Gjatë kontrollit në dyqanin në rrugën “Demokracia”, u gjetën dhe sekuestruan veshje të ndryshme me logo markash të njohura, me një vlerë të përafërt rreth 40 mijë euro.

Sipas policisë, mallrat nuk shoqëroheshin me fatura që provonin origjinën e tyre.

Njoftimi:

“Specialistët e Seksionit për Hetimin e Krimeve Ekonomiko-Financiare, në vijim të kontrolleve dhe verifikimeve, me qëllim konstatimin e subjekteve që zhvillojnë aktivitetin e tyre, në informalitet, duke shmangur detyrimet tatimore, finalizuan operacionin e koduar “Etiketa 1”, gjatë të cilit u zbulua në këtë paligjshmëri, një dyqan në rrugën “Demokracia”, Babrru.

Në kuadër të operacionit u arrestua administratorja e dyqanit, shtetasja E. N., 38-vjeçe, banuese në Babrru.

Gjatë kontrolleve në këtë subjekt, u gjetën veshje të ndryshme me logo të markave ndërkombëtare, të dyshuara false, me vlerë rreth 40 000 euro, pa fatura mbi origjinën e tyre”, njoftoi sot policia.

The post Shiste veshje kontrabandë me logo false, arrestohet 38-vjeçarja në Babrru, sekuestrohet 40 mijë euro mall appeared first on Albeu.com.

Arlind Demushi shihet teksa flet në telefon me dikë, ndërsa duke ecur rregullon dhe rrobat e tij dhe fsheh dorën që siç duket e ka me gjak, duke e futur në xhep.

Më pas qetësisht largohet në errësirë mes lagjes, për t’u arrestuar më vonë në Durrës.

Ngjarja ndodhi jashtë një lokali në Babrru, ku thuhet se viktima dhe autori i dyshuar kishin qenë duke pirë.

Nga hetimet dyshohet se 38-vjeçari, gjatë një konflikti për motive të dobëta, ka goditur me mjet prerës, 40-vjeçarin, i cili për pasojë ka humbur jetën.

Materialet procedurale i kaluan Prokurorisë së Tiranës, për veprat penale “Vrasje me dashje” dhe “Prodhimi, mbajtja, blerja apo shitja pa leje e armëve të ftohta”.

The post Vrasja në Babrru/ Momenti kur autori largohet nga vendgjarja duke folur në telefon (VIDEO) appeared first on Albeu.com.

Policia ka zbardhur vrasjen e 40-vjeçarit Hajdar Ismajlgeci, i cili u gjet i vrarë pranë shkollës “Azem Hajdari” në Babrru.

Autori, i cili rezultoi ta ketë kryer krimin në gjendje të dehur, është vënë në pranga nga uniformat blu.

Të dy, autori dhe viktima, kanë qenë duke pirë së bashku. Pasi kanë dalë nga lokali janë zënë për motive banale. Autori e ka qëlluar me thikë dhe ka ikur.

Pas kqyrjes së kamerave të sigurisë, është zbuluar identiteti i tij dhe disa orë më pas është kapur.

Në momentin që është kapur ndodhej në gjendje të dehur dhe hetuesit nuk i kanë marrë dëshminë, por pritet të pyetet më pas.

Raportohet se në ditë më përpara, të dy janë parë në shoqërinë e njëri-tjetrit.

The post U gjet pa shenja jete në rrugë, arrestohet autori i vrasjes së 40-vjeçarit në Babrru (DETAJET) appeared first on Albeu.com.

Viktima dyshohet të jetë vrarë me thikë pas konstatimit të plagëve në trup të shkaktuar nga mjë mjet prerës apo thikë.

Deri më tani nuk dihet se kur ngjarja mund të ketë ndodhur apo rrethanat ndërsa policia ndodhet në vendin e ngjarjes për të zbuluar më tej dinamikën e krimit.

“Kamëz/Informacion paraprak

Rreth orës 20:10, në Babrru, është konstatuar pa shenja jete një shtetas ende i paidentifikuar, rreth 50 vjeç. Nga këqyrja paraprake, viktima ka një plagë të shkaktuar me mjet prerës, e cila dyshohet të ketë qenë shkaku i humbjes së jetës.

Grupi hetimor ndodhet në vendngjarje dhe po punon për identifikimin e viktimës, kapjen e autorit si dhe sqarimin e rrethanave dhe dokumentimin e plotë të rastit”, njofton policia.

The post Vritet një person në Tiranë, gjendet i pajetë në mes të rrugës appeared first on Albeu.com.

Vatra e zjarrit ndodhet shumë pranë disa banesave, çka ka rritur rrezikun për dëme të mëdha materiale.
Shërbimet zjarrfikëse ndodhen në terren dhe po punojnë për të vënë nën kontroll flakët. Ende nuk dihen shkaqet e zjarrit. Autoritetet u bëjnë thirrje qytetarëve të shmangin zonën për sigurinë e tyre. Pas një pune të organizuar nga zjarrfikëset, zjarri u shua.

The post VIDEO/ Zjarr i madh në Babrru, merr flakë banesa e braktisur appeared first on Albeu.com.

Tiranë/Informacion paraprak

Më datë 16.01.2025, rreth orës 08:40, dyshohet se si pasojë e një shkëndije elektrike ka rënë zjarr në qendrën azil-kërkues në Babrru.

Shërbimet e Policisë kanë evakuuar në kohë personat brenda qendrës.

Falë ndërhyrjes së menjëhershme të shërbimit zjarrfikës u bë e mundur fikja e zjarrit. Si pasojë e zjarrit ka vetëm dëme materiale.

Grupi hetimor punon për përcaktimin e saktë të shkakut të rënies së zjarrit.

The post Zjarr në qendrën e azilit në Babrru, evakuohen personat që ndodheshin brenda godinës appeared first on Albeu.com.

Persona ende të paidentifikuar, kanë dhunuar me grushte një 41-vjeçar dhe janë larguar.

I dëmtuari ndodhet në spital, ndërsa policia po punon për zbardhjen e rrethanave të ngjarjes si dhe identifikimin dhe kapjen e autorit.

Njoftimi i policisë:

Kamëz/Informacion paraprak

Më datë 15.09.2023, rreth orës 06:50, në Babrru, shtetas ende të pa identifikuar, dyshohet se kanë goditur me grushte, shtetasin Sh. H., 41 vjeç, dhe më pas janë larguar.

Si pasojë 41-vjeçari është dëmtuar dhe ndodhet në spital, nën kujdesin e mjekëve.

Grupi hetimor po punon për sqarimin e rrethanave të ngjarjes, identifikimin dhe kapjen e personave të përfshirë në ngjarje.

The post Dhunohet barbarisht 41-vjeçari në Babrru appeared first on Albeu.com.

Dyshohet se një person ende i paidentifikuar që qarkullonte me mjet ka qëllua në ajër dhe është larguar.

Të shtënat janë dëgjuar dhe raportuar me telefon nga qytëtarët e zonës. Në zonë është gjetur vetëm një gëzhojë.

Reagimi i policisë:

Tiranë/Informacion paraprak

Me datë 18.03.2022, në Babrru, një person ende i paidentifikuar që qarkullonte me automjet, ka qëlluar në ajër me armë zjarri.

Në cilësinë e provës materiale është sekuestruar një gëzhojë arme zjarri.

Grupi hetimor ndodhet në vendngjarje dhe po punon për sqarimin e rrethanave të ngjarjes.

/albeu.com

The post Të shtëna me armë zjarri në Tiranë, nuk ka viktima appeared first on Albeu.com.