Lajmin e ka konfirmuar zëdhënësi i Prokurorisë Themelore në Pejë, Shkodran Nikçi.

“Brenda 24 orëve nga Prokurori i rastit do të kërkohet masë paraburgimi për të. I njëjti ka qenë duke u trajtuar në QKUK pas lëndimeve që ka marrë në ngjarjen e mbrëmshme”, ka thënë ai.

Kujtojmë se ngjarja e mbrëmshme ka tronditur Kosovën, ku të vdekur mbetën kandidati i PDK-së për kryetar të Pejës, Astrit Ademaj dhe zyrtari i po kësaj partie, Blerand Kadrijaj, kurse i plagosur ka mbetur vëllai i Astrit Ademajt./albeu.com

The post Vrasja e dy politikanëve në Pejë, ndalohet i plagosuri appeared first on Albeu.com.

Pas vrasjes së Ademajt, ka reaguar bashkëshortja e tij, Valbona Bahtiri-Ademaj, përmes një postimi në  Facebook,

“17 vite i kaluam së bashku me të mira e më vështirësi, por çdo gjë ishte e lehtë kur kishim afër njëri tjetrin, tejkaluam shumëçka bashkë, po sot më le përgjithmonë Astrit, mu Aelen e Buronin që nuk arrite ta përcjellësh në klasën e parë. Besimi yt që kishe ndaj meje më bën më të fortë që të vazhdoj ti rris fëmijët tanë ashtu qysh ti deshe. Lamtumirë”, ka shkruar ajo./albeu.com

The post Gruaja e politikanit të PDK-së që u ekzekutua mbrëmë: Nuk arrite ta çosh djalin në klasë të parë appeared first on Albeu.com.

Kandidati i PDK-së për kryetar të Komunës, Astrit Ademaj dhe zyrtari i të njëjtës parti, Blerand Kadrijaj mbetën të vrarë mbrëmjen e kaluar në një lokal në Pejë pas një konflikti me njëri-tjetrin.

Rrethanat e ngjarjes:

Të dy kishin lënë të takoheshin në lokalin e Ademajt për të sqaruar një konflikt që nuk kishte lidhje me çështje politike, por me ato familjare.

Ngjarja e rëndë u regjistruar rreth orës 20:20, afër Shkollës së Mesme “Ali Hadri”. Gjatë sqarimit të konfliktit, të dy politikanët qëlluan drejt njëri-tjetrit me armë zjarri dhe mbetën të vdekur.

Nga ngjarja mbeti i plagosur edhe vëllai i Astrit Ademajt, Avniu, është plagosur, i cili sipas mjekut kujdestar në spitalin e Pejës, është jashtë rrezikut për jetën.

Zëdhënësi i Policisë së Kosovës për Rajonin e Pejës, Fadil Gashi ka konfirmuar se pas patrullimit në vendin e ngjarjes, policia ka gjetur dy pistoleta dhe disa fishekë, të cilat dyshohet se janë përdorur gjatë aktit. /albeu.com./

The post Dolën për t’u sqaruar por vranë njëri-tjetrin, zbulohet sherri i zyrtarëve të PDK që përfundoi në tragjedi appeared first on Albeu.com.