Fatos Tushe është sjellë në Drejtorinë e Policisë së Tiranës ku do të merret në pyetje dhe do të mbahet deri në dhënien e masës së sigurisë.

Ai është shoqëruar nga shefi i seksionit për Hetimin dhe Korrupsionin në drejtorinë e Përgjithshme të Policisë së Shtetit me një makinë pa logo policie, sipas protokollit për shoqërimin e zyrtarëve të lartë.

Paraditen e sotme, kryebashkiaku i Lushnjes, Fatos Tushe dhe 10 zyrtarë të Bashkisë dhe Ndërmarrjes së Pasurive Publike, u arrestuan pasi akuzohen se kanë kryer shkelje me tenderat.

Një tender me vlerë 24 milionë lekë për kanalet ujitëse të qytetit është zbuluar deri më tani në media si shkaku i arrestimit, ndërsa dyshohet se ka patur edhe ndërhyrje të grupeve kriminale që kanë marrë tendera pastrimi në këtë bashki.

Pas këtij aksioni ka reaguar menjëherë edhe kryeministri Rama i cili deklaroi se PS nuk do të mbrojë më askënd, duke e paralajmëruar që do e mbrojë vetëm avokati dhe  goja e tij. /albeu.com/

The post U arrestua në zyrë, momenti kur kryebashkiaku Tushe mbërrin në komisariatin e Tiranës (FOTO LAJM) appeared first on Albeu.com.

Burimet për albeu.com bëjnë me dije se arresti i tyre vjen pas një abuzimi të hetuar për ndërtimin e një kanali ujitës me vlerë 24 milionë në lekë.

Përvec kryebashkiakut, në pranga kanë rënë edhe drejtorë e zyrtarë të rëndësishëm të Bashkisë Lushnje.

Po kush është Fatos Tushe?

Në dhjetor 2019, Tushe dhe sekretarja e tij Erisa Qalliu u plagosën nga ish-shoferi i Zotit Tushe, brenda mjediseve të Bashkisë Lushnje.

Pas një sherri në mjediset e bashkisë, Gëzim Saraçi, ish-shofer i kryebashkiakut Tushe hodhi granatë në zyrën e tij duke plagosur zotin Tushe dhe zonjën Qalliu.

Tushe ka qënë 4 herë kryebashkiak i Lushnjes. Ai u zgjodh për herë të parë në krye të Bashkisë në 2007. në viitn 2009 u dorëhoq nga posti dhe u zgjodh deputet i PS-së.

Në vitin 2011, Tushe u dorëhoq nga posti I deputtei dhe garoi sërish për kreun e Bashkisë.

The post Nga plagosja me granatë tek arrestimi i SPAK, kush është socialisti Fatos Tushe që u vu në pranga sot appeared first on Albeu.com.