Ai ka zbuliar se Gazmend Bardhi i ka dërguar Sali Berishës një kërkesë me shrkim me qëllim për t’i dhënë zgjidhje përçarjes brenda PD-së.

I ftuar në Ora Neës, Korreshi deklaroi se demokratët janë lodhur duke e parë partinë të përçarë.

Sajmir Korreshi: Gazment Bardhi i ka bërë një kërkesë me shkrim Sali Berishës. Ne në parlament shkojmë bashkë me njëri tjetrin, tema jonë përveç zhdukjes së Ramës është edhe 14 maji. Demokratat u lodhën duke na parë të përçarë, jemi zënë me njëri-tjetrin, kemi ngrënë kokat e njëri tjetrit. Ne duhet të maksimalizojmë forcat dhe të zgjedhim kandidat propabël. Bardhi në emër të gjithë problematikave, të jetë Bardhi që të çojë kandidatët, ne të hyjmë në garë si PD. I është përcjellë mesazhi zotit Berisha, pritet tashmë duke parë edhe qëndrimin e të gjithë deputetëve./Albeu.com/

The post Korreshi zbulon kërkesën për bashkim: Gazmend Bardhi i ka dërguar Berishës një shkresë appeared first on Albeu.com.

Ai ka thënë se është i gatshëm të lërë mandatin për bashkimin e PD-së, e cila është përçarë që në shtator të vitit 2021.

I ftuar në News 24, Salianji theksoi se kjo përçarje i intereson vetëm Edi Ramës.

“Edi Ramës i intereson të ketë luftë dhe të përjashtohen deputetë të opozitës. Rama po përfiton. Nuk mundet që me çfarëdolloj forme të kërkojnë të mbajnë karriget. E them se jam i gatshëm të lë mandatin për t’u bashkuar PD. Të dalësh tani dhe të marrësh vendime të caktuara për interesa dhe përçarje të PD nuk është privilegj. PD zyrtare, apo e vulës apo ta quajmë si të duan nuk po bën asnjë aktivitet të madh. Ta provojmë pra, të ndodhin me akte. Kemi diskutuar një prej nismave për hapjen e dosjeve më e gabuara, sot pas dy muajve nuk dimë të jetë hapur një dosje”, tha Salianji./Albeu.com/

The post Salianji bën deklaratën e fortë: Gati të lë mandatin për bashkimin e demokratëve appeared first on Albeu.com.

I ftuar në emisionin “Open” në News24, Alibeaj tha se propozimet e tij janë aty dhe se kushdo që do mund t’i konsiderojë.

“Grupi parlamentar e kryesia, u nisëm nga idea e mirë që vërtetë kemi një frakturë, e pranojmë jo vetëm në qendër por edhe në bazë që nuk është as e përkohshme. Nuk është cështje e legjitimitetit juridik se kjo varet nga gjykata. Nuk është frakturë, është ndarje ideologjike, mentaliteti, konceptesh. Pranoj që është edhe në bazë. që ka ekzistuar në mënyrë letargjike që nga 90, koha erdhi, vonë ndoshta që të sqarohen rrymat brenda PD, të shihen konfigurimet e identitet q dikur ishte bashkë. A besoj se do arrinim në një kandidat të përbashkët? Në një situatë laboratorike, do ishte utopi. Në fakt ka një gjë që na bën bashkë, që nuk ndodhemi në një sistem demokracie që të ruajmë ndarjet.

Ne nuk kemi pretenduar bashkim, bashkëpunim.

Ndarja sot është. Por për shkak të faktit që kemi përballë një regjim i tejkalon që të bashkojmë forcat. Ndaj e the gjithmonë, një kandidat i vetëm e fitues i demokratëve. Kjo do të thotë që pavarësisht ndarjeve, fakti që kemi përballë regjimin e Ramës, nuk duhet të kufizohemi që për hir të njerëzve poshtë dhe shqiptarëve të tejkalojmë egot e individuale e politike.

Duhet bërë bashkë arkipelagun e opozitës, të shqiptarëve demokratë që në 25 prill na votuan.

Individi dhe shëmbëlltyra e kandidatit duhet të jetë i tillë që të shohin veten demokratët, elektorati gri, mundësisht edhe grupi tj i DP. Kandidati mund të mos zgjidhet nga vatha ime. Formula e ofruar ishte sondazhe.

Duke qenë se nuk kishte asnjë dashamirësi nga Paloka, ofruam mekanizmin ku ruhen Primaret por të qëmtohet dhe ekstraktohet shija e pjesës gri që mund të mos dojë asnjë nga palët.

As kjo nuk u pranua.

Oferta jonë mekanizmi ynë i prezantuar edhe publikisht janë aty të shkuara. Kush do e sheh, por gjatë të gjithë kësaj kohë, kemi mbajtur një qëndrim të ndrojtur se nuk kemi dashur që me veprime të njëanshme të krijonim hendeqe se e dinim që do vinim sot një situatë ku na kërkohet nga baza bashkim forcash”, tha ai.

The post Ka shpresa për kandidat të përbashkët në zgjedhjet lokale? Alibeaj: Për hir të bazës nuk duhet të kufizohemi appeared first on Albeu.com.

Në emisionin “Opinion”, shprehet se ai i ka dhënë provat në sfidat që ka përballuar gjatë kohës që ka qenë pjesë e PD.

“Unë besoj se Tirana ka nevojë për ndryshim në qeverise dhe në qasje me qytetarët. Një ndryshim për perspektivën e qytetit, duke shkuar përtej votës së PD. Besoj se i bashkoi demokratët dhe i frymëzoj demokratët për fitore në zgjedhjet e viti të ardhshëm. Kam vite që punojnë me demokratët dhe në garat që kam patur më parë i kam dhënë provat”, tha Bogdani.

The post Kandidat në primaret e PD, në Tiranë, Bogdani: Unë i bashkoj demokratët appeared first on Albeu.com.

Alibeaj tha se Berisha s’mund ta marrë peng partinë dhe sipas tij dorëheqja e Berishës është e nevojshme, ashtu si ajo e kryedemokratit Basha.

Komentet Alibeaj i bëri teksa ishte i ftuar në “Kjo Javë” në Neës24 ku foli për zhvillimet e fundit në kampin blu.

“Është i ftuar ccdo deputet që beson se nëpërmjet këtyre parimeve do të arrihet krijimi i një baze të fortë demokratësh. Ajo nuk është platformë e imja, por e mbështetur nga 32 deputetë. Shqetësimi i deputetëve ishte fakti që kishin marrë një problematike, një proces i njëanshëm gjoja i rikrijimit të strukturave të PD. Ajo që unë besoj në peshën e përgjegjësisë, kemi detyrimin ne t’u krijojmë integritetin sepse PD është ajo që do të luftojë regjimin dhe duke parë këtë si synim final, kjo është një zgjidhje e mirë. Ka nevojë për pasurim, ccdo gjë është e hapur. Bashkimi nuk është bashkim individësh, por bashkimi i anëtarëve të PD. Ky nuk duhet të jetë bashkim i shtëpisë sonë, por të rezonojë edhe tek pjesa jashtë. Çështja nuk do duhet parë me njërin apo tjetrin, kjo kulturë duhet të largohet, idhujt, individualitetet. Duhet bërë një shkëputje nga kultura e të shkuarës që PD të bëhet atraktive në tregun elektoral.

Berisha, jashtë apo brenda PD?

Me 11 shtator grupi është pa Berishën në të. Kjo është përbërja dhe s’ka dyshime. Ajo se unë besoj se është më e qartë është fakti që për të ka një etiketim non grata nga SHBA. Kjo ccështje përcakton marrëdhëniet PD-SHBA. Jo vetëm për kulturë politike besoj se ruajtja në mënyrë të sinqertë këto marrëdhënie prevalon mbi këdo. Berisha ka ardhur në PD me një vendim gjykate jo i formës së prerë. Ai vendim nuk i jep të drejtë Berishës të zaptoje PD-në. Secili prej nesh duhet të lëshojë diccka nga vetja. Basha dha dorëheqjen se iu kërkua nga një pjesë e madhe me idenë për të kapërcyer këtë moment dhe Berisha do të duhet të bëjë të njëjtën gjë.

The post Platforma për bashkim, Alibeaj: Pse duhet ta mbështesë çdo deputet dhe pse tërheqja e Berishës është e domozdoshme appeared first on Albeu.com.

Komentet Lubonja i bëri në rubrikën “Opinion”, ku ishte i ftuar, teksa komentoi zhvillimet më të fundit në Partinë Demokratike. Sipas tij, Berisha tashmë përbën shumicën në PD.

Lubonja theksoi se opozita është e fortë momentalisht, por tha se duke pasur përballë një regjim si ai i Edi Ramës, gjithçka është më e vështirë.

“Politikisht është e vështirë t’i kundërvihesh me sukses grupit të Berishës, qoftë edhe duke pasur ambasadën e SHBA-së mbrapa. Ne e dimë historinë e çarjes së PD. Mundet që ky grup i vogël që nuk e dimë se sa është. E kam fjalën për grupin parlamentar të PD që ishte i kontrolluar nga Basha. Kanë ikur dhe nuk dihet sa i kanë mbetur Bashës, por është në minorancë. Berisha sot kishte një konferencë shtypi me bujarinë e fitimtarit, ku ftonte ata, bashkë me Lulzim Bashës.

Ai tha që të gjithë ato janë anëtarë të PD. Fliste me sigurinë e një njeriu që ka marrë kryesinë, por njëkohësisht kërkon të ketë sa më afër të gjithë. Këtu mbeten tashmë për mendimin tim, elementi psikologjik i rëndësishëm. Janë shumë sharje, të gjitha ata që janë thënë me njëri-tjetrin. Këta do të krijojnë një grupim tjetër tani, sepse lind edhe problemi i gjykatës që thotë do e çojmë në apel. Më mirë të bëhet një parti tjetër, grupim tjetër dhe t’i kundërvihen. kjo shkon në favor të Ramës ose munden nëse Berisha tregohet i hapur të krijohet fraksion brenda partisë. Duke qenë se si ishte katandisur PD pas ikjes së Berishës, bëhet më e fortë seç ishte.

A mjafton për të përmbysur Ramën.

Kjo mbetet e hapur. Unë gjykoj se nuk mjafton. Ka nevojë për një bashkim, por kjo varet nga mundësitë reale. Unë dyshoj se kushdo të vijë këtu do e ketë të vështirë të përballojë këtë regjim. Kjo është opozita më e fortë për momentin, sa do e arrijë Berisha… Ai ka një karizëm, por nëse do të bashkojë të gjithë shqiptarët kam dyshimet e mia. Vetëm një krizë do i dërgojë njerëzit te opozita e Berishës”, tha Lubonja.

Lubonja tregoi ndër të tjera se si do të jetë e ardhmja e PD. Ai tha se Berisha thotë se do të ndërtojë një parti konservatore, por si e tillë do të jetë më e vështirë për të formuar aleatë në Evropë e gjetkë, për shkak të partive politike të pakta që ndjekin këtë ideologji.

“Protestat që pamë së fundmi për çmimet e naftës, kur u bënë nga shoqëria… PD ka qenë aty brenda gjithmonë për të krijuar masë më të madhe e shfrytëzuar për interesat e veta. Ngrihet si pikëpyetje se sa mund të arrijë PD të legjitimohet në këtë drejtim, për të krijuar një koalicion. Kjo do politikë. Berisha e ka më të vështirë, por ku ta gjejmë. Këtu hy në lojë politika, negociatat, ai tani po tenton të bashkohet edhe me Lulzim Bashën. Këto janë problemet tona. Berisha e ka atë përvojë. Berisha erdhi për të sjellë demokracinë në Shqipëri në fillim.

U bë president e u bë autokrat. E vërteta është se filluan duke ikur ata, sepse ajo është mendësia jonë. Nuk po them se në 2005 e mbrapa ishte po ai. Disa i thërriti se i duheshin. Krijoi një karizëm që nuk i dilnin dot kundra, u futën interesat dhe sundoi si autokrat, por jo me forcën e parë. Edhe kundërshtarët i la të bënin aktivitetin e tyre. Edhe Rama vetë që mendimi im është që është më keq se autokrat, prapë se prapë i lë këto hapësira, e kontrollon me forma të tjera, me ekonominë, mediat, me të gjithë mjetet që lidhin njerëzit. Ky është një regjim mediatik-ambasadorik. Ai ka kapur edhe shoqërinë civile, kjo është e rëndësishme. Këto janë përpjekjet për një lloj demokratizimi. Edhe fasada ndryshon esencën që ke mbrapa. Më komplekse për mua është çështja e shoqërisë konservatore. Duhet parë se çfarë kuptohet me konservatore? Është një parti me vlerat e familjes, fetare, nacionaliste, e kundërta në thelb e një partie liberale që ve individin në qendër.

Partitë populiste që vendosin komunitetin. Anti-liberal, ku kuptohet partitë politike amerikane. Pse e bën Berisha këtë? Është pjesa që tha Berisha se është i lidhur me Amerikën. Ai tha që të mos harrohet që janë parti konservatore dhe lidhjet e tyre janë me partinë republikane, ku përmendi disa kongresmenë. Ai në këtë kuptim thotë që e dua Amerikën, por jam me republikanët. Të gjithë kanë qenë liberalë. Oligarkia ka lindur me individin e suksesshëm, e jo komuniteti. Jo shteti social se si duhet të ishte e majta. Nuk është folur për politika sociale, siç ka Kaczynsky. Berisha i ka ngritur për mendimin tim edhe për arsyet që thanë, por edhe se pse ka në parti nga ata që bëjnë këtë diferencë. Kjo kërkon program të qartë. Në PD ndodh që të ketë fraksione, siç mund të jetë ai i Lulzim Bashës, më liberal dhe më konservator ai i PD. Në opozitën e Fatos Nanos, që duke ardhur nga një origjinë socialiste ka bërë kritika ideore ndaj reformave të Berishës, për shtetin social. Ka pasur kritika për privatizime, për shpërthimin e neo-liberalizmit. Kur erdhën në pushtet, e bënë më keq se ata. Doli Edi Rama dhe thoshte ka reforma standard.

Je konservator, apo liberal, prapë reformat do i bësh ndryshe. Dolën më pas në idenë që të gjithë njësoj jeni dhe folën për popullin që fliste për korrupsionin. Nuk është artikuluar asnjëherë një program bindës. Shikoni aleancat që kanë në perëndim, PD i ka me partitë popullore, që janë liberale. Edhe këtë e ka problem Berisha. Unë mendoj që Shqipëria ka nevojë për kthim në nevojat humanitare. Rikthimi i Berishës ka sjellë entuziazëm në grupin e tij dhe t’u lërë hapësirë njerëzve me ide, të rinj aty mund të sjellë diçka. Mos të mbeten tek fyerjet dhe të sharat”, u shpreh Lubonja.

Pyetje: A do të krijohet një front Berisha-Meta?

Lubonja: Nuk e di, por që do të ketë një bashkëpunim jam i sigurte.

The post “Berisha po tenton bashkimin si në 2005”, Fatos Lubonja tregon “çelësin” për të mposhtur Ramën appeared first on Albeu.com.

Pasi doli nga selia blu, Basha u pyet nga gazetarët në lidhje me ultimatumin e vendosur nga disa prej demokratëve për të dhënë dorëheqjen për të sjellë bashkimin me pjesën tjetër.

“Unë mbetem në dispozicion për të bërë gjithçka, për hir të demokratëve dhe për të bashkuar Partinë Demokratike”, është shprehur Basha. /albeu.com

The post Situata në PD, Basha: Jam në dispozicion për gjithçka për hir të demokratëve appeared first on Albeu.com.