Kulla e cila do të ndërtohet nga Ilir Shtufi me bashkëortakë Agim Zeqon dhe Gerian Kukën, biznesmenë të cilën janë pranë familjes Berisha, kanë bërë që në publik të qarkullojnë fjalë por dhe akuza se aksioner i kësaj kulle ëhstë edhe djali i ish-kryeministrit Berisha, dhe njerëz të tjerë të pranë tij.

Ish-kandidati i PD, Roland Bejko, me anë të një statusi në Facebook, ka theksuar se Sali berisha dhe bashkëpuntorët e tij dolën para shqiptarëve dhe u premtuan revolucion, por pas disa muajsh revolucioni ra për të ngritur kulla.

Postimi i Bejkos:

Kulla e revolucionit!

Mirmëngjes miqtë e mi , të thjeshtët revolucionarë.

E kam fjalën për ju që shkoni në revolucion me një sanduiç e autobuz falas, jo për ata me Range Rover….

E morët vesh çfarë forme ka revolucioni?!

Formën e Malit në mes të Tiranës.

Po Mali në mes të Tiranës, çfarë forme ka, e dini?!

Ka atë të Kullës së foltores që do ngrihet pas Teatrit të Operas.

Po me revolucionin, çfarë u bë?! Ku ngeci?!

Revolucioni u bë kullë për familjen dhe obortarët e saj ku do pastrojnë paratë e krimit dhe të korrupsionit.

Ju do thoni që edhe në Francë revolucioni filloi  në Bastijë. Edhe aty u shemb vërtet kështjella burg, e në vend të saj u ngrit një kullë e hollë fare në formë piramide për nder të revolucionarëve.

Prandaj, plaku mendoi të bënte të njëjtën gjë. Ta nderonte revolucionin dhe revulucionarët me një kullë.

Edhe ai, për nder të revolucionit dhe të revolucionarëve, imitoi francezët. Ndërtoi një kullë. Më të lartën që do ketë Shqipëria deri më sot.

Pyetja tjetër është: Po revulucionarët a do jenë aksionerë në atë kullë?!

-Poo,  patjetër që do jenë. Por jo të gjithë. Aksionerë në atë kullën e lartë me majë, që do quhet Mali i Tiranës do jetë vetëm elita e revolucionit. Ata që japin paratë për revolucionin dhe që paguajnë sanduiçat falas të revulucionarëve.

Ndërsa revolucionarët do kenë akses falas në sheshin dhe lulishten përreth kullës Mali i Tiranës, sa herë që të duan. Revolucionarët e thjeshtë do jenë të lirë të shkojnë sa herë të duan të futen nën hijen e kullës në vapën e gushtit sa herë që do t’i thërasë Plaku dhe familja për “revolucionin final”. Për nder të tyre,  sheshi përreth kullës, do quhet “Sheshi i Revolucionit”. A ka nder dhe respekt më të madh se ky që u bëhet qëndrestarëve revolucionarë?!

Madje, pas ndërtimit të kësaj kulle, revulucionarët e thjeshtë, nuk do kenë qyl vetëm autobuzin, një kafe dhe sanduiçin.  Por, këtë radhë do t’u jepet edhe një sanduiç shtesë i mbështjellë në letër celefoni.

Prandaj, revulucionarët duhet të gëzohen kur elita revulucionare ndërton kulla. Sepse vetvetiu ritet dhe mirëqënia e revolucionarëve gjatë protestave.

Dhe që ta dini, formula është:

Një revolucion mesatar, një kullë.

Dy revolucione, dy kulla.

Tre revolucione, dy kulla+ një bllok rezidencial në bregdet.

Kush ua jep lejen e ndërtimit shefave tuaj?!

-Aaa, mos pyesni. Revolucionarit të thjeshtë i ndalohet të pyes, siç e ka të ndaluar të mendojë. Revulucionari duhet vetëm të zbatojë urdhërat që merr nga Plaku nëpërmjet Mulit, Tritos, Albanës etj.

Kush mendon dhe reagon quhet tradhëtar, i shitur dhe bashkëpunëtor i Lul Pengut e Ali Bashës që i kanë shitur kauzat e demokratëve te Rama.

Sot ju duhet të jeni të lumtur shokë revolucionarë!

Elita e kauzës tuaj u pasurua edhe me një kullë. Ajo është edhe kulla juaj. Sepse kur kanë ata, keni edhe ju. Kur janë mirë ata, mirë jeni edhe ju.

Se ju, jo vetëm që do shijoni hijen në lulishte pas revolucionit, por ndonjërit, më të devotshmit midis jush, mund t’i punësohet njëri nga fëmijët me shkollë të lartë, kamarrier, ose pastrues aty. Ça doni më shumë se kaq?!

Ndaj, ju mos u mërzisni që pas çdo revulucioni që ju bëni në bulevard, merret një leje ndërtimi për elitën tuaj. Se tek e fundit, më mirë ta marrë lejen një yti, se një i Ramë hajdutit.

Bile, sa më i madh dhe i zhurmshëm të jetë revolucioni, aq më e rëndë pesha e lejes.

Kështu, me revolucionin tuaj, ju ndërtoni Shqipërinë socialiste me rezidenca në bregdet e kulla të larta, të larta sa Malet e Shqipërisë në mes të Tiranës.

Prandaj, amani, mos bëni gabim dhe e ndalni revolucionin se do na i lini atdheun të varfër, pa kulla e resorte politikanësh e kriminelësh. Pa revolucion Rama e Veliaj ua japin lejet e ndërtimit vetëm tarafit të tij.

Me revolucion, lejet ndahen. Merr dhe Elita juaj revolucionare sipas peshës që mban gjithë secili në piramidën e foltores, që nga Plaku tek më i riu.

Prandaj, Vive la Revolution!???

The post “Kulla”, Roland Bejko: Ky “Mali” në mes të Tiranës po ndërtohet nga familja e plakut dhe oborrtarët e tij appeared first on Albeu.com.

Bejko deklaroi para tyre se kandidoi për arsyen se “nuk mund të pranohej përfaqësimi nga një non-grata në Tiranë”, duke iu referuar kandidaturave të koalicionit ku bën pjesë ish-kryeministri Sali Berisha.

Sipas Bejkos, ai është i vetmi përfaqësues i të djathtës shqiptare, ndërsa i cilësoi kandidatët e tjerë në garën elektorale si “socialistë dhe komunistë

“Të dashur motra dhe vëllezër, këtë kandidim dhe këtë përgjegjësi e kam pranuar me bindjen dhe besmin më të madh. Është vendimi më i duhur dhe i më i drejtë që kam marrë në jetën time politike, për disa arsye:

E para sepse ka të bëjë me karakterin tim. Asnjëherë në jetën time 33 vjeçare brenda Partisë Demokratike nuk jam stepur nga sfidat dhe vështirësitë. Gjithmonë, në momentet më të vështira, sa herë që është dashur kontributi im për Partinë Demokratike, nuk jam kursyer në asnjë moment. Të gjitha energjitë dhe njohuritë e mia i kam vendosur në shërbim të saj dhe të demokratëve, pa përfituar asnjë gjë mbrapsht. Sepse jam njeri prej jush, demokratëve të thjeshtë që vetëm kanë luftuar për Partinë Demokratike dhe s’kanë përfituar kurrë prej saj. Dhe sigurisht që nuk do të stepesha as kësaj radhe. Aq më shumë në këtë garë ,ku lipset kontributi i të gjithëve ne. Unë e shikoj politikën si mision dhe jo si përfitim. Kështu jam unë. Një idealist i pandreqshëm, dhe kështu do të jem gjithmonë. Njësoj si të gjithë ju këtu.

E dyta, si mund të pranoja unë, si mund të pranonim ne të gjithë, që demokratët në Tiranë, në kryeqytetin e Shqipërisë të përfaqësoheshin nga një non-grata nga Shtetet e Bashkuara dhe Britania e Madhe, i izoluar nga e gjithë politika perëndimore si Sali Berisha. Si mund të pranonim ne, që demokratët në Tiranë të përfaqësoheshin nga një socialist si Ilir Meta. Demokratët nuk e meritojnë një poshtërim të tillë. Ne jemi këtu sot , unë jam në këtë garë pikërisht për të shpëtuar nderin dhe historinë e Partisë Demokratike që mos të rrëshkasë në duart e një autokrati lindor dhe në dorën e një grabitqari politik si socialisti Ilir Meta, të cilin Sali Berisha e ka futur në mënyrë të pabesë në gjirin e demokratëve, që ai votat e tyre ti marrë dhe ti çojë nesër te pazari i radhës me Edi Ramën. Kjo është një tradhti historike, një thikë mbas shpine që I ka futur demokratëve dhe të djathtës Sali Berisha. Kjo është pabesia më e madhe politike që i ka bërë atyre demokratëve të ndershëm, që janë të gjithë miqtë dhe shokë tanë. Por ne, kurrsesi nuk mund tja jepnin këtë kënaqësi. Ne jemi këtu, pikërisht për të ndalur këtë pabesi. Ne jemi këtu, për ti thënë të gjithë shokëve tanë demokratë që kjo është partia e tyre, Partia Demokratike është shtëpia e tyre dhe jo Lëvizja Socialiste për Integrim e Ilir metës.

E treta, kandidatura jonë në Tiranë është e vetmja alternativë e së djathtës shqiptare në këto këto zgjedhje. Të gjitha të tjerët janë flamuj të majtë. Nga komunistët e deri të socialistët. Në këtë kuptim kjo garë, ka rëndësi edhe më të madhe për demokratët dhe të djathtën shqiptare. Nuk mund ta linim ne Tiranën në dorën e së majtës , sepse e dimë shumë mirë se çfarë shkatërrimi janë për të ardhmen e saj dhe të qytetarëve të Tiranës.

Dhe e fundit, por më e rëndësishmja, unë pranova të kandidoja në këtë garë sepse besoj fort se ne do te dalim me kokën lart dhe fitues. Unë kam besim te ju dhe të gjithë njerëzit e ndershëm të Tiranës, se ne mund ta shporrim Erion Velinë nga zyra që ka zaptuar .

Jam i ndërgjegjshëm që nuk është një betejë e lehtë, por ai që beson, në fund fiton. Dhe unë besoj te suksesi ynë i përbashkët që fillon nga Tirana”, u shpreh Bejko.

The post Bejko: Unë jam i vetmi kandidat i së djathtës në Tiranë, të tjerët janë socialistë dhe komunistë appeared first on Albeu.com.

Ka qenë kryetari i komanduar Enkelejd Alibeaj i cili ka dhënë lajmin përmes facebook, ndërsa iu bën thirrje demokratëve të Tiranës që të jenë prezent në pallatine Sportit “Fahrie Hoti”.

Postimi i Alibeajt:

Të dashur demokrate dhe demokratë, të dashur qytetarë të Tiranës, Partia Demokratike iu fton në çeljen e fushatës për zgjedhjet e 14 majit dhe garën për bashkinë e Tiranës.

Të martën, ora 17.00, në Pallatin e Sportit “Fahrie Hoti”.

The post Alibeaj: Të martën çelim fushatën për zgjedhjet e 14 majit dhe garën për bashkinë e Tiranës appeared first on Albeu.com.

Pas zyrtarizimit të Bejkos mund të themi se tashmë është plotësuar edhe “Puzzle” e kandidatëve që do të garojnë në 14 maj për Bashkinë më të madhe në vend, atë të kryeqytetit.

Partia Socialiste ka rikonfirmuar si kandidat kryetarin aktual të Bashkisë, Erjon Veliaj, i cili do të kërkojë mandatin e tretë për të qenë qytetari i parë i kryeqytetit.

Erjon Veliaj u zgjodh për herë të parë kryetar i Bashkisë së Tiranës më 21 qershor 2015-të, ku përballë kishte kandidatin e PD, doktorin Halim Kosova.

Duhet theksuar se në zgjedhjet lokale të 2015-s PS e drejtuar nga Edi Rama dhe LSI (PL sot) e drejtuar nga Ilir Meta ishin në të njëjtin koalicion “ASHE”, ku Veliaj mori  160.232 vota, ndërsa kandidati i APPD, Halim Kosova mori 116.660 vota.

Në 30 Qershor të 2019-s, Erjon Veliaj do të merrte mandatin e dytë për të drejtuar Bashkinë e Tiranës, por këtë herë PD dhe LSI (PL sot) nuk morën pjesë, përballë tij qendronte vetëm Arben Skënderi i Bindjes Demokratike të drejtuar nga Astrit Patozi.

Në këto zgjedhje pavarësisht se pa një konkurent të fortë përballë Veliaj mori 152 230, rreth 10 mijë vota më pak se 4 vite më parë.

Ndërkohë që kandidati i grupimit të Sali Berishës i cili në këto zgjedhje do të mbështete dhe nga PL e Ilir Metës, Belind Këlliçi, do të garojë për herë të parë për postin e kreut të Bashkisë së Tiranës.

Këlliçi u zgjodh deputet i Kuvendit të Shqipërisë në 25 prill të vitit 2021, pozicion të cilin e mbajti deri këtë të enjte, 23 mars 2023.

Këlliçi u zgjodh kandidat zyrtar pasi doli fitues në “Primaret”, ku fitoi me shumicë votash përballë konkurentëve të tjerë, ku më i afërti ishte Ilir Alimehmeti.

Ndërkohë që edhe për Roland Bejkon do të jetë hera e parë që do të garojë për postin e kreut të Bashkisë së Tiranës.

Bejko në garë për kandidatë për kreun e Bashkisë së Tiranës, pati pedagogen Jonila Godole, por në fund ishte ai që mori shumiën e votave nga Kryesia e PD.

/Taulant Halili/ AlbEu.com/

The post Plotësohet “puzzle” për Bashkinë e Tiranës, kush do ta drejtojë kryeqytetin në 4 vitet e ardhshme Veliaj, Këlliçi apo Bejko? appeared first on Albeu.com.

Debati përshkallëzoi kur Bejko tha se në protestën e dhunshme të 8 janarit nuk kishte se nga të mbrohej tjetër përveç se nga Policia e Shtetit.

Kjo gjë irritoi analistin Bushati, i cili tha se duhet t’i vinte turp që mbronte një polici, të cilën e akuzuar për 8 vjet si Polici e krimit.

Bushati: Turp të kesh, nuk mund të tallesh kështu me njerëzit. Duhet të jesh i pafytyrë të flasësh kështu. Pasi ke thënë 8 vite polici e krimit, tani na del të mbrosh policinë e shtetit

Bejko: Kur më mbron mua nga turma plot mllef, s’kam ku të drejtohem tjetër

Bushati: Po pse i thoje polici e krimit

Bejko: Ia shtoj po deshe ti, polici e inkriminuar. Turp t’i vijë Berishës që e çon situatën deri në këtë pikë. Se kam qenë ndër të parët që e kam denoncuar cështjen e kanabisit.

The post “Turp të kesh, duhet të jesh i pafytyrë”, përplasen keq Bushati dhe Bejko (VIDEO) appeared first on Albeu.com.