Bosi, i ndaluar në regjimin 41 bis në superburgun e L’Aquila, vuan nga tumori, prej ditës së arrestimit ndodhet nën kurim në burg, ku i është ngritur një dhomë kimioterapie.

“Duhet shtrimi në spital”, nënvizoi avokati i Denaros.

Javët e fundit Messina Denaro i ishte nënshtruar një operacioni të vogël për probleme urologjike, por u kthye në burg gjatë ditës.

Avokati: “Kemi nevojë për shtrim në spital”

“Tani Messina Denaro nuk ha më, ai gjithashtu ka vështirësi për të pirë, ka nevojë për shtrim urgjent në spital sepse i duhet të ushqehet”, tha avokati mbrojtës Alessandro Cerella.

“Situata e tij nuk është më e menaxhueshme nga struktura në të cilën ai është i burgosur nën regjimin 41bis”.

Bosi i Cosa Nostra, Matteo Messina Denaro, u arrestua në janar 2023, pas më shumë se 30 vite në kërkim.

Kush është Matteo Messina Denaro, i mbrojturi i Riinës i quajtur “Diabolik”?

Matteo Mesina Denaro, 60 vjeç, një nga të arratisurit më të rrezikshëm në botë, u identifikua dhe u arrestua në Palermo mëngjesin e të hënës, 16 janar. I njohur si “U siccu” (skilipeci), apo edhe “Diabolik”, Messina Denaro filloi ngjitjen e tij kriminale në vitin 1989 kur u denoncua për pjesëmarrje në organizatën mafioze në grindjen midis klaneve Accardo dhe Ingoglia të Partanës.

Vetëm 20 vjeç, ai u kthye në nxënësin e Totò Riina-s.

“Don Ciccio”, babai i tij në fakt, ishte kreu i mafies së Trapani-t, që e transformoi Cosa Nostra-n duke e shkëputur atë nga tradita feudale për ta katapultuar në botën e biznesit dhe Matteo ishte fëmija i katërt në gjashtë, i cili krenohej që vazhdoi karrierën e babait.

Për tridhjetë vjet ai arriti t’i shmangej kapjes. Komunikiminet i kryente në mënyrën më bazike nëpërmjet atyre që italisht quhen “Pizzi”, letra shumë të vogla të shkruara me dorë, me kode dhe pa indikacione komprometuese që transmetohen me korrierë (pizzini).

Denaro Messina ishte bërë me famë në verën e vitit 1993, kur në një letër që i kishte shkruar të dashurës së tij në atë kohë, Anxhelës, pas masakrave mafioze në Romë, Milano dhe Firenze, i tregonte se kishte filluar jetën e tij të re si “Primula Rossa” (aguliçe e kuqe).

“Do të dëgjoni për mua”,  i kishte shkruar, duke lënë të kuptohet se ishte i vetëdijshëm se, menjëherë pas kësaj, emri i tij do të lidhej me gjakderdhje të rënda, “do të më pikturojnë si djall, por të gjitha janë falsitet”.

U zhduk menjëherë pas kapjes së Totò Riina-s. Dhe ndërsa policia shkencore mori përsipër përditësimin e imazhit të tij duke e vizatuar në plakje, perandoria e tij miliardere u shpërbë dhe u kap pjesë-pjesë.

Kështu u çmontua zinxhiri i mbrojtjes dhe financimit. Kështu u shemb miti i një padrino që kishte fuqi të pafund, por jetonte si fantazmë, edhe nëse padukshmëria e tij nuk e pengoi të bëhej dy herë baba.

Për njërën nga vajzat dihet shumë: emri i saj, nëna e saj, zgjedhjet që e çuan atë të shkëputej nga hija e rëndë e një babai që ndoshta kurrë nuk e pa. Fëmijërinë dhe adoleshencën e kaloi në shtëpinë e gjyshes dhe më pas u largua së bashku me nënën e saj.

Për djalin tjetër dihet shumë pak dhe kryesisht nga përgjimet. Quhet Francesco, si patriarku i vjetër i dinastisë, dhe ka lindur midis 2004 dhe 2005 në provincën e Trapanit, midis Castelvetrano-s dhe Partanna-s, ku Matteo Messina Denaro ka ndërtuar fuqinë e tij ekonomike dhe kriminale.

I kujdesshëm për të menaxhuar arratinë e tij dhe për ta mbrojtur atë nëpërmjet një morie mbështetësish, Messina Denaro ka lënë nga vetja vetëm imazhin e një playboy të pamëshirshëm me Ray Bans, casual, elegant, i veshur me një këmishë firmato.

Gjithçka tjetër ka qenë legjendë si adhurues i Porsche-ve dhe Rolexe-ve prej ari, i dhënë pas femrave, një maniak i video lojërave, një konsumator i zjarrtë i revistave me vizatime. I njërit mbi të gjitha: Diabolik, nga i cili huazoi pseudonimin me të cilin e thërrisnin besnikët e tij.

Biografët e tij i kanë dhënë edhe një tjetër “U siccu”, dmth ku ka kokën uji, pra burim i pashtershëm i një lumi nëntokësor.

Padrino i Castelvetrano ai ka lëvizur gjithmonë mes egërsisë kriminale dhe pragmatizmit politik. Për këtë arsye ai konsiderohej trashëgimtari i Bernardo Provenzanos, por mbi të gjitha i babait të tij Don Ciccio-s, një tjetër bos i nomenklaturës tradicionale që vdiq si i arratisur në vitin 1998.

Kur patriarku i vjetër u zhduk, Matteo i ri kishte pesë vjet që kishte humbur gjurmët e tij, që në vitin 1993. Dhe që atëherë Diabolik kishte arritur gjithmonë t’i shpëtonte goditjeve.

Shumë besnik ndaj krahut të egër të Cosa Nostra-s, atij të Korleonezëve, ai do të kishte qenë i pranishëm në samitin e kërkuar nga Riina, në tetor 1991, në të cilin u vendos plani i vdekjes që kishte si objektiva gjyqtarët Falcone dhe Borsellino.

Të penduarit më pas thonë se ai ishte pjesë e komandos që duhej të eliminonte Falcone-n në Romë, aq sa ai mori pjesë në inspektimet e organizuara për sulmin.

Një shpërblim prej një milion e gjysmë euro ishte vendosur për të, por për ta lënë vetëm, hetuesit shtrydhën rrjetin mbështetës. Nuk u kursyen as familjarët e tij. Motra e tij Patrizia, vëllai i tij Salvatore, vjehrri i tij, një nip. Dhe shumë prej njerëzve të besuar, edhe të pa dyshimtë në pamje të parë, të cilët kanë pësuar sekuestrime të vazhdueshme të aseteve.

“Fantazma” e Messina Denaro-s u ndoq nga një numër i konsiderueshëm me urdhër-arreste dhe dënime të përjetshme për shoqërim me organizatë mafioze, vrasje, sulme, posedim dhe transport lëndësh shpërthyese.

Nëse dora e tij është njohur në aktet më të rënda kriminale të tridhjetë viteve të fundit, duke filluar me masakrat e vitit 1992 ku u vranë Giovanni Falcone dhe Paolo Borsellino, ka disa dyshime në aftësinë e tij reale për të rindërtuar, pas arrestimeve të Totò Riina dhe Bernardo Provenzano, strukturën unitare të Cosa Nostra-s, e prekur nga arrestimet dhe nga një proces copëzimi.

Një bos që e çoi Cosa Nostra-n në mijëvjeçarin e dytë, pa mundur megjithatë të shmangë të njëjtin fat si padrinot e vjetër.

Për hetuesit dhe forcat e policisë që e kërkonin prej kaq kohësh, ishte një sfidë për t’u kapërcyer, kurse për “popullin e Cosa Nostra-s” një lidhje me të kaluarën dhe me historinë.

Për Matteo Messina Denaro si refugjat jashtë vendit është folur shpesh: herë në Spanjë, herë tjetër në Shqipëri apo kushedi në cilin cep të tokës. Por të gjitha hetimet, në fund, riktheheshin gjithmonë në Siçili, në trekëndëshin midis Castelvetrano-s, Marsala-s dhe Trapani-t që ishte mbretëria e tij dhe babait të tij Francesco.

Krimet për të cilat akuzohet

Në vitin 1991 ai ishte përgjegjës për vrasjen e Nicola Consales, pronar i një hoteli në Triscina, i cili ishte ankuar për një punonjësen e tij austriake, cila ishte ama e dashura e bosit të mafias.

Në korrik 1992 ai ishte ndër autorët e vrasjes së Vincenzo Milazzo-s, kreut të bandës ciçiliane Alcamo.

Disa ditë më vonë ai mbyti Antonella Bonomo, gruan e Milazzo-s, tre muajshe shtatzënë. Të dy trupat u varrosën në fshatin Castellammare del Golfo.

Në vitin 1992 Riina e kishte dërguar në Romë për të organizuar vrasjen e Giovanni Falcone-s atje, përpara se ta kthente në Siçili.

Ndërkohë Messina Denaro ishte në gjurmët e Maurizio Costanzo-s, duke u infiltruar edhe në publikun e teatrit Parioli së bashku me mafiozin tjetër, Giuseppe Graviano. Një vit më vonë Costanzo mbeti i padëmtuar për mrekulli në shpërthimin që ndodhi në via Fauro, i cili duhej ta kishte vrarë atë së bashku me gruan dhe shoferin e tij.

Në vitin 1993, kur ai filloi fshehjen, kundër tij u lëshua një urdhër arresti për pjesëmarrje në organizatë mafioze, vrasje, masakër, shkatërrim, posedim dhe mbajtje të lëndëve shpërthyese, vjedhje dhe krime të tjera të lehta.

Në vitin 1993 ai qëndronte pas atentateve mafioze në Romë, Firenze dhe Milano.

Matteo Messina Denaro ishte ndër organizatorët e rrëmbimit të Giuseppe Di Matteo për të detyruar babanë, Santino, të tërhiqte deponimet e tij për masakrën e Capaci-t.

Pas 779 ditësh robëri, fëmija u mbyt dhe trupi u tret në acid.

Në vitin 1994 Messina Denaro organizoi një sulm me bombë kundër të penduarit Totuccio Contorno.

Në vitin 2000 në gjyqin maksimal Omega u dënua në mungesë me burgim të përjetshëm.

Më 21 tetor 2020 ai u dënua me burgim të përjetshëm nga Gjykata e Assizes e Caltanissetta-s si një nga nxitësit e masakrave të Capaci-t dhe rrugës D’Amelio në të cilën u vranë gjyqtarët Falcone dhe Borsellino dhe shoqëruesit e tyre./Albeu.com.

The post Autor i dhjetëra vrasjeve, bosi i Cosa Nostras në gjendje të rëndë, avokati: Burgu nuk i ofron dot kujdes shëndetësor appeared first on Albeu.com.

Siç u zbulua, Rosalia Messina Denaro ishte një nga ndërmjetësuesit kryesorë që lejoi vëllain e saj të qëndronte në kontakt të vazhdueshëm me të gjithë aparatin mafioz gjatë gjyqit të tij të gjatë në arrati.

Vendimtare për arrestimin e liderit të krimit të organizuar sicilian ishte një shënim i shkurtër që i referohej gjendjes së tij shëndetësore. Ajo u gjet tre muaj më parë nga karabinierët, e fshehur brenda një karrige në banesën e gruas.

Vajza e saj Rosalia Messina Denaro është avokate dhe ka marrë përsipër mbrojtjen e liderit mafioz ndërsa bashkëshorti i saj, Filippo Gottaturo, është dënuar me 14 vite burg për veprimtari mafioze. Djali i saj më i vogël Francesco po vuan dënimin me 16 vite burg, gjithashtu si pjesëtar i mafies. /albeu.com

The post Arrestohet motra e bosit të mafies italiane, roli i rëndësishëm që luante 68-vjeçarja appeared first on Albeu.com.

The post Arrestimi i Matteo Messina-s “tërmet’ për mafian, por “Cosa Nostra” ende e fortë appeared first on Albeu.com.

Kush është Matteo Messina Denaro?

Messina Denaro akuzohet si një vrasës i pamëshirshëm, dhuna e të cilit ushqeu reputacionin e përgjakshëm të mafies Cosa Nostra.

“Me njerëzit që kam vrarë, mund të mbushja një varrezë”, thuhet të jetë mburrur ai.

Fraza është e pamundur të konfirmohet, por flet për legjendën që e rrethon.

I njohur si “Diabolik” sipas një personazhi komik italian, ai ishte lideri i padiskutueshëm i Cosa Nostra në provincën perëndimore siciliane të Trapanit.

Por pushteti i tij u shtri më tej, duke përfshirë kryeqytetin e Siçilisë, Palermo, ku u arrestua.

Messina Denaro është një adhurues i orëve Rolex, veshjeve të stilistëve, librave komikë dhe lojërave video dhe ka një reputacion si një playboy.

Dikur ai u shfaq në kopertinën e një reviste italiane me syze të errëta, duke u dukur si një yll rock, por lista e tij e viktimave është e gjatë dhe krimet për të cilat akuzohet janë të tmerrshme.

Për çfarë akuzohet?

I lindur më 26 prill 1962, në Castelvetrano në Sicilinë jugperëndimore, Messina Denaro u rrit në zemër të krimit të organizuar.

Babai i tij, Don Ciccio, ishte kreu i klanit lokal dhe kumbari i tij, i cili mori pjesë në pagëzimin e tij, ishte gjithashtu një anëtar i bandës.

Përplasjet e tij të para me ligjin filluan në vitin 1989 kur ai mori pjesë në një luftë të përgjakshme midis dy klaneve.

Ai u akuzua atë vit për vrasjen e Nicola Consales, një pronar hoteli që iu ankua një punonjësi se i kishte gjithmonë “këta mafiozë të vegjël nën këmbë”.

Fatkeqësisht, punonjësja ishte e dashura e Messina Denaros.

Në vitin 1992, ai ishte pjesë e një grupi mafioz të dërguar në Romë në përpjekje për të vrarë gjyqtarin anti-mafia, Giovanni Falcone.

Falcone u vra me një bombë në makinë pranë Palermos më 23 maj 1992.

Vetë Messina Denaro ishte i pamëshirshëm gjatë gjithë karrierës së tij.

Në korrik 1992, pasi dyshohet se ka marrë pjesë në vrasjen e Vincenzo Milazzo, kreut të klanit rival Alcamo, ai akuzohet se ka mbytur partneren e tij, e cila ishte tre muajshe shtatzënë.

Të dy trupat u varrosën në fshat.

Si kreu i klanit Castelvetrano, ai ishte aleat me klanin Corleonesi, i cili u përjetësua në filmat The Godfather.

Pasi Riina u arrestua në janar 1993, hetuesit thonë se Messina Denaro vazhdoi strategjinë e tij të brutalitetit të plotë, duke ofruar mbështetje logjistike për bombat në Firence, Milano dhe Romë atë vit që vranë 10 njerëz dhe plagosën rreth 100.

Një gjykatë zbuloi se në nëntor 1993, ai ishte një nga organizatorët e rrëmbimit të Giuseppe Di Matteo, atëherë 12 vjeç, babai i të cilit kishte dhënë dëshmi për vrasjen e Falcone.

Në një nga incidentet më famëkeqe të Cosa Nostra-s, djali u mbajt për 779 ditë përpara se të mbytej dhe trupi i tij u tret në acid.

Si i shpëtoi kapjes për kaq gjatë?

Messina Denaro u zhduk nga opinioni publik në mesin e vitit 1993 dhe vijoi të qëndronte në arrati për 30 vite.

Në 1994 dhe 1996, deklaratat e mafiozëve që më vonë vepruan si dëshmitarë të shtetit hodhën pak dritë mbi rolin e tij brenda Cosa Nostra-s.

Në vitin 2000, pas atij që njihet si gjyqi Maxi kundër mafies siciliane në Trapani, i cili dënoi qindra të pandehur, ai u dënua në mungesë me burgim të përjetshëm.

Si i kërkuar, Messina Denaro i menaxhonte punët e tij duke komunikuar me pseudonimin “Alessio” përmes sistemit të pizzini, në të cilin mesazhet liheshin në copa të vogla letre.

Vendndodhja dhe aktivitetet e tij gjatë asaj kohe ishin objekt i thashethemeve intensive, duke përfshirë se ai kishte bërë një operacion plastik për të ndryshuar pamjen e tij.

Ai kishte shumë burime të ardhurash, nga trafiku i drogës e deri te lojërat e fatit, si në Itali ashtu edhe jashtë saj.

Në vitin 2020, disa nga bashkëpunëtorët e Messina Denaro u arrestuan, duke shtrënguar rrjetën rreth shefit.

Dhe në tetor të atij viti, ai u dënua përsëri në mungesë për rolin e tij në vrasjen e Falcone.

Si u kap?

Gjenerali i karabinierëve, Pasquale Angelosanto, i cili drejton skuadrën e operacioneve speciale të forcës policore, tha se shëndeti i Messina Denaro i ndihmoi hetuesit të gjurmonin atë. I arratisuri u dërgua në paraburgim teksa ndodhej në një qendër mjekësore.

Autoritetet nuk thanë se për çfarë po trajtohej, por ai u kap në klinikën La Maddalena në Palermo, një institucion mjekësor i pasur me reputacion për trajtimin e pacientëve me kancer dhe mediat italiane thanë se ai po trajtohej prej një viti.

Gjatë një konference për shtyp në mbrëmje, autoritetet thanë se trajtimi i Messina Denaro mund të vazhdojë në një repart burgu spitalor.

Hetuesit thanë se ai ishte i paarmatosur dhe i veshur si një pacient tipik në klinikë, megjithëse mbante një orë me vlerë të paktën 30,000 euro (rreth 33,000 dollarë).

“Ai nuk rezistoi fare,” u tha gazetarëve koloneli i Karabinierëve Lucio Arcidiacono./Albeu.com/

The post Kush është Messina Denaro, bosi i mafies italiane i kapur pas 30 vitesh? appeared first on Albeu.com.

Denaro konsiderohet nga prokurorët italianë si kreu i mafies së Cosa Nostra-s dhe pasardhës i Toto Riinës dhe Giuseppe Provenzanos.

Arrestimi u bë në orën 9:35 (me kohën lokale), kur mafiozi i arratisur u arrestua në një klinikë dhe ruhej nga forca të shumta.

Sipas të dhënave të deritanishme, Denaro ndodhej në klinikën La Maddalena në Palermo, ku po i nënshtrohej analizave për shkak të një problemi onkologjik. Ai tashmë është zhvendosur në një vend sekret.

Sakaq mediet kanë publikuar videon e momentit të arrestimit.

Matteo Messina Denaro, 60 vjeç, ishte në kërkim që nga viti 1993.

“Do të dëgjoni njerëz që flasin për mua, do të më paraqesin si djall, por të gjitha janë gënjeshtra”, i shkruante ai të fejuarës së tij të atëhershme përpara se të zhdukej.

Ai është dënuar me dhjetëra herë me burgim të përjetshëm për një sërë vrasjesh, përfshirë atë të 12-vjeçarit Giuseppe Di Matte. Fëmija u vra vetëm sepse babai i tij, si mafioz i reformuar, kishte bashkëpunuar me drejtësinë./Albeu.com/

The post VIDEO/ “Do më paraqesin si djall”, i rrethur nga karabinierët, momenti i arrestimit të bossit të Cosa Nostra-s appeared first on Albeu.com.

Bosi që i pëlqente të qëllonte

Foshnja e mitur e krimit, e destinuar nga lidhjet e gjakut për të marrë një rol në Cosa Nostra, ka dashur gjithmonë të qëllojë. Në moshën 14-vjeçare dinte të merrej me armë, në moshën 18-vjeçare kreu vrasjen e parë. “Me njerëzit që kam vrarë, unë mund të bëj një varrezë”, i tha ai një shoku. Në përputhje me strategjinë e masakrës së Korleonezëve, prej të cilëve, si babai i tij, do të mbetet gjithmonë aleat besnik, ai përfshihet në masakrat e 92-shit ku humbën jetën gjyqtarët Giovanni Falcone dhe Paolo Borsellino. Roli i Messina Denaro u shfaq vetëm kur zyra e prokurorit të Caltanissetta, e cila rihapi hetimin për sulmet, kërkoi kujdestarinë paraprake të shefit të Castelvetrano dhe në tetor 2020 e dënoi atë me burgim të përjetshëm. Sipas hetuesve, ai do të kishte qenë i pranishëm në samitin e kërkuar nga Riina, në tetor 1991, ku u vendos plani i vdekjes që kishte si objektiv dy magjistratët.

Pentiti më pas thotë se ai ishte pjesë e komandos që duhej të eliminonte Falcone në Romë, aq sa ai mori pjesë në sterilat dhe inspektimet e organizuara për sulmin. Nga Palermo, megjithatë, ndalesa e Riinës erdhi. Dhe Falcone u vra disa muaj më vonë në Capaci. “Diabolik” luajti një rol të rëndësishëm edhe në masakrat e vitit 1993 në Romë, Firence dhe Milano. I akuzuari dhe i gjykuar u dënua me burgim të përjetshëm për bombat në kontinent.

Arratia

Arratia e tij filloi në qershor të vitit 1993. Në një letër që i kishte shkruar të dashurës së tij në atë kohë, Angela-s, ai kishte shpallur fillimin e jetës si një Pimpernel Scarlet. “Do të dëgjoni për mua” – ai i kishte shkruar duke lënë të kuptohet se ishte i vetëdijshëm që menjëherë pas kësaj emri i tij do të lidhej me gjakderdhje të rëndë – ata do të më pikturojnë si një djall, por të gjitha janë gënjeshtra”.

Një breshëri dënimesh të përjetshme 

Kumbari Trapani ka grumbulluar dhjetëra dënime të përjetshme në karrierën e tij kriminale. Përveç atyre për bombat , ai mori burgim të përjetshëm për rrëmbimin dhe vrasjen e vogëlushit Giuseppe Di Matteo, djalit të rrëmbyer nga një komando i Cosa Nostra, i mbytur dhe i tretur në acid në vitin 1996 pas gati dy vjetësh robëri. I shpallur fajtor për shoqatë mafioze që nga viti 1989, dënimi i fundit për mafia është 30 vjet burg në vazhdimësi me të mëparshmet. Gjykata e Marsala e njohu atë për herë të parë si bos në vitin 2012. Dhe ai mori gjithashtu një seri dënimesh të përjetshme në gjyqet Omega dhe Arca, të cilat hodhën dritë mbi një seri vrasjesh mafioze të kryera midis Alcamo, Marsala dhe Castellammare midis vitit 1989 dhe 1992.

Bosi “fantazmë” 

Messina Denaro zotëronte fuqi të pafund, por jetoi si fantazmë, megjithëse padukshmëria e tij nuk e pengoi atë të bëhej dy herë baba. Gjithçka dihet për një vajzë: emri i saj, nëna e saj, zgjedhjet që e çuan atë të ndante jetën e saj nga hija e rëndë e një babai që mund të mos e kishte parë kurrë. Fëmijërinë dhe adoleshencën e kaloi në shtëpinë e gjyshes, më pas u zhvendos me nënën e saj: nuk është e lehtë të jetosh me stresin e kërkimeve, kontrolleve dhe bastisjeve nga policia. Për djalin tjetër, megjithatë, ajo pak dihet që ka dalë nga përgjimet: emri i tij është Francesco, si patriarku i vjetër i dinastisë, dhe ai ka lindur midis 2004 dhe 2005 në atë pjesë të provincës së Trapanit, midis Castelvetrano dhe Partanna, ku Messina Money ka ndërtuar fuqinë e saj ekonomike dhe kriminale.

I kujdesshëm për të menaxhuar arratinë e tij dhe për ta mbrojtur atë me një mori mbështetësish, një nga bosët më të kërkuar në botë ka lënë nga vetja vetëm imazhin e një playboy të pamëshirshëm me Ray Bans, këmisha disenjatore dhe një casual elegant. Dhe pas këtij imazhi të zbehur një gjurmë legjendash: një pushtues i madh i zemrave femra, adhurues i Porsche dhe Rolex prej ari, një maniak i videolojërave, një adhurues i zjarrtë i komikeve. I njërit mbi të gjitha: Diabolik, nga i cili huazoi pseudonimin bashkë me atë me të cilin e thërrisnin besnikët e tij.

Gjithashtu në pseudonimet Messina Denaro personifikonte fytyrën e dyfishtë të një lideri të aftë për të ndërthurur dimensionin tradicional dhe të njohur të mafies me versionin e saj më modern. Kumbari i Castelvetrano ka lëvizur gjithmonë mes egërsisë kriminale dhe pragmatizmit politik. Për këtë arsye ai konsiderohej trashëgimtari i Bernardo Provenzanos por mbi të gjitha i babait të tij Don Ciccio, një tjetër bos i nomenklaturës tradicionale që vdiq si i arratisur në vitin 1998. Kur patriarku i vjetër u zhduk, i riu Matteo kishte pesë vjet që kishte humbur, në vitin 1993, edhe para se të përfshihej në hetimin e masakrave të atyre viteve. Dhe që atëherë Diabolik kishte arritur gjithmonë, ndonjëherë me marifete fatsjellëse, të denja për personazhin e pakapshëm të filmit vizatimor, t’i shpëtonte goditjeve. Një shpërblim prej një milion e gjysmë ishte vendosur për të.

Nuk u kursyen as familjarët e tij: motra e tij Patrizia, e arrestuar dhe e akuzuar se kishte menaxhuar një rrjet zhvatjeje, vëllai i tij Salvatore, vjehrri i tij, një nip. Dhe kaq shumë njerëz të besuar, të përbërë nga drejtues të parë shpesh të padyshimtë, të cilët kanë pësuar sekuestrime të vazhdueshme të aseteve. “Fantazma” e Messina Denaro u ndoq nga një mal me urdhër-arreste dhe dënime të përjetshme për shoqata mafioze, vrasje, sulme, posedim dhe transport lëndësh plasëse. Dora e tij është njohur në veprat më të rënda kriminale të tridhjetë viteve të fundit.

Por nëse pranohet reputacioni i tij si një njeri i pamëshirshëm, disa dyshime kanë hyrë në aftësinë e tij reale për të rindërtuar, pas arrestimeve të Totò Riina dhe Bernardo Provenzano, strukturën unitare të Cosa Nostra-s, e prekur nga arrestimet dhe nga një proces copëtimi. /albeu.com

The post “Do të dëgjoni për mua!” U arrestua sot, kush është Matteo Messina Denaro, bosi i mafies italiane që vrau pa mëshirë edhe fëmijë appeared first on Albeu.com.

Vdekja e Ervis Martinajt (ose ndoshta, duke pasur parasysh që akoma nuk është gjetur një trup, do të ishte më mirë të flitej për zhdukje) dhe ekzekutimeve brenda rrethit të tij, të cilat kulmuan me vrasjen e trefishtë në mbikalimin e Fushë-Krujës një muaj më parë, mund të shënojnë fillimin e një zinxhiri larje hesapesh brenda botës kriminale shqiptare.

Mbreti i sallave të lojërave të fatit në fakt mendohet të ketë qenë viktimë e bandave rivale të shqetësuara nga rritja e tij e pandalshme dhe sulmet e tij të vazhdueshme.

Me pak fjalë, Martinaj do të kishte thyer ekuilibrat delikate që rregullojnë marrëdhëniet midis grupeve të ndryshme, kufizojnë sferat relative të ndikimit dhe kështu lejojnë zhvillimin e rregullt të bizneseve të ndryshme në botën e ekonomisë ilegale.

Kur kjo ndodh, në çdo sistem të krimit të organizuar, shpaloset ajo që ekspertët italianë e quajnë “Lufta e Mafias”.

Çfarë është një luftë mafioze? Ajo në thelb është një përplasje e përgjakshme pushteti që shërben pikërisht për të rivendosur ato ekuilibra, kur këto për ndonjë arsye prishen ose nuk bashkëndahen më.

Në fund do të dihet se kush fiton dhe kush humb, kush komandon, me çfarë aleancash dhe çfarë të drejtash dhe kush, i mundur, duhet të heqë dorë nga biznesi dhe territoret e tij dhe të tërhiqet.

Në Itali, grupi mafioz sicilian “Cosa Nostra” ka përjetuar shumë konflikte të këtij lloji.

Ato që kanë shënuar historikun e saj ishin në thelb dy: në të dyja rastet ishte përplasja mes periferive dhe qendrës së kontrollit të Komisionit, pra qendrës drejtuese të organizatës.

Lufta e parë mafioze shpërtheu në fillim të viteve 1960 kur “fisnikët e Palermos” të familjeve të Tommaso Buscetta-s (ai do të jetë më vonë i penduari i parë i madh që lejoi gjykatësin Giovanni Falcone të organizonte gjyqin kundër “Cosa Nostra-s”) nisën kursin e ri duke vendosur “Cosa Nostra-n” në qendër të trafikut të madh ndërkombëtar të drogës dhe heqjes qafe të bosëve të vjetër të shpërndarë nëpër Siçili.

Përplasja përfundoi me pak më shumë se 100 të vdekur.

Por lufta e madhe mafioze ishte e dyta.

Ajo që u luftua mes viteve 1981 dhe 1984 midis klaneve të periferive siciliane (i “Viddani”, fshatarët) të Corleone-s të udhëhequr nga Totò Riina kundër familjeve Bontade, Badalamenti, Buscetta dhe Inzerillo (këto të fundit të lidhura me familjen Gambino të New York-ut) të Palermos.

Palermitanët ishin më të pasur dhe më të fuqishëm, por korleonezët ishin gjakatarë dhe të gatshëm për çdo gjë.

Lufta shpërtheu më 23 prill 1981 me vrasjen, me urdhër të Riina-s, të Stefano Bontate-s.

Ndërsa ai po kthehej në shtëpi pas një feste për ditëlindjen e tij, u sulmua teksa ngiste një Alfa Romeo, model Giulietta 2000 dhe u vra nga një grup i armatosur me AK-47 dhe një breshëri plumbash.

Më 11 maj, Salvatore Inzerillo, i njohur si Totuccio, kreu i “familjes” së Passo di Rigano dhe me shumë “kushërinj” në anën tjetër të Atlantikut, në Cherry Hill, pra familjen Gambino, u vra.

Dy bosët e tjerë të fraksionit të Palermos, Buscetta dhe Badalamenti, ndoshta arrijnë të shmangin vdekjen rastësisht, vetëm sepse ato ditë ndodhen jashtë vendit.

Reagimi i mafies së Palermos u vonua. Klanet e kryeqytetit ishin shumë më të pasura se korleonezët, por nuk ishin gati të përballeshin me luftën.

Riina, nga ana tjetër, organizoi një ushtri të vërtetë, të gatshme për të vrarë dhe ndoshta edhe të vdesë për të.

Në muajt që pasuan, u vranë rreth 100 persona që besohej se ishin të afërt me familjet Bontate dhe Inzerillo.

Përplasja vazhdoi me vrasje deri në dhjetor të vitit 1984. Në fund do të kishte pothuaj 1 mijë të vdekur.

Ndër këta edhe përfaqësues të institucioneve shtetërore si gjenerali Carlo Alberto dalla Chiesa (njeriu që kishte mundur Brigadat e Kuqe), deputeti komunist Pio La Torre (i cili kishte firmosur ligjin për krijimin e krimit për lidhje me mafien dhe regjimin e fortë të burgjeve për mafiozët).

Korleonezët e fituan atë luftë, duke vendosur kështu një regjim kontrolli absolut mbi “Cosa Nostra-n”.

Arritën të sfidojnë hapur shtetin italian duke vrarë magjistratë dhe policë dhe duke organizuar sulme në të gjithë Italinë.

Pavarësisht arrestimit të drejtuesve ushtarakë të organizatës, korleonezët janë ende në krye të “Cosa Nostra-s” me kreun e drejtuesve, të arratisurin Matteo Messina Denaro.

The post “‘Lufta e Mafia-s’ në Shqipëri, vrasja e Vis Martinajt dhe shembulli i ‘Cosa Nostra’ në Itali” appeared first on Albeu.com.

Thesari i shtetit në SHBA njoftoi se ndaj shtatë anëtarëve të grupit të Kinahan janë vendosur sanksione, për trafik ndërkombëtar droge dhe pastrim parash.

Mes të ndaluarëve janë babai dhe vëllai i Kinahan. Atyre u është bllokuar çdo aset që kanë në SHBA. Sanksione të ngjashme këto me ato ndaj oligarkëve rusë të lidhur me Vladimir Putin-in.

Ndërsa për vetë Kinahan-in u tha se “besohet se drejton operacionet e përditshme të organizatës”. Karteli “KOCG” operon në Irlandë, Mbretërinë e Bashkuar, Spanjë dhe Emiratet e Bashkuara Arabe.

Gjithashtu janë vënë në dispozicion 5 milionë dollarë për këdo që jep informacione që çojnë në arrestimin e irlandezit.

Karteli u shfaq nga fundi i viteve 1990 dhe fillimi i viteve 2000. Sipas të dhënave nga Thesari amerikan, të ardhurat e kartelit të Kinahan kanë qenë mbi 1 miliard paund vitet e fundit.

44-vjeçari ka këmbëngulur më herët se akuzat në lidhje me krimin janë pjesë e një “fushate” kundër tij.

Irlandezi ka qenë promotor i britanikut Fury, falë të cilit ky i fundit është bërë një nga figurat më me ndikim në boks.

Kinahan u fotografua në muajin shkurt me Fury-n, i cili mbron titullin e tij botëror në peshat e rënda në ëBC kundër Dillian Whyte në “Wembley” më 23 prill.

The post Krahasohet me Camorra dhe Yakuza, SHBA shpërblim 5 milionë dollarë për kapjen e ish-promotorit të Tyson Fury appeared first on Albeu.com.

Ai ka qenë një vrasës i mafies së New-Yorkut, dhe po vuante dënimin për ekzekutimin e 3 personave dhe plagosjen e 2 të tjerëve.

Sipas zëdhënësit të Zyrës së Burgjeve, Scott Taylor, 64-vjeçari u transferua në shkurt nga burgu i sigurisë së mesme në Sumter, Florida, në një institucion riedukimi në Orlando, ku do të qëndronte deri në shkurt 2023. Më 28 mars, Taddeo nuk u paraqit në institucion, pasi kishte marrë leje për një takim të autorizuar dhe është shpallur në kërkim.

Taddeo ishte dënuar edhe për vepra të tjera penale dhe qëndronte në burg prej vitit 1992. Sipas dokumenteve të vjetra të gjyqit, të siguruara nga CNN, Taddeo kishte pranuar se ishte paguar nga Cosa Nostra në Roçester, Nju-Jork, për të vrarë disa persona, në disa raste edhe pjesëtarë të vetë organizatës, apo klaneve rivale. Sipas dokumenteve të FBI, mafia siciliane ka nisur veprimtarinë e saj në Nju-Jork në vitet 1920.

The post I kishte mbetur më pak se një vit burg, arratiset vrasësi i “Cosa Nostra” appeared first on Albeu.com.

Mediat italiane raportojnë se Giuseppe Guttadauro ndihmohej edhe nga një shqiptar emri i të cilit ka dalë së fundmi nga përgjimet.

Anti-mafia italiane ka regjistruar bisedat e vitit 2018, ku Guttadauro shpjegon planin e tij për mënyrën se do të realizohet trafiku i kokainës nga Amerika e Jugut. Hetuesit kishin instaluar një trojan në celularin Iphone 6 të Guttadauro, duke përgjuar bisedat e tij.

Sipas hetimeve, në Romë “kumbari” takoi trafikantin shqiptar Besart Bersni Memetaj, të cilit, ish-kapoja e Palermos i ishte drejtuar për ta ndihmuar që të merrte një diplomë false në stomatologji për djalin e tij. Në dosjen e përgjimeve del shqiptari Mehmetaj, ka treguar se i përket një familjeje të fuqishme të krimit të organizuar.

Trafikanti shqiptar shprehej po ashtu se ishte në gjendje të trafikonte ngarkesa prej dhjetëra kg drogë në të njëjtën kohë dhe mund t’i shiste ato brenda ditës, duke fituar 300 mijë euro.

Guttadauro ishte rikthyer tek mafia e Palermos ku së bashku me klanet Bagheria dhe Roccella po krijonte një linjë të trafikut të kokainës nga Amerika e Jugut dhe shqiptari Mehmetaj ishte ai që do të bënte transportin dhe furnizimin me drogë. Grupi i drejtuar nga Guttadauro kishte dërguar në Brazil përmes një stjuardese rreth 300 mijë euro sapo dërgesa e drogës që vinte nga Amerika e Jugut të mbërrinte në Holandë.

Kujtojmë se kjo veprimtaria kriminale u zbulua nga rrëfimi i të penduarit të drejtësisë Francesco Collettim./abcnews.al/

The post “Fitoj 300 mijë euro brenda ditës”, dalin përgjimet e shqiptarit me bosin e Cosa Nostra-s appeared first on Albeu.com.