bypassi vlores Archives - Albeu.com

Rama publikon pamjet nga Bypass-i Vlorës: E hapim këtë sezon turistik (VIDEO)

E B — Thu, 12 May 2022 06:17:11 +0000

Kryeministri Edi Rama ka ndarë pamje nga kantieri i Bypass-it të Vlorës, një segment i rëndësishëm për jugun që lehtëson ndjeshëm trafikun.

Rama shkruan se pritet të hapet këtë sezon turistik.

https://www.facebook.com/ediramaal/videos/677275320022109

“MIRËMËNGJES

dhe me Bypass-in e Vlorës që pritet të hapet këtë sezon turistik, si një segment i rëndësishëm për qarkullimin e automjeteve, lehtësimin e trafikut dhe për zhvillimin turistik të qytetit bregdetar, ju uroj një ditë të mbarë”, shkruan Rama.

Kujtojmë se verën e kaluar, bypass-i u hap edhe pse nuk kishin përfunduar ende. Rruga ishte funksionale vetëm gjatë verës, dhe pas sezonit u mbyll./albeu.com

The post Rama publikon pamjet nga Bypass-i Vlorës: E hapim këtë sezon turistik (VIDEO) appeared first on Albeu.com.

U hap gjatë sezonit të verës, mbyllet Bypass-i i Vlorës

E B — Sat, 16 Oct 2021 10:51:05 +0000

Pas hapjes provizore për shkak të sezonit turistik, Bypass-i i Vlorës është mbyllur, dhe ende nuk dihet se kur do të hapet sërish. E gjithë kjo vjen për shkak se segmenti rrugor ka ende punime në brendësi të tij. Bypass-i u hap për shmangien e trafikur në qytet, por ishte i rrezikshëm pasi nuk kishte [...]

Shoferët problematikë shkelin gazin deri në fund në Bypass-in e Vlorës, “Rrugorja” i ndëshkon me pezullim patentash dhe gjoba (VIDEO)

E B — Sat, 14 Aug 2021 16:36:38 +0000

Njësia Operacionale e Drejtorisë së Policisë Rrugore , në bashkëpunim me Policinë Rrugore vendore vijon monitorimin e qarkullimit të automjeteve në Bypass, në autostradën Vlorë-Levan dhe anasjelltas, me qëllim evidentimin dhe ndëshkimin e atyre drejtuesve të automjeteve që abuzojnë me rregullat e qarkullimit rrugor në dëm të sigurisë së jetës.

Nisur nga fluksi shumë i madh i mjeteve që qarkullojnë në drejtim të zonave bregdetare, veçanërisht në fundjavë, Njësia Operacionale e Drejtorisë së Policisë Rrugore ka marrë masa shtesë, duke monitoruar trafikun me dronë e radarë.

Si rezultat i monitorimit me dronë në Bypass, gjatë ditës së sotme janë evidentuar 53 drejtues automjetesh që kryenin parakalime të gabuara dhe sjellje agresive në rrugë, të cilët janë ndëshkuar me masë administrative 3.000 lekë të rinj secili.

Po gjatë monitorimit janë ndëshkuar me masë administrative 25.000 lekë të rinj secili, 11 drejtues mjetesh, për shkelje të semaforit në Bypass.

Nga monitorimi me radar në Bypass janë evidentuar 31 drejtues mjetesh që qarkullonin me shpejtësi, të cilët janë ndëshkuar me masë adminstrative nga 6.000 deri në 12.000 lek të rinj, pa masë plotësuese të pezullimit të lejes së drejtimit.

Në autostradën Vlorë-Levan-Vlorë janë konstatuar drejtues mjetesh që shpejtonin duke shkelur sinjalistikën rrugore, me shpejtësi që varionin nga 130 km/h deri në 177 km/h, shpejtësi që në fluksin e madh të lëvizjes së automjeteve ishin rrezik potencial për përfshirje në ngjarje rrugore.

Gjatë ditës së sotme janë pezulluar 18 leje drejtimi, me afate që variojnë nga 1 muaj deri në 4 muaj, bashkë me masa administrative nga 6.000 deri në 12.000 lekë të rinj, si dhe janë vendosur 32 masa administrative për shpejtësi, pa saksionin pezullim i lejes së drejtimit.

Njëkohësisht, po për shpejtësi që varionte nga 150 km/h deri në 170 km/h, janë vendosur edhe 9 masa administrative 40.000 lek të rinj, pasi drejtuesit e automjeteve që u konstatuan në shkelje, ishin rezident në një shtet tjetër.

Policia Rrugore apelon për të gjithë drejtuesit e automjeteve që të respektojnë sinjalistikën rrugore, pasi në të gjitha rrugët e vendit ka radarë dhe prezencë të Policisë Rrugore, të pajisur edhe me dronë, dragera, kamera e aparate fotografike./albeu.com

The post Shoferët problematikë shkelin gazin deri në fund në Bypass-in e Vlorës, “Rrugorja” i ndëshkon me pezullim patentash dhe gjoba (VIDEO) appeared first on Albeu.com.

Shoferët problematikë shijojnë hapjen e ByPass-it të Vlorës me gjoba, ndëshkohen 54 drejtues mjetesh

E B — Tue, 20 Jul 2021 13:52:39 +0000

Kontrolle intensive nga Policia Rrugore e Vlorës, në bashkëpunim me Njësinë Operacionale të Policisë Rrugore, për monitorimin e qarkullimit të automjeteve në Bypass-in e Vlorës, i cili është i pajisur më së miri me sinjalistikë horizontale dhe vertikale, si dhe me tre semaforë.

Radarë, dronë, alkooltestues, kamera, aparate fotografike dhe makina të paloguara në terren, për të bërë të mundur evidentimin dhe ndëshkimin e shkelësve të Kodit Rrugor, me qëllim parandalimin e aksidenteve rrugore.

Gjatë 48 orëve të fundit, shërbimet e Policisë Rrugore kanë konstatuar parakalime të gabuara, shpejtësi tej normave të lejuara, shkelje të semaforit dhe përdorim celulari gjatë drejtimit të mjetit.

Janë ndëshkuar 54 drejtues mjetesh, për parakalim të gabuar; 44 për shkelje të semaforit; 51 për shpejtësi tej normave të lejuara; 53 për përdorim celulari gjatë drejtimit të mjetit dhe 25 për mosvendosje të rripit të sigurimit.

Mos shpejtoni e mos drejtoni mjetin nën efektin e alkoolit apo në gjendje të dehur, mos kryeni parakalime të gabuara dhe mos përdorni celularin gjatë drejtimit të mjetit, respektoni rregullat e qarkullimit rrugor që të arrini të sigurt në destinacion.

Policia Rrugore apelon për të gjithë drejtuesit e automjeteve që të respektojnë rregullat e qarkullimit rrugor, si dhe fton qytetarët që të denoncojnë në Komisariatin Dixhital dhe në numrin e emergjencave 112, çdo paligjshmëri./albeu.com

The post Shoferët problematikë shijojnë hapjen e ByPass-it të Vlorës me gjoba, ndëshkohen 54 drejtues mjetesh appeared first on Albeu.com.