Ai tha se 0900 ka qenë një linjë erotike, megjithëse Balla në sqarimin e tij tha se është numër për të kërkuar informacion në BE.

Arion Sulo: S’mund t’i thuash një gruaje do të të marr tek 0900, është linjë erotike. Ajo ka qenë linjë erotike.

Alban Dudushi: Nuk e di.

Sara Mila: S’ka qenë i interesuar Albani, por nuk ka rëndësi. Ekziston por nuk ka lidhje me situatën.

Arion Sulo: Nuk i di këto ti Sara, se di vetëm Ramën.

Sara Mila: Patjetër që nëse kolegia Vokshi e cila nuk ka qenë, ka qenë e ashpër me mua, kjo nuk e pengon faktin se nëse është lënduar, ajo reagoi e fyer u ndje e fyer. Realisht ndjehem shumë keq si vajzë dhe grua nëse është ndjerë keq. E kuptoj se edhe unë jam ndjerë jo pak herë keq, e kam vetëm katër muaj në Kuvend.

E ndoshta qëlloi mirë kjo sot, për të krijuar një linjë. Dua t’i besoj Ballës për shpjegimin që tha dhe kërkoi tre herë ndjesë. Ideja është e tillë, ai Kuvend është kthyer në një arenë shumë të keqe për gratë dhe vajzat.

The post Deklarata e Ballës në Kuvend që e ktheu sallën në “fushëbetejë”, gazetari: 0900 është linjë erotike! E kundërshton deputetja socialiste appeared first on Albeu.com.

Kësaj deklarate iu përgjigj lideri i PD-së, Sali Berisha, i cili bëri dhe njëherë thirrje për protestën e tretë kombëtare të martën e 10 shkurtit.

Deklarata e plotë e Berishës:

Të dashur qytetare dhe qytetarë, sot në monologun të dielës, Edi Rama në panik dhe i fantaksur, o zotua para jush në mënyrën më të papërgjegjshme se ai nuk do të përfillë vendimin e Gjykatës Kushtetuese, mbasi sipas tij, nuk ka ndodhur kurrë që një ministër të pezullohet nga gjykatat.

Ky është një mashtrim i madh sa vetë Edi Rama. Në rajon, në Europë dhe në botë, gjykatat kanë pezulluar jo vetëm ministra, por edhe kryeministra.

Por në këtë vendim të Gjykatës Kushtetuese, ai nuk sheh një goditje për Lubi Ballukun, por sheh potencialin dhe mundësin e pezullimit të tij si kryehajduti i kombit nga gjykatat, mbasi siç e dini, Lubia i ka bërë të qartë atij, se do të të marrë me vete.

Sot në monologun e tij, ai kërcënoi dhe Europën, i tha se, alternativë e vetme për Shqipërinë në Europë, jemi ne hajdutët e mëdhenj, ne që asgjësojmë shtetin ligjor dhe nuk njohim ligj e as Kushtetutë.

Mirëpo nesër sipas mediave, ai është thirrur pikërisht për ti komunikuar vendimin që është marrë në rast se ky, pengon sistemin e drejtësisë dhe veprimtarinë e tij.

Dhe ky vendim, do të jetë mesa duket vendimi më i paprecedentë që është marrë ndonjëherë në BE, sepse është absolutisht i paprecedentë qëndrimi dhe vendimi i Edi Ramës, për të asgjësuar shtetin ligjor me një grusht shteti, brenda shtetit.

Në këtë kontekst, të dashur qytetarë dhe qytetare, ditën e martë, secili prej jush proteston, shpreh revoltën në kryengritjen paqësore të opozitës, jo vetëm për vete, por për fëmijët e tij, për Shqipërinë, dhe si asnjëherë tjetër, për të ardhmen evropiane të këtij vendi.

Ndaj dhe ju ftoj të marrim fatet në dorë të Shqipërisë, ti qëndrojmë ligjeve dhe kushtetutës së vendit, si rruga e vetme e integrimit të Shqipërisë në BE, si rruga e vetme për rivendosjen e shtetit ligjor, ligjit dhe kushtetutës në Shqipëri.

The post Deklarata e Ramës për Gjykatën Kushtetuese/ Reagon Berisha: Mashtrim, të martën protestoni për Shqipërinë appeared first on Albeu.com.

Rama e cilësoi këtë deklaratë “zhgënjyese” dhe kritikoi faktin që një përfaqësuese e qeverisë laburiste po “i bën jehonë retorikës së së djathtës ekstreme populiste”, duke veçuar shqiptarët në një moment kur, sipas tij, Shqipëria dhe Mbretëria e Bashkuar kanë ndërtuar një nga partneritetet më efektive në Europë për luftën kundër migracionit të paligjshëm.

Kryeministri kujtoi se falë bashkëpunimit intensiv mes dy vendeve që prej fundit të vitit 2022, mbërritjet e parregullta të shtetasve shqiptarë në Britani janë “pothuajse të zhdukura”, duke theksuar se “kontrolli i migracionit ka funksionuar”.

Ai kritikoi gjithashtu kufizimet e lëvizshmërisë dhe vizave të vendosura nga Londra, duke i cilësuar si “relike të dështimeve të epokës Braverman”, të cilat, sipas tij, dëmtojnë jo vetëm lirinë e lëvizjes, por edhe vetë ekonominë britanike.

Rama nënvizoi se shqiptarët janë “kontribuues neto në ekonominë britanike” dhe se përfitimet që ata marrin nga shteti britanik janë shumë më të ulëta krahasuar me komunitete të tjera.

“T’i veçosh vazhdimisht nuk është politikë — është një ushtrim shqetësues dhe i pahijshëm demagogjie”, u shpreh ai.

Kryeministri shtoi se Shqipëria mbetet një aleat kyç i Britanisë në çështjet e sigurisë dhe kontrollit të migracionit në Ballkan, dhe se në vend të fajësimit të shqiptarëve, Londra duhet të kërkojë mënyra për të thelluar bashkëpunimin në fushat e mbrojtjes dhe sigurisë.

The post 700 familje shqiptare jetojnë me taksat tona/ Rama reagon pas deklaratës së Sekretares së Brendshme të Britanisë së Madhe: Zhgënjyese që… appeared first on Albeu.com.

Sipas tij, ata që janë të varfër e meritojnë të jenë të tillë bazuar në zgjedhjet që ata kanë bërë me jetën.

“Kush punon 12 orë nuk është i varfër. Unë i referohen disa forma të ndryshme të dembelizmit. Nëse je dembel 40 vjeç ti e meriton atë status që ke. Për mua varfëria më e madhe nuk është pjesë e financave.

I varfër quhesh kur nuk mbyll dot shpenzimet minimale. Fjala e meriton ka 2 kuptime, e para askush nuk e meriton të jetë i varfër nga pikëpamja njerëzore, por nga ana tjetër janë ata që kanë zgjedhur, dhe si pasojë e atyre ti merr atë që ke programuar dhe planifikuar”, u shpreh Mamaqi.

Aktori ka bërë edhe një ‘thirrje’ për ata që pak më lartë i quajti dembelë, sepse sipas tij, shumë shpejt ne mund të zëvendësohemi nga robotët dhe mund të vlejmë më pak se sa vlenim një ditë më parë.

Çohu edhe bëjë diçka sepse shumë shpejt robotët do vinë dhe do na zënë vendin. Ne marrim atë që tolerojmë. Nëse je në këtë pikë që ke bërë një vlerësim dhe diçka nuk shkon duhet të ndryshon diçka.

“0 based thinking”, pra të menduarit nga 0. Duke dikur këtë që di a do e bëja më këtë që po bëjë”? – tha ai.

The post Njerëzit që janë të varfër e meritojnë të jenë të tillë, Ermal Mamaqit: Çohu dhe bëj diçka, sepse shumë shpejt… appeared first on Albeu.com.

Por ditën e sotme, Mozzik ka reaguar në InstaStory, duke mohuar çdo pretendim për arrestim. Ai ka thënë se ka dhënë një deklaratë për orën e tij të luksit, në prani të avokatit të tij, Artianit Koci, dhe ka theksuar se arrestimi i tij nuk ka ndodhur. Gjithashtu ka mohuar edhe pretendimet që ka borxh 500 mijë euro ndaj Tatimeve të Kosovës.

“Sapo dhashë deklaratë, në prezencë të avokatit tim Artianit Koci, lidhur me çështjen e mbrëmjës së kaluar për orën e dorës Richard Mille. Mediat që kanë raportuar për një arrestim që nuk ka ndodhur, nuk kanë vepruar drejt. Po ashtu, raportimet për një kinse borxh ndaj ATK janë të pavërteta – vetëm rrena dhe shpifje. Sulme të tilla i përballoj me qetësi, njësoj si gripin – dhe nuk kanë asnjë peshë më shumë. Ju uroj suksese të gjithëve, dhe ishalla flini të qetë sonte. Ju dua edhe juve që po shkruani keq”, ka shkruar ai në Instagram.

The post U arrestuara për orën “Richard Mille” 1.5 milionë euro? Mozzik sqaron si është e vërteta appeared first on Albeu.com.

“Kam urdhëruar që dy nëndetëse bërthamore të pozicionohen në rajonet e duhura, në rast se këto deklarata budallaqe dhe nxitëse janë më shumë se kaq”, shkroi Trump në një postim në Truth Social.

Bëhet e ditur se vendosja e armëve vjen pasi Medvedev, i cili aktualisht shërben si zëvendëskryetar i Këshillit të Sigurisë së Rusisë, e paralajmëroi Trumpin të kujtonte se Moska kishte kapacitete për sulme bërthamore të epokës sovjetike, shkruan euronews.

“Bazuar në deklaratat tejet provokuese të ish-presidentit të Rusisë, Dmitry Medvedev, i cili tani është zëvendëskryetar i Këshillit të Sigurisë së Federatës Ruse, kam urdhëruar që dy nëndetëse bërthamore të pozicionohen në rajonet e duhura, në rast se këto deklarata budallaqe dhe nxitëse janë më shumë se kaq.

“Fjalët janë shumë të rëndësishme dhe shpesh mund të çojnë në pasoja të padëshiruara, shpresoj se ky nuk do të jetë një nga këto raste.  “Faleminderit për vëmendjen tuaj ndaj kësaj çështjeje”, shkroi Trump

Presidenti amerikan nuk specifikoi vendet eksakte të vendosjes së nënmarinave, por theksoi se kjo është një masë paraprake për të shmangur çdo eskalim të mundshëm në rast deklaratash të forta apo kërcënuese.

Kujtojmë se të enjten Trump reagoi në platformën Truth Social pas deklaratave të Medvedevit mbi tarifat dhe një përplasje të mundshme mes SHBA-së dhe Rusisë.

The post Pas deklaratave të ish-presidentit Medvedev/ Trump dërgon nëndetëset bërthamore afër Rusisë: Fjalët mund të sjellin pasoja të papritura! appeared first on Albeu.com.

Sipas Vangjelit, fluturimi i fundit i Ramës drejt Hagës, ku mori pjesë në samitin e NATO-s, u realizua me një avion charter VIP të markës Gulfstream G IVSP, i cili nuk është pronë e shtetit shqiptar dhe dyshohet të jetë marrë me qira me kosto të larta, mes 6,500 dhe 7,500 dollarë për orë fluturimi.

Sipas marrëveshjes së vitit 2020 mes Drejtorisë së Shërbimeve Qeveritare dhe Air Albania, fluturimet e kryeministrit duhet të kryhen me avionin Airbus A319 të regjistruar në emër të shtetit, por për fluturimin në Hagë është përdorur një avion tjetër, çka ngre pyetje mbi zbatimin e marrëveshjes dhe transparencën në shpenzimet.

PD kërkon nga qeveria të publikojë faturën tatimore të këtij udhëtimi, vlerën totale të shpenzuar për charterat e kryeministrit dhe mënyrën e pagesave ndaj ofruesit të shërbimit Air Albania, pasi në databazën e thesarit rezulton vetëm një pagesë simbolike prej 200 mijë lekësh që nga viti 2019.

Deklarata:

Kryeministri shqiptar Edi Rama ka udhëtuar disa ditë më parë drejt Holandës për të marrë pjesë në samitin e NATO-s, duke zbritur në aeroportin Schiphol në Hagë me një avion charter të markës Gulfstream G IVSP VIP, me numër regjistrimi TC-EMR (sipas pamjeve të publikuara nga mediat).

Ky avion nuk është në pronësi të shtetit shqiptar dhe, dyshohet të jetë marrë me qira me një kosto që varion nga 6,500 deri në 7,500 dollarë për orë fluturimi, duke përfshirë karburantin, ekuipazhin, shërbimin VIP dhe udhëtimin privat. Avioni “TC EMR” është i njohur ndërkombëtarisht për fluturimet luksoze dhe përdoret nga klientë të nivelit të lartë.

Në 30 Janar 2020 Drejtoria e Shërbimeve Qeveritare ka lidhur një marrëveshje bashkëpunimi me Air Albania me objekt ofrimin e shërbimit të fluturimeve të posacme charter për KM e RSH.

Sipas pikës 3.1.6 të kësaj akt-marrëveshjeje Air Albania do të vendosë në dispozicion të DSHQ mjetin

Avion Air craft Airbus A319

Kapacitet mbartës 32 persona

Kodi i rregjistrimit TC -ANA

Vitet e përdorimit 20

Pagesat variojnë sipas destinacionit dhe sipas pikës pikës 3.2.4 , DSHQ merr përsipër pagimin e faturës tatimore lëshuar nga Air Albania.

Sipas mediave, e pyetur nga BIRN, Agjencia për Media dhe Informim deklaroi se: “Kryeministria nuk ka paguar ndonjëherë dhe nuk paguan për chartera, por ka një marrëveshje kuadër me kompaninë Air Albania, në një shumë vjetore mesatare të shpenzimeve vjetore të kryeministrit në vitet paraardhëse”.

Qytetarët shqiptarë në fakt meritojnë përgjigje të qarta lidhur me:

A është zbatuar pika 3.2.6 e akt marrëveshjes së lidhur ndërmjet Air Albania dhe DSHQ, duke qenë se avioni me të cilin KM fluturoi në Hagë është i ndryshëm nga ai i përcaktuar në aktmarrëveshje, dhe nëse po, kërkojmë të publikohet dakortësimi me shkrim i Air Albania

Sa është vlera e fluturimit të udhëtimit të KM në Hagë sipas faturës tatimore respektive lëshuar nga ofruesi i shërbimit?

Sa është çmimi i paguar deri tani nga DSHQ për udhëtimet charter të KM?

Duke qenë se në thesar nuk gjejmë fatura të ekzekutuara sipas nominimit akt marrëveshjes dt 30 Janar 2020, si është procedurar me pagesat në favor të ofruesit të shërbimit Air Albania, i cili sipas data bazës së spending data nga thesari që prej v.2019 deri tani, rezulton të ketë përfituar vetëm 200 mijë lek për udhëtime.

The post Partia Demokratike: Pse qeveria fsheh shpenzimet e fluturimeve të Ramës drejt Hagës? appeared first on Albeu.com.

Ai u shpreh se funksionarë të lartë jo politikë, do të kenë së shpejti masa nga SPAK.

“Ne kemi pasur dilema dhe në SHBA ku gjatë fushatës pati akuza, këto dilema na i ka shuar Dumani që ka thënë se ne nuk selektojmë as kohën as subjektet.

Priten shumë shpejt funksionarë të lartë jo politikë që do të kenë masa nga SPAK. Funksionarë të administratës. Edhe aty krijon vakum të madh. Është me emra konkretë edhe për nivele të larta politike sepse janë dosje drejt fundit. Janë fraksione të dosjes që kanë nxjerë këto emra ose emra të rinj.

Do të ketë zhvillime gjatë mars- prillit. Zgjedhjet do të shkojnë në zgrib sepse këta janë pjesë e zgjedhjeve. SPAK me këto veprime po ndikon në zgjedhje dhe politikisht”,- tha Karamuço.

The post Ervin Karamuço bën deklaratën e fortë: Priten arrestime të tjera nga SPAK ndaj funksionarëve të lartë, dosjet janë… appeared first on Albeu.com.

Berisha tha se hetimet kanë zbuluar një seri kompanish që përfitonin fonde shtetërore, ndërsa theksoi se në kasafortë janë gjetur shuma të mëdha parash.

“Vetëm në kasafortë janë gjetur 95 mijë euro dhe një sasi e madhe lekësh. Hetimet kanë treguar një seri kompanish që përfitonin fonde shtetërore. Faturat doganore që kam publikuar faktojnë shifrën e bërë publike nga prokuroria”, deklaroi Berisha.

Ai shtoi se një nga çështjet më të rënda në këtë dosje, është financimi i Xoxës dhe familjarëve të saj me para publike.

“Se cila është shuma që Ajola Xoxa ka disponuar, mund të them se vetëm në kasafortë janë gjetur 95 mijë euro dhe një sasi e madhe lekësh. Së dyti, hetimet kanë treguar një seri kompanish që përfitonin fonde shtetërore. Faturat doganore unë i kam sjellë këtu dhe ato faktojnë shifrën e bërë publike nga prokuroria. Mendoj se aktet më të rënda, në atë dosje janë, financimi i Ajola Xoxës dhe familjarëve të saj nga burri i saj, nga paratë e taksapaguesve”, u shpreh Berisha.

The post E vërteta për fustanet dhe bizhutë 800 mijë euro/ Berisha reagon pas deklaratës së Ajola Xoxës: Faturat doganore faktojnë shifrën e publikuar nga prokuroria appeared first on Albeu.com.

KLGJ e cilëson çdo përpjekje për të ndikuar te drejtësia si një kërcënim të drejtpërdrejtë për pavarësinë e sistemit gjyqësor, demokracinë dhe sundimin e ligjit.

“Këshilli në përmbushje të angazhimeve të tij ligjore, ju bën thirrje të gjithë aktorëve që të shmangin trysninë në formën e deklaratave, citimeve apo aludimeve që cënojnë gjyqtarët për shkak të ushtrimit të funksionit”, thuhet në deklaratë.

Duke theksuar rëndësinë e një sistemi të drejtësisë të pavarur, KLGJ nënvizon se çdo vendim gjyqësor, duhet të kundërshtohet vetëm përmes mjeteve ligjore dhe në instancat më të larta gjyqësore.

Sipas KLGJ-së, kjo është e vetmja rrugë për një shtet që synon anëtarësimin në Bashkimin Europian.

Reagimi i KLGJ:

Këshilli i Lartë Gjyqësor ka ndjekur me vëmendje zhvillimet e fundit në lidhje me deklaratat e bëra nga persona të veshur me pushtet, ekzekutiv apo politik si edhe media të caktuara, të cilat prekin figurën dhe dinjitetin e gjyqtarëve pranë gjykatave të posaçme për korrupsionin dhe krimin e organizuar. KLGJ mban qëndrimin se çdo përpjekje për të cënuar pavarësinë e gjyqësorit, nëpërmjet trysnisë apo presionit të çfarëdo lloji, përbën një kërcënim të drejtpërdrejtë ndaj pavarësisë, demokracisë dhe sundimit të ligjit.

Këshilli në përmbushje të angazhimeve të tij ligjore, ju bën thirrje të gjithë aktorëve që të shmangin trysninë në formën e deklaratave, citimeve apo aludimeve që cënojnë gjyqtarët për shkak të ushtrimit të funksionit.

Në një shtet të së drejtës, pavarësia e gjyqësorit është një ndër shtyllat themelore për garantimin e drejtësisë dhe mbrojtjen e të drejtave dhe lirive të qytetarëve. Gjyqtarët duhet të jenë të lirë nga çdo lloj forme që ndërhyn në vendimmarrje, në mënyrë që të ushtrojnë detyrën në përputhje me Kushtetutën dhe ligjet në fuqi.

Këshilli thekson se në një shtet që është duke përmbushur kriteret e anëtarësimit në BE, mënyra e vetme e kundërshtimit të një vendimmarrjeje gjyqësore duhet të jetë përmes ushtrimit të mjeteve ligjore, duke u ankuar në një gjykatë më të lartë.

The post Arrestimi i Veliajt/ KLGJ reagon pas deklaratave të Ramës: Kërcënim i drejtpërdrejtë ndaj pavarësisë së gjyqësorit appeared first on Albeu.com.