“Panorama Sport” shkruan se ai është një opsion për stolin e Partizanit pas fundit të këtij sezoni. Para disa ditësh, pra pa u shkarkuar nga Vllaznia, 47-vjeçari është parë i shoqëruar nga drejtues të “demave” në një nga kafenetë e Tiranës.

Megjithëse ky takim mund të ketë qenë rastësor apo shoqëror, i shton shumë shanset e një bashkimi të Brdariç me të kuqtë në verë. Drejtuesit po shikojnë disa opsione për stolin dhe kroatogjermani është një kandidat potencial.

Pa dyshim, Brdariç bën pjesë në pakicën e trajnerëve të huaj, që kanë mundur të ambientohen dhe të korrin sukses në Kategorinë Superiore dhe tashmë ai është në listën e disa klubeve duke i bërë konkurrencë edhe trajnerëve të tjerë shqiptarë, të afirmuar prej vitesh.

The post E BUJSHME/ Partizani tenton Tomas Brdaric për stolin appeared first on Albeu.com.

Tekniku gjerman i Vllaznise e ka cilësuar këtë një pyetje të çuditshme dhe ka ndërprerë në mes prononcimin e tij për gazetarët pas sfidës.

“Duhet të jeni të kujdesshëm me këtë pyetje. Po punojmë prej një viti e gjysmë këtu. Kemi ndërtuar këtu një Vllazni të re, jemi shumë konkurrues. Dhe një humbje ndaj Tiranës që mendoj se do shpallet kampione dhe me pyesni a do të shkarkohem! Çfarë është kjo? Çfarë është kjo pyetje? Më thuaj të lutem se çfarë është kjo pyetje?

Se unë e di se sa e vështirë është të punosh këtu. Nëse dikush më pyet a jam apo jo në gjendje më të punoj, atëherë mund të jap këtë përgjigje. Por të më pyesësh nëse rrezikoj të shkarkohem pas një humbej ndaj Tiranës, më duket pak e tepruar. Më falni”, tha Brdariç duke u larguar menjëherë dhe duke lënë në mes konferencën e tij, dukshëm i nervozuar.

The post Brdariç nuk e mbajnë nervat para gazetarëve, braktis konferencën për shtyp (VIDEO) appeared first on Albeu.com.

“Mendoj se sot kemi parë vetëm mundësitë e humbura. Jam shumë krenar për ekipin tim, i cili bëri shumë mirë përballë një kundërshtari të fortë si Kukësi.

Nuk u lejuam atyre raste të pastra, duhet të jemi të lumtur për lojën që zhvilluam. Duhet t’ia kishim shpërblyer vetes me një gol tjetër, por të vazhdojmë përpara.

Mendoj se ishte një pikë e fituar me zotësi, nuk ishin dy pikë të humbura. Jemi akoma në proces zhvillimi, do të përmirësohemi gjithnjë e më shumë”. /h.ll/albeu.com

The post Brdaric: Jam krenar për ekipin, duhet ta shpërblenim veten me gol tjetër appeared first on Albeu.com.

“Mendoj se të bësh krahasime me një ndeshje tjetër nuk është e drejtë. Luajtëm kundër një ekipi që nuk ka pasur rezultate pozitive, por ka lojtarë me kualitet”.

“I thashë djemve përpara ndeshjes se jam kurioz të shoh se si do e përballonin sfidën ndaj Dinamos. Gjërat nuk shkuan siç duhet në pjesën e parë, nuk mund të jesh i suksesshëm nëse luan në këtë mënyrë”.

“Fola me lojtarët në pushim, u thashë që nuk mund të vazhdojmë në këtë mënyrë. Gjërat ndryshuan, u përmirësuam, por nuk patëm fat në gjetjen e golit”.

“Duhet të kishim fituar më shumë duele, mendoj se loja e dobët në krahun e majtë ishte pasojë e dueleve që nuk fituam. Nuk fituam topat e dytë në pjesën e parë, kjo na penalizoi”, tha Brdaric.

The post Brdaric: Nuk mund të luhet si në pjesën e parë! Për golin s’patëm fat appeared first on Albeu.com.

“Mendoj se përballja me Partizanin ishte e fortë dhe ata kanë dëshirë të fitojnë me ne. Ishin mirë në mbrojtje, ne lamë hapësira në prapavijë dhe ata përfituan. Daja? Secili duhet të shohë ekipin e vet, ne kemi pesë pikë dhe ata kanë dy. Nëse arbitri nuk do kishte gabuar te goli për pozicionin jashtë loje, ne do kishim marrë tri pikë dhe do flisnim ndryshe. Ajo shkoi dhe tani të përqëndrohemi te Skënderbeu.”

Lidhur me ndeshjen me Skënderbeun, trajneri i shkodranëve tha se ka disa mungesa ndaj dhe do të bëjë ndryshime në rreshtimin e skuadrës.

“Na mungojnë Da Silva. Do luajë Fallu-Dianje në pozicion tjetër, do bëjmë disa ndryshime nga ndeshja me Partizanin. Jemi një grup në zhvillim dhe do kemi ulje-ngritjet tona. Synojmë që të bëhemi një ekip me vetbesim dhe të rrisim nivelin e lojës, që të bëhemi më të mire. Nuk duhet t’i lejojmë hapësirat që kërkojnë dhe jemi gati për këtë ndeshje të radhës me Skënderbeun”, përfundoi trajneri gjerman.

The post Brdariç kërkon 3 pikët ndaj Skënderbeut në Korçë appeared first on Albeu.com.

Gjithashtu edhe Latifi e sheh rivalin si të kalueshëm, por sigurisht që kërkohet Vllaznia në ditën e saj më të mirë dhe të mos i dhurojë asgjë qipriotëve.

“AEL-i është i kalueshëm, por duhet të jemi shumë të përqendruar. Shpresoj të jemi në ditën tonë më të mirë, sepse ata janë një ekip me lojtarë individualistë shumë të mirë, mund të na dënojnë shumë lehtë. Ne jemi një grup shumë i fortë, kemi një staf shumë të mirë. Shpresoj t’ia arrijmë qëllimeve tonë dhe ashtu si e ka përgatitur trajneri taktikisht, të ecë ndeshja. Shpresoj ta mbarojmë pa kohë shtesë. Ne duhet të shënojmë dy gola, por nuk i dihet. Edhe nëse shkojmë në shtesa, do të japim maksimumin për t’u kualifikuar. Kalimi te Vllaznia? Ishin bindjet e presidentit, por një nga arsyet kryesore ishte edhe trajneri, i cili ka një eksperiencë të jashtëzakonshme në futbollin evropian, siç e dinë të gjithë”, tha Latifi.

The post Liridon Latifi beson te kualifikimi i Vllaznisë në turin e tretë: E zgjodha nga trajneri Brdariç appeared first on Albeu.com.