Gazetarja e Anila Hoxha raporton se mesazhi po qarkullon në celularët e avokatëve, dhe në të kërkohet mbledhje urgjente e Dhomës së Avokatisë dhe bojkot i plotë i të gjitha proceseve civile dhe penale në të gjitha nivelet, përveç çështjeve që lidhen me masat e sigurimit.

Kërkesat kryesore të përfshira në këtë dokument janë:

– Anulimi i procedimit penal ndaj Ulian Barjamit, të cilin e konsiderojnë të paligjshëm, nisur nga deklarimet e tij në seancën gjyqësore të datës 17 tetor 2025.

– Kthimi i menjëhershëm i telefonit personal të avokatit Barjami të sekuestruar prej policisë.

-Hetimi dhe ndëshkimi i efektives Zmeralda Mehilli dhe drejtuesve të policisë së Elbasanit për ndalimin e paligjshëm të Barjamit më 18 tetor.

-Hetimi i prokurores Ajkuna Anxhaku, për mosveprim dhe shpërdorim detyre lidhur me rastin.

-Masa disiplinore ndaj prokurorit Gjergji Ceka dhe gjyqtares Megi Strakosha, për qëndrimin e tyre ndaj avokatit gjatë një seance gjyqësore.

Sipas dokumentit, mospjesëmarrja e avokatëve në seanca do të jetë një arsye e ligjshme për shtyrjen e proceseve gjyqësore, ndërsa çdo avokat që nuk e respekton bojkotin do të përballet me masa disiplinore që shkojnë deri në heqjen e licencës për ushtrimin e profesionit. Kërkesa pritet t’i dërgohet institucioneve të drejtësisë, përfshirë KLGJ-në, KLP-në, ILD-në dhe SPAK-un, si dhe të bëhet publike në media.

Më poshtë po ju paraqesim kërkesat, pjesë e dokumentit që po qarkullon në telefonat e avokatëve:

Bllokimin, nëpërmjet bojkotit pa afat, të të gjitha proceseve civile dhe penale, si në hetim dhe në gjykim, në të gjitha shkallët, përfshi edhe proceset në Gjykatën Kushtetuese duke përjashtuar nga efektet e këtij bojkoti pjesmarrjen në çështjet penale me objekt caktimi, ndryshimi, zëvendësimi dhe shuarje e masave të sigurimit, deri në përmbushjen e këtyre kushteve:

-të vendoset menjëherë mosfillimi i procedimit penal të regjistruar në mënyrë të paligjshme nga Prokuroria e Elbasanit, prokurorja Ajkuna Anxhaku, ndaj avokatit Ulian Barjami për deklarimet e tij në seancën e datës 17.10.2025.

– ti kthehet menjëherë telefoni i avokatit Ulian Barjami i sekuestruar në mënyrë të paligjshme nga oficerja e policisë gjyqësore Zmeralda Mehilli, në datën 18.10.2025.

– të hetohet dhe të merren masa ndëshkuese për oficeren e policisë gjyqësore Zmeralda Mehilli dhe të gjithë zinxhirin drejtues të Drejtorisë Vendore të Policisë Elbasan, për ndalimin e paligjshëm që i kanë bërë avokatit Ulian Barjami në datën 18.10.2025 ora 17.40 në ambientet e kësaj drejtorie.

– të hetohet dhe të merren masa ndëshkuese për prokuroren e gatshme në Prokurorinë e Elbasanit për datën 18.10.2025 Ajkuna Anxhaku, e cila me neglizhencë nuk mori masa për ndalimin e paligjshmerisë së kryer nga opgj-Zmeralda Mehilli, madje në shpërdorim detyre, edhe pasi u njoftua me mesazh telefonik nga avokati mbrojtës Adriatik Kuka ne orët e para të mëngjesit të datës 19.10.2025 për rastin dhe nevojën për ndërhyrjen e saj, nuk mori asnjë masë për të ndaluar paligjshmërinë por e zgjati këtë paligjshmëri deri në orët e pasdites së datës 20.10.2025 pra deri në fund të afatit ligjor maksimal 48 orë nga momenti i ndalimit të paligjshëm.

– të hetohet dhe të merren masa ndëshkuese për prokurorin Gjergji Ceka dhe gjyqtaren Megi Strakosha për shkelje shumë të rëndë të etikës në lidhje me komunikimin e tyre drejtuar avokatit Ulian Barjami, në seancën e datës 17.10.2025 për shqyrtimin e kërkesës për caktimin e disa masave të sigurimit.

2. Ti dërgohet vendimi, për njoftim dhe plotësim të kushteve, Këshillit të Lartë Gjyqësor, Këshillit të Lartë të Prokurorisë, Inspektoriatit të Lartë të Drejtësisë, Prokurorisë së Posaçme kundër Korrupsionit dhe Krimit të Organizuar dhe të gjitha mediave në Republikën e Shqipërisë.

3.Mospjesmarrja e avokatëve në proceset penale si në hetim dhe gjykim në datat e mësipërme, është arsye objektive për shtyrjen e proceseve gjyqësore.

4.Moszbatimi i këtij vendimi nga avokatet përbën shkelje të rëndë disiplinore, si rrjedhojë shërben si bazë për fillim të procedimit disiplinor nga Komiteti i Disiplinës, duke u shoqëruar me vendosjen e masave më të rënda disiplinore, pezullim deri në heqjen e liçensës së ushtrimit të profesionit.

The post Masa disiplinore që shkojnë deri në heqjen e licensës/ Pas arrestimit të Ulian Barjamit, avokatët përshkallëzojnë qëndrimin: Kërkojnë bojkot privat në nismën anonime appeared first on Albeu.com.

Komisionerët europianë do të bojkotojnë takimet që Viktor Orban do të mbajë gjatë kësaj periudhe në kuadër të presidencës dhe do të përfaqësohen nga zyrtarë të nivelit më të ulët.

“Në vazhdën e zhvillimeve të fundit, që shënojnë fillimin e presidencës hungareze, presidentja e Komisionit Evropian, Ursula von der Leyen ka vendosur që komisioni të përfaqësohet në nivelin e nëpunësve civilë. Vizita e kolegjit në presidencën hungareze nuk do të realizohet”, tha zëdhënësi i Presidencës së Komisionit Evropian, Eric Mamer.

Hungaria protestoi kundër këtij vendimi. Ministri i Çështjeve Evropiane, Janos Boka tha se komisioni nuk mund të vendosë se me cilët institucione apo vende anëtare të bashkëpunojë.

Vendimi i europianëve vjen si hakmarrje ndaj liderit hungarez, i cili u takua me Vladimir Putin dhe Xi Jinping sapo mori presidencën për ato që ai i quajti përpjekje për paqe.

Për të njëjtën arsye në PE ka nisur gjithashtu një iniciativë për t’iu kërkuar rganeve përgjegjëse të Bashkimit Evropian, që t’i pezullojnë Hungarisë të drejtën e vetos.

Viktor Orban është lideri më i zëshëm europian, i cili ka kundërshtuar paketat e ndihmave ndaj Ukrainës dhe ka ruajtur raportet më Rusinë e Kinën.

The post BE bojkoton presidencën e Orban, vendimi si “ndëshkim” për kontaktet e Hungarisë me Rusinë dhe Kinën appeared first on Albeu.com.

Kryetari i Komisionit, Fatmir Xhafaj, u shpreh se opozita do të duhej të ishte pjesë e mbledhjes, duke iu kërkuar që të reflektojnë.

“Do të duhej që kolegët e nderuar të opozitës të merrnin pjesën ë mbledhje sipas detyrimit të Kuvendit.

Shpresoj në reflektimin e tyre. Opozita dhe shumë faktorë të tjerë që janë ftuar nga ne duhet të jenë pjesë e këtij procesi transparent”, tha Xhafaj.

The post Opozita bojkoton sërish mbledhjen e Komisionit të Posaçëm Antikorrupsion, Fatmir Xhafaj: Duhet të ishin këtu appeared first on Albeu.com.

Në mbledhje janë të ftuar edhe deputetët e opozitës, ndonëse këta të fundit nuk e kanë votuar dhe kanë deklaruar se nuk do të bëhen pjesë e këtij komisioni të Posaçëm.

Në cilësinë e kryetarit të Komisionit, socialisti Fatmir Xhafaj, u shpreh i keqardhur që opozita nuk iu përgjigj ftesës.

“Ky komision do të diskutojë çështje në interes të qytetarëve dhe që janë përtej ngjyrimeve tona politike.

Rikujtojmë se opozita më herët nuk mori pjesë në konstituimin dhe mbledhjet e para të reformës në drejtësi, por ata e kuptuan gabimin. Shpresoj që të mos ndodhë e njëjta gjë, por të na bashkohen”, u shpreh Xhafaj.

Keqardhje për mungesën e opozitës, shprehu edhe kryetarja e Kuvendit, Lindita Nikolla.

“Ky komision do të ketë mbështetjen tonë të plotë. Nuk ka asnjë pjesë politike dhe është gjithëpërfshirës”, tha Nikolla.

Komisioni ka 11 anëtarë, 6 nga mazhoranca dhe 5 nga opozita, komision me afat 10 mujor. Anëtarët e këtij komisioni, janë kryetarët dhe zv.kryetarët e 4 komisioneve të përhershme parlamentare dhe ata të Këshillit të Integrimit Evropian.

Objekti i Komisionit të Posaçëm Antikorrupsion

Komisioni i Posaçëm në zbatim të rezolutës së Kuvendit “Për thellimin e reformave për mirëqeverisjen, sundimin e ligjit dhe antikorrupsionin për Shqipërinë 2030 në Bashkimin Evropian”, ka për qëllim kryesor të tij të drejtojë e koordinojë një proces të thelluar reformimi, me synim:

1) Përmirësimin dhe konsolidimin e praktikave të mirëqeverisjes në të gjitha nivelet

2) Thellimin e luftës kundër korrupsionit

3) Forcimin e mëtejshëm të zbatimit të ligjit, duke patur si udhërrëfyes gjetjet dhe rekomandimet e raporteve të Bashkimit Evropian dhe raportit Screening të Komisionit Evropian për grupkapitullin e parë, si dhe adresimin e masave të udhërrëfyesve të miratuar nga qeveria “Për shtetin e së drejtës” dhe “Reformën në administratën publike”.

Komisioni i Posaçëm ka për objekt të veprimtarisë së tij që përmes një procesi publik, gjithëpërfshirës e transparent, mbështetur në mekanizmat, rregullat dhe procedurat përkatëse parlamentare dhe me angazhimin e kontributin aktiv të ekspertizës më të mirë vendase dhe ndërkombëtare të realizojë:

1) Një vlerësim / analizë të situatës aktuale në të tre fushat, duke u mbështetur kryesisht në gjetjet dhe rekomandimet e shprehura në raportet e Bashkimit Evropian, përmes një angazhimi gjithëpërfshirës me institucionet e qeverisjes qendrore dhe vendore, agjencitë ekzekutive e ato publike të pavarura, institucionet e sistemit të drejtësisë, ekspertë vendas dhe ndërkombëtarë, subjekte të tjera të interesuara, organizatat e shoqërisë civile dhe vetë opinionin publik;

2) Hartimin dhe miratimin e një Plani Kombëtar Veprimi, me kohështrirje afatgjatë dhe të qëndrueshme për adresimin e sfidave përkatëse në këto fusha, duke rekomanduar edhe masa konkrete për ndryshime të mundshme ligjore dhe institucionale, të cilat duhet të adresohen në secilën fushë nga institucionet përgjegjëse;

Përbërja e Komisionit të Posaçëm Antikorrupsionin për Shqipërinë 2030

1. Fatmir Xhafaj kryetar (PS)

2. Klotida Bushka anëtare (PS)

3. Eduard Shalsi anëtar (PS)

4. Etilda Gjonaj anëtare (PS)

5. Evis Kushi anëtare (PS)

6. Toni Gogu anëtar (PS)

7. Jorida Tabaku anëtare (PD)

8. Dhurata Tyli anëtare (PD)

9. Sorina Kote anëtare (PD)

10. Flutura Açka anëtare (PD)

11. anëtar (PD)

1. Milva Ekonomi anëtare zëvendësues (PS)

2. Erion Braçe anëtar zëvendësues (PS)

3. anëtar zëvendësues (PD)

4. anëtar zëvendësues (PD)

The post Opozita bojkoton Komisionin Antikorrupsion/ Xhafaj e Nikolla: Keqardhje për ta appeared first on Albeu.com.

Dhoma Kombëtare e Avokatisë, ka vendosur që nuk do të bojkotojë vetëm seancat e masave të sigurimit që janë me afat të ngutshëm.

Në vendim thuhet se të gjithë avokatët që do të shkelin këtë vendim do të përballen me masa, duke përfshirë edhe heqjen e licencës.

Raportohet se pro vendimit për bojkotimin për 3 ditë votuan 28 anëtar të këshillit, ndërkohë që 12 anëtarë ishin dakort për bojkot 1 javor.

Maks Haxhia, duke bërë të ditur vendimin tha se ajo vjen pas ngjarjes së rëndë të ndodhur ndaj kolegut tonë Sokol Mëngjesi.

“Falenderoj Policinë e Shtetit për gadishmërinë dhe seriozitetin e trajtimit të ccështjes, sikundër falenderoj grupin e mjekëve”, tha Haxhia.

Ai u shpreh se kjo ngjarje ishte në vazhdën e përshkallëzimeve që kanë ndodhur ndaj Dhomës së Avokatisë.

Lidhur me aktet e dhunës ndaj avokatëve, Haxhia në emër të Dhomës Kombëtare të Avokatisë etiketoi si përgjegjës segmente të politikës, prokurorët dhe gjyqtarët për trajtimet e diferencuara, si dhe institucionet drejtuese të gjyqësorit, KLGJ dhe KLP.

Gjithashtu, ai tha se një kritikë shkon edhe ndaj misionit të Bashkimit Europian, që duhet të hedhë sytë nga vendimet e Strasburgut lidhur me rolin e avokatit.

The post Sulmi ndaj Sokol Mëngjesit/ Dhoma Kombëtare e Avokatisë vendos të bojkotojë për 3 ditë seancat gjyqësore appeared first on Albeu.com.

Ndonëse pr.vendimi për ngritjen e Komisionit është futur në rendin e ditës, opozita ka paralajmëruar se është skeptike sa i takon kësaj pike.

Në kushtet kur opozita ka dhënë sinjale se nuk do t’i bashkohet kësaj nisme, ky komision i Posaçëm për Thellimin e Reformave për Mirëqeverisjen, Sundimin e Ligjit dhe Antikorrupsionin, mazhoranca vijon përpjekjet për të gjetur gjuhën e përbashkët me pakicën politike, që komisioni të votohet nga të dyja palët.

Në rast refuzimi të opozitës mazhoranca sheh si mundësi të shtyjë votimin, për miratimin e këtij komisioni në një seancë tjetër kur të jetë arritur kompromisi.

Kujtojmë se një ditë më parë, Rithemelimi deklaroi një ditë më parë se nuk do e mbështesin me votë ngritjen e Komisionit të Posaçëm Antikorrupsion.

PR.VENDIMI
Në projekt-vendim thuhet se Komisioni i Posaçëm ka për objekt të veprimtarisë së tij që përmes një procesi publik, gjithëpërfshirës e transparent, mbështetur në mekanizmat, rregullat dhe procedurat përkatëse parlamentare dhe me angazhimin e kontributin aktiv të ekspertizës më të mirë vendase dhe ndërkombëtare të realizojë:

Komisioni i Posaçëm përbëhet nga 11 anëtarë, nga të cilët 6 janë përfaqësues të shumicës parlamentare dhe 5 përfaqësues të pakicës parlamentare. Pranë Komisionit të Posaçëm, për të realizuar një proces sa më gjithëpërfshirës e transparent, do të ngrihet dhe funksionojë grupi i punës i ekspertëve vendas dhe ndërkombëtarë me përfaqësues të propozuar nga institucionet e drejtësisë, institucionet e pavarura dhe agjensitë ekzekutive ligjzbatuese, administrata publike, bota akademike, universitetet publike dhe jopublike, institute e organizata të shoqërisë civile dhe medias, si edhe organizata të sipërmarrjes, etj.

Grupi i ekspertëve do të organizohet në 3 nëngrupe që do të angazhohen për 3 fushat e objektit të veprimtarisë së këtij komisioni. Ekspertët do të angazhohen në funksion të temave përkatëse, që lidhen me fushat e tyre të veprimtarisë në procesin e kryerjes së analizës dhe hartimin e Planit Kombëtar të Veprimit si dhe propozimin e masave përkatëse legjislative e institucionale.

Numri dhe përbërja e grupit të ekspertëve miratohet me vendim të komisionit.
Komisioni mund të ftojë për konsultime për çështje specifike edhe agjenci dhe ekspertë të tjerë vendas e ndërkombëtarë të mirënjohur në fushat përkatëse.

Projekt-vendimi për ngritjen e Komisionit të Posaçëm

REPUBLIKA E SHQIPËRISË KUVENDI

PROJEKTVENDIM

Nr.____/2024

PËR KRIJIMIN E KOMISIONIT TË POSAÇËM

“PËR THELLIMIN E REFORMAVE PËR MIRËQEVERISJEN, SUNDIMIN E LIGJIT DHE ANTIKORRUPSIONIN PËR SHQIPËRINË 2030 NË BASHKIMIN EVROPIAN”

Në mbështetje të neneve 7, 77.1, 78 dhe 80.3 të Kushtetutës dhe të neneve 24 e vijues të Rregullores së Kuvendit, si dhe në zbatim të Rezolutës së Kuvendit të datës 27.05.24, me propozimin e një grupi deputetësh,

KUVENDI I REPUBLIKËS SË SHQIPËRISË VENDOSI:

Ngritjen e Komisionit të Posaçëm Parlamentar “Për thellimin e reformave për mirëqeverisjen, sundimin e ligjit dhe antikorrupsionin për Shqipërinë 2030 në Bashkimin Evropian”.
Komisioni i Posaçëm në zbatim të rezolutës së Kuvendit “Për thellimin e reformave për mirëqeverisjen, sundimin e ligjit dhe antikorrupsionin për Shqipërinë 2030 në Bashkimin Evropian” ka për qëllim kryesor të tij të drejtojë e koordinojë një proces të thelluar reformimi, me synim: 1) përmirësimin dhe konsolidimin e praktikave të mirëqeverisjes në të gjitha nivelet, 2) thellimin e luftës kundër korrupsionit dhe 3) forcimin e mëtejshëm të zbatimit të ligjit, duke patur si udhërrëfyes gjetjet dhe rekomandimet e raporteve të Bashkimit Evropian dhe raportit Screening të Komisionit Evropian për grupkapitullin e parë, si dhe adresimin e masave të udhërrëfyesve të miratuar nga qeveria “Për shtetin e së drejtës” dhe “Reformën në administratën publike”.
III. Komisioni i Posaçëm ka për objekt të veprimtarisë së tij që përmes një procesi publik, gjithëpërfshirës e transparent, mbështetur në mekanizmat, rregullat dhe procedurat përkatëse parlamentare dhe me angazhimin e kontributin aktiv të ekspertizës më të mirë vendase dhe ndërkombëtare të realizojë:

1.) Një vlerësim / analizë të situatës aktuale në të tre fushat, duke u mbështetur kryesisht në gjetjet dhe rekomandimet e shprehura në raportet e Bashkimit Evropian, përmes një angazhimi gjithëpërfshirës me institucionet e qeverisjes qendrore dhe vendore, agjencitë ekzekutive e ato publike të pavarura, institucionet e sistemit të drejtësisë, ekspertë vendas dhe ndërkombëtarë, subjekte të tjera të interesuara, organizatat e shoqërisë civile dhe vetë opinionin publik;
ii) Hartimin dhe miratimin e një Plani Kombëtar Veprimi, me kohështrirje afatgjatë dhe të qëndrueshme për adresimin e sfidave përkatëse në këto fusha, duke rekomanduar edhe masa konkrete për ndryshime të mundshme ligjore dhe institucionale, të cilat duhet të adresohen në secilën fushë nga institucionet përgjegjëse;
Komisioni i Posaçëm përbëhet nga 11 anëtarë, nga të cilët 6 janë përfaqësues të shumicës parlamentare dhe 5 përfaqësues të pakicës parlamentare.
Me qëllim ruajtjen konform rregullores të raportit shumicë – pakicë, shfrytëzimin efektiv të përvojës së krijuar qysh në fillesat e Reformës në Drejtësi, si dhe sigurimin e vazhdimësisë së punës e të produkteve të këtij procesi përtej legjislaturës aktuale dhe përgjatë harkut të negociatave me Bashkimin Evropian, komisioni si rregull do të përbëhet nga Kryetarë dhe Zëvendëskryetarë të Komisioneve të Përhershme: për Çështjet Ligjore, Administratën Publike dhe të Drejtat e Njeriut (2); për Ekonominë dhe Financat (2); për Çështjet Evropiane (2); për Edukimin dhe Mjetet e

2.) Informimit Publik (2); dhe Këshillit Kombëtar të Integrimit Evropian (2).

Emrat e anëtarëve të tij do të përcaktohen me vendim të Kuvendit.

Kryetari i komisionit është përfaqësues i shumicës parlamentare dhe zëvendëskryetari është përfaqësues i pakicës parlamentare.

Komisioni i Posaçëm do të zhvillojë veprimtarinë e tij në një afat kohor 10 mujor. Në rast nevoje, me kërkesë të arsyetuar të komisionit, Kuvendi mund të vendosë zgjatjen e afatit të ushtrimit të veprimtarisë së komisionit.
VII. Komisioni i Posaçëm Parlamentar organizon dhe zhvillon veprimtarinë e tij mbështetur në dispozitat e Rregullores së Kuvendit për funksionimin e komisioneve parlamentare. Komisioni do të ndërmarrë të gjitha përpjekjet për të miratuar dokumentet përfundimtare nga një shumicë e konsiderueshme e deputetëve, duke e konsideruar kritike që ushtrimi të gëzojë mbështetje të gjerë dhe të pasqyrojë nevojën për ndërtimin e konsensusit që Kuvendi, populli shqiptar dhe partnerët ndërkombëtarë presin nga Komisioni i Posaçëm Parlamentar dhe procesi që ai do të zhvillojë dhe mbikëqyrë.

VIII. Pranë Komisionit të Posaçëm, për të realizuar një proces sa më gjithëpërfshirës e transparent, do të ngrihet dhe funksionojë grupi i punës i ekspertëve vendas dhe ndërkombëtarë me përfaqësues të propozuar nga institucionet e drejtësisë, institucionet e pavarura dhe agjensitë ekzekutive ligjzbatuese, administrata publike, bota akademike, universitetet publike dhe jopublike, institute e organizata të shoqërisë civile dhe medias, si edhe organizata të sipërmarrjes, etj.

Grupi i ekspertëve do të organizohet në 3 nëngrupe që do të angazhohen për 3 fushat e objektit të veprimtarisë së këtij komisioni. Ekspertët do të angazhohen në funksion të temave përkatëse, që lidhen me fushat e tyre të veprimtarisë në procesin e kryerjes së analizës dhe hartimin e Planit Kombëtar të Veprimit si dhe propozimin e masave përkatëse legjislative e institucionale.

Numri dhe përbërja e grupit të ekspertëve miratohet me vendim të komisionit.

Komisioni mund të ftojë për konsultime për çështje specifike edhe agjenci dhe ekspertë të tjerë vendas e ndërkombëtarë të mirënjohur në fushat përkatëse.

Komisioni i Posaçëm për të garantuar një proces objektiv dhe në standardet më të mira ndërkombëtare dhe plotësisht në përputhje me rekomandimet e Bashkimit Evropian, fton ekspertizën më të mirë ndërkombëtare, domosdoshmërisht të aleatëve tanë strategjike, si Bashkimi Evropian dhe Shtetet e Bashkuara të Amerikës, duke krijuar mundësinë dhe pjesëmarrjen aktive të tyre përmes ekipeve të monitorimit dhe asistencës teknike.
Në cilësinë e ekspertëve ndërkombëtare, komisioni mund të ftojë të marrin pjesë edhe përfaqësues të Këshillit të Evropës, Prezencës së OSBE-së, USAID, SIDA, vendeve anëtare të Bashkimit Evropian, Mbretërisë së Bashkuar, agjencive të ndryshme të specializuara në fushat përkatëse, si GRECO, OGP etj., si edhe lektorë me karriera të spikatura në vendet partnere të Shqipërisë për fushat e objektit të punës së tij.

Pranë Komisionit të Posaçëm, ngrihet dhe funksionon një sekretariat teknik i përhershëm gjatë gjithë mandatit të komisionit, i përbërë nga këshilltarë/specialistë të Shërbimit Juridik të Kuvendit, administratës publike, juristë të institucioneve të pavarura dhe agjencive ligjzbatuese si edhe juristë të tjerë me përvojë që do të ftohen të kontribuojnë përkohësisht si pjesë e kësaj strukture gjatë mandatit të këtij komisioni. Sekretariati teknik do të shërbejë për të mbështetur Komisionin e Posaçëm dhe grupet e ekspertëve në kryerjen e detyrave të tyre.
Komisioni i Posaçëm, për realizimin e objektit të tij të përcaktuar si më sipër, në bashkëpunim edhe me grupin e ekspertëve, do të organizojë:

Seanca dëgjimore me qëllim konsultimi, tryeza pune dhe diskutime publike lidhur me temat objekt pune të këtij komisioni me: i) Institucionet e qeverisjes qendrore dhe vendore sipas fushave përkatëse të përgjegjësisë; ii) Institucionet e sistemit të drejtësisë; iii) Institucionet publike të pavarura të krijuara nga Kuvendi; iv) Agjencitë ekzekutive ligjzbatuese, që kanë objekt të veprimtarisë së tyre luftën ndaj korrupsionit, administrimin e pasurisë publike, krimin ekonomik, parandalimin e pastrimit të parave, auditimin dhe inspektimin financiar, kontrollin e brendshëm, informalitetin apo mbikqyrjen e tregut, rregjistrimin e administrimin e pronës etj.; v) Ekspertë të mirënjohur të fushave përkatëse; v) Përfaqësues të organizatave të shoqërisë civile dhe grupeve të interesit; vi) Pedagogë e studentë; viii) Përfaqësues të organizatave të specializuara brenda e jashtë vendit, etj.;

Mbledhjen dhe përpunimin e informacioneve dhe të dhënave të nevojshme nga struktura të ndryshme shtetërore në funksion të përmbushjes së objektit të tij;

Përfshirjen në këtë proces të opinionit publik dhe veçanërisht të rinisë universitare, nëpërmjet hapësirave të bashkëbisedimit tematik dhe një portali online të krijuar posaçërisht për këtë qëllim, etj.

XII. Çdo parti tjetër joparlamentare, që nuk është e përfshirë në këtë komision do të ftohet të marrë pjesë në aktivitetet e hapura, si dhe të ofrojë kontribute konkrete pranë komisionit dhe grupit të ekspertëve.

XIII. Këshilli i Ministrave mund të përfaqësohet në veprimtaritë e Komisionit me pjesëmarrjen e ministrit të shtetit dhe (1) Kryenegociator, për (2) Marrëdhëniet me Parlamentin, për (3) Antikorrupsionin dhe Administratën Publike dhe për (4) Pushtetin Vendor, të cilët do të mund të japin opinionet e tyre për çështje të caktuara, si edhe të kontribuojnë përmes ekspertëve të tyre.

XIV. Ngarkohet Byroja e Kuvendit dhe Sekretari i Përgjithshëm i Kuvendit për krijimin e kushteve të punës, mbështetjen financiare e logjistike të veprimtarisë së këtij Komisioni të Posaçëm, grupit të ekspertëve dhe sekretariatit teknik.

Ky vendim hyn në fuqi menjëherë.

The post Nis seanca, votohet sot në Kuvend për ngritjen e Komisionit të Posaçëm Antikorrupsion, opozita paralajmëron bojkot appeared first on Albeu.com.

REAGIMI:

Përfaqësuesit e mazhorancës në Komisionin Hetimor për kontratat në shëndetësi nuk do t’i përgjigjen thirrjes së kryetares së komisionit Albana Vokshi, për sa kohë në mënyrë të përsëritur vijohet me praktikën e caktimit të rendit të ditës në mënyrë të pakoordinuar dhe padakordësuar. Edhe kësaj radhe, caktimi i rendit të ditës dhe orës e datës së mbledhjes është vendosur pa qenë ne në mbledhje. Ne kemi vendosur tashmë deklarimin e hapur të hetimit duke miratuar Planin e Hetimit bashkë me kalendarin, ku pasqyrohen qartë të gjithë hapat hetimorë të komisionit.

Po kështu kemi miratuar kërkesat për marrje provash të opozitës dhe mazhorancës. Për sa kohë mbledhja në fjalë është fuqi, duhet respektuar vendimmarrja e anëtarëve të komisionit. Çdo shfaqje viktimizimi nga opozita është shprehje e paaftësisë për të ndjekur procedurën ligjore dhe për të kryer një hetim të plotë e serioz. Opozita duhet të heqë dorë nga hetimi partiak dhe t’i kthehet hetimit parlamentar ashtu siç e kërkon ligjit sepse ne kemi vendosur të vijojmë me hetimet dhe të respektojmë kalendarin e Planit Hetimor.

The post Komisioni Hetimor për Shëndetësinë pa dakordësi, mazhoranca paralajmëron sërish bojkot appeared first on Albeu.com.

Marrëveshja u arrit rreth orës 05:00 në mëngjesin e sotëm, pas më shumë se shtatë orëve bisedime dhe takime.

Dy nga 23 lojtaret e grumbulluara për ndeshjet e këtij muaji të Ligës së Kombeve kanë vendosur që të largohen nga kombëtarja.

Francos tha që Federata Spanjolle e Futbollit (RFEF) ka qenë e përkushtuar për ndryshime të menjëhershme.

Lojtaret e filluan bojkotin e tyre pasi që presidenti i RFEF, Luis Rubiales e puthi sulmuesen Jenni Hermoso, pas triumfit të Spanjës ndaj Anglisë në finalen e Kupës së Botës për femra.

Puthja, të cilën Hermoso tha se nuk kishte qenë me qëllim të keq, çoi në tërheqjen e Rubiales, ndërsa trajneri i Spanjës, Jorge Vilda u shkarkua.

Spanjollet do të luajnë kundër Suedisë të premten dhe Zvicrës të martën në Ligën e Kombeve për femra.

The post ​Lojtaret spanjolle pranojnë t’i japin fund bojkotit appeared first on Albeu.com.

Një pedagoge ka folur për mediat dhe është shprehur se protestat do të vazhdojnë.

“Jemi këto për protestë. Nga sindikata kemi njoftime për protestën, nga qeveria nëse do kishte reagime edhe ju do e merrnit vesh. Protesta do të vazhdojë,” tha një pedagoge./albeu.com

The post “Do vazhdojmë bojkotin”, nis protesta e padagogëve appeared first on Albeu.com.

Deri në shtatë qytete, përfshirë edhe Parisin kanë zyrtarizuar se nuk do të transmetojnë angazhimet e ndryshme që luhen në ekranet gjigante.

Kryeqyteti francez iu bashkua qyteteve të tjera si Lille, Strasburg, Reims, Bodrdeaux, Rodez e Marseille për bojkotimin e Kupës së Botës.

Në fakt, Parisi ka vendosur të mos i transmetojë ndeshjet e Botërorit të ardhshëm, që do të mbahet nga 20 nëntori deri më 18 dhjetor, shkruan mediumi francez “L’Equipe”.

Në kryeqytetin francez nuk do të vendoset asnjë ekran gjigant gjatë ndeshjeve, qoftë edhe për ndonjë ndeshje të rëndësishme për “Gjelat”.

Nënkryetari i bashkisë së Parisit, përgjegjës për sportin, Pierre Rabadan, e ka arsyetuar vendimin në një bisedë për agjencinë “AFP” me “kushtet e organizimit të këtij Botërori, si në aspektin mjedisor ashtu edhe në atë social”.

Ai theksoi po ashtu se ky bojkot lidhet edhe me periudhën e mbajtjes së kësaj gare, për faktin se ajo do të zhvillohet në muajin dhjetor.

The post KATAR 2022/ Parisi i bashkohet qyteteve që do të bojkotojnë Botërorin, ja arsyeja appeared first on Albeu.com.