Policia e Shtetit i tha Skyweb.al se gjatë tre muajve të parë të këtij viti janë evidentuar 104 rastë në të gjithë territorin e vendit me 184 autorë, nga të cilët 55 janë arrestuar dhe 129 të tjerë janë ndjekur në gjendje të lirë.

Shumica e tyre janë pikërisht si personazhi ynë, i cili herë pas here vendos baste sportive nëpërmjet celularit të tij për persona të tjerë, ndërsa “userin” si “menaxher” thotë se e ka marrë në një lokal në një zonë tepër të frekuentuar të Tiranës, i cili vetë ushtron aktivitet thuajse hapur, pa u trembur nga forcat e rendit.

Bastet sportive, paligjshmëria e ligjëruar në çdo rrugë dhe cep pallati 

Vendosja e basteve sportive është një veprim ende i ndaluar në Shqipëri, megjithatë për momentin siç konstaton Skyweb.al është një ndër “sportet” më të përhapura teksa shihet nga mjaft individë si një mundësi për të siguruar disa të ardhura duke rrezikuar ndërkohë që të arrestohen.

Ushtrimi i aktivitetit online ka bërë që bastet të kapilarizohen në mënyrë të tejshkajshme duke përfshirë dhe persona që në jetën e tyre nuk kanë patur kurrë probleme me ligjin.

Redaksia ka investiguar disa muaj në këtë sektor duke zbuluar të dhëna shqetësuese për numrin e personave të implikuar; sasinë kolosale të parave që qarkullohet në të zezë; nxitjen e aktiviteteve kriminale për shkak të luftës mes grupeve në terren; ekspozimin e një numri të madh personash si shkelës të ligjit si edhe dëmet e mëdha sociale dhe ekonomike që u shkaktohet familjeve shqiptare, shmangia e të cilave ishte edhe argumenti kryesor kur ato u mbyllën në 1 janar të vitit 2019. Qeveria vendosi t’i rihapë në shkurt 2024, por tregu mbetet ende peng i interesave të nëntokës që lëviz shuma të mëdha parash në ilegalitet.

“Unë bëj punë të tjera, por kam dhe userin dhe kush kërkon të vendosë skedina ua vendos. Nëse do fokusohem këtu mund të nxjerr disa të ardhura të mira, por nuk është ky aktiviteti që dua të bëj”, shprehet Eraldi për Skyweb.al duke shtuar se “Kudo gjen lokale dhe njerëz që kanë usera për të vendosur skedina”.

Madje, një burim tjetër, i familjarizuar me këtë sektor i tha redaksisë se vitet e fundit “në lojë” janë futur edhe vajzat, të cilat kanë po ashtu “usera” personal ose edhe si “menaxher”, nëpërmjet të cilit i jep akses personave të tjerë si “user individual”.

Treshja që organizon lojën nuk ka ndryshuar 

I njëjti burim shpjegoi së tregu i basteve sportive në të zezë funksionon në tre fasha, në formën e një piramide ku në majë është “kompania që bën lojën”, më poshtë “bosat e qyteteve” dhe lokalet ose invididët që në rastin konkret ofrojnë lojtarët, pra ata që venë bastet.

Asnjë fashë nuk mund të ekzistojë pa tjetrën, ndërsa Skyweb.al mëson se ky aktivitet nuk mund të përhapej kaq shumë pa mbrojtjen nga përfaqësues të forcave të rendit në zonat respektive.

“Në krye të piramidës është kompania që bën lojën, e cila vendos koeficientët dhe ngre e menaxhon platformën, nëpërmjet së cilës bëhen dhe llogaritë se sa para i takojnë aktorëve të tregut në fund të periudhës përkatëse, që zakonisht është një muaj”.

Skyweb.al mëson se në fakt, asgjë nuk ka ndryshuar në këtë treg nga momenti kur u mbyllen bastet sportive.

Ata që ishin të ligjshëm kaluan “në të zezë” dhe tashmë kanë pozita edhe më të forta në treg.

Mësohet se bëhet fjalë për tre kompani “që bëjnë lojën”, të cilat më pas ua shesin platformat e menaxhimit “bosave të qyteteve” duke marrë prej tyre një pagesë 5 deri 10% të xhiros mujore në varësi të marrëveshjes, për shërbimin e ofruar.

Burime bëjnë me dije se këto personazhe njihen botërisht, janë thuajse të njëjtët që kanë patur në dorë tregun e basteve sportive para se të mbylleshin, por ndërkohë që policia arreston “cironka” me usera bastesh, askush nuk guxon të prekë “ treshen” që “bëjnë lojën” apo as personat që redaksia mësoi se kontrollojnë, organizojnë dhe mbrojnë në në terren bastet sportive nëpërmjet pagesave nën dorë ndaj drejtuesve të caktuar të policisë.

Kush janë “bosat e qyteteve”?

Redaksia ka zgjedhur t’i quajë kështu për lehtësi të identifikimit në këtë shkrim, megjithatë këta mësohet se keta janë personazhet që marrin përsipër një zonë të caktuar, i cili mund të jetë rajon, një qytet, një rreth, një qark apo një lagje ose zonë siç ndodh në rastin e Tiranës, e cila ka një popullsi më të madhe.

Dyshohet se personazhet në fjalë janë kryesisht të lidhur me botën e krimit dhe me aktivitete të tjera të ligjshme apo të jashtëligjshme dhe kanë një prezencë të fortë në terren nëpërmjet lidhjeve me forcat e rendit, politikën dhe administratën.

Në raste të caktuara, personazhe të tillë janë edhe pjesë e krimit të organizuar duke orientuar shpesh edhe votën në terren në raste zgjedhjesh.

Qytetet ndahen sipas “kodit të mafias”

Siç mëson Skyweb.al, e gjithë Shqipëria është e ndarë në territor mes personazheve në fjalë dhe ka një “deal” që askush të mos hyjë me struktura në territorin e tjetrit. Kjo marrëveshje ruajtur deri më tani një llojë paqeje mes tyre, kur rrallë herë ndodh që të ketë konflikte të mëdha për këtë çështje.

Burime bëjnë me dije se janë pikërisht “bosat e qyteteve” që nëpërmjet kompanive të tyre investojnë në ngritjen e infrastrukturës nëpërmjet rekrutimit të personazheve me influencë nëpër qytete dhe lagje, të cilët kanë në pronësi hapësira lokalesh apo hapin lokale për të ushtruar aktivitetin e basteve sportive, ndërkohë që në dukje kanë thjesht aktivitet si një bar normal.

Sipas marrëveshjes, kompania e “bosave të qyteteve” mund të investojë edhe në arredimin e barit dhe pronari i barit merr rolin e “menaxherit” mëpërmjet hapjes së një useri në platformë, i cili menaxhon usera të tjerë individual, të cilët janë thjesht lojtarë bastesh. Këta të fundit kanë kontakt vetëm me “menaxherin” në rastet kur duan kredit në “userin e tyre”apo kur fitojnë dhe marrin paratë e fituata.

Ndërkohë, në varësi të marrëveshjes, “menaxheri”, pra pronari i bari-it, bën shlyerjet një herë në dy javë ose një herë në muaj me kompaninë e “bosit të qytetit” .

Si funksionon skema e basteve

Redaksia mësoi se personi që hap lokalin merr 4% të biletës për baste teke dhe 8% për biletë me më shumë se një ndeshje të vendosur. Po ashtu, kur bëhen likuidimet mujore ose dyjavore, ai merr nga “bosat e qytetit” një pagesë prej 20-30% të fitimit pas rakordimeve. 

Por “menaxherë bastesh” nuk janë vetëm ata që kanë lokale. Siç mëson Skyweb.al ka një numër të madh personash që kanë user “menaxheri”, që nuk kanë lokale në dispozicion, por thjesht kanë një rreth të gjerë njerëzish, me të cilët punojnë. I tillë është personazhi ynë, Eraldi.

Keta individë mund të hapin vetë “usera” dhe të luajnë rolin e lokalit.

Gjatë vitit të fundit, në Tiranë dhe qytete kryesore janë hapur mjaft lokale me logo të dukshme dhe të njohura për vendosje bastesh. Gazetarja Ola Xama referoi rastin e lokaleve me logot “333” dhe “CR7” disa ditë më parë për këtë çështje. Ky treg nuk do vëmendje dhe zhurmë. Disa ditë më vonë tabelat u hoqën, por dyshohet se aktiviteti vijon.

Skyweb.al mëson se e gjithë skema e mësipërme, në rastet kur është e organizuar nga “bosat e qyteteve” funksionon nën tolerimin ose edhe mbrojtjen e forcave të rendit, shërbim i cili dyshohet se shpërblehet me një pagesë mujore.

Atëhere, kush po arrestohet ditë për ditë për baste të paligjshme nëse disa “shefa policie janë në tavë?”

Këtu nis “problemi” i Eraldit dhe personazheve të tjerë si ai. Skyweb.al mëson se ndryshe nga personat që kanë lokal, të tjerë që ushtrojnë këtë aktivitet në mënyrë të pavarur, nuk janë “nën mbrojtjen e policisë”.  

“Këta janë pikërisht ata që mbushin kronikat apo lajmet e portaleve si të arrestuar për vendosje të basteve të paligjshme, pasi të tjerët me lokale nuk arrestohen. Ka raste edhe kur goditen me kast persona që futen, si të themi, pa leje në zonat përkatëse”. 

Redaksia mëson se në Tiranë dhe rrethe gjendet një numër shumë i madh personash që kanë usera si “menaxherë” dhe vendosin baste në mënyrë të pavarur nga “bosat e qyteteve”, të cilët ndryshe nga lokalet, nuk kanë luksin të njoftohen në raste operacionesh policore duke u bërë viktima të paligjshmërisë së tyre për pak qindarka.

Ministria e Financave bën të paditurën, bastet e paligjshme lulëzojnë kudo 

Qeveria shqiptare vendosi rihapjen e basteve dhe ligjërimin e tyre, ndërsa Skyweb.al mëson se procesi ka ngecur prej gati një viti. Ministria e Financave i tha Skyweb.al pas një kërkese për informacion se “rihapja e basteve sportive do të bëhet pasi të jenë gati aktet nënligjore”.

Bëhet fjalë për udhëzimet që rrjedhin pas ndryshimeve ligjore të miratuara vjet me qëllim rihapjen e lojërave të fatit.

Një burim pranë Komisionit të Licencave i tha redaksisë se ata i kishin “kaluar nëpër duar aktet nënligjore për lojërat e fatit që në verën e vitit të shkuar dhe se pretendimi që nuk janë gati nuk duket shumë pranë realitetit”.

Përgjegjës për hartimin e akteve nënligjore janë pikërisht Ministria e Financave dhe institucionet në varësi dhe zgjatja e këtij procesi duket se rrjedh prej një mungese vullneti për të ligjëruar lojërat e fatit.

Kush është i interesuar për të “zezën”?

Redaksia mëson se ka një rezistencë nga vetë aktorët kryesorë të lojërave të fatit që pretendojnë për të marrë licenca për ligjërimin e tregut.

“Duke qenë të pasigurt se kush mund të marrë licencë dhe kush jo, qasja është që të ruhet kjo status quo, në të zezë”, i tha një burim redaksisë duke shtuar se edhe vetë aktorët kryesorë të këtij tregu janë të interesuar për ligjërimin, pasi nëse do të paguanin taksa do t’u dilte më mirë se sa tani që paguajnë rryshfet për të mbrojtur zonat e tyre nga të tjerët si edhe veprimi i forcave të rendit.

“Torta” e lojërave të fatit është tepër e madhe dhe lufta po zhvillohet nëntokë tashmë me aktorë lokalë dhe ndërkombëtare që duan të këpusin copa të kësaj torte, e cila sipas vlerësimeve pararapake mendohet të qarkullojë gati 2 miliard euro.

Zgjerimi masiv i basteve në Shqipëri dëshmon jo vetëm dështimin e ndalimit formal, por edhe funksionimin e një ekonomie të errët, të mbrojtur nga lidhje të fuqishme politike dhe në polici. Ndërsa shteti premton legalizim të rregulluar, realiteti në terren tregon se bastet nuk kanë reshtur kurrë. /skyweb.al 

*Emri është i ndryshuar për arsye sigurie 

The post INVESTIGIMI/ Bastet pushtojnë qytetet: Kush organizon tregun e miliardave, roli i policisë, “peshkaqenët” dhe “cironkat” appeared first on Albeu.com.

Portugezi 39-vjeçar vazhdon të tregojë formë të shkëlqyer këtë sezon, duke shënuar 16 gola në 19 ndeshje për Al-Nassr. Megjithatë, skuadra saudite, e drejtuar nga ish-trajneri i AC Milan, Stefano Pioli, po kalon një sezon të vështirë dhe ndodhet në vendin e katërt në tabelën e SPL, 11 pikë larg liderëve të Al-Ittihad, pjesë e të cilit është edhe shqiptari Mario Mitaj.

Ronaldo ka ndarë momente nga pushimet në rrjetet sociale. Në një prej postimeve, ai shfaqet në borë e temperatura -20 gradë celius dhe vetëm me pantallona të shkurtra, duke demonstruar fizikun e tij mbresëlënës dhe duke uruar fansat: “Gëzuar Krishtlindjet të gjithëve.”

Bashkë me partneren e tij, Georgina Rodriguez, dhe fëmijët e tyre, Ronaldo vizitoi Shtëpinë e Babagjyshit të Vitit të Ri dhe mori pjesë në aktivitete dimërore si udhëtimi me motor ski. Megjithatë, si futbollist profesionist, ai nuk mundi të marrë pjesë në sporte ekstreme si skijimi, që zakonisht ndalohen nga kontratat për të shmangur lëndimet.

Ndryshe nga jeta në Rijad, ku temperaturat në dhjetor janë rreth 17 gradë Celsius, Laplanda ofron një përvojë të ftohtë me temperatura që arrijnë deri në -30 gradë.

Ronaldo do të kthehet në fushë më 9 janar, kur Al-Nassr përballet me Al-Okhdood në SPL.

The post Ronaldo nuk i trembet të ftohtit, zhvishet në temperatura -20 gradë celsius appeared first on Albeu.com.

24 të nominuarit e tjerë luajtën vitin e kaluar për klube në Angli, Gjermani, Spanjë dhe Francë, ndërsa Kylian Mbappé ishte i vetmi francez pasi kaloi sezonin e kaluar te Paris Saint-Germain. Nuk u përzgjodh asnjë lojtar nga asnjë klub italian, as nga ndonjë klub në Amerikën e Jugut apo Afrikë.

Tetë lojtarë të Real Madridit, duke përfshirë Mbappé, Vinícius Júnior dhe Jude Bellingham, janë në listën e ngushtë, plus shtatë nga Manchester City duke përfshirë fituesin e Topit të Artë, Rodri, Kevin De Bruyne dhe Erling Haaland.

I pranishëmë shtë edhe Yamine Lamal, i​ cili ishte ylli i ri i titullit kampion evropian të Spanjës. Messi, në Major League Soccer me Inter Miami, dhe Ronaldo, në Arabinë Saudite me Al-Nassr, do të mësojnë më 9 dhjetor nëse janë në formacionin Botëror.

Fifpro tha se skuadra përfundimtare do të përfshijë portierin me vlerësimin më të lartë, plus secilin nga tre lojtarët më të vlerësuar në të gjithë mbrojtësit, mesfushorët dhe sulmuesit. Sindikata me bazë në Holandë tha se 28,000 lojtarë nga 70 vende kanë dorëzuar votat e tyre.

The post Top 11 Fifpro: Messi dhe CR7, kandidatët e vetëm që nuk luajnë në Evropë appeared first on Albeu.com.

Por veprimi i fundit nga Xhorxhina ka habitur jo pak. Ajo ka shpërndarë në rrjetin social “Instagram” foto nga Maldivet, ndërsa prezanton hiret joshëse.

Ajo që vihet re është se CR7 nuk ndodhet pranë saj. Ata zakonisht postojnë në shoqërinë e njëri-tjetrit, por kësaj radhe ka ndodhur ndryshe.

The post Modelja “harron” Kristiano Ronaldon, Xhorxhina arratiset në Maldive appeared first on Albeu.com.

“SunSport” ka bërë një pasqyrim të dhuratave të Krishtlindjeve që shpërndahen nga bosët e ligës saudite për të falënderuar lojtarët që u afruan në futbollin arab.

Një specialist i mallrave luksoze që merret me shtresat e larta në Lindjen e Mesme, i cili foli në kushte anonimiteti, ka zbuluar se çfarë mund të jetë nën pemët e Krishtlindjeve të Ronaldos dhe Benzemas.

CR7 do të ketë nevojë për më shumë hapësirë ​​në rezidencën e tij, pasi tabloidi anglez ka zbuluar se disa nga ekipet më të mira në Ligën Pro Saudite do të shpërndajnë nFerrari SF90 Spider, Bugati dhe Lamborxhini.bug

Ka pasur gjithashtu porosi për ora ultra luks nga kompani të nivelit të lartë, “Jacob” dhe “C Bugatti Chiron”, të cilat shiten me pakicë me një çmim 300,000 £ dhe modelet “Chopard L.U.C Lunar” që shiten për rreth 53,000 £, mund të jenë në disa nga “çorapet” e pemës së Krishtlindjeve të yjeve të futbollit saudit.

“Ne kemi yje të nivelit të lartë, dhe ata meritojnë gjëra të rralla, dhe ne duam t’u tregojmë atyre se ata trajtohen si unikë, sepse ata janë unikë”, tha burimi për “SunSport”.

Pati gjithashtu një porosi masive për çanta luksoze nga “Yves Saint Lauren” dhe “Globe-Trotter”, që shitet me pakicë me një çmim prej 5,500 £.

“Krishtlindja do të jetë shumë e mirë për disa nga lojtarët dhe anëtarët e stafit”, shtoi ai duke buzëqeshur.

Ndërsa Liga Pro Saudite vazhdon të rritet dhe të blejë më shumë superyjeve, veçanërisht në merkton e dimri. Drejtuesit e Ligës janë të prirur të mos shesin, por t’i mbanin të gjithë.

Një tjetër blerës personal, i specializuar për të punuar me biznesmenë dhe VIP-a me fuqi të lartë, pohoi se atij iu dha një buxhet prej 3.1 milion £ për të siguruar që të gjithë të kenë një pranverë shtesë në hapat e tyre këtë Krishtlindje.

Do të shpërndahen paketa pushimi në Paris, të cilat përfshijnë qëndrime në suitat presidenciale të një prej hoteleve më ekskluzive të kryeqytetit francez dhe Londrën, si dhe udhëtime me diell në një ishull privat në Maldive.

“Për disa paketa pushimesh për qëndrime në Paris, për shembull, ku njëra është një pushim njëjavor në një nga suitat presidenciale të Paris Four Seasons Hotel George V, që kushton rreth 15,000 £ në natë.

“Një paketë tjetër është pesë netë në Hotel Le Bristol, gjithashtu në Paris, në një nga suitat e quajtur Suite Prestige Elysee, e cila kushton rreth 6600 £ nata,” tha burimi.

“Ne gjithashtu u morëm atyre paketa për pushime luksoze në Maldive, në “Kudadoo Maldives Private Island”, ku çdo natë kushton rreth 5,500 £, dhe gjithashtu një paketë shumë të bukur pushimesh luksoze gjatë javës në Londër në suitat “The Ritz in Deluxe”.

“Një nga paketat e porositura është për Monakon dhe përfshin pesë netë në “Diamond Suite vue sur Mer” në Hotel Hermitage Monte Carlo.

“Për Monakon, ne gjithashtu morëm disa paketa të këndshme për marrjen me qira të jahteve që kushtojnë rreth 4,000 dollarë në ditë. Janë disa paketa shumë të bukura që po jepen.”

The post Yjet e futbollit saudit marrin dhurata luksoze për Krishtlindje, duke filluar nga makina Bugatti e deri në udhëtime private në ishull appeared first on Albeu.com.

Futbolli europian i mungon. Golashënuesi më i mirë në histori dëshiron të rikthehet në La Liga, aty ku kaloi vitet më të bukura të karrierës me Real Madrid, duke fituar gjithçka në “Santiago Bernabeu”.

Në skenë ka dalë sërish Atletico Madrid, por Diego Simeone nuk beson te një mundësi e tillë. Edhe pse e vlerëson jashtëzakonisht shumë, tekniku argjentinas nuk beson tek afrimi i CR7 në skuadrën e tij.

Në një prononcim për Cadena Ser, Cholo Simeone deklaroi: “Cristiano Ronaldo, kurrë nuk do të jetë në gjendje të luajë për Atletico Madrid“, duke iu referuar lidhjes së veçantë që ka me tifozët e Realit.

Trajneri colchoneros, i cili ka fituar si futbollist dhe trajner me Atleticon, vazhdon: “E njëjta gjë edhe për mua. Nuk mund ta drejtoj kurrë Realin e Madridit“.

The post Simeone i prerë: CR7 tek Atletico? Harrojeni! As unë kurrë te Reali! appeared first on Albeu.com.

“Të jesh këtu është e mrekullueshme, sigurisht. Është një nder. Mezi pres të filloj dhe t’i bëj njerëzit dhe veten time më të lumtur. Shumë i lumtur që jam këtu.

Gjëja më e rëndësishme është e tashmja. Dua të kënaqem dhe të fitoj me klubin. Unë jam këtu për të qenë pjesë e një brezi të ri.

Kjo ligë ka një potencial të madh. Këtu ka lojtarë të mëdhenj. Është një kampionat shumë, shumë, shumë i fortë dhe shumë konkurrues. Kjo është arsyeja pse unë jam këtu”, tha sulmuesi i Al-Nasr në një intervistën me zyrën e shtypit të klubit. /G.D albeu.com/

The post CR7 tregon pse erdhi në kampionatin e Arabisë Saudite appeared first on Albeu.com.

“Sipas informacionit që kam marrë, Cristiano Ronaldo do të shkojë në Arabinë Saudite”, tha kreu i shtetit, duke folur në qytetin e Erzurumit.

Portugezi 37-vjeçar u raportua se ishte në bisedime me Al-Nasr. /G.D albeu.com/

The post Erdogan merr vesh dhe nga futbolli, parashikon se ku do të luajë CR7 appeared first on Albeu.com.

Çfarë mendoni për rënien e diskutueshme të karrierës së Ronaldos?

“Është faji i tij. Duke marrë parasysh se çfarë ka arritur në karrierën e tij, kjo nuk i bën merita.

Niveli i tij si lojtar nuk diskutohet, por në moment ka vepruar me arrogancë. Ai shkoi dhe iu ofrua skuadrave të tjera, duke mos gjetur askënd që do të besonte tek ai. Për ekipin është bërë pak barrë”, tha ish-trajneri i Real Madrid dhe Milan. /G.D albeu.com/

The post “CR7 u soll me arrogancë, është bërë barrë për skuadrën” appeared first on Albeu.com.

2022 doli të ishte një vit i vështirë për Cristiano. Ai u bë një lojtar zëvendësues te Manchester United, shënoi vetëm 3 gola për anglezët në 16 ndeshje që nga fillimi i sezonit, prishi kontratën me klubin dhe u largua nga çerekfinalet të Kupës së Botës me Portugalinë.

L’Equipe përfshinte Lionel Messi (PSG), Kliane Mbappe (PSG), Karim Benzema (Real Madrid), Kevin Du Bruyne (Man City), Casemiro (Man City), Luca Modric (Real Madrid), Theo Hernandez (Milan), Joshko Guardiola (RB Leipzig), Virgil van Dijk (Liverpool), Kyle Walker (Man City) dhe Thibault Courtois (Real Madrid). /G.D albeu.com/

The post Pa CR7, por me Messin, L’Equipe zbulon ekipin simbolik në fund të vitit (FOTO LAJM) appeared first on Albeu.com.