Komisioni i Pavarur i Kualifikimit e konfirmoi në detyrë Zarkën një muaj para se të arrestohej, pas një seance dëgjimore të shkurtër në të cilën nuk u vunë në dukje probleme që mund ta cenonin atë.

Por pas arrestimit, vendimi i KPK u ankimua nga Komisioneri Publik, Florian Ballhysa, bazuar në një rekomandim të Operacionit Ndërkombëtar të Monitorimit, duke u ngritur shkaqe në të tre kriteret e rivlerësimit.

Ndërsa edhe Kreu i SPAK Klodian Braho u qëndroi shkaqeve të ankimit dhe kërkoi në përfundim shkarkimin e Zarkës për cënim të besimit të publikut.

Kujtojmë se ish-kryeprokurori i Vlorës ra në pranga në korrik të vitit 2024. Ai akuzohet se në bashkëpunim me shtetasit Astrit Vladi, Eriona Dautaj dhe Radovan Çela ka pranuar përfitime të parregullta për të ushtruar ndikim të funksionarëve të drejtësisë, si dhe ka kërkuar përfitime të parregullta për të kryer veprime të lidhura me funksionin dhe detyrën.

Bëhet fjalë për tetë episode dhe akuza, për të cilat dyshohet se Zarka ka ushtruar ndikim të paligjshëm te kolegët e prokurorive të tjera, si dhe në organin e akuzës që drejtonte vet.

Një ndër rastet kryesore për të cilën ai akuzohet bashkë me tre shtetasit e tjerë, është ndikimi për të mbyllur dosjen e bujshme “Toyota Yaris”, ku brenda dy makinave të importuara nga Belgjika u gjetën 3.4 milionë euro të dyshuara të përfituara nga trafiku i drogës.

The post I dënuar për dosjen “Toyota Auris”, shkarkohet nga detyra ish-kreu i Prokurorisë së Vlorës, Aurel Zarka appeared first on Albeu.com.

Zarka është dënuar gjithashtu me 5 vite përjashtim nga ushtrimi i funksioneve publike.

Çfarë zbuluan hetimet?

SPAK, më 30 korrik 2024, zbuloi se nga hetimet paraprake procedimi penal janë krijuar dyshime të arsyeshme se personat nën hetim Aurel Zarka, Erjona Dautaj, avokati Radovan Çela dhe Astrit Vladi në bashkëpunim me njëri-tjetrin dhe në disa raste, kanë ofruar dhe kanë premtuar përfitime të parregullta për të ushtruar ndikim te funksionarë të drejtësisë.

Gjithashtu, kanë kërkuar përfitime të parregullta për të kryer veprime të lidhura me funksionin dhe detyrën e tyre, sipas episodeve dhe akuzave respektive për secilin prej tyre.

SPAK informoi se ndaj kreut të Prokurorisë së Vlorës është caktuar masa e sigurisë “arrest me burg” për veprat penale: “Ushtrimi i ndikimit të paligjshëm ndaj personave që ushtrojnë funksione publike”, e kryer tre herë, e kryer në bashkëpunim dy herë, “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, e kryer në bashkëpunim (iii)“Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”.

The post GJKKO shpall vendimin për ish-kryeprokurorin e Vlorës Aurel Zarka, ja me sa vite burg e dënoi appeared first on Albeu.com.

SPAK kërkoi 4 vite e 6 muaj burg, por në aplikim të gjykimit të shkurtuar, dënimi ulet me 1/3, duke zbritur në 3 vite burgim.

Zarka akuzohet se ka ndikuar në hetimet për çështjen “Toyota Yaris”, dosje e ndërlidhur me ngarkesën prej 3.4 milionë eurosh të sekuestruara në makinat Toyota Auris, të ardhura në Portin e Durrësit në vitin 2018.

The post Dosja “Toyota Yaris”/ SPAK shpall pretencën për ish-kryeprokurorin e Vlorës, Aurel Zarka appeared first on Albeu.com.

Zarka akuzohet për korrupsion dhe ushtrim të ndikimit të paligjshëm, pas daljes së emrit të tij nga hetimet e zbërthimeve të aplikacionit Sky Ecc.

Ndërkohë, çështja e tre personave të tjerë, mes të cilëve ish-oficerja e BKH-së Erjona Dautaj, avokati Radovan Çela dhe Astrit Vladi, është ndarë për shkak se ata ende nuk janë kapur dhe janë në kërkim.

Kjo ka bërë që çështja për ta të pezullohet për një vit. Zarka u arrestua më 29 korrik 2024, pas kërkesës së SPAK dhe urdhrit nga Gjykata e Posaçme.

SPAK, pretendon se të dyshuarit kanë marrë dhe dhënë ryshfet për të ndikuar në disa çështje penale, duke përfshirë dosjen “Toyota Yaris”.

Kjo ka ndodhur që kur dosja ka kaluar nga Prokuroria e Krimeve të Rënda në Gjykatën e Tiranës.

Zbulimet janë bërë përmes komunikimeve në platformat Sky ECC dhe Enchro chat, ku Zarka rezulton të ketë pasur katër llogari dhe ka komunikuar me Dautajn, e cila gjithashtu përdorte llogaritë e saj.

Një nga çështjet ku Zarka ka ndikuar është edhe hetimi pasuror ndaj Suel Çelës, i cili ka nisur pas operacionit “Forca e Ligjit”, ku kryeprokurori i Vlorës ka tentuar të ndikojë te prokurorët e SPAK.

The post Dosja “Toyota Yaris”/ GJKKO nis gjykimin për ish-kreun e Prokurorisë së Vlorës, Aurel Zarka appeared first on Albeu.com.

Kjo dosje, sipas gazetarëve të ftuar në emisionin “Top Story”, përmban të dhëna drithëruese, që do të fusnin në kolaps vetë sistemin e drejtësisë, për shkak të emrave të rëndësishëm që përmenden në akte korruptive, dhe ndërhyrje për çështje të ndryshme gjyqësore.

Sipas gazetarit Ferdinand Dervishi, dosja në fjalë, e cila ka një vendim gjyqësor nga SPAK, për të mos u publikuar, i përket operacionit dhe hetimeve që çuan në pranga kryeprokurorin e Vlorës Aurel Zarka.

Ky i fundit, duket se nuk ka vepruar i vetëm, por në bashkëpunim edhe me kolegë të tij brenda sistemit të drejtësisë, një pjesë e të cilëve madje, e kanë kaluar Vetingun, dhe janë pjesë e organeve më të larta.

Biseda në studio:

Lorenc Vangjeli: “Po ju rrëfej diçka që flitet shumë në kafet e Tiranës, por që nuk është përmendur ende. Bëhet fjalë për një dosje gjyqësore, që ka për subjekt personazhe të rëndësishëm të drejtësisë shqiptare. Ka një vendim gjyqësor, që e konsideron nxjerrje të sekretit hetimor të dhënat e kësaj dosjeje dhe ndalon publikimin e të dhënave, është një dosje me dhjetra faqe. Nëse janë të vërteta ato që qarkullojnë…”.

Ervin Karamuço: “Do ta kalonte në kolaps të gjithë sistemin e drejtësisë, e kemi përmendur, po, po…”.

Vangjeli: “Kujton atë që në mitologji quhej një nga trimëritë e Herkulit, kur i thanë Herkulit që duhet të pastronte hauret e mbretit, ishte e pamundur që ta bënte”.

Grida Duma: “Jo jo mos më ço në mitologji tani”.

Vangjeli: “Herkuli devijoi lumin dhe e futi në stallë, dhe e çoi pastaj në det”.

Duma: “Çfarë nivelesh prek dosja”?

Vangjeli: “Prek nivele drithëruese”.

Ferdinand Dervishi: “Mos gaboj që bëhet fjalë për dosjen e prokurorit të Vlorës, nuk e dimë se çfarë ka brenda ajo dosje, flitet për gjyqtar dhe prokuror…”.

Vangjeli: “Bëhet fjalë për personazhe të drejtësisë së re që e kanë kaluar dhe Vetingun. Ne na merr berihaja dhe sulemi të gjithë në një drejtim, dikur në Tiranë kur komunikoje me njerëz të rëndësishëm, të thonin, pse nuk e ke ti këtë aplikacionin që të flasim aty. Edhe për ministra, deputetë, drejtues të lartë të policisë, dhe banditë”.

Duma: “Po ti e kishe atë aplikacionin”.

Vangjeli: “Kurrë”!

The post Bisedat në SKY ECC/ Flasin gazetarët: Kjo dosje përmban të dhëna drithëruese, që do të fusnin në kolaps vetë sistemin e drejtësisë appeared first on Albeu.com.

Burimet për Top Channel, thanë se po mblidhen prova dhe të dhëna dhe hetues të BKH, kanë vijuar me kryerjen e kontrolleve dhe sekuestrimin e dosjeve jo vetëm në gjykata, por edhe në prokurori.

Teksa nën arrest me burg është vetëm kryeprokurori i pezulluar Aurel Zarka, kurse tre të tjerë janë në kërkim, mësohet se banesat e tyre dhe zyrat janë kontrolluar nga policia.

Nuk ka të dhëna se çfarë është sekuestruar, por në biseda përmenden sipas burimeve edhe shumat e paguara dhe të ofruara funksionarëve të drejtësisë, për të lehtësuar pozitën e të akuzuarve.

Në listën e personave qe kanë dijeni, janë edhe shtetasit që dyshohen se kanë përfituar në mënyrë të padrejtë nga drejtësia.

Një ditë më parë, Gjykata Antikorrupsion, urdhëroi median të mos nxjerrë akte nga ai fashikull duke paralajmëruar se në rast se ky vendim shkelet, do ketë hetime për nxjerrje të sekretit hetimor.

Njëri nga të dyshuarit rezulton të ketë fotografuar akte të dosjes ‘Toyota Yaris’ që ishte në atë kohë nën hetim nga ish-prokurorë të krimeve të rënda, duke ua treguar palëve.

Ndërsa e njëjta gjë përmendet në komunikime edhe për hetimin pasuror ndaj Suel Çelës, një i shumëkërkuar nga SPAK. Për të thuhet se nuk do të ngrihej akuzë për pasurinë e tregut agroushqimor, por vetëm për një automjet.

The post Dosja “Toyota Yaris” çoi në pranga kryeprokurorin e Vlorës Aurel Zarka, SPAK dyshon edhe për funksionarë të tjerë të drejtësisë appeared first on Albeu.com.

Prokuroria e Posaçme, informoi se ndaj kreut të Prokurorisë së Vlorës, është caktuar masa e sigurisë “arrest me burg” për veprat penale: “Ushtrimi i ndikimit të paligjshëm ndaj personave që ushtrojnë funksione publike”, e kryer tre herë, e kryer në bashkëpunim dy herë, “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, e kryer në bashkëpunim (iii)“Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”.

Aurel Zarka, është arrestuar ndërsa tre personat për të cilët është lëshuar masa e sigurisë “arrest me burg”, ish-oficerja e policisë gjyqësore Erjona Dautaj, avokati Radovan Çela dhe Astrit Vladi (kushëri i Elvis Vladit, i dënuar për 3.4 mln euro të gjetura në makinën Toyota Yaris) janë shpallur në kërkim.

Sipas SPAK, nga hetimet paraprake të këtij procedimi penal janë krijuar dyshime të arsyeshme se personat nën hetim Aurel Zarka, Erjona Dautaj, avokati Radovan Çela dhe Astrit Vladi, në bashkëpunim me njëri-tjetrin dhe në disa raste, kanë ofruar dhe kanë premtuar përfitime të parregullta për të ushtruar ndikim te funksionarë të drejtësisë.

Gjithashtu, kanë kërkuar përfitime të parregullta për të kryer veprime të lidhura me funksionin dhe detyrën e tyre, sipas episodeve dhe akuzave respektive për secilin prej tyre

The post U arrestua me urdhër të SPAK, KLP pezullon kreun e Prokurorisë Vlorë, Aurel Zarka appeared first on Albeu.com.

Pas arrestimit të kreut të Prokurorisë së Vlorës, Aurel Zarka, SPAK ka bërë njoftimin e parë zyrtar, ndërsa janë lëshuar edhe tre urdhërarreste të tjera, për magjistraten Erjona Daupaj, avokatin Radovan Çela si dhe shtetasin Astrit Vladi.

Njoftimi i SPAK:

Prokuroria e Posaçme kundër Korrupsionit dhe Krimit të Organizuar, mbi bazën e verifikimeve të kryera kryesisht, ka rregjistruar procedimin penal nr.26, datë 07.02.2024, për veprat penale “Ushtrimi i ndikimit të paligjshëm ndaj personave që ushtrojnë funksione publike”, “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”, “Zbulimi i akteve ose të dhënave sekrete” dhe “Trafikimi i narkotikëve”, të parashikuara nga nenet 245/1, 319, 319/ç, 295/a paragrafi (3) dhe 283/a të Kodit Penal.

Lidhur me këtë procedim penal për një periudhë disa mujore janë kryer veprimet e nevojshme hetimore duke përfshirë marrjen e informacioneve nga agjenci të huaja të zbatimit të ligjit, marrjen e provave nga autoritetet e drejtësisë së shteteve të tjera, kërkimin, zbulimin dhe administrimin e dokumentacionit të nevojshëm, si dhe analizimin me hollësi të të dhënave dhe dokumentacionit që është administruar.

Nga burimet e provave të mbledhura gjatë hetimeve paraprake të këtij procedimi penal janë krijuar dyshime të arsyeshme se personat nën hetim A.V., R.Ç., E.D. dhe A.Z, në bashkëpunim dhe në disa raste, kanë ofruar dhe kanë premtuar përfitime të parregullta për të ushtruar ndikim te funksionarë të drejtësisë, kanë pranuar premtime dhe kanë pranuar përfitime të parregullta për të ushtruar ndikim të funksionarëve të drejtësisë, kanë ofruar përfitime të parregullta për funksionarë të drejtësisë, si dhe kanë kërkuar përfitime të parregullta për të kryer veprime të lidhura me funksionin dhe detyrën e tyre, sipas episodeve dhe akuzave respektive për secilin prej tyre.

Konkretisht, veprimet e ushtrimit të ndikimit të paligjshëm, të korrupsionit aktiv të funksionarëve të drejtësisë dhe korrupsionit pasiv të funksionarëve të drejtësisë janë kryer në lidhje me çështjet penale të mëposhtme:

Procedimin penal nr.130, të vitit 2018, të Prokurorisë pranë Gjykatës së Shkallës së Parë për Krime të Rënda, në ngarkim të shtetasve Alfred Vladi, Elvis Vladi dhe Alban Mollaymeri, të akuzuar për veprat penale “Pastrimi i produkteve të veprës penale ose i veprimtarisë kriminale”, kryer në bashkëpunim në formën e “Grupit të strukturuar kriminal”, të parashikuar nga nenet 287/1, 333/a/1 e (2) dhe 334/1 të Kodit Penal;

Procedimin penal nr.71, të vitit 2020, të Prokurorisë pranë Gjykatës së Shkallës së Parë Tiranë, në ngarkim të shtetasve Alfred Vladi, Elvis Vladi dhe Alban Mollaymeri, të akuzuar për veprën penale “Mosdeklarimi në kufi i të hollave dhe sendeve me vlerë”, kryer në bashkëpunim, të parashikuar nga nenet 179/a dhe 25 të Kodit Penal, duke përfshirë seancën gjyqësore të rivlersimit/zëvendësimit të masave të sigurimit të datës 17.01.2020 të zhvilluar në Gjykatën e Shkallës së Parë Tiranë, fazën e hetimeve paraprake, fazën e caktimit të gjyqtarit të seancës paraprake dhe zhvillimin e seancës paraprake në Gjykatën e Shkallës së Parë Tiranë;

Ekzekutimin e disa kërkesave për ndihmë juridike të dërguara nga autoritetet belge të drejtësisë, konkretisht nga gjyqtari i hetimeve paraprake pranë Gjykatës së Shkallës së Parë në Bruksel, Belgjikë, ndaj procedimit penal në ngarkim të shtetasve Alfred Vladi, Elvis Vladi, etj, të ekzekutuara nga Prokuroria pranë Gjykatës së Shkallës së Parë për Krime të Rënda, si dhe nga Prokuroria e Posaçme;

Procedimin pasuror nr.1, datë 20.12.2019, të Prokurorisë së Posaçme kundër Korrupsionit dhe Krimit të Organizuar, të zhvilluar në bazë të ligjit nr.10192 datë 03.12.2009 “Për parandalimin dhe goditjen e krimit të organizuar, trafikimit, korrupsionit dhe krimeve të tjera nëpërmjet masave parandaluese kundër pasurisë”, për pasuritë në zotërim të shtetasve Alfred Vladi, Elvis Vladi dhe Alban Mollaymeri;

Procedimi pasuror nr.24, datë 19.02.2020, të Prokurorisë së Posaçme kundër Korrupsionit dhe Krimit të Organizuar, të zhvilluar në bazë të Aktit Normativ Nr.1, datë 31.01.2020, për pasuritë në zotërim të shtetasit Suel Cela alias Marius Lulaj;

Çështjen penale në ngarkim të shtetases Xh. M., e akuzuar për veprën penale “Vjedhja” e mbetur në tentativë, të parashikuar nga nenet 134/1 dhe 22 të Kodit Penal, të gjykuar në Gjykatën e Shkallës së Parë Tiranë;

Mosfillimin e procedimit penal për referimin penal nr.669, datë 26.03.2020, të dërguar nga Komisariati i Policisë Himarë, në Prokurorinë pranë Gjykatës së Shkallës së Parë Vlorë;

Çështjen penale në ngarkim të shtetasve Altin Veizaj etj, të akuzuar për veprën penale “Kultivimi i narkotikëve”, kryer në bashkëpunim, të parashikuar nga neni 284/2 i Kodit Penal, të gjykuar në Gjykatën e Shkallës së Parë Vlorë.

Me kërkesë të Prokurorisë së Posaçme, Gjykata e Posaçme e Shkallës së Parë për Korrupsionin dhe Krimin e Organizuar, me vendimin nr.28, datë 28.07.2024, ka vendosur:

Caktimin ndaj personit nën hetim R.Ç., (në cilësinë e avokatit), të masës së sigurimit “arrest në burg” parashikuar nga neni 238 i K.Pr.Penale, i dyshuar për veprat penale: (i)“Korrupsioni aktiv i gjyqtarit, prokurorit dhe i funksionarëve të tjerë të drejtësisë”, e kryer dy herë, një herë e kryer në bashkëpunim, parashikuar nga neni 319 dhe 25 të Kodit Penal; (ii)“Ushtrimi i ndikimit të paligjshëm ndaj personave që ushtrojnë funksione publike”, e kryer pesë herë, kryer në bashkëpunim katër herë, parashikuar nga nenet 245/1, paragrafi (1) dhe 25 Kodit Penal (para ndryshime me ligjin nr.43/2021).

Caktimin ndaj personit nën hetim A.V. të masës së sigurimit “arrest në burg” e parashikuar nga neni 238 i K.Pr.Penale, i dyshuar për veprat penale: (i) “Ushtrimi i ndikimit të paligjshëm ndaj personave që ushtrojnë funksione publike”, e kryer në bashkëpunim, e kryer katër herë, të parashikuar nga nenet 245/1, paragrafi (1) dhe 25 Kodit Penal (para ndryshime me ligjin nr.43/2021); (ii)“Korrupsioni aktiv i gjyqtarit, prokurorit dhe i funksionarëve të tjerë të drejtësisë”, e kryer në bashkëpunim, parashikuar nga neni 319 dhe 25 të Kodit Penal.

Caktimin ndaj personit nën hetim A.Z. (në cilësinë e prokurorit) të masës së sigurimit “arrest në burg” e parashikuar nga neni 238 i K.Pr.Penale, i dyshuar për veprat penale: (i)“Ushtrimi i ndikimit të paligjshëm ndaj personave që ushtrojnë funksione publike”, e kryer tre herë, e kryer në bashkëpunim dy herë, të parashikuar nga nenet 245/1, paragrafi (2) dhe 25 të Kodit Penal (para ndryshime me ligjin nr.43/2021); (ii)“Korrupsioni aktiv i gjyqtarit, prokurorit dhe i funksionarëve të tjerë të drejtësisë”, e kryer në bashkëpunim, parashikuar nga neni 319 dhe 25 të Kodit Penal; (iii)“Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”, parashikuar nga neni 319/ç i Kodit Penal.

Caktimin ndaj personave nën hetim E.D., (në cilësinë e oficerit të policisë gjyqësore në kohën e kryerjes së veprave penale), të masës së sigurimit “arrest në burg” e parashikuar nga neni 238 i K.Pr.Penale, e dyshuar për veprat penale: (i)“Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”, e kryer dy herë, të parashikuar nga neni 319/ç i Kodit Penal; (ii)“Ushtrimi i ndikimit të paligjshëm ndaj personave që ushtrojnë funksione publike”, e kryer katër herë, kryer në bashkëpunim dy herë, të parashikuar nga nenet 245/1, paragrafi (2) dhe 25 të Kodit Penal (para ndryshime me ligjin nr.43/2021); (iii)“Zbulimi i akteve ose të dhënave sekrete”, të parashikuar nga neni 295/a paragrafi (3) i Kodit Penal.

Shërbimet e policisë gjyqësore në Drejtorinë e Policisë së Shtetit në datën 29.07.2024, kanë ekzekutuar masën e sigurimit “arrest në burg” për personin nën hetim A.Z. Vijojnë kërkimet për ekzekutimin e masave të sigurimit për personat e tjerë nën hetim.

Hetimet paraprake lidhur me këtë procedim penal ende nuk kanë përfunduar, vazhdojnë hetimet për fakte të tjera penale apo për persona të tjerë që mund të përfshihen në objektin e hetimeve të këtij procedimi penal.

Gjejmë rastin që të falenderojmë për ndihmën dhe bashkëpunimin e tyre me Prokurorinë e Posaçme gjatë hetimeve të këtij procedimi penal, Europol, Eurojust, autoritetet franceze të drejtësisë, autoritetet belge të drejtësisë, si dhe Drejtorinë e Policisë së Shtetit në fazën e ekzekutimit të masave të sigurimit.

The post Arrestimi i kreut të Prokurorisë së Vlorës Aurel Zarka, SPAK del me njoftim zyrtar appeared first on Albeu.com.

Sipas burimeve Zarka ka dyshime se ka pasur në përdorim të paktën disa telefona te enkriptuar ‘Skyecc’.

Sipas gazetarit Edison Vatnikaj hetuesit gjatë vëzhgimit të komunikimve është zbuluar se Zarka ka ndërhyrë në lehtësimin e pozitave për një person të përfshirë në një nga fraksionet e dosjes Toyota Yaris.
Sipas burimeve në ndihmë të Zarkës ka ardhur në ndihmë ish-oficerja Erjona Daupaj.

Sipas burimeve aplikacionin ‘Sky ecc’ e ka pasur në përdorim edhe oficeri për të cilin komunikimet bëheshin në atë platform.

Për ngjarjen në kërkim vijon të jetë ish-oficeria Daupaj, avokati Radovan Çela dhe Astrit Vladi.

Ky i fundit rezulton kushëri i Elvis Vladit i dënuar për 3.4 mln euro të gjetura në makinën Toyota Yaris.

The post Kryeprokurori Aurel Zarka me disa kode të ‘SKY ECC’/ Bashkëpunoi me oficeren për lehtësim pozitash për një fraksion të dosjes ‘Toyota Yaris’ appeared first on Albeu.com.

Ende nuk dihet detajet se për çfarë akuzohen prokurori, ish-oficerja e Policisë Gjyqësore.

Zarka më 9 Maj të vitit 2022, u emërua në krye të organit të akuzës në rrethin gjyqësor të Vlorës.

Ndërkohë, rreth një muaj më parë, ai u konfirmua në detyrë nga Komisioni i Pavarur i Kualifikimit, pasi kaloi shkallën e parë të vettiungut.

Emrat e plotë të 4 personave të arrestuar me urdhër të SPAK

1. Aurel Zarka, Drejtues i Prokurorisë Vlorë.

2.⁠ Eriona Dautaj, magjistrate në Shkollë të Magjstraturës, ish-oficere e policisë gjyqësore në Prokurorinë e Krimeve të Rënda dhe Hetuese në BKH, aktualisht magjistrate.

3. Astrit Vladi

4. Radovan Çela.

The post Arrestohet kryeprokurori i Vlorës Aurel Zarka, një avokat dhe një ish-oficere e Krimeve të Rënda (Emrat) appeared first on Albeu.com.