Katër persona u mbytën në liqenin e Banjës, të katër ishin pjestarë të një familjeje, babai , dy djemtë dhe nipi i tij.

Arben Zogu 46-vjeç s ëbashku me dy djemtë e tij , 19-vjeçari Ruben dhe 14-vjeçari Esti Zogu dhe me nipin Melsi Zogu 20-vjeç shkuan këtë të premte për tu larë në liqenin e Banjës për të mos dalë më gjallë.

Trupat e pajetë të tyre u nxorrën në orët e vona të mbrëmjes së të premtes nga anëtarët e forcave RENEA.

Ndërkohë që më herët në Lezhë dhe në Durrës u mbytën dy persona të tjerë, njëri 52-vjeç dhe tjetri 68-vjeç.

Bilanc po aq tragjik prodhuan dhe aksidentet rrugore, ku një 58 vjeçar humbi jetën në aksin Elbasan-Peqin ndërsa ishte duke lëvizur në rrugë u përplas nga një makinë e drejtuar nga një 20-vjeçar.

Gjithashtu një 42-vjeçar i identifikuar si Renato Bushi, humbi jetën në Sarandë, ndërsa makina që ai drejtonte u përmbys në rrugë, ndërsa tre pasagjerë mbetën të plagosur.

Ndërkohë që një 45 vjeçar nga Elbasani humbi jetën pasi ra nga lartësa, ndërsa një 70-vjeçare vdiq pasi e zuri korenti.

Ndërkohë, pak para mesnates një tjetër aksident u raportua në Tiranë. Një mjet tip “Range Rover” ka rënë në një humnerë  dhe për pasojë ka humbur jetën një shtetas dhe është lënduar një tjetër./albeu.com/

The post “E premtja e zezë”, bilanc lufte në Shqipëri! 11 të vdekur, gjashtë u mbytën, pesë humbën jetën në aksident appeared first on Albeu.com.

Lajmin e bënë të ditur mediat e huaja, të cilat raportojnë se tërmeti me magnitudë 5.6 goditi qytetin Cianjur në Java-n perëndimore, në një thellësi të cekët prej 10 km (gjashtë milje), sipas të dhënave të Shërbimit Gjeologjik të SHBA.

Videot në mediat sociale treguan se disa ndërtesa janë kthyer pothuajse tërësisht në rrënoja dhe mbeturina të shpërndara në rrugë.

Zyrtarët paralajmërojnë për pasgoditje të mundshme dhe thonë se numri i të vdekurve mund të rritet.

Zona ku goditi tërmeti është me popullsi të dendur dhe të prirur për rrëshqitje dheu, me shtëpi të ndërtuara keq. Ekipet e shpëtimit janë përpjekur të evakuojnë njerëzit nga ndërtesat e shembura dhe kanë arritur të shpëtojnë një grua dhe foshnjën e saj, sipas raporteve lokale.

Herman Suherman, kreu i administratës në qytetin Cianjur, i tha Kompas TV “56 persona u vranë”.

“Viktimat vazhduan të vinin nga shumë zona,” tha ai. “Rreth 700 persona u plagosën”.

Më herët, agjencia e lajmeve AFP e citoi atë të thoshte se shumica e lëndimeve ishin fraktura të kockave të marra nga njerëzit e bllokuar nga mbeturinat në ndërtesa.

“Ambulancat vazhdojnë të vijnë nga fshatrat në spital”, tha ai. “Ka shumë familje në fshatra që nuk janë evakuuar.

Ai tha se nevojiteshin më shumë punonjës shëndetësorë për t’u marrë me numrin dërrmues të pacientëve dhe se energjia elektrike në zonë ishte në rënie, duke i lënë mjekët në spitalin kryesor të paaftë për të operuar pacientët.

The post Bilanc lufte nga tërmeti në Indonezi, të paktën 56 viktima dhe mbi 700 të plagosur appeared first on Albeu.com.

“Persona të armatosur me motoçikleta hapën zjarr pa dallim mbi dyqanet dhe shtëpitë në rajonin Kanem tha Ya’u Abubakar, një këshilltar i lartë i qeverisë lokale.

Duke konfirmuar viktimat, ai tha se rreth 4.800 njerëz janë larguar nga shtëpitë e tyre nga frika.

Presidenti Muhammadu Buhari dënoi sulmin në një deklaratë duke thënë se autorët nuk duhet “të kursehen dhe të falen”.

Ministri i Informacionit, Lai Mohammed në një deklaratë tha se bandat e armatosura në grup me Boko Haram-in ishin përgjegjëse për sulmet.

“Ajo që po ndodh tani është se ka një lloj shtrëngimi duarsh jo të shenjtë midis banditëve dhe kryengritësve të Boko Haram-it”, tha Mohammed.

Sadiya Umar Farouq, ministre e çështjeve humanitare tha se ndihma të tilla si ushqime, ujë dhe batanije u janë dorëzuar njerëzve të zhvendosur.

Boko Haram nisi një kryengritje të përgjakshme në verilindje të Nigerisë në vitin 2009 përpara se të zgjerohej në Niger, Çad dhe Kamerunin fqinj, duke shkaktuar përgjigje ushtarake.

Sipas OKB-së, grupi terrorist ka vrarë më shumë se 30 mijë njerëz dhe ka zhvendosur rreth 3 milionë në Nigeri.

Në rajonin e Liqenit të Çadit, dhuna e kryer nga Boko Haram ka prekur 26 milionë njerëz dhe ka zhvendosur rreth 2.6 milionë, thekson Agjencia e OKB-së për Refugjatët.

The post Bilanc lufte në Nigeri, 154 persona të vrarë nga një sulm me armë appeared first on Albeu.com.