Ministri renditi avantazhet dhe sfidat që paraqet vendi ynë, si një muze i hapur nën qiell, ku çdo gur flet dhe çdo rrugë është një kapitull trashëgimie.

“Sfida jonë është që këto pasuri dhe vlera të lidhen në një rrjet të madh rrëfimesh dhe eksperiencash, ku vizitori nuk vjen thjesht për të parë, por për të jetuar historinë tonë”, tha Gonxhe, sipas të cilit kalatë, muzetë dhe parqet arkeologjike, deri në gusht të këtij viti, u vizituan nga mbi 1 milion turistë, ose 58% më shumë sesa viti 2023.

Për rrjedhojë, edhe të ardhurat janë rritur me 84%, krahasuar me dy vjet më parë.

Vetëm në dy vitet e fundit është shënuar një rritje historike në ndërhyrjet për rijetësime e shpëtime, krahasuar me vitin 2023: 309% më shumë projekte restaurimi e konservimi dhe 363% më shumë investime direkte në monumentet dhe objekte të pasurisë kulturore.

Për Shqipërinë 2030, është parashikuar një program i gjerë investimesh në infrastrukturën kulturore dhe trashëgiminë kombëtare, për ta kthyer vendin në një qendër të kulturës evropiane.

“Do të rilindin, do të ngrihen nga e para, do të transformohen apo do të hapin dyert: Teatri Kombëtar, Muzeu Historik Kombëtar, Muzeu i Arteve të Bukura, Biblioteka Kombëtare e zgjeruar dhe Qendra Kombëtare e Kulturës për Fëmijë, ndërsa do të ngrihen muze të rinj si Muzeu Hebraik, Muzeu “Besa”, Muzeu i Filmit dhe Muzeu i Arbëreshëve, së bashku me rrjetin e muzeve arkeologjikë, etnografikë dhe kinoteatrove në qytetet kryesore të Shqipërisë”, u shpreh kreu i MEKI-t.

Gjithashtu, ministri theksoi ngritjen e qendrave të reja të vizitorëve në Butrint, Apoloni dhe Bylis si dhe rijetësimin e 100 kullave historike në 14 bashki.

Më tej, ai tha se gjatë këtij viti do të themelohet Fondacionin Publik “CulturAlb”, i cili synon fuqizimin e prodhuesve tradicionalë dhe ekonomisë kreative vendore.

Ministri nuk la pa përmendur edhe pasurimin e kalendarit kulturor. Sivjet parashikohen 3500 aktivitete, 52% më shumë se një vit më parë, me 600 mijë vizitorë e spektatorë të pritshëm.

Gonxhe tha se gjatë vitit 2025 u shpallën 275 projekte fituese, ku më shumë se gjysma përfaqësohen nga të rinj që shprehin krijimtarinë e tyre për herë të parë.

The post Blendi Gonxhe: Shqipëria 2030, qendër e kulturës evropiane appeared first on Albeu.com.

Ministri Gonxhe, ka publikuar videon duke treguar si ishte Muzeu dhe se si do të bëhet, teksa shprehet se Muzeu Historik Kombëtar, por rikthehet në një institucion dinjitoz dhe bashkëkohor.

Ai theksoi se Ministria e Ekonomisë, Kulturës dhe Inovacionit, është në proces buxhetimi për Fazën e II-të dhe sipas tij do të përfshijë:

Shtesa nëntokësore me laboratorë e hapësira teknike;

Fasadën e brendshme “Oculus” prej xhami dhe mbulescn ikonike;

Sisteme moderne MEP, mbrojtje nga zjarri, muzeologji bashkëkohore dhe mobilim tërësor.

Ndërsa aktualisht në fazën e parë, punimet përfshijnë:

Paketim dhe evakuim të artefakteve,

Konsolidim dhe përforcim strukturor,

Rinovim të fasadave dhe izolimin e çatisë,

Instalimin e sistemit të monitorimit CAM,

Restaurimin e fasadës me teknologji moderne (fibra karboni dhe xhaketim kolonash).

Postimi i plotë:

Mirëmëngjes nga Muzeu Historik Kombëtar, ku pas një kohe të gjatë sfidash dhe dëmtimesh, përfshirë tërmetin e 2019-tës, ka nisur restaurimi, rikonstruksioni dhe muzealizimi më i rëndësishëm i këtij institucioni simbol, me një ndërhyrje madhore në kuadër të programit #EU4Culture, nën drejtimin e UNOPS, me mbështetjen e Bashkimit Evropian dhe MEKI.

Aktualisht në fazën e parë, punimet përfshijnë:

Paketim dhe evakuim të artefakteve,

Konsolidim dhe përforcim strukturor,

Rinovim të fasadave dhe izolimin e çatisë,

Instalimin e sistemit të monitorimit CAM,

Restaurimin e fasadës me teknologji moderne (fibra karboni dhe xhaketim kolonash).

Ndërkohë, MEKI është në proces buxhetimi për Fazën e II-të, për të garantuar vijimin e këtij transformimi rrënjësor, që do të përfshijë:

Shtesa nëntokësore me laboratorë e hapësira teknike;

Fasadën e brendshme “Oculus” prej xhami dhe mbulescn ikonike;

Sisteme moderne MEP, mbrojtje nga zjarri, muzeologji bashkëkohore dhe mobilim tërësor.

Po rikthejmë Muzeun Historik Kombëtar në një institucion dinjitoz dhe bashkëkohor, të denjë për të ruajtur dhe treguar historinë tonë kombëtare.

The post Restaurimi i Muzeut Historik/ Blendi Gonxhe publikon pamjet: Transformimi përfshin shtesa nëntokësore me laboratorë, do e rikthejmë në një institucion dinjitoz appeared first on Albeu.com.

Gjithashtu, ministri thekson se Shqipëria ka arritur 103 pikë në kategorinë “Greening Cluster”, duke kaluar mesataren e BE-së (100 pikë) dhe shumëfishuar mesataren e rajonit (47 pikë).

“Shqipëria ka shënuar përparim të ndjeshëm në këtë fushë për shkak të rritjes së vëmendjes institucionale ndaj agjendës së gjelbër, përmes përfshirjes së objektivave të qëndrueshmërisë në planet kombëtare dhe ndërsektoriale”, shkruan Gonxhe.

Reagimi i plotë:

“Shqipëria në krye të rajonit të Ballkanit Perëndimor për Ekonominë e Gjelbër!

Sipas raportit të fundit të OECD “Economic Convergence Scoreboard for the Western Balkans 2025”, Shqipëria zë vendin e parë në Ballkanin Perëndimor për përputhshmërinë me politikat e gjelbërta të Bashkimit Europian, duke kaluar të gjitha vendet fqinje në “Greening Cluster”, me një rezultat prej 103 pikësh, gjithashtu duke u renditur mbi mesataren e BE-së (100 pikë) dhe të Ballkanit Perëndimor (47 pikë).

Shqipëria ka shënuar përparim të ndjeshëm në këtë fushë për shkak të Rritjes së vëmendjes institucionale ndaj agjendës së gjelbër, përmes përfshirjes së objektivave të qëndrueshmërisë në planet kombëtare dhe ndërsektoriale.

Renditja në vendin e parë e Shqipërisë në këtë dimension shihet si një mundësi për të udhëhequr tranzicionin rajonal të gjelbër;

Një avantazh për tërheqjen e investimeve të huaja të qëndrueshme;

Një dritare për financime të gjelbra nga BE dhe institucionet ndërkombëtare.

Ministria e Ekonomisë, Kulturës dhe Inovacionit, në rolin e Koordinatorit Kombëtar të këtij raporti mbetet e angazhuar për zhvillimin e politikave që promovojnë ekonominë e gjelbër dhe rritjen e qëndrueshme, si pjesë e përpjekjeve të Shqipërisë për integrimin evropian.🇪🇺

Link i raportit: OECD (2025), Economic Convergence Scoreboard for the Western Balkans 2025, OECD Publishing, Paris”.

The post Blendi Gonxhe: Shqipëria në krye të rajonit të Ballkanit Perëndimor për Ekonominë e Gjelbër, avantazh për tërheqjen e investimeve të huaja të qëndrueshme appeared first on Albeu.com.

Tashmë, çdo punëkërkues plotëson online dosjen respektive dhe çdokush gjen punën më të mirë të mundshme apo kandidatin më të mirë për një vend pune përmes “puna.gov.al”, shkruan A2.

Gonxhe ndau në rrjetet sociale një videoinformacion më të zgjeruar. mbi degët dhe sektorët që ofrojnë vende e lira të punës.

“Pozicione për të gjitha nivelet arsimore dhe sektorë të ndryshëm ju presin”, shkroi Gonxhe, teksa ftoi të rinjtë të aplikojnë për t’u punësuar.

Platforma shërben po ashtu dhe për punëdhënësit, të cilët mund të publikojnë vendet e lira të punës për të gjetur punëkërkuesit e duhur.

Platforma ofron informacion mbi vendet e lira të punës në Shqipëri, ku ndërmarrjet hoteliere, industria nxjerrëse, prodhimet artizanale, arsimi dhe formimi profesional, industria ushqimore, administrata publike dhe ndërtimi janë edhe sektorët që kanë më tepër kërkesa për punësim.

Aksesi në platformë realizohet duke vendosur të njëjtat kredenciale si në portalin “e-Albania”.

Për 2025-n parashikohet të ketë një normë papunësie njëshifrore, në masën 9,8%. Kjo është hera e parë në tri dekadat e fundit që Shqipëria do të ketë një normë papunësie njëshifrore.

The post Blendi Gonxhe: 5500 vende të lira pune, pozicione për të gjitha nivelet arsimore dhe sektorë të ndryshëm appeared first on Albeu.com.

Gjithashtu, Gonxhe u shpreh se është deklarimi i plotë i pagave ai që do të ndikojë në skemën e pensioneve.

“Prioritet numër 1 për ministrinë që unë drejtoj prej pak muajsh dhe për qeverinë, pensionet. Thelbi nuk është sfida që përballemi sot me skemën e pensioneve por mjafton t’i kthehemi kohës para 2013, për të kuptuar pasojat e politikave të gabuara në të ardhmen.

Nga një anë nuk lejonte një pension mbi 24 mijë lekë, çfarëdo që të bëje në jetë, dhe nga ana tjetër të kapte tavani që llogaritje bëhej me një formulë specifike. Kjo politike dëmtoi shumë qytetarë dhe sot e kësaj dite vuajnë pasojat e kësaj dritëshkurtësie, ka bërë një dëm më të madh që është nxitja e nën deklarimit dhe fiktivitetit dhe krijimi i një grope në skemën e pensioneve.

Në çdo gjë që bëjmë duhet të jemi të kujdesshëm sepse ndikojmë brezat.

Fokus kemi pagat si baza e asaj që afekton pensionet. Paga e deklaruar 100 përqind dhe një marrëveshje e ligjshme e punëdhënësit dhe punëmarrësit. Kjo çon në rritjen e kontributeve dhe afekton pensionet.
Deficiti është ulur vitet e fundit, por duhet ulur më shumë në mënyrë që të ndërhyjmë”, u shpreh Gonxhe.

The post Takimi me të moshuarit/ Ministri Blendi Gonxhe: Gropa në skemën e pensioneve, pasojë e politikave të gabuara para 2013 appeared first on Albeu.com.

Gonxhe mori pjesë sot në mbledhjen e Këshillit Kombëtar për Integrimin Europian (KKIE), ku me rastin e Ditës Botërore të të Drejtave të Konsumatorit, u organizua takimi ndërgjegjësues me temë: “Sfidat e konsumatorëve në të ardhmen e afërt dhe të largët”.

Sipas ministrit, mbrojtja e konsumatorit në Shqipëri nuk është vetëm çështje kujdesi ndaj investimeve dhe ekonomisë në vetvete si term abstrakt.

“Por është një kujdes që duhet të lidhet shumë me standardet, certifikimet, me kontrollin, inspektimet e të gjitha aspektet. Në një vend ku tregu është i pastandardizuar, mund të kesh investimet më të mira, ndihmën më të madhe, apo kredi me inetersat më të ulëta, por kur nuk ke standarde nuk ke si tërheq investitorë seriozë, që nuk mund të shesin produkte në një treg të pastandardizuar. Ndaj duhet të ecim krah për krah me parimet që BE prezanton”, tha ai.

Gonxhe tërhoqi vëmendjen për faktin e mungesës së kapaciteteve, të cilat sipas tij, gjenerohen nga administrata shtetërore dhe përthithen më pas nga institucionet e huaja, për shkak të kushteve të pagesës që ofrojnë.

“Kemi shumë ligje të bukura, akte nënligjore që janë sot në nivele të mjaftueshme në letër por të pazbatuara në realitet. Ne çalojmë rëndë në zbatim. Dua të zgjeroj autokritikën time në emër të qeverisë dhe zotimin tim që do të bëhet shumë më tepër që të krijojmë një tjetër lloj qasjeje. Kemi reflektuar, lexuar dhe po vëmë në pikëpyetje deri edhe veten tonë për atë çfarë është më e mira që duhet bërë”, tha Gonxhja.

Sipas tij, “duhet të bëhet një ballafaqim për të nxjerrë në pah mangësitë sa i takon instituteve, laboratorëve që nuk ekzistojnë, kushteve mizerabël të punës”.

“Një pjesë e mirë e punonjësve të mi punojnë në kushte nëntokësore. Të gjitha këto janë para nesh. Shpesh bëjmë fjalime të mëdha dhe shumë të bukura, por herë pas here, ose për arsye krenarie, ose pamundësie ose të një qasje që duhet përmirësuar, ne harrojmë kushtet bazë të një minimumi cilësor të të punuarit për këto çështje që po flasim”, tha ai.

Ndaj, Gonxhe u shpreh se “ne do fillojmë nga vetja”.

Sipas tij, “ministria e Ekonomisë është nën rikonstruksion, portofoli i Ekonomisë po ashtu. Më vjen keq që e theksoj, por ne kemi nevojë urgjente për të parë nga vetja dhe për të korrigjuar veten në struktura, njerëz, kapacitete, që tek ne nuk ekzistojnë. Nuk do të bëjmë më sikur nuk shikojmë dhe sikur nuk kuptojmë se si mund t’i zgjidhim ato, apo që pranojmë se jemi inferior dhe në Shqipëri ka dy palë: një palë jemi ne me pak kapacitete e pak kushte që duhet të bëjmë detyrat e shtëpisë dhe një palë tjetër është pala që i di të gjitha. Ne do të jemi bashkë në këtë sfidë edhe me tregun, edhe me biznesin, edhe me organizatat e huaja”, tha ai.

Gonxhe theksoi se ka nevojë për kushte dinjitoze, për administratën shqiptare dhe të gjithë aktorët e palët për sa i përket qeverisë.

The post Blendi Gonxhe: Për të tërhequr investitorë seriozë, nevojitet treg i standardizuar appeared first on Albeu.com.

Me propozim të kryeministrit Edi Rama, presidenti ka dekretuar emërimin e Blendi Gonxhe, si Ministër i Ekonomisë, Kulturës dhe Inovacionit.

Sakaq, Begaj ka dekretuar shkarkimin e Elva Margaritit nga ministria e Kulturës.

“Presidenti Bajram Begaj me propozim të Kryeministrit dekretoi shkarkimin e zonjës Elva Margariti nga detyra e Ministres  së Kulturës, si dhe dekretoi shkarkimin e zotit Ervin Mete nga detyra e Ministrit të Financave dhe Ekonomisë.

Gjithashtu sot, Presidenti i Republikës, Sh. T. Z. Bajram Begaj me propozim të Kryeministrit dekretoi emërimin e zotit Ervin Mete në detyrën e Ministrit të Financave si edhe dekretoi emërimin e zotit Blendi Gonxhja si Ministër i Ekonomisë, Kulturës dhe Inovacionit”.

The post Bajram Begaj dekreton emërimin e Blendi Gonxhes si ministër i Ekonomisë, Kulturës dhe Inovacionit appeared first on Albeu.com.

Këtë të hënë, Rama ka publikuar vendimin e firmosur prej tij, i cili do i dërgohet për miratimin presidentit të Republikës.

“Lipset të kalohet sot në një qasje të integruar qeveritare në raport me sektorët e Ekonomisë, Kulturës dhe Inovacionit, të cilat për fazën e re të zhvillimit ku sapo kemi hyrë, duhet të dalin nga kufijtë e ngushtë tradicionalë të qeverisjes së vendit dhe të ndërveprojnë ngushtësisht me njëra-tjetrën, sidomos në kushtet kur teknologjia digjitale ka hyrë si një fuqi e re e kohës në të gjitha fushat e jetës dhe kërkon drejtim strategjik, orientim qeverisës e koordinim ndërsektorial; kur kultura nuk mund të mbetet më një ishull i vogël e i ndarë nga dinamikat e reja ekonomike e sociale të vendit, mbi të cilat ajo ka një potencial të madh ndikues, e prej të cilave ajo mund të përfitojë shumë më tepër; kur vetë sektori i ekonomisë në tërësi kërkon një përmasë të re në frontin e qeverisjes.

 Për këtë nevojë strategjike të kësaj faze të re të zhvillimit, kam vendosur ndryshimin e strukturës së qeverisë dhe krijimin e një ministrie të re të Ekonomisë, Kulturës dhe Inovacionit, e cila do të bashkojë në një të vetme pjesët që aktualisht funksionojnë të ndara në ministritë respektive të Financave dhe Ekonomisë e të Kulturës.

Për drejtimin e kësaj ministrie të re, do t’i propozoj sot Presidentit të Republikës, zotin Blendi Gonxhe, një drejtues publik që ka spikatur për reformimin dhe modernizimin mbresëlënës të institucionit, orientimin konstant ndaj inovacionit në funksion të rritjes së cilësisë së shërbimit për qytetarët, shpejtësinë e integrimit të nënsektorit përkatës në kornizën e standarteve europiane”, thuhet në postim.

The post Rama njofton krijimin e ministrisë së re, Blendi Gonxhe hyn në qeveri appeared first on Albeu.com.

Drejtori i DPSHTRR Blendi Gonxhe është shprehur se 200 euro më shumë janë të domosdoshme për një test të plotë e jo fiktiv.

“Nuk jemi tërhequr, me Autoritet, pa Autoritet ajo do të eci para. Nuk diskutohet që jo vetëm që nuk rrezikon konkurrencën kjo që po bëjmë ne në mënyrë të pariparueshme, por në mënyrë të pariparueshme rrezikohej konkurrenca nga ajo që nuk po bënte autoriteti dhe autoritetet e tjera që nuk kanë punuar në vite për të mbrojtur konkurrencën e ndershme.  Nuk mund të ulim kokën në rërë si struci e të themi që jemi të varfër, ndërkohë që ne jemi shumë të pasur, paguam 403 milionë dollarë. Po kur vjen puna nuk duam ta bëjmë 100-200 euro më shumë atë testin e ta bëjmë të plotë, të mos jetë fiktiv. Pra, dua të them që ne nuk i ikim dot kësaj pune. Kjo punë kërkon edukatë, kërkon kulturë”, tha Gonxhja për “A2”.

Kujtojmë se më 1 mars 2023, Autoriteti i Konkurrencës pezulloi përkohësisht zbatimin e marrëveshjes mes DPSHTRR dhe autoshkollave që solli rritjen e çmimit të patentave.

Njoftimi i Autoritetit të Konkurrencës

Komisioni i Konkurrencës, në mbledhjen e tij më datë 01.03.2023, mori në shqyrtim çështjen “Mbi vlerësimin ligjor të akt-marrëveshjes së lidhur midis DPSHTRR, DPT, Shoqatës Kombëtare të Autoshkollave, Shoqatës së Autoshkollave “Siguria në Rrugë”, në lidhje me përcaktimin e tarifës së pagesës dhe kostos minimale fiskale për përgatitjen dhe pajisjen me leje drejtimi.

Në respektim të nenit 44 të Ligjit nr.9121/2003 “Për Mbrojtjen e Konkurrencës”, Komisioni i Konkurrencës vlerësoi se Akt Marrëveshja për përcaktimin e tarifës së pagesës dhe kostos minimale fiskale për përgatitjen dhe pajisjen me leje drejtimi, nëpërmjet përcaktimit të tarifës minimale ka rrezik eminent të sjellë një dëm të rëndë dhe të pariparueshëm për konkurrencën në ofrimin e këtyre shërbimeve, duke reduktuar seriozisht përfitimet që tregjet konkurruese ofrojnë për konsumatorët.

Sa më sipër, Komisioni i Konkurrencës, me vendimin nr. 964, datë 01.03.2023 vendosi:

13. Marrjen e masave të përkohëshme ndaj palëve nënshkruese të Akt Marrëveshjes nr. 2729 prot., datë 13.02.2023: Drejtorisë së Përgjithshme të Shërbimeve të Transportit Rrugor, Shoqatës “Kombëtare të Autoshkollave”, Shoqatës së Autoshkollave “Siguria në rrugë” dhe Drejtorisë së Përgjithshme të Tatimeve, si vijon:
14. Ndalimin e zbatimit të Akt Marrëveshjes nr. 2729 prot., datë 13.02.2023, në lidhje me përcaktimin e tarifës së pagesës dhe kostos minimale fiskale për përgatitjen dhe pajisjen me leje drejtimi;
15. Depozitimin panë AK-së të të gjithë praktikës së ndjekur deri në nënshkrimin e kësaj Akt Marrëveshje, për të kryer vlerësimin ligjor të saj, bazuar në nenin 4, nenin 69 dhe 70 të Ligjit nr. 9121/2003 “Për Mbrojtjen e Konkurrencës”;

Masa e përkohëshme merret për një periudhë kohore deri në përfundim të procedurës administrative dhe marrjen e vendimit përfundimtar të Komisionit të Konkurrencës.

III. Moszbatimi i këtij vendimi përbën shkelje të rëndë të konkurrencës në kuptim të nenit 74, pika 1, gërma b), të Ligjit nr.9121/2003./Albeu.com/

The post “Jemi shumë të pasur”, DPSHTRR nuk tërhiqet: Çmimi i patentave do të rritet appeared first on Albeu.com.

Ditën e sotme në një intervistë për Euronews, Gonxhe tha se një targë e personalizuar në ankand mund të shkojë 30 mijë euro, mund të shkojë 300 mijë euro por dhe 5 mijë euro.

Më tej shtoi se ka persona që janë të gatshëm të paguajnë 20 mijë euro për një targë të personalizuar.

“Një targë e personalizuar në ankand mund të shkojë 30 mijë euro, mund të shkojë 300 mijë euro por dhe 5 mijë euro.  Dje më thanë se një person është i gatshëm të japë 20 mijë euro për targën”, tha ai.

Fjalët apo kuptime të cakuara nga pikëpamja etike do të ndalohen ndërkohë që o të mundësohen kombinime me 5 deri 7 karaktere, që do të përfshijnë minimumi 2 numra dhe hapësirat standarde, në formatet aktuale të targave të automjeteve.

Gonxhja shtoi se targa e personalizuar mund të mbartet nga drejtuesi i mjetit edhe në makinën e re të cilën mund ta blejë, duke paguar një tarifë përkatëse të transferimit./Albeu.com/

The post Risi e re brenda shkurtit, deri në 30 mijë euro për një targë të personalizuar appeared first on Albeu.com.