Gazetari i Klan News, Besar Bajraktari, raporton se makina e viktimave rezulton të ketë hyrë në vendin tonë po ashtu nga Mali i Zi gjatë ditëve të fundit.

Automjeti ka hyrë edhe gjatë ditës së djeshme nga pika kufitare e Hanit të Hotit dhe nuk përjashtohet mundësia që dikush të ketë lajmëruar autorët.

Gjatë ditës së mërkurë, makina është parë duke kaluar disa herë në zonën e Dobraçit në unazën e Shkodrës.

Hetuesit kanë sekuestruar më shumë se 35 gëzhoja në vendngjarje. Makina e djegur e autorëve, deri tani nuk ka prodhuar asnjë të dhënë për grupin hetimor, pasi numri i shasisë është dëmtuar nga zjarri, megjithatë është dërguar për ekspertim me shpresën se mund të zbulohet.

Hetuesit janë përqëndruar te kamerat e sigurisë, por po haset vështirësi. Kjo për shkak se në zona të caktuara nuk ka kamera, e ndërsa aty ku ka nuk janë të pajisura me servera për ruajtje pamjesh.

Disa prej tyre janë të koduara dhe janë marrë për t’u ekspertuar në laborator.

Nga masakra në Shkodër pasditen e 30 Tetorit, mbetën të vrarë Hamza Lici, Arlind Bushati dhe Flutura Basha, e cila ishte kalimtare e rastit dhe nuk ka lidhje me ngjarjen.

Gjithashtu, i plagosur rëndë ka mbetur bashkëshorti i Fluturës, Bashkim Basha, pa lidhje me ngjarjen.

Çifti Flutura dhe Bashkim Basha, po udhëtonin me motor në zonë kur automjeti Mercedes i viktimave që ishin shënjestër e atentatit, humbi kontrollin dhe përplasi motomjetin.

Atentatorët që udhëtonin me një makinë Range Rover, dyshohet të ketë qenë 3 persona; 2 qitës dhe 1 shofer. Ndërsa një person i katërt mendohet se i ka ndihmuar të largohen pas djegies së automjetit.

The post Zbardhen detaje të reja nga atentati në Shkodër/ Hetuesit dyshojnë për vrasës me pagesë nga Mali i Zi appeared first on Albeu.com.

Sipas informacioneve, nga kontrolli në makinën ku udhëtonin viktima Hamza Lici dhe i plagosuri me plumb në kokë Arlind Bushati janë gjetur tre armë zjarri tip pistoletë.

Po ashtu bëhet me dije se gjatë kontrollit të zonës për kapjen e autorëve, në fshatin Golem është gjetur i djegur plotësisht një automjet tip “Range Rover” dhe 2 armë zjarri automatike.

NJOFTIMI I POLICISË:

Shkodër/Informacion shtesë

Në vijim të informacionit të dhënë më parë për ngjarjen e ndodhur në aksin rrugor “Shkodër-Koplik”, në Dobraç, ju informojmë se:

Nga kontrolli i ushtruar në automjetin që udhëtonin shtetasit H. L., dhe A. B., u gjetën 3 armë zjarri (pistoleta).

Ndërkohë shërbimet e Policisë gjatë kontrollit të zonës për kapjen e autorëve, në fshatin Golem kanë konstatuar të djegur plotësisht një automjet tip “Range Rover” dhe 2 armë zjarri automatike.

Grupi i posaçëm hetimor në drejtimin e Prokurorisë së Shkodrës, po vijon punën për zbardhjen e rrethanave, sigurimin e provave me qëllim dokumentimin ligjor të ngjarjes, identifikimin dhe kapjen e autorëve.

The post Atentati në Shkodër, policia zbardh informacione shtesë: Në makinën e viktimës u gjetën tre armë zjarri appeared first on Albeu.com.

Burime për ABC bëjnë të ditur se 42-vjeçari është nga Mjeda, zonë që i përket Bashkisë së Vaut të Dejës, ndërsa kishte vetëm dy muaj që ishte kthyer në Shqipëri nga Anglia.

Lexo po ashtu: Të shtëna me armë zjarri në Shkodër.

Babaj ka shkuar vetë në polici ku ka raportuar për atentatin, ndërsa ka dëshmuar se nuk ka mundur të shohë autorin që qëlloi me armë ndaj makinës së tij.

Për fat të mirë nuk ka pasur lëndime, vetëm dëme të vogla materiale. Po ashtu mësohet se Babaj nuk është një person me precedent penal./albeu.com

The post DETAJE/ Atentati në Shkodër, 42-vjeçari ishte kthyer nga Anglia para dy muajsh appeared first on Albeu.com.

Për të folur mbi ngjarjen në Shkodër, ka qenë e ftuar në emisionin “Opinion” në Tv Klan gazetarja Klodiana Lala, e cila ka dhënë detaje të reja mbi atë që mund të fshihet pas kësaj ngjarjeje.

Klodiana Lala: Shkodra po zien dhe po kthehet hakmarrja mes bandave tradicionale. Erjon Xhenje, viktima i cili ishte vetëm 19 vjeç, rezulton që ishte lidhje e Asmer Bilalit, është një personazh shumë i përfolur. Ka qenë i arrestuar në kuadër të operacionit ku u godit në atë kohë fisi Bajri. Vetëm njëri prej tyre aktualisht është i arrestuar, të gjithë të tjerët janë në liri. Ai shërbente tek ferma e Asmer Bilalit, punëtor ferme dhe është parë nga kundërshtarët si një personazh që mund të kishte lidhje me ngjarjet kriminale që po ndodhin në Shkodër.

Blendi Fevziu: Si mund të kishte lidhje kur punonte në një fermë?

Klodiana Lala: Kështu funksionon Shkodra. Atje po vriten dhe për fjalë goje. 19-vjeçari ishte punëtor ferme. Në 2 Shtator është vrarë Ismet Çekorja, djali i tij, Bajram Çekorja dyshohet për një atentat ndaj Alban Bruçit. Nëse ju kujtohet, Ismet Çekorja doli dhe tha se nuk ka asnjë lidhje me këtë histori, “djali im është i pafajshëm” dhe përdori një shprehje që “djalin tim nuk mund ta përbaltin ata që merren me stallat e kuajve”. Dhe kjo sipas grupit të hetimit, po përkthehet si një hakmarrje sepse njëri nga pjesëtarët e fisit Xhenje, dyshohet të jetë i përfshirë pikërisht në këtë vrasje, pra në vrasjen e Ismet Çekorjes. Në shenjë hakmarrje mendohet të jetë vrarë dhe Erjon Xhenje. Është ekzekutuar në një vend shumë të populluar. Vëllai i tij rezulton i skeduar në disa ngjarje të tjera kriminale.

Mes të tjera, Lala ka thënë se nëse nuk ndërhyhet për të luftuar bandat, situata në Shkodër mund të dalë jashtë kontrollit.

Klodiana Lala: Nëse nuk ndërhyhet, lufta mes bandave nuk mund të hetohet as me deklarata, por me veprime konkrete. Në të kundërt, Shkodra mund të dalë jashtë kontrollit. Po kthehen bandat tradicionale./tvklan.al

The post Atentati në Shkodër/ Lala: 19-vjeçari shërbente tek ferma e Asmer Bilalit, mendohet të jetë vrarë në shenjë hakmarrjeje appeared first on Albeu.com.

Ky është momenti kur babai i 19 vjecarit mbërrrin në vendngjarje.

Njoftim policie

Rreth orës 20:10, në bulevardin “Bujar Bishanaku”, në lagjen “Naim Gjylbegu”, në një lokal, në rrethana ende të paqarta, është vrarë me armë zjarri shtetasi E. Xh., 19 vjeç, banues në Shkodër.

Shërbimet e Policisë janë vënë në ndjekje të autorëve, të cilët janë larguar me një motoçikletë.

Në lagjen “Guerrile” është gjetur nje motoçikletë duke u djegur dhe një armë zjarri pistoletë, që dyshohet se janë përdorur nga autorët.

Grupi hetimor nën drejtimin e Prokurorisë ndodhet në vendngjarje dhe vijon punën për zbardhjen e rrethanave të ngjarjes dhe identifikimin e autorëve.

Shërbimet e Policisë Vendore dhe FNSH Shkodër vijojnë kontrollin e zonës për të bërë të mundur kapjen e autorëve.

vijon…/albeu.com

The post Atentati në Shkodër, momenti kur babi i të riut të ekzekutuar mbërrin në vendngjarje (VIDEO) appeared first on Albeu.com.

Të rinjtë po kërkohen nga Policia e Shkodrës dhe janë identifikuar dy ditë pas ngjarjes së rëndë.

Ndërkohë abcnews.al mëson se njëri nga dy rinjtë e shpallur në kërkim, konkretisht Tornato Fusha është i biri i ish-trajnerot të Vllaznisë, Valter Fusha.

Para 2 vitesh, Alban Bruçi është konfliktuar për motive të dobëta me Tornato Fushën.

Ky konflikt dyshohet të jetë motivi pse Tornato Fusha dhe Bajram Cerkoja qëlluan me armë zjarri, mbrëmjen e datës 25.08.2022, automjetin që drejtohej nga Alban Bruçi.

Ngjarja ka ndodhur mbrëmjen e 25 gushtit, rreth orës 21:30, në lagjen “Partizani” .

Autorët qëlluan me breshëri në drejtim të mjetit tip “Audi”, ndërsa në vendin e ngjarjes janë gjetur 20 predha.

Asnjë prej plumbave nuk e ka kapur të riun, i cili ishte në makinë. Pas ngjarjes ai ka shkuar në polici, ku edhe ka denoncuar. Ndërsa në dëshminë e tij ka thënë se nuk i njeh autorët.
Alban Bruçi është person i njohur për policinë e Shkodrës pasi ka qenë i ndaluar nga policia si i dyshuar për tentativë vrasje ngjarje e ndodhur në 2016-en. Ai ka bërë një vit burg.

The post U shpall në kërkim për atentatin ndaj Alban Bruçit në Shkodër, 20-vjeçari djali i ish-presidentit të Vllaznisë appeared first on Albeu.com.

Mësohet se mjeti tip “Audi” ishte në pronësi të shtetasit Alban Bruçi. Burime bëjnë me dije se ai ishte në makinë kur u qëllua.

Fatmirësisht nga të shtënat nuk ka pasur persona të lënduar, ndërsa policia ndodhet në vendin e ngjarjes.

The post EMRI/ Atentati në Shkodër, në pronësi të kujt ishte mjeti drejt të cilit u qëllua me armë appeared first on Albeu.com.

Ngjarja ndodhi në vendin e quajtur “Merkata e Rusit”, në lagjen “Partizani”.

Bajri u qëllua nga një automjet tip “Benz” me breshëri automatiku, ndërsa 7 plumba i morën jetën në vend.

Fisi Bajri është mjaft i njohur në Shkodër. Saga e vrasjeve në këtë fis ka nisur vite më parë. 68-vjeçari që u vra sot ishte babai i Indrit Bajrit, i cili është ekzekutuar në vitin 2001.  Autorët e vrasjes ishin Xhabir Shega, Kujtim Barbullushi dhe Ilimir Hajdari.

Viktima ishte gjithashtu xhaxhai i Enver, Behar dhe Ilir Bajrit, emra të njohur për policinë. Pistat kryesore e policisë për atentatin e sotëm është ajo që lidhet me ngjarjet e rënda që kanë ndodhur gjatë 20 viteve të fundit në zonën e Shkodrës, në të cilat fisi i tij është përfshurë në konflikte të ndryshme./albeu.com

The post U ekzekutua mëngjesin e sotëm në Shkodër, 68-vjeçari është xhaxhai i Behar dhe Enver Bajrit appeared first on Albeu.com.