisë Komisioni Hetimor kur është thirrur për të dëshmuar administratorja e Inceneratorit të Tiranës Ariola Kodra.

Kujtojme se zonja Kodra nuk është paraqitur në tre thirrje të Komisionit. Ligji parashikon shoqërim me forcë nga Policia e Shtetit e personave që refuzojnë dëshminë në Komisionin Hetimor.

Në orën 13.00 janë thirrur të dëshmojne:

Emiriana Sako – Kryetare e Bashkisë Durrës.

Shkëlqim Cani – Ish- Ministër i Financave.

Belinda Balluku – Ministre e Infrastrukturës dhe Transportit.

Armando Subashi – Kryetatr i Bashkisë Fier.

Arben Ahmetaj – Zv. Kryeministër dhe ministër i Shtetit për Rindërtimin dhe Programin e Reformave.

Kujtojmë se mëngjesin e kësaj të hëne, kryetarja e Komisionit Hetimor të Inceneratorëve, Jorida Tabaku, ishte në SPAK, në një takim me kreun e këtij institucioni, pikërisht për këtë aferë./albeu.com/

The post “Inceneratorët”, dy ministra dhe dy kryebashkiakë dëshmojnë në Komisionin Hetimor appeared first on Albeu.com.