Dyzet e pesë arrestime, 80 kontrolle, sekuestrohet drogë, armë dhe pasuri për një vlerë rreth 2 milionë euro.

Ky është rezultati i një operacioni të përbashkët që ka lejuar Departamentin e Hetimeve Anti-Mafia dhe autoritetet policore dhe gjyqësore të Italisë, Belgjikës, Kroacisë, Gjermanisë, Spanjës, Holandës dhe SHBA-së të përçajnë një organizatë të tipit mafioz shqiptar që vepron në trafikimin ndërkombëtar.

Sipas hetuesve, organizata importonte dhe menaxhonte trafikun me shumicë të kokainës nga Amerika Latine në Evropë nga ajri dhe toka.

Vendet e BE-së të përfshira u përdorën më pas për operacione komplekse të pastrimit të të ardhurave nga trafiku i drogës për një vlerë të vlerësuar prej disa milionë eurosh.

Grupi i rrezikshëm kriminal kishte krijuar një sërë kompanish në Spanjë, Gjermani dhe Kroaci për të pastruar fitimet e mëdha , duke përdorur figura dhe pajisje komunikimi të koduara dhe duke bërë udhëtime të rregullta në Dubai, Meksikë dhe Kolumbi

Operacioni i përbashkët është rezultat i një hetimi kompleks ndërkombëtar që përfshiu Drejtorinë e Hetimit Antimafia, policinë dhe forcat gjyqësore të shtatë vendeve, në bashkëpunim me Shërbimin Ndërkombëtar të Bashkëpunimit Policor, me përdorimin e mbi 600 agjentëve. Departamentet dhe koordinimi i Eurojust dhe Europol./albeu.com

The post “Shkërrmoqet” banda shqiptare që dërgonte kokainë në Amerikën Latine nga ajri dhe nga toka appeared first on Albeu.com.

Gjatë kësaj periudhe janë arrestuar 7 drejtues mjetesh, nga të cilët 4 për drejtim mjeti në gjendje të dehur dhe 3 për drejtim mjeti pa leje drejtimi.

Janë pezulluar 41 leje drejtimi, nga të cilat 23 për shpejtësi mbi normat e lejuara, që arrinte deri në 165 km/h në rrugën interurbane Elbasan-Tiranë, dhe 18 për drejtim mjeti nën efektin e alkoolit.

Janë vendosur 345 masa administrative me vlerë deri në 4.000 lekë të rinj, për shpejtësi tej normave të lejuara dhe 89 masa administrative me vlerë 5.000 lekë të rinj (pa masën plotësuese të pezullimit të lejes së drejtimit), për drejtim mjeti nën efektin e alkoolit.

Janë vendosur 11 masa administrative me vlerë nga 10.000 deri në 40.000 lekë të rinj, për mosrregullim të shpejtësisë në qendrat e banuara.

Policia e Shtetit apelon për të gjithë përdoruesit e rrugës në tërësi, veçanërisht drejtuesit e mjeteve, motomjeteve dhe çiklistët, që të tregojnë kujdes dhe të zbatojnë me rigorozitet rregullat e qarkullimit rrugor, pasi gjatë fundjavës lëvizjet në disa akse rrugore janë më të shtuara. Të gjitha rrugët nacionale dhe urbane në të gjithë vendin janë të monitoruara me patrulla të lëvizshme të Policisë Rrugore, duke përdorur radarë, dragera, dronë, makina të paloguara, kamera e aparate fotografike./albeu.com

The post “Rrugorja” në aksion, ndëshkohen 1543 shoferë problematikë brenda 24 orëve appeared first on Albeu.com.

Si rezultat i kontrolleve janë arrestuar 7 shtetas, nga të cilët 4 për drejtim mjeti në gjendje të dehur dhe 3 për drejtim mjeti pa leje drejtimi, janë pezulluar 43 leje drejtimi, nga të cilat 29 për shpejtësi deri në dyfish mbi normën e lejuar dhe 14 për drejtim mjeti nën ndikimin e alkoolit, si dhe janë ndëshkuar me masë administrative, 1495 drejtues mjetesh, për shkelje që përbëjnë rrezik për përfshirje në ngjarje rrugore.

Policia e Shtetit, nisur edhe nga fakti i prezencës së lagështirës në rrugë, apelon për të gjithë drejtuesit e automjeteve dhe motomjeteve, që të bëjnë kujdes, të respektojnë në maksimum rregullat e qarkullimit rrugor, të mos abuzojnë me shpejtësinë, por të qarkullojnë duke respektuar normat e lejuara dhe sinjalistikën rrugore, të mos drejtojnë mjetin nën efektin e alkoolit apo më keq akoma në gjendje të dehur dhe të mos përdorin celularin gjatë drejtimit të mjetit, si dhe të vendosnin rripin e sigurimit dhe kaskën mbrojtëse.

Policia e Shtetit ka rritur akoma më shumë prezencën në akset rrugore dhe qendrat e banuara, duke kombinuar shërbimet e Policisë Rrugore me Patrullat e Përgjithshme dhe “Shqiponjat”, për të vijuar kontrollet intensive, me qëllim parandalimin e aksidenteve rrugore dhe rritjen e parametrave të sigurisë së jetës në rrugë.

Policia e Shtetit fton qytetarët që të denoncojnë në Komisariatin Dixhital dhe në numrin e emergjencave 112, çdo paligjshmëri./albeu.com

The post Me shpejtësi deri në 174 km/h dhe të dehur në timon, policia arreston 7 shoferë dhe vë 1495 gjoba brenda 24 orëve (VIDEO) appeared first on Albeu.com.

Fatmir Sulaj., 56 vjeç dhe Hamdi Sulaj., 25 vjeç u arrestuan pasi gjatë një kontrolli të ushtruar,në një serë bujqësore, u konstatuan të mbjella bimë të dyshuara narkotike të llojit Cannabis Sativa.

Në vijim të veprimeve, gjatë kontrollit të banesës, sherbimet e Policisë gjetën dhe sekuestruan dy armë zjarri automatik dhe municion luftarak, të cilat dyshoheshin se përdoreshin nga autorët për të ruajtur bimën narkotike.

Njoftimi i policisë:

Tiranë

Finalizohet nga Komisariati i Policisë Nr. 6, operacioni policor i koduar “KASHARI”.

Operacioni kundër veprimtarisë kriminale në fushën e kultivimit dhe armëmbajtjes pa leje.

Sekuestrohen 2 armë zjarri automatik, municion luftarak dhe sende të tjera të kundraligjshme.

Vihen në pranga babë e bir.

Komisariati i Policisë Nr. 6, në vijim të punës për goditjen e veprimtarisë kriminale në fushën e kultivimit dhe armëmbajtjes pa leje, kanë organizuar dhe finalizuar operacionin policor të koduar “KASHARI”, si rezultat i të cilit bënë arrestimin në flagrancë të shtetasve:

Fatmir Sulaj., 56 vjeç dhe Hamdi Sulaj., 25 vjeç.

Arrestimi i këtyre shtetasve u bë pasi në Kashar, në brendësi të banesës, gjatë kontrollit të ushtruar,në një serë bujqësore, u konstatuan të mbjella bimë të dyshuara narkotike të llojit Cannabis Sativa.

Në vijim të veprimeve, gjatë kontrollit të banesës, sherbimet e Policisë gjetën dhe sekuestruan dy armë zjarri automatik dhe municion luftarak, të cilat dyshoheshin se përdoreshin nga autorët për të ruajtur bimën narkotike.

Materialet proceduriale do ti kalojnë Prokurorisë, për veprat penale “Kultivim i bimeve narkotike” dhe “Mbajtja pa leje dhe prodhimi i armëve, armëve shpërthyese dhe i municionit” e kryer në bashkëpunim./albeu.com

The post EMRAT/ Kanabis në serra dhe dy automatikë në shtëpi, arrestohen babë e bir në Tiranë appeared first on Albeu.com.

Njoftimi i policisë:

Tiranë

Specialistët për Hetimin e Krimit në Komisariatin e Policisë Nr. 4 bënë arrestimin në flagrancë të shtetasit E. K., 44 vjeç, pasi ka ushtruar dhunë fizike dhe psikologjike ndaj bashkëshortes së tij.

Nga specialistët për Hetimin e Krimit në Komisariatin e Policisë Vorë u bë arrestimi në flagrancë i shtetasit S. D., 56 vjeç, pasi në biznesin e tij, punonjësit e OSHEE-së, kanë konstatuar lidhje të paligjshme të energjisë elektrike.

Specialistët për Hetimin e Krimit në Komisariatin e Policisë Kavajë bënë arrestimin në flagrancë të shtetasit S. B., 40 vjeç, pasi ka thyer masën e sigurisë “Arrest në shtëpi” për veprën penale “Ndihma për kalim të paligjshëm të kufirit” dhe është përfshirë në një aksident vetëm me dëme materiale.

Specialistët e Qarkullimit Rrugor bënë arrestimin në flagrancë të shtetasve:

E. M., 34 vjeç, B. D., 42 vjeç, U. K., 39 vjeç dhe F. F., 42 vjeç, pasi u kapën duke drejtuar mjetet përkatëse në gjendje të dehur;

V. Zh., 59 vjeç, pasi është përfshirë në një përplasje me motomjetin me drejtues shtetasin E. Z., 42 vjeç dhe pasagjere B. Z. Si pasojë është dëmtuar shtetasja B. Z., e cila ndodhet në spital, nën kujdesin e mjekëve.

Më datë 16.08.2021, në rrugën “Sotir Polena”, kanë vjedhur një shumë parash në banesën e shtetasit N. L., 44 vjeç. Punohet për identifikimin dhe kapjen e autorit.

Më datë 16.08.2021, u referuan materialet në Prokurorinë pranë Gjykatës së Shkallës së Parë Tiranë dhe punohet për shoqërimin e shtetasit I. D., 50 vjeç, pasi dyshohet se në anë të mashtrimit i ka marrë një shumë parash shtetasit Q. Z. Punohet për kapjen e tij dhe sqarimin e rrethanave të ngjarjes.

Më datë 17.08.2021, u referuan materialet në Prokurorinë pranë Gjykatës së Shkallës Parë Tiranë, për shtetasit D. A., 43 vjeç dhe D. A., 48 vjeç, sepse në lagjen nr.2 Kavajë, 43-vjeçari duke drejtuar mjetin tip “Volvo” ka goditur mjetin tip “Benz” me drejtues A. I., 30 vjeç, dhe më pas në bashkëpunim me vëllain e tij 48-vjeçarin, kanë goditur me sende të forta shtetasin A. I.

Më datë 16.08.2021, në rrugën “Muhamet Deliu”, kanë vjedhur disa sende me vlerë dhe një shumë parash në banesën e shtetases K. B., 51 vjeçe. Punohet për identifikimin dhe kapjen e autorit.

Materialet i kaluan Prokurorisë së Rrethit Gjyqësor Tiranë, për veprime të mëtejshme./albeu.com

The post Nga dhuna te vjedhjet, disa të arrestuar në Tiranë appeared first on Albeu.com.

Njoftimi i policisë:

Tiranë

Vihen në pranga 14 shtetas, për vepra të ndryshme penale.

Specialistët e Seksionit për Hetimin e Narkotikëve bënë arrestimin në flagrancë të shtetasit E. B., 19 vjeç, pasi gjatë kontrollit fizik të ushtruar iu gjet dhe iu sekuestrua një mjet prerës (thikë), si dhe u referuan materialet për shtetasin E. B., 23 vjeç, pasi gjatë kontrollit fizik të ushtruar iu gjet dhe iu sekuestrua një sasi me lëndë narkotike kanabis;

Po nga specialistët e Seksionit për Hetimin e Narkotikëve u bë arrestimi në flagrancë i shtetasit F. M., 45 vjeç, pasi gjatë kontrollit fizik të ushtruar nga Forca e Posaçme “Shqiponjat” iu gjet dhe iu sekuestrua një sasi me lëndë narkotike kokainë, e ndarë në doza, gati për shitje.

Specialistët për Hetimin e Krimit në Komisariatin e Policisë Nr.4 bënë arrestimin në flagrancë të shtetasit E. N., 32 vjeç, i dënuar më parë për veprën penale “Vjedhja”, sepse në kundërshtim me vendimin e Gjykatës, ka shkelur urdhërin e mbrotjes, dhe ka ushtruar dhunë psikologjike ndaj babait të tij.

Po nga specialistët për Hetimin e Krimit në Komisariatin e Policisë Nr.4 u bë ekzekutimi i  urdherit të prokurorit për shtetasin në kërkim G. B., 60 vjeç, ( i kapur nga Seksioni i kërkimit) pasi Gjykata e Rrethit Gjyqësor Tiranë, e ka denuar me 1 vit burg për veprën penale “Dhuna në familje”.

Po nga specialistët për Hetimin e Krimit në Komisariatin e Policisë Nr.4 u bë ndalimi i shtetasi E. I., 26 vjeç, i shpallur në kërkim për veprat penale “Vjedhje me dhunë” dhe “Plagosje e lehtë me dashje” pasi me datë 12.08.2021, pas një konflikti për motive të dobëta, ka goditur shtetasin L. K., 24 vjeç dhe i ka marrë me forcë celularin.

Specialistët e Qarkullimit Rrugor bënë arrestimin në flagrancë të shtetasve: J. H., 27 vjeç, D. N., 38 vjeç dhe B. H., 19 vjeç, pasi u kapën duke drejtuar mjetet përkatëse pa leje drejtimi; H. K., 54 vjeç, E. Gj., 30 vjeç, B. A., 40 vjeç, R. M., 26 vjeç, M. H., 40 vjeç dhe I. B., 54 vjeç, pasi u kap duke drejtuar mjetet përkatëse në gjendje të dehur.

Materialet i kaluan Prokurorisë së Rrethit Gjyqësor Tiranë, për veprime të mëtejshme./albeu.com

The post Drogë, dhunë e plagosje, policia vë në pranga 14 persona në Tiranë appeared first on Albeu.com.