Përmes një postimi në Facbook, Begaj e ka cilësuar konstruktiv diskutimin e tij me zëvendës sekretarin Guy Ryder.

Begaj tha se diskutoi për punën që Shqipëria po bën për arritjen e Objektivave të Zhvillimit të Qëndrueshëm (OzhQ), për respektimin e të drejtave të njeriut, si dhe për çështje që lidhen me sigurinë dhe paqen në rajon e më gjerë.

Gjithashtu, Begaj tha se siguroi Guy Ryder që Shqipëria e mbështet plotësisht organizimin e Samitit për të Ardhmen, si një iniciativë që ofron mundësi për arritjen e Objektivave të Zhvillimit të Qëndrueshëm.

“Takim konstruktiv me Guy Ryder, Zv. Sekretar i Përgjithshëm i OKB-së. Diskutuam për punën që Shqipëria po bën për arritjen e Objektivave të Zhvillimit të Qëndrueshëm (OZhQ), për respektimin e të drejtave të njeriut, si dhe për çështje që lidhen me sigurinë dhe paqen në rajon e më gjerë. Gjithashtu, e sigurova që Shqipëria e mbështet plotësisht organizimin e Samitit për të Ardhmen, si një iniciativë që ofron mundësi për arritjen e Objektivave të Zhvillimit të Qëndrueshëm.” shkruan në Facebook Presidenti.

The post Begaj takohet me Zëvendës Sekretarin e Përgjithshëm të OKB-së: E sigurova që Shqipëria mbështet organizimin e Samitit për të Ardhmen appeared first on Albeu.com.

“Ndërkohë që flasim sot, Shqipëria është 100% e mbështetur si vend në energjinë e ripërtëritshme. Por ajo çfarë kemi nevojë të bëjmë dhe çfarë po bëjmë, është të diversifikojmë burimet tona të energjisë, që mbështetet kryesisht në burimet hidrike. Për ne, investimet në energjinë e qëndrueshme dhe të ripërtëritshme janë pa asnjë dyshim thelbësore. Nisja e dialogjeve për hidrogjenin në kontekstin e korridorit jugor të gazit, është e shumë rëndësishme. Së pari, ofron një mjet për trjatimin e shqetësimeve mjedisore në përputhje me objektivat golbale të qëndrueshmërisë.

Së dyti. përqafimi i hidrogjenit të gjelbër çel mundësi të reja ekonomike. Më lini të ndaj me ju, se miqtë tanë azerë kanë qenë të paçmuar në ekspertizën teknike për të hartuar skenarët më të mirë të mundshëm për shfrytëzimin e infrastrukturës sonë ekzistuese. Aktualisht në Shqipëri po kërkojmë të ecim përpara në procesin e gazifimkimit të vendit, kemi nisur duke shkuar në këtë proces gazifikimi kundër asaj që në traditën tonë hisotrike na ishte privuar.

Ne kemi qenë të izoluar nga Perëndimi, refuzuam të kishim marrëdhenie me imperializimin amerikan, por edhe socialimeprializmin sovjektik. Kështu, jetonim në një Kore të Veriut në mes të Evropës. Sistemet tona ishin thuajse jo ekzistuese dhe të shkëputura nga pjesa e tjetër e botës. Ja pse e vlerësojmë shumë këtë kapitull të ri. Synojmë të ndërtojmë një qendër të gazit natyror të lëngshëm në Vlorë”, theksoi ai.

The post Rama në Azerbajxhan: Synojmë që të ndërtojmë një qendër të gazit në Vlorë appeared first on Albeu.com.

​Ministria tha përmes një deklarate se kishte thirrur ambasadoren franceze, Anne Boillon, për t’i shprehur një “protestë të fortë për veprimet e dy punonjësve të ambasadës franceze”.

Në deklaratë thuhej se të dy diplomatët ishin shpallur persona non grata dhe ishin urdhëruar të largoheshin nga vendi brenda 48 orëve, pa dhënë detaje të mëtejshme.

Vendimi vjen mes marrëdhënieve të tensionuara midis dy vendeve pasi Bakuja e ka akuzuar Francën se është treguar e njëanshme ndaj Armenisë gjatë bisedimeve të paqes të ndërmjetësuara nga evropianët.

Në nëntor, Presidenti i Azerbajxhanit Ilham Aliyev e akuzoi Francën për nxitje të konflikteve në Kaukaz përmes furnizimit me armë të Armenisë. Azerbajxhani dhe Armenia kanë zhvilluar dy luftëra për rajonin e diskutueshëm të Nagorno-Karabakut.

Azerbajxhani e rimori kontrollin e rajonit në shtator pas një ofensive të rrufeshme kundër separatistëve armenë që e kishin kontrolluar zonën për tre dekada.

Kohë më parë, Armenia dhe Azerbajxhani ishin shprehur lidhur me mundësinë e arritjes së një marrëveshje gjithëpërfshirëse për paqe deri në fund të vitit, por negociatat midis ish-republikave sovjetike të ndërmjetësuara nga ndërkombëtarët kanë bërë pak përparime.

Kryeministri armen, Nikol Pashinyan, dhe zoti Aliyev janë takuar disa herë për bisedime me ndërmjetësimin e Bashkimit Evropian. Por në tetor, zoti Aliyev refuzoi të merte pjesë në negociatat në Spanjë me zotin Pashinyan, lidhur me atë që ai tha se ishte “qendrim i njëanshëm i Francës”.

Presidenti francez, Emmanuel Macron, dhe Kancelari gjerman, Olaf Scholz, do t’i ndërmjetësonin bisedimet së bashku me Presidentin e Këshillit Evropian, Charles Michel.

Strehë e një diaspore të madhe armene, Franca është akuzuar vazhdimisht nga Azerbajxhani për njëanshmëri pro-armene lidhur me konfliktin territorial të vendeve të Kaukazit.

The post Azerbajxhani dëbon dy diplomatët francezë, kryen veprime të papajtueshme me statusin e tyre diplomatik appeared first on Albeu.com.

Shpërthimi ndodhi ndërsa njerëzit që iknin nga rajoni i diskutueshëm në Armeni u rreshtuan për karburant, thanë autoritetet separatiste.

Numri i të vdekurve u raportua nga Interfax Azerbajxhan, duke cituar ministrinë armene të Shëndetësisë.

Më herët u konfirmua se 20 persona kishin vdekur. Nuk dihet menjëherë se çfarë e shkaktoi shpërthimin.

Qindra të tjerë thuhet se u plagosën në shpërthimin që ndodhi pranë kryeqytetit rajonal të Stepanakertit të hënën.

Mijëra armenë etnikë po largohen nga territori, duke thënë se kanë frikë nga spastrimi etnik pasi ushtria e Azerbajxhanit rimori kontrollin mbi të javën e kaluar./Albeu.com

The post Shpërthim i fuqishëm në një karburant, 125 të vdekur appeared first on Albeu.com.

Ministria e Mbrojtjes së Azerbajxhanit njoftoi për fillimin e operacionit disa orë pasi katër ushtarë dhe dy civilë kishin mbetur të vdekur nga shpërthimet e minave tokësore në rajonin e Nagorno Karabakhut. Sulmi i sotëm ngre shqetësime për shpërthimin e luftës për këtë territor ndërmjet Azerbajxhanit dhe Armenisë, siç ndodhi për gjashtë javë në vitin 2020.

Zyrtarët azerbaixhanas nuk dhanë detaje të tjera, por njoftuan se pozicionet e ushtrisë armene në vijën e frontit dhe mjetet ushtarake po “dëmtoheshin përmes përdorimit të armëve me saktësi të lartë,” dhe se vetëm objekte legjitime ushtarake po sulmohen.

Ministria e Jashtme e Armenisë mohoi se forcat dhe armatimi i tyre ishte i pranishëm në Nagorno-Karabakh dhe i quajti “zëra të pasaktë” pohimet për sabotim dhe vënie të minave në rajon, duke thënë se ato ishin “gënjeshtër dhe fabrikime”.

Zyrtarët armenë në Nagorno-Karabakh deklaruan se kryeqyteti i rajonit Stepanakert dhe fshatrat përreth po “bombardoheshin rëndë.”

Avokati i Popullit në Nagorno-Karabakh, Geghan Stepanyan tha se dy persona janë vrarë në sulm – përfshirë një fëmijë – dhe 23 ishin plagosur. Të paktën 8 nga të lënduarit janë fëmijë, sipas tij.

Zyra e Prokurorit të Përgjithshëm të Azerbajxhanit deklaroi të martën se forcat armene kishin shtënë në qytetin e Shushës, një qytet i njohur në Nagorno-Karabakh, që është nën kontrollin e Azerbajxhanit, me armë të kalibrit të madh, dhe një civil ishte vrarë si rezultat i sulmit.

Ndonëse Azerbajxhani tha se operacioni ishte i kufizuar në objekte ushtarake, ministria e mbrojtjes njoftoi se “korridore humanitare” ishin formuar për “evakuimin e popullatës nga zona e rrezikuar”.

Analisti Thomas de Waal pranë organizatës Carnegie në Evropë, theksoi se operacioni ushtarak mund të jetë një plan i presidentit azer, Ilhan Aliyev për t’i detyruar banorët armenët të shpërngulen nga ky rajon.

“Ndoshta po shohim një aksion ushtarak që do të detyrojë mijëra armenë të ikin në Armeni. Pastaj, zoti Aliyev mund të përmbushë qëllimin e tij për të pushtuar Karabakun pa shumë gjakderdhje,” i tha zoti de Waal agjencisë Associated Press.

Një deklaratë e lëshuar nga Ministria e Brendshme e Azerbajxhanit, shërbimi shtetëror i sigurisë dhe prokurori i përgjithshëm njoftoi se dy punonjësit e departamentit rrugor humbën jetën pak para agimit, kur makina e tyre u hodhë në ajër nga një minë. Ndërkaq, më pas, një kamion me katër ushtarë që shkuan për të ofruar ndihmë, shkeli në një minë tjetër, duke i lënë të vdekur të gjithë.

Nagorno-Karabakhu dhe territoret përreth u kontrolluan nga armenët, në fund të luftës separatiste më 1994, por Azebajxhani arriti t’i rimarrë territoret dhe një pjesë të Nagorno-Karabakhut gjatë luftës së vitit 2020. Lufta përfundoi me një armëpushim dhe vendosjen e një kontigjenti paqëruajtësish rusë në Nagorno-Karabakh.

Por, Azerbajxhani pretendon se që atëherë Armenia ka futur armë në rajon. Këto supozime çuan në bllokimin e rrugës që lidh Nagorno Karabakhun me Armeninë, duke shkaktuar mungesë ushqimi dhe barnash në këtë rajon.

Tensionet po ndodhin në një kohë marrëdhëniesh të acaruara ndërmjet Armenisë dhe aleatit të saj tradicional, Rusisë. Armenia vazhdimisht është ankuar se forca prej 2,000 paqëruajtësish rusë nuk ka mundur, apo nuk ka dashur ta mbajë rrugën me Armeninë të hapur, ndonëse një detyrim i tillë del nga marrëveshja që i dha fund luftës së vitit 2020.

Armenia po ashtu ka krijuar pakënaqësi tek Rusia, e cila mban një bazë ushtarake në këtë vend, duke marr pjesë në stërvitje ushtarake me Shtetet e Bashkuara gjatë këtij muaji dhe duke ratifikuar Konventën e Romës, që themeloi Gjykatën Kriminale Ndërkombëtare, e cili ka paditur Presidentin rus, Vladimir Putin.

Zëdhënësja e Ministrisë së Jashtme ruse, Maria Zakharova i hodhi poshtë të martën pohimet se Rusia ishte njoftuar paraprakisht për planet e Azerbajxhanit për të zhvilluar operacionin, duke thënë se paqëruajtësit rusë ishin njoftuar vetëm “pak minuta” para se të fillonte ai.

Sipas analistit de Waal, marrëdhëniet e tensionuara ndërmjet Armenisë dhe Rusisë luajnë rol.

The post Azerbajxhani sulmon pozicionet armene në Nagorbo-Karabakh appeared first on Albeu.com.

Korridori i Laçinit është e vetmja rrugë që lidh Armeninë me Nagorno-Karabakun dhe ai është bllokuar nga Baku për më shumë se shtatë muaj.

Qeveria armene tha më 25 korrik se do të përpiqet të dërgojë 360 tonë miell, vaj gatimi, sheqer dhe ushqime të tjera bazë në Nagorno-Karabak për të zbutur krizën ushqimore atje të shkaktuar nga bllokada.

Zyrtarët armenë shprehën shpresën se paqeruajtësit rusë do të ndihmonin në lehtësimin e kësaj krize.

Por, Vardan Sargsyan, një përfaqësues i separatistëve të Nagorno-Karabakut, u tha mediave në orët e vona të 27 korrikut se nuk është bërë asnjë përparim dhe se pala ruse nuk i është përgjigjur ende kërkesës.

Kamionët arritën në hyrjen e korridorit të Laçinit vonë më 26 korrik, por mbetën të bllokuar atje në orët në vijim, pasi që Baku refuzoi t’i linte ata të kalojnë përmes një pike kontrolli të vendosur atje në prill.

Në një deklaratë, Ministria e Jashtme e Azerbajxhanit e cilësoi dërgimin e kamionëve si një “provokim” dhe tha se ishte një sulm ndaj integritetit territorial të Azerbajxhanit.

Kryeministri armen, Nikol Pashinian, mbrojti tentativën për dërgimin e ndihmave humanitare.

“Ne nuk mund të mbyllim një sy ndaj situatës me të cilën po përballen aktualisht armenët e Nagorno-Karabakut”, shkroi Pashinian në Twitter. “360 tonët ushqime të dërguara në Nagorno-Karabak kanë ekskluzivisht qëllime humanitare”.

Azerbajxhani në fillim të këtij muaji pezulloi trafikun përmes një postblloku në korridor, pasi tha se “lloje të ndryshme kontrabande” ishin zbuluar në automjetet e Kryqit të Kuq që vinin nga Armenia.

Pezullimi i trafikut rriti shqetësimet për një krizë humanitare në Nagorno-Karabak.

Si Armenia, ashtu edhe autoritetet separatiste në këtë zonë kanë thënë se Azerbajxhani ka bllokuar territorin që nga dhjetori, duke rezultuar në mungesë ushqimesh, ilaçesh dhe energjie.

Armenia dhe Azerbajxhani kanë zhvilluar dy luftëra për Nagorno-Karabak, një enklavë malore e populluar kryesisht nga armenët, e cila njihet ndërkombëtarisht si pjesë e Azerbajxhanit. Lufta më e fundit zgjati gjashtë javë në fund të vitit 2020 dhe la 7.000 ushtarë nga të dyja palët të vrarë.

The post Azerbajxhani bllokon kamionët me ndihma urgjente ushqimore nga Armenia appeared first on Albeu.com.

“Faleminderit miku im President Aliyev për pritjen shumë miqësore!

Teksa Shqipëria dhe Azerbajxhani festojnë 30 vjet marrëdhënie diplomatike, bashkëpunimi mes dy vendeve është më i fortë se kurrë!

????”, shkruan Begaj.

The post Begaj takohet me presidentin e Azerbajxhan: Bashkëpunimi mes dy vendeve është më i fortë se kurrë appeared first on Albeu.com.

Të dyja shtetet, për vite të tëra kanë përplasje lidhur me kontrollin e një rajoni të diskutueshëm.

Bisedimet midis kryeministrit armen, Nikol Pashinyan, dhe presidentit azerbajxhanas, Ilham Aliyev, u ndërmjetësuan nga presidenti i Këshillit Evropian, Charles Michel.

Ky është takimi i pestë mes liderëve që ndërmjetësohet nga zyrtarët evropianë.

Michel ka zhvilluar bisedime dypalëshe me Pashinyanin të shtunën mbrëma, ndërkaq me Aliyevin është takuar mëngjesin e së dielës.

Bisedimet mes liderëve të Armenisë dhe Azerbajxhanit vijnë disa ditë pas shpërthimit të dhunës në kufirin mes këtyre dy shteteve të Kaukazit.

Të premten, Qeveria armene njoftoi se një ushtar armen u vra dhe dy të tjerë u plagosën nga forcat azerbajxhanase.

Të enjten, një ushtar azerbajxhanas u vra dhe katër ushtarë amenë u plagosën gjatë përleshjeve.

Pashinyan akuzoi Azerbajxhanin se po tenton “të minojë bisedimet” në Bruksel dhe tha se “ka pak” shanse për nënshkrimin e një marrëveshjeje të paqes gjatë takimit me Aliyevin.

Këto dy shtete fqinje kanë zhvilluar dy luftëra ndërmjet vete në fund të viteve ’90 dhe më 2020 mbi kontrollin e Nagorno Karabakut, një rajon malor, i banuar kryesisht nga armenët etnikë, që u mor nga kontrolli i Azerbajxhanit mbi tri dekada më parë.

Pas një lufte të shkurtër, Azerbajxhani rimori territorin e këtij rajoni më 2020, por Bakuja dhe Jerevani u pajtuan për një marrëveshje armëpushimi të ndërmjetësuar nga Rusia.

Që atëherë, paqeruajtësit rusë janë dislokuar në Nagorno Karabak, por Armenia është ankuar se prania e rusëve nuk po ka efekt.

Tensionet janë rritur së fundmi pasi Bakuja më 23 prill njoftoi se kishte vendosur pikën e parë të kontrollit rrugor në hyrje të korridorit Laçin, që është rruga e vetme që lidh Armeninë me rajonin e Nagorno Karabakut.

Ky korridor veçse është përballur me bllokada, gjë që kanë shkaktuar që banorët e rajonit të kenë mungesa të furnizimeve dhe reduktime të energjisë elektrike./REL

The post Pas rritjes së tensioneve, liderët e Armenisë dhe Azerbajxhanit takohen në Bruksel appeared first on Albeu.com.

Tensionet janë rritur sërish për rajonin e Nagorno-Karabakut që dy vendet pretendojnë se u takon.

Aty paqeruajtësit rusë u vendosën aty në vitin 2020 për t’i dhënë fund një lufte, e dyta që Armenia dhe Azerbajxhani kanë luftuar për enklavën që nga rënia e Bashkimit Sovjetik në vitin 1991.

Rajoni malor njihet ndërkombëtarisht si pjesë e Azerbajxhanit, por është populluar kryesisht nga armenë etnikë.

“Nga 30 prilli Ministri i Punëve të Jashtme të Armenisë, Ararat Mirzoyan do të jetë në Uashington për një vizitë pune. Është planifikuar raundi tjetër i diskutimeve për marrëveshjen për normalizimin e marrëdhënieve midis Armenisë dhe Azerbajxhanit,” tha zëdhënësja, Ani Badalyan në faqen e saj zyrtare në Facebook.

Nuk pati asnjë konfirmim të menjëhershëm të takimit nga Azerbajxhani.

Pavarësisht përpjekjeve për ndërmjetësim mes tyre, Armenia dhe Azerbajxhani ende nuk kanë arritur një marrëveshje paqeje që do të zgjidhte çështjet e pazgjidhura si përcaktimi i kufijve dhe kthimi i të burgosurve.

Azerbajxhani ngriti një pikë të re kontrolli të dielën e kaluar në rrugën për në Karabakh, korridori Lachin, në një lëvizje që Armenia e quajti një shkelje të rëndë të armëpushimit të vitit 2020.

The post Armenia dhe Azerbajxhani do të mbajnë bisedime për paqe në Uashington appeared first on Albeu.com.

Siç shihet në video ushtria e saj ka mbërritur në Turqi për të ndihmuar në operacionet e kërkim shpëtimit.

The post VIDEO/ Tërmetet shkatërruese në Turqi, ndihma e parë vjen nga Azerbajxhani, mbërrin ushtria appeared first on Albeu.com.