Aksidenti i fundit tragjik u shënua mbrëmjen e djeshme te rrethrrotullimi i TEG-ut, ku tre persona humbën jetën dhe tre të tjerë u plagosën.

Më 1 mars 2023, dy makina u përplasën me njëra-tjetrën tek autostrada e TEG-ut. Nga aksidenti fatmirësisht u shënuan vetëm dëme materiale.

Më 1 mars 2023, rreth orës 10:16, një 60-vjeçar mbeti i plagosur pasi u përplas nga një makinë në Durrës. 60-vjeçari ishte duke kaluar rrugën në momentin e aksidentit.

Më 1 mars 2023, rreth orës 19:40, një makinë u përmbys në aksin Laç-Milot. Si pasojë mbetën të plagosur dy persona.

Më 1 mars 2023, rreth orës 21, një 40 vjeçare u përplas për vdekje në autostradën Tiranë-Durrës.

Më 1 mars 2023, rreth orës 21:03 minuta, dy makina u përplasën me njëra-tjetrën në Korçë. Nga aksidenti mbetën të plagosur dy persona.

Më 2 mars 2023, një 67-vjeçare mbeti e plagosur pasu u përplas nga makina tip “Fiat” në vijat e bardha në Lushnjë.

Më 3 mars 2023, një 53-vjeçar humbi jetën në Sarandë pasi kamioni u batua dhe e zuri poshtë.

Më 4 mars 2023,  në Gjoricë, të Bulqizës një mjet tip “Audi” u përplas me një mjet tip agregat. Dy drejtuesit e mjeteve mbetën të plagosur.

Më 5 mars 2023, tre automjete u përfshinë në një aksident në aksin Elbasan-Librazhd. Njëri prej drejtuesve mbeti i plagosur. Shkak dyshohet se ishte tentativa për parakalim të gabuar.

Më 5 mars 2023, një i mitur u përplas nga makina në zonën e Kënetës në Durrës. I mituri mbeti i plagosur dhe u dërgua menjëherë në spital.

Më 6 mars 2023, një mjet tip “Volkswagen” doli nga rruga në aksin “Zvezdë-Pojan” në Maliq. Si pasojë dy vëllezërit që udhëtonin me automjet mbetën të plagosur.

Më 6 mars 2023, një 69-vjeçar u përplas për vdekje nga një makinë në Korçë.

Më 6 mars 2023, një 70-vjeçar mbeti i plagosur pasi u përplas nga një makinë në aksin rrugor Thumanë-Borizanë.

Më 6 mars 2023, dy makina u përplasën me njëra-tjetër te “5 Maji” në Tiranë. Si pasojë e aksidentit mbetën të plagosur 5 persona.

Më 8 mars 2023, në vendin e quajtur “Katër rrugët e Shijakut”, makina përplasi për vdekje një 32 vjeçar i cili po lëvizte me biçikletë.

Më 9 mars 2023, “Audi” i drejtuar nga 20- vjeçari Klevis Ruçaj theu barrierat anësore të rrugës te rrethrrotullimi i TEG-ut dhe përfundoi mbi kofanon e një makine “Honda”. Si pasojë e aksidentit tragjik humbi jetën Ruçaj dhe dy vajzat pasagjere që ndodheshin në mjetin tip “Audi”. Tre personat që ndodheshin në mjetin tip “Honda” mbetën të plagosur.

Më 10 mars 2023, në afërsi të spitalit të Durrësit, betonieria përplasi për vdekje një këmbësor.

Më 10 mars 2023, një 30-vjeçare humbi jetën pasi makina e cila drejtonte doli nga rruga në vendin e quajtur Përroi i Rikaj, Kavajë./Albeu.com/

The post Deri kur do të vazhdojnë të vrasin aksidentet rrugore? Përgjaket marsi, 9 viktima dhe 21 të plagosur në 10 ditë appeared first on Albeu.com.

Zyrtarët turq dhe mjekët thonë se 18,991 njerëz kanë vdekur atje për shkak të tërmetit, ndërsa ka pasur 3,377 të vdekur në Siri, sipas agjencisë së lajmeve AFP, duke e çuar totalin aktual në 22,368.

Nga ana tjetër, Presidenti i Turqisë, Recep Tayyip Erdogan, ka pranuar se përgjigja e qeverisë ndaj tërmetit të së hënës nuk ka qenë aq e shpejtë sa ai kishte shpresuar.

Erdogan është përballur me kritika nga të mbijetuarit për një numër të pamjaftueshëm të shpëtimtarëve dhe ndihmave humanitare që janë dërguar në ditët e para pas tërmetit.

Duke folur me gazetarët në qytetin jugor Adiyaman, i cili gjithashtu u godit nga tërmeti, ai tha në komentet e cituara nga AFP: “Aq shumë ndërtesa u dëmtuan sa për fat të keq, ne nuk ishim në gjendje të përshpejtonim ndërhyrjet tona aq shpejt sa kishim dëshiruar.”

Ai tha gjithashtu se disa njerëz po plaçkisnin tregjet dhe sulmonin bizneset./Albeu.com/

The post Rëndohet bilanci, më shumë se 22 mijë të vdekur, Erdogan: Reagimi nuk ishte aq i shpejtë sa dëshironim appeared first on Albeu.com.

Presidenca ukrainase theksoi se trupi i një djali u gjet në rrënoja mëngjesin e sotëm. Në këtë fazë ” 39 persona janë shpëtuar (përfshirë 6 fëmijë), 44 persona janë vrarë, përfshirë 4 fëmijë dhe 79 persona janë plagosur (përfshirë 16 fëmijë) “, thanë sot shpëtimtarët ukrainas në të dhënat e tyre të fundit.

Lajmi u konfirmua gjithashtu edhe nga kryetari i bashkisë së Dnipro, Boris Filatov, i cili konfirmoi nëpëmjet një postim në Facebook vdekjen e 44 persobave.

Bombardimi i pallatit është cilësuar si një nga më vdekjeprurësit për civilët ukrainas që nga fillimi i pushtimit rus në shkurt 2021.

Numri i viktimave pritet të rritet ndërsa ekipet e shpëtimit vazhdojnë të kërkojnë për trupa të tjerë nën rrënoja. “ Në kërkim janë 22 persona ”, raportuan autoritetet mëngjesin e sotëm në Telegram.

Të shtunën, një raketë ruse goditi një kompleks banimi në Dnipro, duke shkatërruar “më shumë se 200 apartamente”, sipas Kirill Tymoshenko, një këshilltar i presidencës ukrainase.

Për më tepër, më herët gjatë ditës së sotme këshilltari i presidencës ukrainase, Oleksiy Arestovych, dha dorëheqjen e tij pas kritikave që mori për të nënkuptuar se një raketë ruse u rrëzua nga Ukraina.

Arestovic njoftoi dorëheqjen e tij përmes Facebook pasi kërkoi falje publike dhe tërhoqi deklaratat që kishte bërë në një postim në Telegram.

Forcat Ajrore të Ukrainës kanë shpjeguar se ndërtesa e banimit në Dnipro është goditur nga një raketë ruse Kh-22, të cilën Kievi nuk ka aftësitë për ta rrëzuar./albeu.com/

The post Bilanc tragjik, 44 viktima nga bombardimet ruse në Dnipro, mes tyre katër të mitur appeared first on Albeu.com.