Referuar një postimi ditën e djeshme ku kërkonte që reforma territoriale dhe zgjatja e komisioneve të vettingut të mos përdoreshin si “tregti kuajsh” mes PD-PS, Lulzim Basha në fillim të mbledhjes i është drejtuar direkt Oerd Bylykbashit, duke e pyetur nëse ka ndonjë ofertë për mandatet e organeve të reja të drejtësisë dhe nëse është në dijeni që dikush brenda partisë ka marrë një propozim nga socialistët për shkëmbim.

Oerd Bylykbashi u përgjigj duke i thënë liderit të PD-së se nëse një gjë e tillë ndodh “është një thikë pas shpine për demokratët”. Në debat është përfshirë edhe Flamur Noka. Akuzat nga një pjesë e bazës demokrate, kryedemokrati i cilësoi ordinere. “Qeverisja 8 vjeçare e PD ka pasur pjesën e vet të mirë dhe ka pasur edhe llumin” tha Basha më tej.

Diskutimet në mbledhjen e Kryesisë së grupit të PD-së

Lulzim Basha: Oerd ke ti ofertë për çështjen e vetingut?

Oerd Bylykbashi: Ato lloj insinuatash tërhiqi kryetar. Unë po përsërisja një qëndrim që ta kam thënë në grup parlamentar, para dy javësh. Unë e kisha për Ramën atë postim. Qëndrimi im është në parim. Duhet të ishte këtu kryetari i grupit i ngarkuar për vetingun i cili më ka kontaktuar mua ditën e enjte dhe i kam thënë kujdes se nuk është interesi ynë. Rama e di shumë mirë çfarë do, se e thotë në publik. Unë ka thënë Rama ofron pazar, nuk kam thënë që ka marrëveshje PD. Unë ta kam thënë në grup, ne na duhet sistemi zgjedhor, reforma zgjedhore, reforma territoriale dhe pastaj vetingu. Unë e kam thënë publikisht, ne na duhet një strategji për të gjitha reformat. Bateritë e partisë u turren ndaj meje, është një reagim i ulët nga partia Demokratike ndaj meje.

Lulzim Basha: A di ti Oerd nëse dikush në parti ka marrë një propozim; më jep vetingun të të jap reformën territoriale?

Oerd Bylykbashi: Nëse ndodh kryetar, është një thikë pas shpine për demokratët. Është pazar i ofruar publikisht.

Flamur Noka: Po t’i referohemi demokracisë gjermane, dha dorëheqjen ai në Gjermani. Po ti referohemi demokracisë gjermane, ti duhet të kishe dhënë dorëheqjen dhe të kishe ikur.

Lulzim Basha: Dëgjoj akuza ordinere që po i bëj presione bazës. Qeverisja 8 vjeçare e PD ka pasur pjesën e vet të mirë dhe ka pasur edhe llumin.

Flamur Noka: Na thuaj cilin ke prioritet, sistemin, reformën zgjedhore apo territoriale?

Lulzim Basha: Prioriteti im është vetëm një; Largimi një orë e më parë i qeverisë Rama. Unë u kam ngarkuar detyra lidershipit të partisë për secilën reformë.

Oerd Bylykbashi: Aq sa kam thënë, nuk ndryshon. Po të them këtë gjë, po e pranove do dëmtosh demokratët. Nëse për vetingun merr sistemin zgjedhor, mua më ke nga pas.

Lulzim Basha: Refuzoni cdo ide se na qenka ofruar pazar i ndarjes territoriale për vetingun se është një dëm që i bëhet demokratëve.

Oerd Bylykbashi: Po ndodhi kjo dëmtohen demokratët. Qëllimi im është që të frenoj Edi Ramën, që mos të vazhdojë këtë histori./ Abcnews.al

The post Ti, Oerd ke ofertë? Basha debat me Bylykbashin dhe Nokën: PD ka pjesën e mirë, por edhe llum appeared first on Albeu.com.

Për Berishën, Basha tashmë ka shpallur non-grata edhe bazën e partisë apo anëtarësinë.

“Miq, ish kryetari sot shpalli non-grata bazen e partise! Sb”, shkroi Sali Berisha.

Gjatë debatit me Nokën, Basha theksoi se nuk do të mblidhet asnjë Kryesi apo Kuvend pasi s’mund të ketë grupime antiamerikane.

Nga ana tjetër zyra e PD sqaroi se Basha nuk e ka etiketuar anëtarësinë si antiamerikane në asnjë moment, dhe sipas PD, këto janë shpifje që bëhen me qëllimin e vetëm për të prishur imazhin e partisë./albeu.com

The post Debati Basha-Noka, reagon Berisha: Ish-kryetari shpalli non-grata demokratët dhe bazën e partisë appeared first on Albeu.com.

Sipas zyrës së selisë blu, po trillohet se Basha ka etiketuar anëtarësinë si antiamerikane, por kjo vjen nga ata që keqpërdorin gjithçka për interesa personale dhe nuk e kuptojnë rëndësinë e marrëdhënieve PD-SHBA.

Më tej, PD citon Bashën se ka thënë që SHBA janë aleat i PD dhe askush nuk e cënon aleancën mes tyre.

Deklarate e Partise Demokratike:

Në lidhje me spekulimet që qarkullojnë mbi mbledhjen e sotme të Kryesisë së Grupit Parlamentar të PD-së, Partia Demokratike deklaron:

Kryetari i Partisë Demokratike në asnjë moment nuk e ka etiketuar anëtarësinë, që është shpirti i PD-së, si antiamerikane. Ky është një trillim i qëllimshëm nga ata që prej kohësh keqpërdorin gjithçka për interesa personale.

Basha ka thënë se Shtetet e Bashkuara të Amerikës kanë qenë, janë dhe do të jenë aleati i Partisë Demokratike për një Shqipëri të zhvilluar dhe demokratike dhe askush nuk mund ta cënojë aleancën dhe partneritetin mes Partisë Demokratike dhe SHBA-ve./albeu.com

The post Debati Basha-Noka, reagon PD: Mjaft gënjyet, nuk e etiketuam Berishën dhe antarësinë si anti-amerikanë appeared first on Albeu.com.