bombardime ne kharkiv Archives - Albeu.com

Raketat ruse godasin Kharkivin disa orë pas vizitës së papritur të ministres gjermane

Xh — Wed, 11 Jan 2023 06:53:14 +0000

Raketat ruse goditën qytetin lindor të Ukrainës, Kharkiv, të martën vonë, tha guvernatori rajonal, vetëm disa orë pas një vizite të papritur të ministres së Jashtme gjermane me homologun e saj ukrainas, raporton AFP.

Annalena Baerbock u zotua për mbështetje të mëtejshme gjermane për Kievin në udhëtimin e saj të paparalajmëruar, por kryediplomati ukrainas Dmytro Kuleba tha se refuzimi i Berlinit për të dërguar tanke luftarake vendit të tij po i kushtonte jetë.

“Qëndroni në strehimore. Pushtuesit po bombardojnë sërish!,” paralajmëroi Guvernatori rajonal Oleg Synegubov në Telegram. Një gazetar i AFP dëgjoi disa shpërthime në qytet.

Baerbock, e cila të martën u bë zyrtarja perëndimore e nivelit më të lartë që vizitoi Kharkivin, kishte premtuar mbështetje të mëtejshme gjermane për Kievin.

“Në të gjitha pjesët e Ukrainës, nga Kharkiv në Kherson në Kiev, njerëzit duhet të dinë se mund të mbështeten në solidaritetin dhe mbështetjen tonë,” tha ajo.

Ajo theksoi se Gjermania do të vazhdojë të furnizojë me armë “që i duhen Ukrainës për të çliruar qytetarët e saj që ende vuajnë nga terrori i okupimit rus”./Albeu.com/

The post Raketat ruse godasin Kharkivin disa orë pas vizitës së papritur të ministres gjermane appeared first on Albeu.com.

Lufta/ 7 të vrarë në Kharkiv nga sulmet ruse, mes tyre 3 punonjës të ndihmës së shpejtë

A M — Tue, 19 Apr 2022 19:25:17 +0000

Gjithsej shtatë persona u vranë në qytetin lindor të Ukrainës, Kharkiv, të martën, sipas raporteve lokale. Mes viktimave janë 3 punonjës të ndihmës së shpejt. Ata u vranë vranë gjatë përpjekjes për të çaktivizuar bombat e pashpërthyera në rajon. Kryebashkiaku Ihor Terekhov konfirmoi vdekjen e fundit në një intervistë televizive këtë mbrëmje. Katër të tjerë [...]

Bombardimet ruse në Kharkiv, shënohen dy viktima

E B — Mon, 18 Apr 2022 14:55:59 +0000

Në raportet të bombardimeve, dy persona kanë vdekur pasi Rusia sulmoi sot rrethin Osnovyansky të Kharkiv, tha një zëdhënës i zyrës së prokurorit rajonal të Kharkiv.

Dmitry Çubenko tha se procedimi penal ishte hapur pas incidentit, në të cilin një burrë dhe një grua vdiqën, duke shtuar se granatimet ruse ranë në këndet e lojërave pranë ndërtesave të banimit.

Ushtria ruse qëlloi gjithashtu mbi një numër objektesh mjekësore në Kharkiv, duke shkatërruar qendrën perinatale, tha kryetari i saj Igor Terekhov për mediat lokale.

“Tani ne po i transferojmë gratë që do të lindin në institucione të tjera mjekësore”, tha ai.-albeu.com

The post Bombardimet ruse në Kharkiv, shënohen dy viktima appeared first on Albeu.com.