Mesfushori brazilian pritet të largohet nga Old Traford pas dy viteve qëndrim, pasi nuk është i kënaqur me tretmanin që i është bërë.

Pavarësisht kontratës deri në vitin 2026, braziliani ka vendosur të largohet dhe ekziston mundësia që ai të shkëpusë edhe kontratën e tij me Djajtë e Kuq.

The Sun ka raportuar se e ardhmja e Casemiros pritet të jetë në Arabinë Saudite, ku tre skuadra tanimë kanë shfaqur interesim të fortë për të.

Al-Nassr shihet si favoriti kryesor për t’i fituar shërbimet e brazilianit, por në garë janë edhe Al-Ahli dhe skuadra e inkuadruar në Superligë, Al-Qasidiya.

32-vjeçari fiton rreth 15 milionë euro në sezon dhe drejtuesit e United janë të gatshëm ta lejojnë të lirë të largohet vetëm të heqin qafe pagën e madhe të tij.

Gjithsesi braziliani pritet që karrierën ta vazhdoj në Arabinë Saudite ku mund të fitojë deri në 30 milionë euro në sezon. /Telegrafi/

The post Casemiro do të largohet nga Man Utd, këto janë tre klubet që janë vënë pas brazilianit appeared first on Albeu.com.

Pasi fitoi Champions League për herë të pestë ndaj Liverpool, braziliani i dha fun aventurës 9-vjeçare me “Los Blancos”. Casemiro nënshkroi për Manchester United për shumën e 70 milionë eurove, me një kontratë 4-vjeçare.

“Kisha fituar gjithçka. Nuk ishte arsyeja se nuk kisha motivim për më shumë, por doja gjëra të reja. Ata nuk ma bënë të lehtë largimin, por unë doja të mësoja një gjuhë të re, të luaja në një ligë tjetër. United është sjellë mirë me mua që nga fillimi. Unë vendosa që të largohem pasi fituam Champions League.

Carlo më tha se ai nuk dëshironte që unë të largohesha, se më donte shumë, por unë tashmë i kisha dhënë fjalën Manchesterit dhe kjo është më e rëndësishme se gjithçka tjetër”, përfundoi mesfushori brazilian.

The post “Hyra në zyrë për t’i thënë se do largohesha, ai filloi të qante”, Casemiro tregon prapaskenat me Ancelotti appeared first on Albeu.com.

“Është e vështirë. Kjo është pika që më shqetëson më shumë, që nuk luftojmë për tituj”.

“Duke qenë 20 pikë prapa vendit të parë. Ndonjëherë, as nuk mund të fle duke menduar se çfarë duhet të bëj diçka ndryshe. Është realitet. Nuk ka kuptim të mendojmë për titullin apo vendet e Ligës së Kampionëve, duhet të mendojmë për ndeshjet e sotme”, kishte thënë Casemiro për ESPN pas barazimit 2-2 të Manchester United me Liverpool.

Braziliani kishte absolutisht të drejtë: United nuk do ta fitojë ligën këtë sezon, madje as do të vulosë një rikthim në kompeticionin më prestigjioz të Evropës për klube, pasi është 11 pikë prapa Tottenhamit të vendit të katërt.

Por braziliani nuk arriti të pranonte se ai është pjesërisht përgjegjës për gjendjen aktuale të Djajve të Kuq, me tifozët që gjithashtu vuajnë.

Casemiro luajti një rol të madh kur Man United fitoi Carabao Cup dhe zuri vendin e tretë në Ligën Premier sezonin e kaluar, por ai tani është dukshëm në rënie dhe papritmas duket si një nga nënshkrimet më të këqija në historinë e fundit të klubit pasi u ble mbi 75 milionë euro. 32-vjeçari ka ende dy vjet në kontratën e tij.

Sipas ESPN, Sir Jim Ratcliffe po planifikon një ndryshim të madh veror, me Casemiron në mesin e 11 lojtarëve të ekipit të parë që mund të shiten.

Man United me siguri ka nevojë për një përmirësim të dukshëm, ndërsa Kobbie Mainoo, tashmë po shihet si një e ardhme e sigurt, por rreth tij pritet të vijnë edhe lojtarë të tjerë.

Më poshtë e gjeni emrat që Manchester United është duke i monitoruar.

Joao Neves (Benfica)
Amadou Onana (Everton)
Exequiel Palacios (Bayer Leverkusen)
Morten Hjulmand (Sporting CP)
Ederson (Atalanta)
Joao Palhinha (Fulham)
Ross Barkley (Luton Town)
Joshua Kimmich (Bayern Munich)

The post Koha e Casemiros te Man United ka mbaruar, tetë objektivat e tyre për mesfushën appeared first on Albeu.com.

Manchester United e ka të qartë nevojën për të gjetur një zëvendësues të brazilianit dhe për këtë ka kthyer sytë nga Ligue 1.

Mesfushori francez i Monacos, Youssouf Fofana është objektivi kryesor i Djajve të Kuq për rolin e mesfushorit defensivë.

Reprezentuesi francez ka përjetuar një rritje të dukshme që nga koha e tij në RC Strasburg përpara se t’i bashkohej Monacos në dimrin e 2020, tani duke qenë një lojtar kyç në ekipin nga Monte Carlo, gjë që mund ta ndihmojë atë të provojë fatin e tij në Ligën Premier me Djajtë e Kuq.

Por nuk është vetëm gjiganti anglez në garë për yllin francez, pasi në garë janë edhe dy skuadra tjera të mëdha si Paris Saint Germain dhe Juventus.

25-vjeçari është një nga pikat e forta të Monacos dhe klubi francez nuk e ka ndërmend ta lejoj largimin e tij pa shumën e 40 milionë eurove.

United duket më përpara në garë me Juventusin dhe PSG-në për Fofanan i cili ka pranuar se në verë dëshiron të largohet nga Monaco për ta bërë një hap para në karrierë. /Telegrafi/

The post Largimi i Casemiros në verë është i sigurt, United e gjen zëvendësuesin e brazilianit appeared first on Albeu.com.

Mbështetje financiare që mund të nënkuptojë një ndryshim të thellë në skuadër me ardhjen e lojtarëve të rinj dhe, në të njëjtën kohë, duke shkaktuar shitjen e të tjerëve që janë pjesë e ekipit të Erik ten Hag.

Sipas mediumit ESPN, një listë ku vetëm Diogo Dalot dhe Bruno Fernandes e kanë të garantuar vendin e tyre për sezonin e ardhshëm, ka edhe lojtarë të tjerë që nuk duket se kanë të njëjtin fat.

Deri në njëmbëdhjetë futbollistë janë kandidatë për t’u larguar nga Old Trafford. Emra si Crhistian Eriksen, Harry Maguire, Scott McTominay, Aaron Wan-Bissaka apo Victor Lindelof janë me valixhe në duar.

Varane dhe Casemiro mund të largohen

Nevoja për të shitur lojtarë për të zgjeruar opsionet e ekipit në tregun e ardhshëm të verës përfshin shitjen e aseteve që ata kanë tani.

Në fakt, në 12 muajt e fundit, United ka gjeneruar fitimin më të lartë nga shitjet e lojtarëve që kur Cristiano Ronaldo u transferua te Real Madrid në vitin 2009. Edhe pse ata ende kërkojnë më shumë buxhet për të përballuar shpenzimet që duket se do të vijnë.

Në këtë operacion daljeje mund të hyjnë edhe Raphael Varane dhe Casemiro. Dy lojtarë që po marrin minuta, por vetë klubi ka një pikëpyetje për të ardhmen e tyre.

Njësoj si largimi në fund të kontratës së Anthony Martial. Oferta po kërkohen edhe për lojtarët e huazuar Jadon Sancho, Donny van de Beek, Facundo Pellistri dhe Brandon Williams.

Operacionet e transferimeve

Vetë mediumi në fjalë thekson se Unitedi shpreson të nënshkruajë me një sulmues dhe një mbrojtës në verë.

Përveç një sulmuesi që mund të ndajë kohën e lojës me Rasmus Hojlund, i cili ka luajtur tashmë 30 ndeshje këtë sezon, drejtuesit duan medoemos një emër të madh në mbrojtje.

/Telegrafi/

The post Man Utd po përgatitet për revolucion në verë, Varane dhe Casemiro dy nga shumë të larguarit appeared first on Albeu.com.

United është i prirur të largojë disa lojtarë të vjetër për të lehtësuar shqetësimet e Fair Play Financiar (FFP) dhe për të liruar fondet për nënshkrimet e ardhshme.

Drejtori i futbollit të Unitedit, John Murtough fluturoi në Arabinë Saudite në dhjetor për të zhvilluar bisedime mbi shitjet e mundshme.

Ai foli me shefat e Superligës së Arabisë Saudite për marrëveshjet e janarit dhe verës dhe kjo lëvizje mund të jetë gati për t’u paguar për klubin e Ligës Premier.

Sipas mediumit Daily Mail, klubi saudit Al Nassr dëshiron të nënshkruajë me dy lojtarë të Unitedit – Casemiron dhe Aaron Wan-Bissaka.

Casemiro, 32 vjeç, është aktualisht fituesi më i madh i United me 375 mijë funte në javë, por ka pasur vështirësi këtë sezon dhe nuk ka luajtur që nga fillimi i nëntorit për shkak të një dëmtimi në kofshë.

Thuhet se United është i hapur për ta shitur atë këtë verë nëse mund të rikuperojë një përqindje të madhe të tarifës prej 70 milionë funtesh të paguar për Real Madridin për ta nënshkruar vitin e kaluar.

“Al Nassr kuptohet se është i gatshëm t’i bëjë Casemiros një ofertë të madhe me inkurajimin e ish-bashkëlojtarit të tij në Madrid, Cristiano Ronaldo”, shtoi raporti.

Pretendohet se Al Nassr gjithashtu mund të përpiqet të bëjë një lëvizje për Wan-Bissaka këtë muaj.

Klubi saudit kishte një ofertë prej 20 milionë funtesh për mbrojtësin e djathtë të Tottenham Hotspur, Emerson Royal, e refuzuar javën e kaluar dhe tani e ka kthyer vëmendjen te Wan-Bissaka.

Kjo pason raportet që United ka refuzuar një ofertë për një marrëveshje shkëmbimi për Wan-Bissaka nga Interi, që do të kishte parë Denzel Dumfries të shkonte në Old Trafford.

United shkaktoi një zgjatje 12-mujore të kontratës së Wan-Bissaka në fillim të këtij muaji, pasi kishte zgjedhur të mos i ofronte mbrojtësit një marrëveshje të re afatgjatë. /Telegrafi/

The post Al Nassr do të bëjë një ofertë për dyshen e Manchester United appeared first on Albeu.com.

Daily Mail ka raportuar se ekipi arab janë të interesuar për transferimin e kësaj dyshe, andaj kjo ka bërë që drejtori sportiv i klubit anglez John Murtough, të fluturojë në drejtim të Arabisë Saudite për të parë nëse një marrëveshje mund të arrihet.

Drejtuesit e Al-Nassr thuhet se janë të gatshëm të bëjnë një ofertë të madhe në drejtim të brazilianit, i cili përfiton 375 mijë euro në javë, dhe tani gjithashtu kanë shprehur interesim për të afruar në radhët e tyre edhe Wan-Bissakan, pasi Tottenhami refuzoi ofertën e tyre për Emerson Royal.

United do dëshironte që të merrte para për shitjen e të dy lojtarëve, dhe do të shpresojnë se mund të rikuperojnë 70 milionë eurot që i shpenzuan për Casemiron.

Ronaldo thuhet se e ka inkurajuar klubin që të tentojë marrëveshjen me ish-yllin e Real Madridit, ndërsa Wan-Bissaka në rast se nuk arrin marrëveshje me klubin për zgjatjen e kontratës, me gjasë do të dëshironte që të kalonte në Lindjen e Mesme.

Casemiro nuk ka luajtur për Unitedin që kur pësoi një lëndim muskulor në nëntor të vitit të kaluar dhe ka kontratë me klubin deri në 2026. Në total, ai ka luajtur 63 ndeshje me fanellën e “Djajve të Kuq”, që prej transferimit të tij në vitin 2022.

United me gjasë do të vendos për shitjen e të dyve, por sidoqoftë mbetet të shihet në rast se një marrëveshje e re mund të arrihet në janar. /Telegrafi/

The post Jo vetëm Casemiro, edhe një tjetër lojtar i Manchester United mund të transferohet tek Al-Nassr appeared first on Albeu.com.

Duke marrë parasysh se te Djajtë e Kuq ka ndryshime edhe në klub, atëherë Casemiro nuk po bën pjesë në planet e skuadrës pasi është lojtari më i paguar, por edhe po lëndohet shumë dhe trajneri Ten Hag nuk po mund të llogarit në shërbimet e tij.

Daily Star ka raportuar se braziliani ka kontratë deri në verën e vitit 2026 me United dhe nuk ka blerës serioz.

Kësisoj për ta shmangur pagën e tij për dy vite e gjysmë të ardhshme, United është gati t’ia prish kontratën mesfushorit brazilian.

Por për ta bërë këtë gjë, United do të duhet të paguajë një shumë të majme në mënyrë që ta heqin qafe brazilianin.

Gjithnjë sipas Daily Star, Djajtë e Kuq do të duhet të paguajnë një kompensim prej 20 milionë eurove brazilianit në mënyrë që t’ia prishin kontratën.

Është një shumë e konsiderueshme e parave, megjithatë te United janë të vendosur të largojnë reprezentuesin brazilian nga Old Traford.

E ardhmja e tij mund të jetë në Arabinë Saudite ku disa skuadra kanë shprehur interesim për të. /Telegrafi/

The post Manchester United do ta humbas një shumë të pabesueshme të parave nëse vendosin t’ia prishin kontratën Casemiros appeared first on Albeu.com.

Sipas mediumit Footmercato, Ronaldo i ka ‘kërkuar’ Al Nassr që këtë vit të nënshkruajë me Casemiron nga Manchester United.

Mesfushori brazilian, 31 vjeç, përballet me një të ardhme të pasigurt në United pasi forma e dobët dhe lëndimet penguan paraqitjet e tij.

Ai ka bërë vetëm tetë paraqitje në Ligën Premier deri më tani këtë sezon. Ai thuhet se mund të largohet nëse gjërat nuk ndryshojnë.

Casemiro ka luajtur me Ronaldon në të kaluarën gjatë kohës së tyre në Real Madrid – një periudhë jashtëzakonisht e suksesshme, për të dy.

Pengesa e vetme e Al Nassr në nënshkrimin e Casemiro tani është se ata tashmë kanë numrin maksimal të lojtarëve të huaj të lejuar nga Superliga e Arabisë Saudite.

Megjithatë, raporti pretendon se Al Nassr mund të ketë një përjashtim pasi ata përpiqen të nënshkruajnë emra të klasit botëror për të tërhequr shikueshmëri.

Casemiro sigurisht që i përshtatet kësaj faturë, me numrin e madh të trofeve të tij të fituar në Madrid. /Telegrafi/

The post Cristiano Ronaldo kërkon nga Al Nassr të nënshkruajë me një lojtar të Manchester United appeared first on Albeu.com.

Casemiro ka qenë jashtë fushave për disa kohë për shkak të një lëndimi të muskujve hamstring, që e pësoi në muajin nëntor, ndërsa Martinez po rikuperohet nga operimi në gju.

Tani që të dy janë rikthyer në stërvitje me pjesën tjetër të ekipit, diçka që e ka bërë mjaft të lumtur teknikun holandez.

“Dy lojtarë klasi dhe ata do ta çojnë ekipin përpara. Ne e dimë këtë dhe tani po presim rikthimin e tyre për ndeshjet në vazhdim. Por, ne duhet të presim për këtë. Atyre iu duhet edhe pak kohë për t’u rikuperuar plotësisht, por po, është një sinjal i mirë që ata janë rikthyer në stërvitje me ekipin”, ka thënë Ten Hag para duelit me Wigan në FA Cup.

United ka hasur në vështirësi këtë sezon, teksa gjenden në pozitën e tetë në tabelë dhe janë eleminuar nga Liga e Kampionëve dhe Carabao Cup.

Teksa paraqitjet e Casemiros nuk i kanë përmbushur pritshmëritë e tifozëve dhe e ardhmja e tij mbetet në dyshim, Martinez mund të luajë një rol të madh në klub në pjesën e dytë të sezonit.

United do e nis kampanjën e tyre në FA Cup në udhëtim ndaj Wigan Athletic nesër (e hënë), ndërsa më 14 janar do të rikthehen të luajnë në Ligën Premier përballë Tottenhamit./Telegrafi/

The post Ten Hag konfirmon rikthimin e Martinez dhe Casemiro në stërvitje appeared first on Albeu.com.