32-vjeçari i akuzuar dhe përfshirë në vrasje dhe drogë ishte ulur në ambientet e jashtme të lokalit dhe po shihte në telefon. Në atë moment, autori është afruar duke e qëlluar disa herë nga pas me pistoletë.

https://youtu.be/cf_QkofPUmo

Gjatë kohës kur qëllohet, i riu shqiptar bie në tokë, duke u zvarritur hyn brenda lokalit dhe më pas ndërron jetë, ndërsa autori largohet me shpejtësi.

Shqiptari u kishte shpëtuar më parë tre atentateve më parë. Përsa I përket vrasjes së tij, nuk është arrestuar asnjë autor./albeu.com

The post Pamje të rënda, momenti i ekzekutimit të shqiptarit në Greqi (VIDEO) appeared first on Albeu.com.

E ëma e 32-vjeçarit tha: “Urdhri erdhi nga brenda dhe ata vranë djalin tim. E gjithë historia ishte brenda burgut. Tre herë Arisi u plagos, urdhri ishte nga brenda burgut, sepse Aris donte të largohej. Unë nuk dua të merrem më me ju. Mbaroi. Dhe ata e vranë.

Le të kalben në burg këta njerëz që kanë vrarë kaq shumë njerëz. Të gjithë miqtë e djalit tim janë vrarë që nga viti 2009. Ai mund të tregonte, kështu që ata e vranë. Nuk e di kush fshihet pas vrasjes së fëmijës tim. Vrasësit vazhdojnë të bëjnë punën e tyre. Vetëm policia i di të gjitha këto”.

Shqiptari ishte i frikësuar dhe lëvizite gjithmonë me anti-plumb, por ditën e vetme që nuk e veshi u ekzekutua. Autorët e vrasjes dyshohet se janë grupet kriminale rivale, pasi sipas mediave greke viktima ishte pjesë e një bande që vepronte që nga vitet 2007-2008.

The post I vranë djalin në mes të Athinës, nëna e 32 vjeçarit shqiptar: Urdhri erdhi nga burgu appeared first on Albeu.com.

Hetimet për ekzekutimin e shqiptarit 32-vjeçar, policia i ka drejtuar në trekëndëshin e burgjeve Athinë-Patras, ku vepron krimi i organizuar por edhe mafia shqiptare.Sipas asaj që raportojnë mediat greke në kontekstin e hetimeve për vrasjen e 32-vjeçarit shqiptar në Sepolia të dielën pasdite, policia po shqyrton të dhënat nga hetimi antiterror që në periudhën 2018 -2019 si dhe në 2017, ku u vra kriminologu Michalis Zafeiropulos i cili kishte regjistruar veprimin e pesë kriminelëve shqiptarë që drejtonin sulmet e mafias nëpër burgje.

Kështu ka dyshime të forta se shënjestër e mafies shqiptare që drejton nga burgjet, të ketë qenë edhe Aris Papas i cili u vra me 8 plumba nga një autor ende i paidentifikuar, teksa pinte kafen në Sepolia të Athinës. Autori më pas u largua me anë të një taksie pa u shqetësuar.

Në fakt, sipas dëshmisë së një zyrtari të burgut, në maj të vitit 2019, një anëtar kryesor i mafies shqiptare në Korydallos kërkoi shfarosjen e Aris Papas ndërsa pretendohet se ai e kërcënoi se nëse nuk arrinte ta vriste, do të kthehej të vriste nënën e tij. Kujtojmë se pikërisht kjo e fundit akuzoi mafien shqiptare për vrasjen e të birit.

32-vjeçari ka qenë në qendër të mosmarrëveshjeve mes anëtarëve të mafias shqiptare , e cila në 2006-2008 kishte vrarë 11 persona, plagosur 13 të tjerë, ndërsa ish-anëtarë ishin rrëmbyer dhe grabitur. Banda depërtoi nëpër vendet ku qëndronin viktimat a tyre duke plagosur edhe disa qytetar të pafajshëm.

Vetëm pak orë nga vrasja e shqiptarit krimi la një tjetër të vdekur ish boksierin Berdesis. Tassos Berdesis u ekzekutua me 14 plumba kallashnikovi. Edhe kjo vrasje u krye për larje hesapesh mes bandave, ndërsa ende nuk dihet nëse kanë lidhje me njëra tjetrën.

Pesë vrasje në 52 ditë

Më 9 Prill, George Karaivaz u qëllua për vdekje jashtë shtëpisë së tij në Alimos me dhjetë plumba.
Në fillim të majit, biznesmeni Dimis Korfiatis vritet në Zakynthos.Më 15 maj, në Metamorfosi, boksieri veteran me pseudonimin “Kefalas” bie i vdekur, duke e goditur në zemër dhe në kokë. Të Dielën, në Sepolia, 32-vjeçari shqiptar u vra në një kafene.
E hënë 31/5, boksieri Tassos Berdesis ra i vdekur . /abcnews

The post Aris Papas e donte të vdekur banda shqiptare në burgun Kordallos: Nëse jo ty, do të vras nënën! appeared first on Albeu.com.

Zbardhet dëshmia e personit që pa nga afër vrasjen e Aris Papas, shqiptarit që u qëllua dje për vdekje në Athinë.

Media greke “Newsbomb” shkruan se  autori e qëlloi viktimën pa hyrë në kafenë, ndërsa më pas ai u largua në këmbë nga skena e krimit.

Vrasësi kishte vendosur një kapele dhe një maskë anti-COVID për të mos u njohur dhe qëlloi mbi shënjestrën e tij 8 herë në kokë.

“Autori ishte i shkurtër dhe i hollë. Ai nuk hyri brenda, qëndroi jashtë derës dhe qëlloi. Pranë tij ishte një çift që pinte kafe, ndaj ai pasi vrau u kthye dhe iku me vrap. Në dy deri në tre minuta policët e parë erdhën sepse ishin shumë pranë. Ata patrulluan rrugëve por nuk gjetën asgjë. Unë nuk e pashë fytyrën e autorin e krimit sepse isha larg, por pashë skenën,“-tha ai.

The post Vrasja e shqiptarit me 8 plumba në kokë, dëshmitari: Autori ishte i shkurtër, s’u fut fare brenda! appeared first on Albeu.com.

Dyshimet nisën me deklaratën e nënës së viktimës e cila akuzoi me zë të lartë shqiptarët si autorë të këtij krimi të rëndë.

Sipas mediave greke,  “Mili” quhet një nga armiqtë më të mëdhenj të Aris Papës, i cili u ekzekutua në mënyrë mafioze një ditë më parë në Athinë.

“Armiku i tij, i cili është i arrestuar, ishte një nga autorët më të njohur të mafies shqiptare, “Mili”, përfshirja e të cilit – edhe pse i burgosur – do të hetohet nga policia” thuhet në shkrim.

Aris Papas i cilësuar nga mediat greke si një nga anëtarët më të njohur të mafies shqiptare u ekzekutua pasditen e djeshme në një lokal duke pirë kafe në qendër të Athinës.

Në skedën kriminale, 34-vjeçari dyshohet se ishte i përfshirë në 12 vrasje dhe 10 plagosje. Autorët e vrasjes së shqiptarit ende nuk dihen, por pista po; larje hesapesh mes bandave, pasi më parë u kishte shpëtuar tre atentateve. /albeu.com/

The post I përfshirë në 12 vrasje e 10 plagosje, zbulohet “armiku” më i madh i 34 vjeçarit shqiptar të vrarë në Greqi (VIDEO) appeared first on Albeu.com.