Arsyet përse uria bëhet më e fortë gjatë natës janë të ndryshme.

Ekspertët shpjegojnë se luhatja e menjëhershme e niveleve të sheqerit në gjak është e dëmshme. Ato duhet të jenë të qëndrueshme sa më gjatë që të jetë e mundur. Luhatja e niveleve të sheqerit në gjak nxitet më së shumti nga konsumi i karbohidrateve të thjeshta siç është mielli i bardhë dhe sheqeri.

Në reagim të tyre, trupi prodhon insulinë të shpejtë që të përpunojë sheqerin. Kur niveli i glukozës në gjak është i ulët, njeriu ndihet i acaruar dhe në ankth.

Rrahjet e zemrës janë të çrregullta dhe uria është e madhe. Nivelet e ulëta të glukozës gjatë natës mund të ndikohen edhe nga aktiviteti i tepruar fizik gjatë ditës.

Nëse i përmbaheni orareve të rregullta të ngrënies gjatë ditës, do të jeni më pak të uritur gjatë natës. Ekspertët këshillojnë që ta nisni ditën me një mëngjes të bollshëm, fruta në mes vakteve, dhe në darkë të konsumoni një vakt modest.

Dy orë përpara gjumit mund të konsumoni disa feta molle ose karrote. Kësisoj, nuk do të zgjoheni gjatë natës të uritur.

Ushqyerja e keqe është shkaktar i urisë në orët e vona. Nëse gjatë ditës nuk konsumoni fibër, proteinë apo yndyrna të shëndetshme, niveli i sheqerit në gjak do të bjerë dhe gjatë natës do të jeni të uritur.

Uria dhe ndjesia e ngopjes rregullohen falë disa hormoneve të ndryshme, ekuilibrat e të cilave prishen si pasojë e disa problemeve psikologjike. Këto probleme më pas nxisin nevojën e paarsyeshme për sheqer, yndyrna dhe kripë.

Këtu përfshihet: stresi, mungesa e gjumit e të tjerë. Uria e tepruar mund të shkaktohet edhe nga ankthi, depresioni apo frustrimi.

Sindroma e ushqyerjes gjatë natës
Kjo sindromë ka të bëjë me nivelet e ulëta të urisë gjatë mëngjesit dhe tepër të larta në mbrëmje. Ajo shoqërohet edhe me vështirësi në fjetje sepse ushqyerja e rëndë gjatë natës prish gjumin.

Ky problem më pas pason tek mbipesha dhe simptomat bëhen më të ashpra. Nëse ju merr shpesh uria gjatë natës, duhet patjetër të ndryshoni regjimin e ushqimit gjatë ditës, pasi dëmtoni shëndetin tuaj.

The post Keni uri në mes të natës? Zbuloni arsyet përse ndodh appeared first on Albeu.com.

Meta tha se qëndrimet e Kryemadhit, kanë dëmtuar kauzat e Partisë së Lirisë. Ai tha se e ka marrë këtë vendim, për t’i shkuar deri në fund betejës me mafien ndërkombëtare dhe mercenarëve vendas.

Ilir Meta: “Ju jeni njohur me vendimin tim për divorcin, është motivuar nga papajtueshme në raport me të ardhmen e Shqipërisë. Qëndrimet e saj janë të kundërta në raport me linjën e parties dhe kanë shkaktuar probleme të shumta. Nuk po ndahem me një grua për grua tjetër, por për të përmbushur kauzat që kam. Iu kërkoj ndjesë tre fëmijëve të mrekullueshëm dhe prindërve të mi.

E mora këtë vendim që t’i shkoj deri në fund betejës me mafien. Interesi kombëtar ka mbizotëruar tek politikat e mia. E gjithë jeta ime politike i është kushtuar integrimit europian të Shqipërisë. Iu jam kushtuar idealeve të popullit të 2 marsit, ne do të luftojmë këtë betejë ndaj mafies ndërkombëtare dhe mercenarëve vendas”.

The post Nuk u ndamë për shkak të një gruaje tjetër/ Ilir Meta tregon arsyet pas kërkesës për divorc… appeared first on Albeu.com.

Në kërkesën për divorc që konfirmon fundin e një martesë 26-vjeçare, Ilir Meta thotë se politika është ajo që e ndau me Monika Kryemadhin.

Padia për zgjidhje martese e firmosur prej tij dhe e dorëzuar në krye sekretarinë e Gjykatës civile, Meta shprehet se ka patur marrëdhënie normale dhe me problematika si çdo martesë.

Por Meta nuk e lë jashtë martesës edhe bashkëjetesën politike që patën të dy, pasi ata u njohën gjatë aktivizimit të forumit eurosocialist.

“Me të paditurën kemi qenë dhe jemi aktive ne jetën politike të vendit shkak për të cilin kemi ushtruar dhe ushtrojmë funksione të rëndësishme në organet shtetërore, organet përfaqësuese të popullit dhe subjekte politike”.

Ilir Meta aktualisht kryetar i Partisë së Lirisë, i thotë gjykatës se vitet e fundit ka konstatuar fillimisht mosdmosdakordësi dhe kontradikta që kanë ardhur duke u shuar fillimisht, për shkak të qëndrimeve dhe pikëpamjeve të ndryshme në lidhje me zhvillimet ne aspektin politiko përfaqësues dhe vendimmarrës.

Me kalimin e kohës kjo ndarje këndvështrimesh sipas Ilir Metës, i cili në padi ka vendosur adresën e Partisë së Lirisë, u bënë prezente edhe në raportin bashkëshortor deri sa kohet e fundit, këto mospërputhje qëndrimesh e mendimesh edhe ndaj njëri-tjetrit, kane sjelle si pasojë ‘grindje të herëpashershme duke tronditur thellë marrëdhënien tonë bashkëshortore’.

Aktualisht, prej disa muajsh marrëdhënia bashkëshortore është ndërprerë edhe në kuptimin e bashkëjetesës, duke sjellë si pasojë humbjen e qëllimit të kësaj martese në të gjitha drejtimet.

Ne këto kushte i kërkoj gjykatës, caktimin e një dite gjykimi dhe marrjen e vendimit për zgjidhjen e martesës me të paditurën, thotë Ilir Meta i cili ka shtuar si prova certifikatën familjare dhe atë të martesës.

The post Zbulohen shkaqet që çuan në divorc çiftin Meta-Kryemadhi appeared first on Albeu.com.

Alketa Vejsiu: A ke tradhtuar ndonjëherë?

Zhaklin Lekatari: Edhe më kanë tradhtuar, edhe kam tradhtuar. Unë nuk besoj tek ajo fjalia që: “Once a cheater, always a cheater”. Unë mendoj që njeriu në periudha të ndryshme të jetës së tij bën zgjedhje të ndryshme dhe mendoj që tradhtia nuk është me domosdoshmëri një arsye apo një qëllim për të dëmtuar tjetrin. Është një mungesë që ne kemi dhe është një problem që ne kemi ndoshta me veten tonë dhe këtë problem nuk e zgjidhim në çift, apo me partnerin, apo edhe me veten tonë, por e gjejmë zgjidhjen jashtë.

View this post on Instagram

A post shared by ALKETA VEJSIU (@alketavejsiu)

The post “Kam tradhtuar”, Zhaklin Lekatari rrëfen arsyet që e kanë çuar drejt saj (VIDEO) appeared first on Albeu.com.

Pediatrja thekson se një ndër shkaktarët kryesor është ushqyerja dhe intolerancat ushqimore.

“Shpesh nënat pyesin : pse sëmuret kaq shpesh fëmija im?

Do të vija theksin tek:

Ushqyerja dhe intolerancat ushqimore.

➡️Intoleranca ushqimore është një reagim kronik i organizmit ndaj ushqimeve që konsumohen me shpesh (të tilla si gruri, qumështi, peshku,domate, vaj, mish, çokollatë etj)

➡️Simptomat nuk shfaqen menjëherë pas marrjes së ushqimit, (siç ndodh në rastin e alergjive ). Ato mund të shfaqen pas 2-3 ditë ose më shumë.

Shenjat lidhen më tepër me aparatin tretës dhimbje barku kronike, disa orë pas konsumimit të të njejtit ushqim

– diarre kronike ose kapsllëk

– afte kronike në gojë

– rënie ose shtim në peshë

– lodhje kronike

– anemi e pashpjeguar (numri i ulët i rruazave të kuqe të gjakut, gjë që shkakton lodhjen);

– dhimbje kockash

mpirje , migrenë

ngërçe muskulore

konvulsione

vonesë në rritje, në të folur, ose probleme të zhvillimit konjitiv,

???? nxirje të dhëmbëve ose humbje të zmaltit dermatite, ekzema.

Këto shenja ndryshojnë nga një individ tek tjetri. Simptomat mund të çfaqen tek çdo organ, duke implikuar funksionet e tyre.

➡️Ajo që takohet më shpesh (1%) është Celiakia.

Është një çrregullim që vjen nga intoleranca ndaj Gluten-it.

Qelizat imunitare nxiten kundër kësaj proteine dhe kjo rezulton me pezmatim të mukozës së zorrës së hollë

➡️Diagnoza vendoset me anë të provave laboratorike.

Kryhen disa analiza gjaku si: •Imunoglobulina A (IgA), anti-ind transglutaminasa (tTGA),

Biopsia e duodenale.

Përpara kryerjes së analizave, nuk duhen ndërprerë ushqime me gluten.

•Testi citotoksik eshte metoda më e besueshme diagnostike e intolerancës ushqimore.

Trajtimi:

Shmangen nga dieta ato ushqime për të cilat është intolerant.

➡️Këshilla:

Pas një dhimbje barku që përsëritet periodikisht, mbi tre muaj , (sa herë konsumon të njëjtin ushqim) duhet të na shkojë mendja tek ndonjë intolerancë e mundshme”, shkruan mjekja.

The post Pse sëmuren kaq shpesh fëmijët? Pediatrja rendit arsyet dhe këshillat! appeared first on Albeu.com.

Më poshtë lexoni arsyet pse ne nuk i mbajmë mend ëndrrat tona, nga stresi deri te zgjimi i shpejtë.

Stresi

Hulumtimet kanë treguar se stresi jo vetëm që prish dhe shkurton fazën e gjumit REM, por gjithashtu rrit numrin e zgjimeve gjatë natës. Të dyja mund ta bëjnë të vështirë për ju të mbani mend atë që keni ëndërruar.

Të ushqyerit

Është e rëndësishme të shmangni ushqimet që shqetësojnë gjumin, si ushqimet e yndyrshme dhe të skuqura, ushqimet pikante, agrumet, por pijet e gazuara.

Trauma

Trauma është e ngjashme me stresin, por shumë më intensive. Mund të çojë lehtësisht në pagjumësi, por edhe në shtypjen e plotë të kujtimit të ëndrrave në një përpjekje për të harruar makthet e dhimbshme sa më shpejt të jetë e mundur.

Stimuluesit

Rekomandohet të shmangni kafeinën, nikotinën, alkoolin dhe marihuanën përpara se të shkoni në shtrat, sepse të gjitha ato shqetësojnë gjumin. Edhe pse duket se, për shembull, alkooli kontribuon për të fjetur më shpejt, ai në fakt e prish gjumin në gjysmën e dytë të natës kur alkooli tretet.

Ilaçe të caktuara

Sipas ekspertit të gjumit dhe profesorit të NYU, Girardin Jean-Louis, “disa medikamente mund të ndikojnë në ciklin e gjumit REM ose të shkaktojnë ankthe”.

Çrregullime të gjumit

Gjithçka nga pagjumësia tek apnea e gjumit dhe narkolepsia mund të ndikojë negativisht në ciklin e gjumit REM.

Zgjimi shumë shpejt

Sipas psikologut dhe ekspertit të ëndrrave Rubin Najman, zgjimi shumë shpejt mund t’ju bëjë të harroni atë që keni ëndërruar. Ai thotë se periudha e një lloj marramendjeje, gjendja hibride e jashtëzakonshme në të cilën zgjoheni nga gjumi, është e shkëlqyer për të kujtuar atë që keni ëndërruar.

Duke mos i kushtuar vëmendje

Autori dhe eksperti i ëndrrave të kthjellëta Robert Wagoner përmendi një herë se disa njerëz thjesht janë më të interesuar për ëndrrat e tyre se të tjerët. Dhe, nëse diçka nuk ju intereson, as nuk do t’i kushtoni vëmendje, shkruan Mind Body Green.

The post Pse shpesh nuk mund të kujtojmë se çfarë kemi parë në ëndërr? appeared first on Albeu.com.

22:00 – 23:00: Hormonet dhe metabolizmi
Nëse jeni duke luftuar për të fjetur çdo natë, kjo është një shenjë e stresit të pakontrolluar, çekuilibrit endokrin ose disa çështjeve të metabolizmit.

23:00 – 01:00: Fshikëza e tëmthit
Kjo është një shenjë se po zbrazni rezervat e energjisë së fshikëzës së tëmthit dhe kjo shkakton tretje të dobët të yndyrës në trup, si dhe vetëbesim të ulët dhe aftësi të dobëta vendimmarrëse.

01:00-03:00: Mëlçia
Kjo do të thotë që mëlçia juaj ka nevojë për ribalancim dhe mund të përjetoni simptoma si dhimbje koke, lodhje kronike, anemi dhe perioda të parregullta. Në një nivel emocional, ai është i lidhur me zemërimin, kështu që ju gjithashtu mund të shtypni një zemërim, zhgënjim ose pakënaqësi.

3:00-5:00 e mëngjesit: Mushkëritë
Mushkëritë janë përgjegjëse për lëvizjen e energjisë vitale nëpër meridianët dhe në të gjithë trupin, kështu që nëse zgjoheni në këtë kohë çdo natë, mund të keni një pikëllim dhe pikëllim të fshehur që duhet të përballoni. Gjithashtu, këto çekuilibrime mund të çojnë në një sistem të dobët imunitar, frymëmarrje, kollë dhe astmë.

5:00-7:00: Zorra e trashë
Kjo do të thotë që ju duhet t’i “lëshoni” gjërat, si emocionalisht ashtu edhe fizikisht. Ju mund të vuani nga jashtëqitja e thatë, skuqjet e lëkurës dhe kapsllëku.

The post Ka një çekuilibër në trupin tuaj, këto janë arsyet përse zgjoheni shpesh në të njëjtin orar appeared first on Albeu.com.

Mes të pranishmëve në samit do të jetë edhe ministri i jashtëm i Rusisë Sergei Lavrov, mes tensioneve të provokuara nga vendimi i Moskës për të pushtuar Ukrainën.

Por, ndryshe nga zakonisht, Vendet e G20-s kanë hequr dorë nga darka gala në Bali të Indonezisë, për të shmangur kreun e diplomacisë ruse Sergei Lavrov dhe për të shprehur zhgënjimin e tyre përballë agresionit ushtarak të Moskës kundër Ukrainës. Lajmi u bë i ditur nga mediat japoneze./albeu.com

The post Mediat dhe vendet e G20-s shmangin darkën gala në Indonezi, arsyeja appeared first on Albeu.com.

Moti
Ndryshimet e temperaturës mund ta bëjnë më të mundshme migrenën. Pavarësisht nëse është një valë nxehtësie apo ftohtë, ndryshimi mund të shkaktojë një dhimbje koke. Shiu ose ndryshimet në presionin barometrik gjithashtu mund të çojnë në dhimbje koke. Ju nuk mund ta ndryshoni motin, por mund të vendosni syze dielli, të qëndroni të hidratuar dhe të shmangni diellin e mesditës.

Aromat e forta
Erërat e forta, madje edhe ato të këndshme, shkaktojnë dhimbje koke te shumë njerëz. Pse ndodh kjo është e paqartë. Aromat më të zakonshme janë bojërat, parfumet dhe lloje të caktuara lulesh.

Aksesorët e flokëve
Mënyra se si i mbani flokët mund t’ju dëmtojë kokën. Një bisht i shtrënguar mund të tendosë indin lidhës në lëkurën e kokës, duka shkaktuar dhimbje.

Ushtrimet
Aktiviteti i rëndë fizik ndonjëherë mund të çojë në dhimbje koke. Këto lloj dhimbje koke janë më të zakonshmet tek njerëzit që ka të ngjarë të kenë migrenë.

Qëndrimi i keq
Mënyra se si qëndron krijon presion në muskujt e kokës dhe qafës. A i përkulni shpatullat, përdorni një karrige pa mbështetje në pjesën e poshtme të shpinës, apo shikoni një monitor shumë të ulët ose shumë të lartë? Nëse keni dhimbje koke të shpeshta, ndryshimi i këtyre gjërave mund t’ju ndihmojë.

Djathi
Një shkas i migrenës për disa njerëz është djathi blu, çedër, parmixhan dhe zviceran. Problemi mund të jetë një substancë e quajtur tiraminë.

Vera e kuqe
Tiramina është gjithashtu te vera e kuqe dhe pije të tjera alkoolike. Përbërës të tjerë në verë gjithashtu mund të kontribuojnë në dhimbje koke. Për shkak se alkooli rrit rrjedhjen e gjakut në tru, efektet mund të jenë edhe më të forta.

Mungesa e vakteve
Dhimbjet e kokës nga uria nuk janë gjithmonë të kuptueshme. Nëse nuk hani, dhimbja mund të nisë para se të kuptoni se jeni të uritur. Problemi ka të ngjarë të jetë një rënie e sheqerit në gjak. Por mos u përpiqni të kuroni një dhimbje koke nga uria me një ëmbëlsirë. Ëmbëlsirat bëjnë që sheqeri në gjak të rritet dhe më pas të ulet edhe më shumë.

Pirja e duhanit
Pirja e duhanit mund të shkaktojë dhimbje koke. Tymi përmban nikotinë, e cila bën që enët e gjakut në tru të ngushtohen.

Kafeina
Nëse keni shumë dhimbje koke, kafeina në sasi të larta mund të jetë arsyeja. Nëse konsumohet në mënyrë të moderuar, kafeina e qetëson dhimbjen e kokës. Mos hiqni dorë papritur nëse vini re që keni dhimbje koke nga kafeina. Uleni dozën gradualisht.

The post 10 arsye jo shumë të njohura që po ju shkaktojnë dhimbje koke appeared first on Albeu.com.

Arsyeja pse një burrë largohet nga një grua është gjithmonë e njëjtë – është në natyrën e një burri. Nëse mendoni se bashkëshorti/partneri juaj nuk mund të jetojë pa ju, prisni… Do ta shihni sa shpejt dhe lehtë do të mësohet me lirinë dhe pavarësinë.

Nëse një burrë vendos të largohet dhe të lërë gruan e tij, ai nuk ka nevojë për ndonjë arsye për këtë. Çdo mënyrë për të mbajtur një mashkull në krah nuk do të jep fryt: asnjë xhelozi, para, shtatzëni, asnjë kërcënim për të marrë jetën tuaj.

Nëse dëshiron të largohet, ai do të largohet. Nuk ka rëndësi se çfarë bëni, si visheni, çfarë grimi dhe stili flokësh keni.

Nëse vendos të largohet, ai do të largohet, sepse është në natyrën e tij. Në rastin më të mirë, kjo do të vonojë pak nisjen tuaj.

Ky mund të jetë vetëm një lajm i mirë për shumë gra, sepse – nuk keni faj! Ai nuk largohet sepse keni bërë diçka, ose nuk e keni bërë.

Nuk keni lidhje me largimin e tij! Nëse gjithçka ishte mirë, atëherë me siguri diçka nuk ishte “në rregull” në martesë / marrëdhënie. Por kështu ishte, derisa burri juaj gjeti një problem kur po largohej.

Zakonisht ndodh që një mashkull të pyesë se çfarë do ta shqetësojë në mënyrë që të largohet. Por duhet të kuptosh diçka, çfarëdo që të bësh, nuk mund ta ndalosh të largohet.

Nëse burri juaj pret që ju të jeni të përulur dhe të gatuani çdo ditë, dhe në thelb nuk jeni një person i tillë – merreni këtë si një shenjë se ai po kërkon një arsye për t’ju lënë.

Nëse burri juaj dëshiron që ju të dilni çdo ditë, të visheni dhe të jeni aktiv në shoqëri, dhe ju nuk jeni të tillë – kjo është një shenjë se ai dëshiron të ikë prej jush.

Në këto situata nuk ia vlen të ndryshoni, po përpiqeni të përmbushni pritjet e tij… Thjesht, filloni një jetë të re, sepse së shpejti martesës suaj do t’i vijë fundi.

The post Këto janë arsyet e vërteta pse një mashkull ndahet nga ju appeared first on Albeu.com.