Bulevardi Dëshmorët e Kombit Archives - Albeu.com

Përfshihet nga flakët “Benz-i” në mes të Tiranës

Xh — Tue, 18 Apr 2023 12:01:57 +0000

Një automjet tip Mercedez Benz “E-Class” është përfshirë nga flakët në bulevardin “Dëshmorët e Kombit” në kryeqytet.

Ngjarja ka ndodhur rreth orës 13:30 para Piramidës.

Forcat zjarrfikëse kanë shkuar menjëherë në vendin e ngjarjes për të shuar zjarrin.

E gjithë zona është mbuluar nga tymi çka ka krijuar vështirësi në qarkullim.

Nuk raportohet për persona të lënduar.

Tiranë/Informacion paraprak

Me datë 18.04.2023, në bulevardin “Dëshmorët e Kombit”, në afërsi të dy kullave, ka marrë flakë dhe është djegur pjesërisht mjeti në pronësi të shtetasit E. B. Si pasojë e zjarrit ka vetëm dëme materiale.

Paraprakisht dyshohet se zjarri ka rënë si pasojë e një defekti në mjet.

Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.

/Albeu.com.

The post Përfshihet nga flakët “Benz-i” në mes të Tiranës appeared first on Albeu.com.

Bulevardi Dëshmorët e Kombit “blindohet”, nuk lejohet as lëvizja e njerëzve (FOTO LAJM)

E B — Tue, 06 Dec 2022 08:15:11 +0000

Ardhja në Tiranë e 27 kryetarëve të shteteve, anëtare të BE, dhe atyre të BP ka vendosur kryeqytetin në masa të rrepta sigurie. Policia rrugore ka përcaktuar perimetrin e sigurisë së lartë. Për mbarëvajtjen e samitit ajo ka publikuar hartën e rrugëve, në të cilat nuk lejohet kalimi dhe parkimi i automjeteve, Që në orën 06:00 të mëngjesit policia ka mbyllur hyrjet në Tiranë nga Durrësi, Elbasani dhe qytetet në veri të vendit.

Bulevardi “Dëshmorët e Kombit” do të jetë i bllokuar. Në njoftimin e Policisë rrugore bëhet me dije që ”për mbarëvajtjen e samitit do të ketë bllokime të disa akseve rrugore urbane dhe interurbane të Tiranës”.

Siç shihet dhe nga pamjet e publikuara nga LSA, bulevardi është rrethuar me kangjella prej hekuri, ndërsa ruhet nga shumë efektivë policie. Kujtojmë se qeveria ka marrë masat në kuadër të masave të sigurisë për samitin e BE që do të mbahet sot në Tiranë.

The post Bulevardi Dëshmorët e Kombit “blindohet”, nuk lejohet as lëvizja e njerëzve (FOTO LAJM) appeared first on Albeu.com.

U shpall kampione e Europës, pamjet nga ceremonia e pritjes për nder të Luiza Gegës (VIDEO)

admin — Tue, 23 Aug 2022 09:16:32 +0000

Në Tiranë po mbahet ceremonia e pritjes në nder të sportistes Luiza Gega.

Ceremonia po mbahet në Bulevardin “Dëshmorët e Kombit” përpara Kryeministrisë, ku po marrin pjesë qindra persona.

Kujtojmë se Gega u shpall kampione e Europës në atletikë në garën 3000 m me pengesa në Gjermani./albeu.com/

The post U shpall kampione e Europës, pamjet nga ceremonia e pritjes për nder të Luiza Gegës (VIDEO) appeared first on Albeu.com.

Detaje nga protesta e Berishës, protestuesit do të ndahen në tre grupe, kush e mban fjalën i pari

E B — Thu, 07 Jul 2022 16:47:15 +0000

Mijëra qytetarë janë nisur nga shumë qytetet të vendit për të mbërritur në protestën e Sali Berishës në kryeqytet. Protesta është thirrur të mbahet në orën 19:00, ndërsa demokratët e parë kanë filluar të grumbullohen tek selia “Blu”.

Gazetari i ABC, Juxhin Mustafaj, raporton se është parashikuar që demokratët dhe protestuesit e tjerë të ndahen në tre grupe dhe më pas të bashkohen para kryeministrisë. Grupi i parë do të jetë tek Sheshi Skënderbej ku do të grumbullohen protestuesit që vijnë nga qytetet veriore të vendit. Juglindja do të grumbullohet pranë fakultetit Ekonomik, ndërsa protestuesit që vijnë nga jugu do të grumbullohen tek Bulevardi Dëshmorët e Kombit.

Para kryeministrisë është vendosur edhe një podium, ku pritet të mbajnë fjalën 20 persona, përfshirë Kryemadhin, Këlliçin dhe Vokshin. Ndërkohë fjalën i fundit do ta mbajë ish kryeministri Sali Berisha, i cili edhe do të mbyllë protestën. Berisha pritet të flasë për rreth 30 minuta.

The post Detaje nga protesta e Berishës, protestuesit do të ndahen në tre grupe, kush e mban fjalën i pari appeared first on Albeu.com.