Dy zyrtarë të administratës të presidentit amerikan, Joe Biden, që diskutuan për këto gjetje në kushte anonimiteti për shkak të ndjeshmërisë së çështjes, thanë se më 2023 rreth 90 për qind e mikroelektronikës së Rusisë ishte nga Kina. Këto pajisje Rusia i përdor për të prodhuar raketa, tanke dhe avionë luftarakë. Pothuajse 70 për qind e importeve të Rusisë – në vlerë prej rreth 900 milionë dollarësh – në çerekun e fundit të vitit 2023 ishte nga Kina.

Entitetet kineze dhe ruse kanë punuar po ashtu për të prodhuar së bashku dronë brenda Rusisë dhe kompanitë kineze ka gjasa që e kanë furnizuar Rusinë me nitrocelulozën e nevojshme për të prodhuar shtytës të raketave, thanë zyrtarët e administratës Biden.

Pekini po ashtu po punon me Rusinë për të përmirësuar satelitët e Moskës dhe aftësitë e tjera të vendosura në hapësirë, me qëllim që të përdoren në Ukrainë. Kjo sipas zyrtarëve do të rrisë, në terma afatgjatë, kërcënimin që Rusia paraqet për gjithë Evropën. Zyrtarët, duke cituar gjetjet e inteligjencës, thanë se SHBA-ja ka përcaktuar po ashtu Kina po i ofron imazhe Rusisë për luftën e saj kundër Ukrainës.

Zyrtarët diskutuan për këto gjetje para se sekretari amerikan i Shtetit, Antony Blinken, të vizitojë Kinën gjatë këtij muaji. Presidenti Biden edhe më herët ka ngritur shqetësimin e tij gjatë takimeve me presidentin kinez, Xi Jinping, lidhur me mbështetjen e tërthortë të Pekinit për përpjekjet e luftës të Rusisë.

Përderisa Kina nuk i ka ofruar drejtpërdrejt ndihmë vdekjeprurëse ushtarake Rusisë, Pekini e ka mbështetur në aspektin diplomatik, duke e fajësuar Perëndimin se e ka provokuar presidentin rus, Vladimir Putin, për të marrë vendimin që të nisë luftën. Kina po ashtu nuk e ka quajtur luftën pushtim.

Kina ka deklaruar se nuk i ofron Rusisë armë apo ndihmë ushtarake, megjithëse ka mbajtur lidhje të forta ekonomike me Moskën, teksa Rusia po përballet me sanksione të ashpra ndërkombëtare.

Të martën, Xi u takua në Pekin me ministrin e Jashtëm rus, Sergei Lavrov, i cili lavdërojë udhëheqjen e presidentit kinez.

Izolimi ekonomik dhe diplomatik i Rusisë e ka bërë atë më të varur nga Kina, ish-rivalja e saj për udhëheqjen e bllokut komunist gjatë Luftës së Ftohtë.

Sekretarja amerikane e Thesarit, Janet Yellen, e cila u kthye gjatë kësaj jave në Uashington nga vizita në Pekin, tha se ka paralajmëruar zyrtarët kinezë se administrata Biden po përgatit sanksione ndaj bankave, kompanive dhe udhëheqjes në Pekin, nëse ata ndihmojnë forcat e armatosura të Rusisë gjatë pushtimit të Ukrainës, i cili po vazhdon./REL

The post SHBA: Kina po rrit shitjet e pajisjeve që Moska përdor për të prodhuar armë për luftën e saj kundër Ukrainës appeared first on Albeu.com.

Ai madje përmes një postimi thotë se është shprehur i drejtpërdrejtë me kërkesën e tij sa i përket armëve, për të cilat kanë nevojë të mbrohen nga agresioni rus.

“Do të jem i drejtpërdrejtë: Për t’i dhënë fund luftës dhe dëbuar forcat ruse nga Ukraina, kemi nevojë për armë të rënda”, ka shkruar Podolyak në llogarinë e tij në Twitter.

Më poshtë ju sjellim listën e plotë të armëve që sipas tij ka nevojë Ukraina:

1000 topa howitzer të kalibrit 155 mm

300 MLRS- (sistem raketor)

500 tanke

2000 mjete të blinduara

1000 dronë./albeu.com

Being straightforward – to end the war we need heavy weapons parity:

1000 howitzers caliber 155 mm;
300 MLRS;
500 tanks;
2000 armored vehicles;
1000 drones.

Contact Group of Defense Ministers meeting is held in #Brussels on June 15. We are waiting for a decision.

— Михайло Подоляк (@Podolyak_M) June 13, 2022

The post Ukraina publikon listën, këto janë e armët që i duhen për t’i dhënë fund luftës appeared first on Albeu.com.