arratisje nga burgu Archives - Albeu.com

Arratisja spektakolare nga burgu, kush është shqiptari i dënuar me 40 vite për vrasje

Xh — Fri, 13 Jan 2023 11:02:36 +0000

Nga Burgu i Idrizovës, një i dënuar me 40 vjet heqje lirie, është arratisur gjatë dërgimit të tij për në spital. I dënuari për vrasje, 6 vjet më parë, siç mëson ALSAT është nga Tetova, i identifikuar si Bekim Memeti.

Sipas të dhënave, i dënuari i arratisur ka kërkuar të dërgohet në spital, dhe drejtuesit e burgut ia kanë mundësuar një gjë të tillë, por gjatë rrugës, ai ka rrëmbyer pistoletën dhe ka plagosur njërin prej shoqëruesve, konkretisht shoferin e ambulancës, duke i mundësuar vetes arratisjen.

Ende mbetet e paqartë dinamika dhe rrjeti që e ka ndihmuar Memetin në arratisje, ndihmesa e mundshme që i është dhënë nga persona të tjerë nga jashtë, ndërkohë që hetimet do të shtrihen tashmë edhe në dy pista. Për profile të tilla si Mehmedi, burgu i Idrizovës ka kërkuar gjithnjë ndihmë dhe shoqërim nga njësitë speciale, kjo bëhet thuajse për cilindo të dënuar me mbi 10 vjet burg, por për Memedin burgu nuk ka kërkuar ndihmë.

Përveç hetimit të brendshëm nga drejtoria e burgjeve, hetim pritet të ngrejë për përgjegjësi edhe Ministria e Brendshme. Sipas informacioneve të Alsat, burgu nuk ka pasur dërguar kërkesë pranë MPB-së për ndihmë shoqërimi të të dënuarit, duke ngritur edhe dyshimet për inskenim dhe prapavijë të rastit./Albeu.com.

The post Arratisja spektakolare nga burgu, kush është shqiptari i dënuar me 40 vite për vrasje appeared first on Albeu.com.

Palestinezët hapin një vrimë në qeli dhe arratisën nga burgu izraelit i sigurisë së lartë (VIDEO)

E B — Mon, 06 Sep 2021 13:26:07 +0000

Autoritetet izraelite kanë nisur kërkime intensive për 6 të burgosur palestinezë që u arratisën nga një burg u sigurisë së lartë brenda natës.

Të burgosurit janë hapur një tunel nga qelia e tyre për disa muaj që të conte në një rrugë jashtë mureve të burgut Gilboa, raporton albeu.com.

Zyrtarët u lajmëruan nga fermerët kur panë të burgosurit duke vrapuar nëpër arat e tyre

Të arratisurit përfshijnë një ish-udhëheqës të grupit militant të Brigadës së Dëshmorëve Al-Aksa dhe pesë anëtarë të Xhihadit Islamik.

Një zyrtar i shërbimit të burgut izraelit e përshkroi arratisjen si një dështim i madh i sigurisë dhe inteligjencës.

Nga ana tjetër, grupet militante palestineze e përshëndetën atë si heroike./albeu.com

וכך זה נראה מתוך תא 2 אגף חמש בכלא גלבוע.
פיר מנהרה בשירותים שהוביל אל מחוץ לחומות הכלא pic.twitter.com/IsKfG8B56R

— Josh Breiner (@JoshBreiner) September 6, 2021

The post Palestinezët hapin një vrimë në qeli dhe arratisën nga burgu izraelit i sigurisë së lartë (VIDEO) appeared first on Albeu.com.

Zbret me litar për disa sekonda, momenti kur Arbër Çekaj tenton arratisjen nga burgu “313” (VIDEO)

E B — Fri, 03 Sep 2021 10:13:29 +0000

News 24 ka siguruar videon, që tregon momentin kur tentojnë të arratisen nga burgu “313” Arbër Çekaj dhe Fatmir Pjetri, i pari i kapur për sasinë më të madhe të kokainës të futur në Shqipëri, plot 613 kg, ndërsa i dyti është pjesë e “Bandës së Babagjyshëve”.

Siç shihet në video, Çekaj dhe Pjetri arrijnë të zbresin nga kati i tretë përmes një çarçafi të bërë gërshetë dhe në duar mbajnë çengela hekuri. I pari zbret nga litari Pjetri, ndërsa pas tij bie edhe Çekaj, i cili siç shihet në pamje, në momentin që bie poshtë, rrëzohet, por ngrihet menjëherë dhe të dy kalojnë rrethimin.

Gjithçka ndodh në vetëm pak sekonda, ndërsa në momentin që kalojnë rrethimin, ata përballen me një polic, të cilin e godasin me çengel hekuri, por më pas kapen nga policët e tjerë.

Ngjarja ndodhi më 8 gusht të këtij viti, ku sipas njoftimit zyrtar të Policisë së Burgjeve, Arbër Çekaj dhe Fatmir Pjetri e kanë organizuar në bashkëpunim me njëri-tjetrin tentativën e arratisjes. Ata kanë shfrytëzuar situatën e stisur nga një i paraburgosur tjetër, i cili ka tërhequr vëmendjen e forcave të sigurisë, duke prerë damarët e dorës.

Menjëherë pasi gardianët kanë shkuar t’i ofrojnë ndihmë shtetasit Lulzim Çepele, që kishte prerë damarët, Çekaj e Pjetri kanë tentuar të arratisen, por tentativa e tyre ka dështuar dhe ata janë ndaluar në kohë.

Kujtojmë se 6 policë u pezulluan nga detyra në lidhje me tentativën e arratisjes. Gëzim Ramushi, Sajmir Shahini, Bashkim Muca, Oldi Myzyri, Redion Maloku dhe Edmon Prenga dyshohet se me veprimet apo mosveprimet e tyre kanë kontribuar në planin e arratisjes. Në rrëfimet e tyre, fajin e arratisjes e mori përsipër Pjetri, ndërsa Çepele ka thënë se nuk kishte dijeni, kurse Çekaj theksoi se e ndoqi shokun e tij, por më pas u kthjellua dhe nuk vijoi vetë./BW

The post Zbret me litar për disa sekonda, momenti kur Arbër Çekaj tenton arratisjen nga burgu “313” (VIDEO) appeared first on Albeu.com.