Sipas Metanit, gjatë vitit të kaluar ILD trajtoi 2854 ankesa, nga të cilat 1374 u shqyrtuan dhe 54 përfunduan me hetim disiplinor. Në total, 11 magjistratë – 6 gjyqtarë dhe 5 prokurorë – janë proceduar disiplinarisht me masa që variojnë nga shkarkimi nga detyra deri te vërejtja konfidenciale.

“Ngarkesa e magjistratëve në Gjykatën e Tiranës është jashtëzakonisht e lartë. Vetëm në vitin 2023, një gjyqtar ka trajtuar mesatarisht 1176 çështje, ndërsa mesatarja kombëtare është 841. Nga 80 gjyqtarë të parashikuar në organikë, vetëm 43 kanë ushtruar detyrën gjatë vitit,” – theksoi Metani.

Ai paralajmëroi se mungesat në sistem po ndikojnë drejtpërdrejt në zvarritjen e gjykimeve dhe në cilësinë e vendimmarrjes. Vetëm në vitin 2024, ILD ka hapur 51 hetime disiplinore për vonesa të pajustifikuara dhe ka kërkuar procedim disiplinor për 17 magjistratë, mes tyre 8 gjyqtarë dhe 9 prokurorë.

Në fund të fjalës së tij, Metani u bëri thirrje Këshillit të Lartë Gjyqësor dhe institucioneve të drejtësisë që të marrin masa për rritjen e kapaciteteve njerëzore dhe forcimin e efikasitetit të gjykatave, me qëllim shmangien e mbingarkesës dhe garantimin e funksionimit normal të sistemit gjyqësor.

The post Kreu i ILD raporton në Kuvend, Artur Metani: Sistemi gjyqësor po përballet me mungesa serioze dhe ngarkesë të lartë appeared first on Albeu.com.

Metani theksoi se për magjistratët është e domosdoshme të ruajnë vetëpërmbajtjen edhe kur sulmet janë të padrejta, pasi kjo nuk duhet të ngatërrohet me dobësinë, por është respekt për lirinë e shprehjes dhe pavarësinë e gjyqësorit.

“U bë kohë që sistemi gjyqësor është nën një trysni, për mua antikushtetuese, për të ushtruar detyrën ose jo, në një formë të caktuar. Nga të gjithë. U bë kohë që fyerjet për magjistratët janë pjesë më e konsiderueshme e artikulimit kur vjen puna tek kritikat për pushtetin gjyqësor. Natyrisht, të papranueshme këto në çdo pikëpamje. Kjo i vë magjistratët në provë të vështirë. Por, testi i pavarësisë, i ndarjes se pushteteve dhe i shtetit te se drejtës, nuk është vetëm retorikë”, tha Metani.

Gjithashtu, ai shtoi se besimi i publikut ndaj gjyqësorit mbetet vlera më e çmuar e drejtësisë dhe mbrojtja më e mirë e saj, pavarësisht mungesave të stafit, ngarkesës së madhe të dosjeve dhe presioneve të vazhdueshme.

Metani nënvizoi gjithashtu se magjistratët, duhet të ruajnë distancën nga deontologjia politike dhe të mos lejojnë që ajo të diktojë sjelljen e tyre: “Thelbi i shtetit ligjor dhe i vlerave evropiane është mënyra sesi sillemi, edhe kur nuk biem dakord me vendimet e njëri-tjetrit”.

Deklarata u bë gjatë një takimi të organizuar nga ILD, në bashkëpunim me projektin MATRA të qeverisë së Holandës, ku u diskutua mbi pavarësinë dhe përgjegjësinë e gjyqësorit.

The post Kreu i ILD, Artur Metani: Sistemi gjyqësor nën trysni anti-kushtetuese për të ushtruar detyrën appeared first on Albeu.com.

Teksa shprehu kënaqësinë për vëmendjen që kanë organizatat e shoqërisë civile në mbi Punën e ILD-së, Metani foli edhe për ato të cialt sipas tij janë probleme në sistemin gjyqësor ditët e sotme.

Ai tha se shumë prej qytetarëve nuk kanë marrë drejtësi mbi çështjet që kanë të hapura, kjo për shkak të mungesës së gjyqtarëve dhe prokurorëve. Por mbi të gjitha, kreu i ILD e vuri theksion tek nevoja e ndarjes së pushteteve për të pasur një Reformë të suksesshme në Drejtësi. Metani nënkuptoi se politika nuk duhet të ndërhyjë në pushtetin gjyqësor në mënyrë që të shihen përparime.

“Shoqëria, për shkaqe, dhe nuk e gjykojmë dot shoqërinë, sepse për shkak të mungesës së prokurorëve dhe gjyqtarëve, sot qytetarët nuk marrin drejtësi. Kjo është evidente dhe natyrisht jemi në këtë anë të shoqërisë, por nga ana tjetër edhe organet e reja të drejtësisë ILD, KLGJ, KLP po marrin masa aq sa u takon në ligj, që të adresojnë këto çështje. Por nëse drejtojmë gishtin, pa kuptuar problematikën, pa kuptuar punën e organeve tona, standardet që po mundohemi të ngremë me shumë vështirësi, të cilat në këndvështrimin tonë, nuk i përgjigjen debatit politik të momentit, por i përgjigjen sfidës së të ardhmes dhe ajo që po mundohemi të ngremë është për 10 vitet që vijnë, për 15 vitet që vijnë, jo për zgjidhje të situatës, sepse ne e zgjidhim situatën sot, por me shumë gjasa do kthehet në një precedent, të cilin do ta vuajmë pas 10 vitesh. Dhe kështu rrotullohemi përsëri në një rreth vicioz. Dhe për këtë arsye duhet të kuptojmë përse u krijua reforma në drejtësi dhe ndarja e pushteteve. Në momentin që fillojmë kuptojmë dhe ta pranojmë këtë ndarje pushtetesh me shumë vështirësi, atëherë do i krijojmë vetes një lehtësi të madhe për të ardhmen. Janë shumë vështirësi për momentin, por të paktën e kemi rrugën e qartë për të ardhmen, me një vizion të qartë për të ardhmen. Ky është këndvështrimi im për atë që po ndodh sot. Mund të mos biem dakord padyshim, por unë mendoj që 30 vjet e provuam të kundërtën e kësaj që ndodh sot, dhe erdhëm këtu. Atëherë ta provojmë të respektojmë ndarjen e pushteteve.”, u shpreh Metani gjatë fjalës së tij.

Këndvështrime mbi reformën në drejtësi dhe rolin e Inspektorit të Lartë të Drejtësisë, ndanë Ambasadori i Mbretërisë së Holandës, Reinout Vos, shefja e Sektorit të Drejtësisë, Çështjeve të Brendshme dhe Qeverisjes së Mirë pranë Delegacionit të Bashkimit Evropian znj. Lenka Vitkova, koordinatori rajonal për shtetin e së drejtës i Ambasadës së Mbretërisë së Holandës në Serbi dhe Mal të Zi, z. Bart de Bruijn, si dhe drejtori ekzekutiv i Qendrës për Studime të Demokracisë dhe Qeverisjen z. Arjan Dyrmishi.

The post Reforma, Metani i kërkon politikës të mbajë larg duart nga drejtësia appeared first on Albeu.com.

Metani ka deklaruar se kushdo që ka ankesa kundër tij ose Inspektorit të Lartë të Drejtësisë, të shkojë në prokurori.

Artur Metani: Unë nuk kam dëshirë të merrem me komente politike, por do respektoj pyetjen tuaj. Për rastin konkret, por edhe kujtdo tjetër, që ka ankesa apo akuza ndaj Inspektorit të Lartë të Drejtësisë ose Artur Metanit, i them që të shkojë në prokurori.

Se dyti, çdokush që kërkon të intimidojë ose të ndikojë, apo të bëjë presion në punën e Inspektorit të Lartë të Drejtësisë, ta harrojë! Ta harrojë!

Çfarë deklaroi Berisha dje

Kërkoj dorëheqjen e menjëhershme të Inspektorit të Lartë të Drejtësisë, Artur Metani, i cili është ligjërisht dhe penalisht një nga përgjegjësit kryesor të aferës së djegëseve në Shqipëri.

Artur Metani, informoj shqiptarët se bashkë me Engjell Agacin është njeriu që ka argumentuar, që ka marrë pjesë në arsyetimet më antiligjore që qëndrojnë në bazë të VKM dhe ministrive të tjera.

Artur Metani, ish drejtuesi i departamentit juridik të këshillit të ministrave, i cili është para qytetareve shqiptarë gardiani kryesor i respektimit të ligjeve dhe akteve të mëparshme nënligjore në vendimet e Këshillit të Ministrave.

Bashkë me Agacin ata kanë legjitimuar një procedurë që kurrë nuk është gje tjetër veçse procedurë krimi.

Artur Metani është i zhytur kokë e xhep në vjedhjen e shekullit. Në një praktike të pashembullt pa asnjë tagër ka kryesuar mbledhjen me 5 zv.ministra në ministrinë e Mjedisit e bërë me qëllim nga Rama dhe Agaci për te hedhur poshtë strategjinëe e hartuar me 4 mln euro, investime të BE për trajtimin e mbetjeve në Shqipëri.

Ky zotëri ka  kryesuar mbledhjet e zv.ministrave pa asnjë tagër, thjesht për interesa të kupolës së mafies se plehrave, të vetes së tij, Rama dhe Agacit.

I kërkoj dorëheqjen nga posti sepse përben një potencial madhor për të gjithë hetuesit dhe prokurorët dhe gjykatësit e kësaj cështje, pasi ai vetë është i inkriminuar tërësisht dhe plotësisht.

/Albeu.com/ 

The post Berisha kërkoi dorëheqjen, reagon Artur Metani: Kushdo që ka ankesa, të shkojë në Prokurori! appeared first on Albeu.com.

Gjatë takimit, ministri Balla i shprehu Metani shqetësime, lidhur me disa vendimmarrje të magjistratëve, në kuadër të hetimit apo gjykimit të veprave penale kundër mjedisit, duke vënë theksin tek procedimet në rastet e zjarrvënies.

Gjithashtu Balla shprehu shqetësimin e tij lidhur me shmangien në disa raste të ndëshkimeve të ashpra në rastet e armë-mbajtjes pa leje.

Nga ana e Inspektorit të Lartë të Drejtësisë Metani u shpreh angazhimi maksimal i verifikimit të rasteve të tilla, si dhe trajtimi i tyre me prioritet. Metani garantoi se çdo magjistrat që shkel ligjin do të ndëshkohet, në përputhje me parimet dhe rregullat e legjislacionit në fuqi dhe se çdo proces do të zhvillohet në përputhje e respekt për rolin dhe pavarësinë e tyre.

Gjatë bashkëbisedimit, Inspektori i Lartë i Drejtësisë dhe Ministri i Brendshëm bashkëndanë vullnetin e dy institucioneve që drejtojnë, për rritjen e bashkëpunimit, duke theksuar nevojën për shkëmbimin e informacioneve apo të dhënave në rrugë zyrtare, mbi sjellje apo vendimmarrje konkrete të magjistratëve, të cilat mund të përbëjnë shkelje disiplinore dhe duhet të trajtohen nga ana e Zyrës së Inspektorit të Lartë të Drejtësisë./Albeu.com 

The post Balla takim me Inspektorin e Lartë të Drejtësisë: Ndëshkim çdo magjistrati që shkel ligjin appeared first on Albeu.com.

The post Yuri Kim takohet me Artur Metanin: Roli i ILD-së kritik për sistemin e drejtësisë në Shqipëri appeared first on Albeu.com.