“Epoka e perandorive në Evropë ka marrë fund”, thotë Goncharenko, duke iu referuar, siç shprehet ai, trendit në Serbi.

Nëse nuk heq dorë nga kjo qasje, Serbia do të vazhdojë të jetojë në varfëri dhe në revanshizëm, “duke u shfrytëzuar nga Rusia, Irani dhe vende të tjera që duan të ndezin flakë në Ballkan”, thotë Goncharenko.

Në intervistën dhënë Radios Evropa e Lirë, ai shfaq shpresën se Kosova do të bëhet anëtare e plotë e Këshillit të Evropës, pas votimit në muajin maj.

Radio Evropa e Lirë: Zoti Goncharenko, ju lobuat për një votë pozitive për Kosovën në Asamblenë Parlamentare të Këshillit të Evropës. Vendimi përfundimtar pritet të merret nga Komiteti i Ministrave në maj. A mendoni se do të kalojë?

Oleksiy Goncharenko: Mendoj se po. Vota në Asamblenë Parlamentare ishte historike dhe tani duhet ta përfundojmë këtë punë. Mendoj se Komiteti i Ministrave do ta ftojë zyrtarisht Kosovën të bëhet anëtare e Këshillit të Evropës.

Radio Evropa e Lirë: Çfarë do t’u thoshit vendeve që nuk janë ende të sigurta për mbështetjen e Kosovës?

Oleksiy Goncharenko: Kosova e meriton këtë, Kosova i përket botës së lirë. Asaj i duhet ndihma jonë për zhvillimin e vlerave si vend i ri, si demokraci e re. Asaj i duhet ekspertiza e Këshillit të Evropës. Kjo nuk ka të bëjë me debatet politike, ka të bëjë me dy milionë njerëz, të cilët e meritojnë të jenë pjesë e organizatës më të madhe në botë, e cila lufton për të drejta të njeriut, sundim të ligjit, demokraci – për vlerat thelbësore për të gjithë ne.

Radio Evropa e Lirë: A mendoni se, në javët në vazhdim, mund të dalin kushte të reja për Kosovën?

Oleksiy Goncharenko: Nuk e di se çfarë do të ndodhë në Komitetin e Ministrave. Nuk është fusha ime e përgjegjësisë. Unë jam anëtar i Asamblesë Parlamentare të Këshillit të Evropës dhe vendimi ynë është i qartë: Ne i bëjmë thirrje Komitetit të Ministrave që ta ftojë Kosovën.

Radio Evropa e Lirë: Por, disa deputetë e kanë përmendur Asociacionin e komunave me shumicë serbe, të cilin duhet ta formojë Kosova. A mendoni se ai mund të bëhet pengesë?

Oleksiy Goncharenko: Shpresoj të mos bëhet pengesë.

Radio Evropa e Lirë: Si mund të sigurohet Kosova që të mos e humbasë mundësinë e saj në maj?

Oleksiy Goncharenko: Autoritetet e Kosovës duhet të vazhdojnë të tregojnë përkushtim ndaj këtyre vlerave themelore, demokracisë, të drejtave të njeriut, sundimit të ligjit – kjo është më e rëndësishmja.

Dhe, pasi të bëhet anëtare e Këshillit të Evropës, Kosova ka shumë punë për të bërë, të zbatojë e të miratojë konventa, të cilat janë thelbësore për organizatën tonë.

Radio Evropa e Lirë: Ju keni deklaruar hapur se synimet e Serbisë në Kosovë janë të ngjashme me synimet e Rusisë në Ukrainë. A mund ta shtjelloni më shumë këtë?

Oleksiy Goncharenko: Fatkeqësisht, shoh se në Serbi ka dy trende. Njëri ka të bëjë me ndërtimin e një vendi demokratik, të cilin e mbështes plotësisht, dhe tjetri ka të bëjë me rindërtimin e perandorisë serbe. Dhe, e kam thënë hapur se epoka e perandorive në Evropë ka marrë fund.

Të gjitha këto ndjenja revanshiste dhe imperialiste që një pjesë e politikanëve serbë po përpiqen t’i promovojnë në Serbi, t’i forcojnë në Serbi, janë një pengesë e madhe për zhvillimin e vetë Serbisë.

Andaj, Serbia duhet të pajtohet me faktin se nuk mund të jetë më perandori. Duhet të jetë një vend normal dhe demokratik. Në këtë mënyrë, do të ishte pjesë e botës së lirë. Në mënyrë tjetër, do të vazhdojë të jetojë në varfëri, në revanshizëm, duke u shfrytëzuar nga Rusia, Irani dhe vende të tjera që duan të ndezin flakë në Ballkan.

Radio Evropa e Lirë: Si duhet të parandalohen këto përpjekje, sipas jush?

Oleksiy Goncharenko: Nuk jam në pozicion për të thënë se çfarë duhet të bëjnë Kosova dhe Serbia, por, personalisht, besoj se nuk mund të ketë zona gri në Evropë. Kosova nuk mund të jetë zonë gri. Serbia duhet ta pranojë faktin se Kosova është shtet i pavarur, i njohur prej vendeve të tjera, dhe të krijojë marrëdhënie me Kosovën si fqinje. Kjo është një punë që duhet kryer dhe prej saj do të përfitonin Kosova dhe Serbia dhe e gjithë Evropa.

Radio Evropa e Lirë: Ju keni lobuar edhe për njohjen e pavarësisë së Kosovës nga Ukraina. A ka ndonjë përparim në këtë drejtim?

Oleksiy Goncharenko: Jo, nuk ka ndonjë përparim sa i përket kësaj çështjeje, për momentin, por arsyeja është e qartë. Ukraina është në një pozitë shumë të vështirë dhe, me gjithë respektin për Kosovën, ajo nuk është çështja kryesore për Ukrainën tani.

The post Deputeti ukrainas: Serbia të heqë dorë nga prirjet perandorake dhe ta pranojë Kosovën appeared first on Albeu.com.

Projekt-rezoluta përkatëse nr. 7638 u regjistrua më 5 gusht, por teksti i saj aktualisht nuk është i disponueshëm në faqen e internetit të parlamentit ukrainas.

Në të njëjtën kohë, deputeti në kanalin e tij Telegram theksoi se në vitin 2010, Gjykata Ndërkombëtare e Drejtësisë pranoi se e drejta për sovranitetin shtetëror të Kosovës nuk bie ndesh me normat e së drejtës ndërkombëtare, nuk shkel asnjë rezolutë dhe akte ndërkombëtare.

“Nuk është më kot që 22 nga 27 shtetet anëtare të BE-së, për të cilat ne po përpiqemi, e kanë njohur tashmë Kosovën. Kosova njihet edhe nga Shtetet e Bashkuara, Kanadaja dhe Britania e Madhe. Prandaj, hapi i qëndrueshëm i Ukrainës do të jetë njohja e sovranitetit shtetëror të Kosovës dhe shprehja e mbështetjes ndërkombëtare”, ka shkruar Goncharenko.

Në të njëjtën kohë, deputeti theksoi se “situata mes Ukrainës dhe pseudorepublikave Luhansk Donetsk nuk është e njëjta situatë si në Kosovë dhe Serbi”.

“Ky është momenti kur Kosova ka vërtet të drejtën e pavarësisë”, shtoi ai.

Kosova njihet nga 97 vende anëtare të OKB-së. Ukraina, nga ana tjetër, nuk ka marrë asnjë vendim në lidhje me njohjen ligjore të pavarësisë së Kosovës dhe e konsideron rajonin si pjesë të territorit të Serbisë.

The post Deputeti ukrainas përsërit thirrjen: Të njohim pavarësinë e Kosovës appeared first on Albeu.com.

E njohur si “bukuroshja e Kievit”, e reja ishte e dashura e një deputeti të Ukrainës.

Deputeti ka folur për gjendjen e tij, pasi e dashura e tij ka ndërruar jetë.

Sviatoslav Yurash, 26 vjeç, i pikëlluar, thotë 25-vjecarja Alexandra Kuvshynova, të cilën ai e donte për më shumë se një dekadë, u vra ndërsa ndihmonte gazetarët të dokumentonin luftën, ditën e hënë.

Producentja ukrainase Alexandra dhe kameramani i Fox News, Pierre Zakrzeësk thuhet se u vranë nga bombardimet ruse në periferi të kryeqytetit ukrainas, Kiev.

Sviatoslav e takoi Aleksandrën në një kamp të gjuhës angleze kur ajo ishte 14 vjeçe dhe ai 15 vjeç, dhe që atëherë ai e kishte adhuruar atë.

Deputeti, e zgjedhur për herë të parë në moshën 23-vjeçare, thotë se ajo ishte “plot jetë dhe ëndrra” dhe i pëlqente të organizonte festivale muzikore dhe të shkruante poezi.

Duke folur nga Kievi i rrethuar, ai tha: “Kam humbur dikë që ishte më i dashur për mua. Kemi kaluar një dekadë së bashku. Ne ndërtuam diçka që garantonte se lidhja jonë nuk mund të dështonte kurrë, nuk mund të prishej kurrë, kjo nuk mund të shkatërrohej kurrë, ajo që kishim.

Duke bërë të ditur lajmin tragjik në rrjetet sociale, ai tha: “Bukuroshja e Kievit Alexandra Kuvshynova, gazetarja e re u vra nga rusët”. Ishte Sviatoslav ai që u dha prindërve “lajmin e zymtë” të vdekjes së Aleksandrës. Ai është i divorcuar dhe ka një djalë dy vjeç, i cili është ende në Ukrainë.

The post U vra nga raketat ruse, kush është “Bukuroshja e Kievit”, e dashura e deputetit ukrainas (FOTO LAJM) appeared first on Albeu.com.

Ukraina ka refuzuar një afat kohor nga Rusia për forcat e saj për të ndaluar luftimet në qytetin port të rrethuar, duke thënë se nuk mund të bëhet fjalë për dorëzimin e armëve nga ushtarët. Gurin ka thënë se qyteti, ku rreth 300,000 njerëz janë të bllokuar, nuk do të dorëzohet.

“Rusët nuk hapin korridoret humanitare, nuk i lënë autokolonat humanitare të hyjnë në qytet”, thotë ai.

“Ne e shohim qartë tani se qëllimi i rusëve është të fillojnë të [krijojnë] urinë [në qytet] për të forcuar pozicionin e tyre në procesin diplomatik, dhe nëse qyteti nuk dorëzohet dhe qyteti nuk do të dorëzohet.”

Gurin thotë se ekipet ende nuk janë në gjendje të pastrojnë rrënojat e një teatri, për të cilin zyrtarët ukrainas thonë se u bombardua nga Rusia të mërkurën e kaluar. Qindra njerëz besohet se mbeten të bllokuar në bodrumin, i cili i rezistoi sulmit. Moska mohon të ketë shënjestruar ndërtesën.

“Shërbimet nuk mund t’i pastrojnë këto rrënoja sepse bombardimet nuk ndalojnë kurrë. Është vërtet e rrezikshme,” thotë ai.

Gurin nuk mund të jepte një vlerësim se sa njerëz kishin arritur të largoheshin nga zona pasi “ne nuk kemi lidhje me Mariupolin”.

The post Deputeti ukrainas: Rusia po përpiqet të “vrasë” Mariupolin nga uria appeared first on Albeu.com.

Teatri u sulmua nga rusët dhe numri i viktimave nuk dihet.

Deputeti Dmytro Gurin, prindërit e të cilit janë të bllokuar në qytet, tha për BBC: “Ndërtesa e teatrit është shkatërruar, ne kemi më shumë se 1,000 gra dhe fëmijë në strehën e bombave, në bodrum.

“Disa minuta më parë kishim një informacion se streha e bombave mbijetoi dhe njerëzit atje mbijetuan.

“Ne nuk e dimë ende nëse kemi plagosur apo vrarë njerëz. Por duket se shumica prej tyre kanë mbijetuar dhe janë mirë.”/albeu.com

The post Deputeti ukrainas: Shumica e njerëzve i kanë mbijetuar sulmit në teatrin e Mariupolit appeared first on Albeu.com.

Lajmin e ka bërë të ditur ministri i brendshëm ukrainas, Anton Gerashchenko, sipas raporteve të agjencisë së shtypit UNIAN.

Ndërkohë nga ana tjetër theksohet se Kremlini zyrtar ka deklaruar se “nuk ka informacion” për praninë e mundshme të Ramzan Kadyrov në Ukrainë. Kështu tha zëdhënësi i tij Dmitry Peskov, cituar nga TASS, pasi autoritetet ukrainase zbuluan se ai fshihej në një bodrum në Ivankov, në rrethin e Kievit. Vetë Kadyrov pretendoi në një video në Telegram se ishte afër Kievit.

Ish-deputeti ukrainas Yevhen Rybchynsky ka premtuar një shtëpi afër Kievit për këdo që arrin të vrasë liderin çeçen më besnik të Putinit, Ramzan Kadyrov. Këtë “ofertë ish-deputeti e postoi atë në llogarinë e tij në Facebook.

“Nëse Kadyrov është me të vërtetë afër Kievit, atëherë çdo luftëtar në forcat e armatosura dhe mbrojtjen terroriste duhet t’i vendosë vetes qëllimin për të shkatërruar këtë turp të popullit çeçen dhe aleatit të Huila. Unë premtoj se koka e Kadyrov është një shtëpi 40 hektarësh afër Kievit” , ka shkruar Rybchyns.

Kujtojmë se lideri çeçen njihet si krahu i djathtë i Putinit dhe i ka dalë atij në krahë qysh në nisje të agresionit të Rusisë ndaj Ukrainës.

The post Zbulohet vendndodhja e liderit çeçen, ish-deputeti ukrainas bën ofertën e çmendur për këdo që e vret appeared first on Albeu.com.

“Stërgjyshi im i mbijetoi Stalingradit, kështu që unë mendoj se ne mund të mbijetojmë çfarëdo që të na hedhin”, tha ai ndërsa fliste nga Kievi.

“Ne patëm një histori fatkeqe, tragjike dhe të pabesueshme në shekullin e 20-të. Pra, nëse i mbijetuam Stalinit, mund t’i mbijetojmë Putinit.”

Ai e përshkroi jetën e luftës në Kiev si komplet ndryshe, ndërsa qytetarët përgatiten për sulmin rus.

Paratë, për shembull, nuk kanë më ndonjë vlerë reale gjatë kohës së luftës, që do të thotë se njerëzit po shkëmbejnë mallra në vend të kësaj, tha ai. Lagjja e tij është e qetë dhe bosh, ndërsa stacionet e rekrutimit ushtarak janë plot.

Por furnizimet si ushqime dhe municione po mbarojnë.

“Asgjë nuk mjafton” tha ai, ndërsa shtoi se ekipi i tij e kalojnë kohën e tyre duke organizuar furnizime, duke shpërndarë ushqime, duke siguruar armatim dhe ilaçe dhe duke u përpjekur të jenë të dobishëm në mbrojtjen e kryeqytetit.

Disa nga ndihmësit e tij me prejardhje ushtarake janë tani në fushëbetejë, duke udhëhequr toga dhe duke ndihmuar në ndërtimin e barrikadave./albeu.com

The post Deputeti më i ri i Ukrainës: Kur i mbijetuam Stalinit, mund t’i mbijetojmë edhe Putinit appeared first on Albeu.com.