Ibrahimaj rikujtoi premtimet e bëra gjatë zgjedhjeve të këtij viti, duke nënvizuar se progresi në anëtarësimin në Bashkimin Europian, rritja e pensioneve dhe përmirësimi i mirëqenies së qytetarëve kanë qenë angazhime të përmbushura, të cilat, sipas saj, përbëjnë shtyllat kryesore të buxhetit të prezantuar nga qeveria.

Ministrja e cilësoi këtë javë si një moment historik në marrëdhënien e Shqipërisë me BE-në, duke theksuar se komisionerja Marta Kos e ka përshkruar progresin e vendit si “mbresëlënës”.

Sipas Ibrahimajt, Shqipëria sot është “më pranë se kurrë BE-së”, ndërsa theksoi se të ardhurat janë shtuar, paga mesatare ka arritur në 850 euro, ekonomia është konsoliduar dhe mirëqenia vijon të rritet.

The post Ministrja Delina Ibrahimaj: Jemi më pranë BE-së, Shqipëria është rritur, paga mesatare ka arritur në 850 euro appeared first on Albeu.com.

Në këtë forum, do të marrë pjesë edhe kryeministri Edi Rama.

“Komisioni Evropian do të organizojë sot Forumin e Zgjerimit të BE, ngjarjen e parë të këtij lloji, kushtuar prioritetit të tij 2024–2029. Kryeministri Edi Rama i cili ndodhet në Bruksel në vijim të agjendës për çeljen e grupkapitullit të fundit të negociatave, – do të jetë pasditen e sotme pjesë e panelit. “Forumi i Zgjerimit të BE-së është nisma kryesore e Komisionit Evropian që synon ta ngrejë më lart diskutimin mbi zgjerimin e BE-së si një projekt të përbashkët politik, shoqëror, brezash” – thuhet në prezantimin e ngjarjes, – që do të bëjë bashkë një gamë të gjerë dhe të larmishme pjesëmarrësish nën moton “Plotësimi i Unionit, Sigurimi i së Ardhmes Sonë””, njofton Kryeministria.

Ky forum, u jep mundësinë drejtuesve politikë të vendeve kandidate, të mblidhen së bashku me drejtues të vendeve anëtare të BE-së, përfaqësues të institucioneve europiane, ekspertë të integrimit, etj.

Forumi është një mekanizëm i rëndësishëm me fokus te reformat për sundimin e ligjit, mundësi më të shumta për arsimin e të rinjve, si edhe në stabilitetin dhe mirëqenien e gjithë shoqërisë shqiptare.

Forumi i Zgjerimit do të jetë pika e takimit për të gjithë profesionistët që punojnë mbi një nga prioritetet kryesore të mandatit 2024–2029 të Komisionit Europian, të cilët janë të angazhuar në mënyrë aktive në agjendën më ambicioze të zgjerimit të më shumë se një dekade.

The post Rama sot në Bruksel, merr pjesë në panelin e nivelit të lartë në Forumin e Zgjerimit të BE-së: appeared first on Albeu.com.

Ky është momenti kur ambasadori i BE-së, Silvio Gonzato, mbërrin në parlament dhe hyn në seancë plenare.

Siç shihet nga pamjet, interesi i medias ka qenë i lartë, teksa deputetët e PD-së të pranishëm ende në shkallët e Parlamentit i kanë hapur rrugën për të kaluar.

Situata në Parlament vijon të jetë e tensionuar, teksa forca të shumta policia kanë rrethuar institucionin. 23 deputetë të opozitës nuk lejohen në seancë pasi janë përjashtuar disa për 40 ditë dhe disa për 60 ditë.

Po sot ambasadori i BE-së bëri thirrje për dialog urgjent, ndërsa kryeministri tha se është opozita ajo që nuk do dialog.

The post Deputetët e PD i hapin rrugën, ja momenti kur ambasadori i BE-së hyn në Parlament appeared first on Albeu.com.

Sipas tij, ky vendim është “edhe dekurajues për integrimin e serbëve të Kosovës”.

Gjithashtu, Kurti shprehet; “ne nuk kemi mundësi të mëdha që të ndikojmë në vendimet e Brukselit”.

Mes të tjerash, Kurti i bëri këto komente për gazetarët, gjatë përurimit të disa hapësirave të rinovuara në Klinikën e Kardiokirurgjisë në Qendrën Klinike Universitare të Kosovës.

Ministrat e Jashtëm të Bashkimit Evropian, e morën vendimin e lartpërmendur më 22 korrik.

Vendimi pritet të hyjë në fuqi ditën e 20-të pas botimit në Gazetën Zyrtare të BE-së.

The post Albin Kurti kritika BE-së për heqjen e vizave për poseduesit e pasaportave serbe: Vendim i padrejtë appeared first on Albeu.com.

Gjithashtu, Lajcak shprehet se zbatimi duhet të nis menjëherë në mënyrë që Kosova dhe Serbia, të nisin përmbushjen e obligimeve të tyre në mënyrë paralele dhe hap pas hapi, duke u bazuar në parimin se të dy palët duhet të bëjnë diçka për të marrë diçka.

Ai thekson se fokusi duhet të jetë zbatimi i plotë i Marrëveshjes apo vonesa dhe sipas tij përgjegjësitë janë të qarta. Kur e thotë këtë, Lajçak potencon se i takon Kosovës që të nis procedurën e themelimit të Asociacionit dhe të pranojë draft-statutin evropian dhe se i takon Serbia që të përmbush obligimet e saj të shumta në mënyrë paralele duke filluar me njohjen e simboleve të Kosovës, dokumenteve dhe institucioneve, siç parashihet në planin e sekuencimit.

“Të dyja palët dhe konstruktiviteti i tyre do të matet vetëm në bazë të progresit në zbatim – dhe jo në veprimet, apo deklaratat publike të palës tjetër. Topi është në fushën e Serbisë dhe Kosovës dhe ne presim që ata të fillojnë të përmbushin marrëveshjen”, ka thënë Lajcak.

The post Miroslav Lajcak: Kosova ta pranojë draftin e BE-së dhe të nisë themelimin e Asociacionit appeared first on Albeu.com.

“Në mbledhjen e Këshillit të Atlantikut të Veriut, theksoi se aktivitetet agresive të Rusisë dhe rajonit të Ballkanit Perëndimor janë identifikuar dhe monitoruar me kujdes dhe se ato synojnë të cenojnë reputacionin dhe besimin në NATO dhe BE, për të shkaktuar një krizë sigurie që do të ndikojë në stabilitetin dhe prosperitetin e Ballkanit Perëndimor dhe do të krijojë dilemë për rolin strategjik të NATO-s dhe BE-së në rajon”, tha për “Nova”, kryeministri Dimitar Kovaçevski.

Në këtë kontekst, kryeministri theksoi nevojën për një rol më aktiv të NATO-s dhe BE-së për të ngushtuar hapësirën për ndikimin intensiv rus.

“Kjo është arsyeja pse unë kam theksuar se NATO dhe BE duhet të ruajnë besueshmërinë e politikave të tyre në rajon, në mënyrë që të forcojnë më tej sigurinë dhe të mbyllin vakumin që Rusia po përdor për të ushtruar ndikim. Politika e dyerve të hapura të NATO-s ka qenë një sukses historik që siguron paqe dhe siguri të qëndrueshme në të gjithë kontinentin evropian, pavarësisht mungesës së një perspektive të besueshme evropiane dhe euroatlantike për Ballkanin Perëndimor që mund të ketë tendenca të shumta negative”, shtoi Kovaçevski.

The post Kovaçevski: Brukseli po vështron se si rusët përpiqen të minojnë reputacionin e NATO-s dhe BE-së në Ballkan appeared first on Albeu.com.

Kosova vazhdon të jetë vendi i vetëm i rajonit, për të cilin nuk ka liberalizim vizash. Ka qenë pikërisht Franca ajo e cila deri më tash më së shumti e ka kundërshtuar vendimin në Këshill për liberalizimin e vizave.

Por, diplomatët në BE kanë thënë këto ditë se Kosova nuk është akoma në momentin kur mund të presë liberalizimin e vizave edhe pse Komisioni Evropian ka konfirmuar se janë përmbushur të gjitha kushtet. Një prej arsyeve kryesore pse ka hezitim te disa shtete të BE-së për liberalizimin e vizave për Kosovën është ajo që nga disa shtete konsiderohet si “përvojë e keqe në rastin e Shqipërisë dhe Gjeorgjisë”.

“Kur janë liberalizuar vizat për Shqipërinë dhe Gjeorgjinë, Komisioni po ashtu pati thënë se janë përmbushur të gjitha kushtet. Por, pas heqjes së vizave patëm shumë njerëz që erdhën në vendet tona, përfshirë edhe kriminelë dhe ekstremistë. U keqpërdor ky liberalizim. U desh të kalojë një kohë që ta zgjidhim këtë problem”, tha ky burim për të shtuar se në rastin e Kosovës duam së pari të bindemi se ka besim të plotë me autoritetet se nuk do të kemi problem, e atëherë të liberalizohen vizat.

“Po bashkëpunojmë, në një moment do të ndodhë liberalizimi, por ai moment nuk është tash”, tha një burim diplomatik duke mos dashur të saktësojë nëse gjatë Presidencës së Francës pritet ndonjë veprim në këtë drejtim.

Franca, nga 1 janari, ka marrë kryesimin e radhës të Këshillit të Bashkimit Evropian që do të zgjasë deri në fund të muajit qershor. Një varg prioritetesh ka caktuar Franca si tema, me të cilat do të merret në gjysmën e parë të këtij viti para se t’ia dorëzojë Çekisë kryesimin e radhës për pjesën e dytë.

Pos temave që kanë të bëjnë me forcimin e autonomisë strategjike të BE-së, rritjes së kapaciteteve mbrojtëse, reformën e zonës së Shengenit, zbatimin e qëllimeve për mbrojtjen e mjedisit, energjinë e tema tjera, Franca ka paralajmëruar se një kujdes të veçantë do t’ia kushtojë edhe Ballkanit Perëndimor.

Gjatë Presidencës franceze të BE-së pritet edhe një konferencë kushtuar Ballkanit Perëndimor. Këtë e kishte paralajmëruar kohë më parë edhe presidenti i Francës, Emmanuel Macron. Burime diplomatike në BE kanë thënë se kjo konferencë nuk do të jetë ndonjë samit klasik BE-Ballkan, sepse një i tillë do të zhvillohet gjatë presidencës Çeke të BE-së në pjesën e dytë të vitit, por më shumë një “konferencë ku do të diskutohet disa problem specifike të rajonit”.

Ndër “problemet specifike” sipas diplomatëve, konsiderohen më së shumti kriza aktuale politike në Bosnje e Hercegovinë dhe raportet ndërmjet Kosovës dhe Serbisë, për të cilat po zhvillohet dialogu në Bruksel i lehtësuar nga Bashkimi Evropian.

Sa i përket dialogut ndërmjet Kosovës dhe Serbisë ka paralajmërime se do të ketë “një angazhim të shtuar diplomatik” për të lëvizur gjërat pasi Kosova dhe Serbia vazhdojnë të kenë qëndrime diametralisht të kundërta”.

Për këtë pritet që sidomos të punojnë së bashku Gjermania dhe Franca, e cila së shpejti do ta marrë përsipër kryesimin e radhës të BE-së.

Presidenti i Francës, Emmanuel Macron, duke folur më parë për kryesimin e radhës së BE-së, ka paralajmëruar se do të kujdeset në mënyrë të veçantë për rajonin e Ballkanit Perëndimor.

“Fqinjësia jonë më e afërt është Ballkani Perëndimor. Në qershor do të organizojmë konferencën për Ballkanin Perëndimor sepse Ballkani është më shumë se fqinjësi, është në zemër të Evropës. Mjafton të shikohet harta dhe historia jonë”, ka thënë Macron.

Ai më tej ka theksuar se rajoni sot po kalon përmes tensioneve.

“Historia kthehet nganjëherë edhe në mënyrë tragjike. Prandaj, sot kemi një përgjegjësi të veçantë ndaj Ballkanit Perëndimor. Atje duhet të zbatojmë politikën e angazhimit të ri, por edhe investimeve në mënyrë që të favorizojmë integrimin ekonomik të rajonit, të ndihmojmë shkëmbimin e njerëzve, të zgjidhim çështjet e pakicave dhe të luftojmë kundër ndikimeve dhe manipulimeve që janë pasojë e angazhimit të fuqive që përmes Ballkanit duan ta destabilizojnë Evropën”, ka thënë Macron, raporton REL.

Ai ka shtuar se angazhimi politik dhe ekonomik në Ballkanin Perëndimor është agjendë e vërtetë për sovranitetin e Evropës, sepse, siç është shprehur ai, “nuk mund ta ndërtojmë Evropën në paqe për 50 vjetët e ardhshme nëse e lëmë Ballkanin Perëndimor në situatën në të cilën është sot”.

“Kjo do të thotë se duhet të sqarojmë perspektivën evropiane, të investojmë në rajon, në unitetin e tij dhe të kemi një ambicie të përbashkët për dekadën që vjen”, ka thënë ai.

Ky paralajmërim është kuptuar si shumë inkurajues nga diplomatët në BE, pasi Franca gjatë viteve të fundit ka qenë ndër shtetet skeptike ndaj procesit të zgjerimit të BE-së.

Kryesimi i BE-së nga ana e Francës përkon edhe me zgjedhjet që pritet të zhvillohen në këtë shtet pikërisht në pranverë të këtij viti.

Por, zyrtarët nga Franca kanë thënë se zhvillimi i zgjedhjeve nacionale nuk do të jetë pengesë për Francën që të kryejë detyrat e saj edhe si kryesuese e radhës e Bashkimit Evropian. /REL/

The post A pritet liberalizim i vizave për Kosovën gjatë presidencës franceze të BE-së appeared first on Albeu.com.

Zaev thotë se shumica aktuale parlamentare është stabile dhe e bashkuar, vazhdon rrugën drejt Bashkimit Evropian.

“Falenderoj partnerët e koalicionit të cilët sot, gjatë ditës, treguan qartë se mbetemi bashkë janë të përkushtuar për rrugën drejt BE-së që shteti të vazhdojë të ecë parë. Në këto momente është shumë me rëndësi që të jemi të bashkuar në përmbushjen e pritshmërive të qytetarëve dhe në sigurimin e ardhmërisë më të mirë për popullin tonë. Sot u hodhën poshtë të gjitha dezinformatat se kemi shumicë të re. Sot u vërtetua qartë se kemi shumicë qeveritare dhe koalicion stabil, të bashkuar që e dërgon popullin tonë përpara, fuqishëm dhe të bashkuar”.

The post Zaev: Shumica parlamentare është e bashkuar, vazhdojmë rrugën drej BE-së appeared first on Albeu.com.

Merkel i bëri këto komente në Beograd, në një konferencë të përbashkët për media me presidentin e Serbisë, Aleksandar Vuçiç.

Paraprakisht, Merkel zhvilloi një takim me Vuçiçin, ku u diskutua për bashkëpunimin politik dhe ekonomik të dy vendeve, si dhe për procesin e integrimit në BE.

“Ju inkurajoj që të vazhdoni më tej drejt sundimit të ligjit, drejt shoqërisë plurale”, tha Merkel.

Ajo shtoi se çështja e njohjes së pavarësisë së Kosovës, kur bëhet fjalë për Serbinë, është një çështje që do të zgjidhet “në fund të një procesi”.

“Disa çështje do të zgjidhen në fund të një procesi. Të gjithë e dinë se disa vende anëtare të BE-së nuk e kanë njohur Kosovën. Çështja duhet të zgjidhet. Nuk ka kuptim të flasim për përfundimin e një procesi para se të zgjidhen gjërat e tjera dhe pastaj i gjithë procesi”, tha Merkel.

Vuçiç: Jemi të vetëdijshëm se Kosova është kusht për integrimin evropian të Serbisë

Vuçiç tha se zyrtarët në Serbi e dinë se zgjidhja e çështjes së Kosovës është kusht për anëtarësimin e Serbisë në BE.

“Unë nuk do t’i mohoj njohuritë tona për kushtet e anëtarësimit në BE. Siç dëgjoni nga Prishtina se ata kanë Kushtetutën e tyre, ashtu e kemi edhe ne Kushtetutën tonë, të cilës i përmbahemi. Ne jemi gati për kompromis, për një zgjidhje kompromisi. Nëse pyetemi se a jemi të vetëdijshëm se nuk do të jemi vend anëtar i BE-së përpara zgjidhjes së çështjes, jemi të vetëdijshëm”, tha Vuçiç.

Ai përsëriti se nuk është për konflikt të ngrirë kur bëhet fjalë për marrëdhëniet midis Serbisë dhe Kosovës dhe shtoi se është i hapur për dialog dhe zgjidhje kompromisi.

“…por duhet të jetë një kompromis, jo shkatërrues për Serbinë”, tha Vuçiç.

Të martën, Merkel do të qëndrojë në Tiranë, ku pritet të takojë kryeministrat e gjashtë vendeve të Ballkanit Perëndimor: Shqipërisë, Kosovës, Serbisë, Malit të Zi, Maqedonisë së Veriut dhe Bosnje e Hercegovinës.

Zëdhënësja e Qeverisë gjermane, Martina Fietz, tha se “përveç bisedimeve dypalëshe, bashkëpunimi rajonal do të jetë një temë e rëndësishme” e udhëtimit dyditor të Merkelit.

Pas 16 vjetësh në pushtet, Merkel do të largohet nga pozita e kancelares në fund të mandatit të saj të katërt, përkatësisht pas zgjedhjeve të 26 shtatorit në Gjermani.

Vizita e saj në Ballkan vjen gjithashtu përpara samitit të ardhshëm BE-Ballkan, që do të mbahet në tetor.

Vuçiç e cilësoi vizitën e Merkelit si “një nder të madh për Serbinë dhe një shans për ta falënderuar atë për gjithçka që ka bërë për Serbinë dhe rajonin” gjatë mandatit të saj.

Lansimi i të ashtuquajturit Proces i Berlinit nga Merkeli “krijoi një atmosferë ndryshe dhe mundësi të reja për bashkëpunim në Ballkanin Perëndimor, duke e bërë rajonin më paqësor dhe më të qëndrueshëm”, tha Vuçiç.

Procesi i Berlinit u shpall në vitin 2014, me qëllim promovimin e bashkëpunimit rajonal në Ballkanin Perëndimor dhe integrimin evropian.

Vendet e Ballkanit Perëndimor janë në faza të ndryshme të integrimit në BE.

Mali i Zi dhe Serbia kanë përparuar më së shumti, pasi kanë hapur negociatat dhe kapitujt e pranimit.

Shqipëria dhe Maqedonia e Veriut janë në pritje të hapjes zyrtare të bisedimeve të pranimit, ndërsa Kosova dhe Bosnje e Hercegovina janë vende potenciale kandidate./REL/

The post Merkel pas takimit me Vuçiç: Ballkani ka rrugë të gjatë drejt BE-së appeared first on Albeu.com.

Ky dokument tregon nëse një person ka marrë të dy dozat e rekomanduara të vaksinës COVID-19 të miratuar nga Agjencia Evropiane e Mjekësisë (EMA), nëse posedon test negativ ‘PCR’ brenda 72 orëve të fundit ose nëse është shëruar nga virusi në gjashtë muajt e fundit.

Vaksinat e autorizuara nga EMA janë produktet e kompanive farmaceutike Pfizer/BiNTech, Moderna, AstraZeneca, CureVac dhe Johson & Johnson.

Persona që nuk janë të vaksinuar dhe nuk kanë dokument se janë shëruar nga virusi do të duhet të bëjnë një test ‘PCR’, ndërsa ata që janë vaksinuar me vaksinën e kompanisë kineze SinoVac, që nuk përfshihet në vaksinat e rekomanduara nga EMA, do të duhet të kontrollojnë kërkesat e hyrjes në vendin ku duan të udhëtojnë.

The post Maqedoni: Ja cilat vaksina pranohen për të udhëtuar drejt BE-së appeared first on Albeu.com.