Dani Ceballos Archives - Albeu.com

Dëmtohet lojtari i Real Madrid, rrezikon Kupën e Botës

admin — Wed, 05 Oct 2022 19:00:34 +0000

Dani Ceballos rrezikon seriozisht të humbasë Botërorin në Katër.

Mesfushori i Real Madrid u zëvendësua të dielën e kaluar në ndeshjen ndaj Osasunës për shkak të një problemi fizik.

Sot lojtari iu nënshtrua testeve të para fizike dhe sipas asaj që raportohet nga “Cadena Cope”, testet raportuan një dëmtim në muskulin gjysmë tendinoz.

Testet e mëtejshme do të kryhen nesër për të përcaktuar shkallën e saktë të dëmtimit, ku lojtari rrezikon të qëndrojë jashtë të paktën deri në dhjetor./ h.ll/albeu.com

The post Dëmtohet lojtari i Real Madrid, rrezikon Kupën e Botës appeared first on Albeu.com.

Dani Ceballos: Carlo Ancelotti më ka kërkuar falje, një trajner i jashtëzakonshëm

admin — Wed, 29 Jun 2022 10:16:44 +0000

Duke pasur vështirësi për minutat e luajtura nën drejtimin e trajnerit Carlo Ancelotti, mesfushori i Real Madridit, Dani Ceballos ka thënë se do të flasë me italianin përpara se të vendosë për të ardhmen e tij.

Ylli spanjoll, i cili më parë kishte kaluar kohë në huazim në klubin e Premier League, Arsenal, zbuloi se Ancelotti madje i kërkoi falje për mungesën e kohës së luajtur.

“Kur të fillojmë parasezonin më 8 korrik, do të shohim. Do të flas me trajnerin për të parë se çfarë dëshiron dhe prej andej do të vendosim të ardhmen”.

Lidhur me paraqitjet e tij sezonin e kaluar, lojtari zbuloi se Ancelotti kishte kërkuar falje për minutat e pakta.

“Trajneri më tha ta falja sepse nuk kisha luajtur minutat që duhej të luaja dhe kjo është për meritën e tij”, tha Ceballos.

Ceballos luajti vetëm 338 minuta në 18 ndeshje gjatë gjithë sezonit, megjithëse rëndësia e tij për ekipin u rrit në fund të sezonit 2021/22. Në prill, ishte vetë Ancelotti ai që pranoi në një konferencë për shtyp se Ceballos nuk iu dhanë shanset që meritonte.

“Ceballos nuk ka luajtur minutat që meritonte bazuar në seancat e tij stërvitore”, tha Ancelotti gjatë një konference për shtyp.

“Ai është një nga të paktët që ka luajtur më pak se sa e meriton. Ai ka vuajtur shumë, një sezon me probleme, me dëmtim dhe një rikuperim mjaft të ngadaltë”./ h.ll/albeu.com

The post Dani Ceballos: Carlo Ancelotti më ka kërkuar falje, një trajner i jashtëzakonshëm appeared first on Albeu.com.

Roma kërkon përforcime, synohet mesfushori i Real Madrid

admin — Mon, 01 Nov 2021 08:58:55 +0000

Mourinho dhe Roma kanë “ngecur” në kampionat mbrëmjen e djeshme ndaj Milanit. Kryeqytetasit u mposhtën me rezultatin 0-2 me golat e Ibrahimoviç dhe Keissie.

Tekniku portugez është duke nisur të “piketojë” lojtar të ndryshëm për të cilët ai mendon se do të ndihmonin në fushën e lojës.

Bëhet fjalë për Dani Ceballos, mesfushorin 25-vjeçar të Real Madrid. Spanjolli nuk ka hapsira në formacionin titullar të Ancelottit kështu që kjo gjë e bën largimin e tij dhe më konkret.

Për Ceballos janë të interesuar dhe Betis me Sevilla-n , të cilët kanë kohë që e vëzhgojnë lojtarin.

Mourinho i ka bërë të ditur klubit se e do spanjollin që në merkaton e janarit./H.LL/albeu.com

The post Roma kërkon përforcime, synohet mesfushori i Real Madrid appeared first on Albeu.com.

Dani Ceballos largohet nga Arsenali, kjo është letra e lamtumirës

E S — Tue, 25 May 2021 08:11:38 +0000

Mesfushori Dani Ceballos ka dërguar letër lamtumirë për mbështetësit e Arsenalit, pasi i skadoi huazimi.

Spanjolli kaloi dy vite huazim te “Topçinjtë”, por tani do rikthehet te Real Madrid, ngase Arsenal vendosi të mos negociojë me klubin spanjoll për blerjen përfundimtare.

Ceballos i ndihmoi Arsenalit të fitojë FA Cup në sezonin e parë, mirëpo nuk mjaftoi që klubi londinez ta kompletojë transferimin e spanjollit.

“Faleminderit Arsenal dhe faleminderit për të gjithë Topçinjtë. Që më mirëpritet me shumë dashuri nga dita e parë kur vesha këtë fanellë. Që më lejuat të kem ndjesinë si Topçinj dhe të jem pjesë e familjes tuaj”.

“Vit i komplikuar për shumë arsye, erdhi drejt fundit. Sidomos duke humbur shansin të zhvillojmë ndeshjet në shtëpi në “Emirates” me mbështetësit tanë”.

“Iu sigurojë që asnjëherë nuk do harrojë mbështetjen në çdo moment. Jam i sigurt se Arsenal se shpejti do rikthehet në majë, të fitojë kampionatin dhe të referohet si klub që ka qenë gjithmonë”.

“Faleminderit për të gjithë njerëzit që ishin pjesë e skuadrës, trajnerët, stafi, komunikuesit, punëtoret, menaxherit e sidomos mbështetësit”.

“Dua ta dini se gjithmonë kam punuar shumë fort dhe kam bërë më të mirën për këtë fanellë”.

“Iu uroj më të mirën dhe shumë sukses. Vazhdojmë Topçinj. Lamtumirë. Faleminderit për të gjithë”, shkroi ai.

Ndërkohë, Reali është duke provuar ta shesë Ceballosin.

The post Dani Ceballos largohet nga Arsenali, kjo është letra e lamtumirës appeared first on Albeu.com.