Ndërsa për momentin po gëzon dekoratën “Kampion i Anti-Korrupsionit”, që i akordoi Departamenti i Shtetit, pas sugjerimeve të ambasadores amerikane në Tiranë, Yuri Kim, ai ka publikuar dhe një video me ujqër në LinkedIn si një reagim për “djegien” e tij për në Kushtetuese.

“Njerëzit e fortë nuk i duan. Janë të pakëndshëm,. Janë të pamanipuleshëm. Të fortët dinë ta tregojnë veten. I dinë të drejtat e tyre dhe nuk janë të gatshëm t’i humbasin ato. Dinë të jenë të lumtur pavarësisht të gjithave. Kanë karakter të fortë dhe nuk mund t’ua heqësh. Nuk është e lehtë të shkatërrosh parimet e tyre, dinjitetin e tyre…besimin që kanë te vetja. Janë të gatshëm të mbështesin çdolloj të vërtete. Fatin e keq, tradhtinë, shpërthimet emocionale…Nuk kanë frikë nga dhimbja. E kanë kaluar ferrin e tyre personal. Dinë ta transformojnë dhimbjen në mësim”, thuhet në video./albeu.com

Shiko KËTU videon.

The post Mua s’më duan se jam i fortë…” Dvorani reagon me ujqër pasi u “dogj” për në Kushtetuese (VIDEO) appeared first on Albeu.com.

Meta është shprehur se ai nuk ka asnjë gram gjak shqiptari dhe është i shitur.

Komentet Meta i bëri gjatë fjalës së tij në Konventën Kombëtare të LSI-së, që po mbahet momentalisht në Pallatin e Kongreseve.

“Po pse ju kujtoni se ai Dvorani është një jurist i keq? Jo ai nuk është njeri i keq, ai nuk ka asnjë gram gjak shqiptari, është mercenar i shitur”, është shprehur Meta./albeu.com/

The post “Shpërthen” Meta: Ardian Dvorani nuk ka asnjë gram gjak shqiptari, është mercenar appeared first on Albeu.com.

Në reagim, Rama thotë se nuk heq nga asnjë presje të asaj që ka deklaruar. Ai gjithashtu shkruan se nuk mjafton që SPAK ka pushuar çështjen ndaj ish-kreut të KED, Ardian Dvorani, duke shtuar se ka marrë peng gjykatësin pa asnjë arsye duke shkuar pas avazit të Ilir Metës, të cilin e quan armik të reformës në drejtësi.

“Unë nuk i heq asnjë presje asaj që deklarova sot dhe nuk mjafton që SPAKU të thotë se e paska pushuar çështjen, pasi faktikisht e mori peng gjykatësin në fjalë pa asnjë arsye në botë, duke i shkuar praktikisht pas avazit Armikut Publik NR.1 të Reformës në Drejtësi, Ilir Metës!

Po meqë ka marrë përsipër të sqarohet publikisht, SPAKU do të duhej në fakt të sqaronte pse reagoi rrufeshëm, për një kallzim absurd, për një vepër penale imagjinare të njeriut të shpallur nga Departamenti i Shtetit si kampion i antikorrupsionit, ndërkohë që për kampionët e korrupsionit në drejtësi e në politikë, s’ka lëvizur ende gishtin!

SPAKU ka pasur, ka dhe do të ketë mbështetjen tonë të palëkundur, por Shqipëria e shqiptarët meritojnë një drejtësi të drejtë, të gjithanshme e të guximshme dhe e meritojnë atë pa humbur kohë, e pa shmangur nga shënjestra kampionët me nam botëror të pushtetit gjyqësor apo politik të Shqipërisë!”, shkruan Rama./albeu.com

The post Deklaratat për SPAK, Rama: Nuk heq asnjë presje të asaj që thashë, mori peng gjykatësin se donte Meta appeared first on Albeu.com.

Pas këtij vendimi, Dvorani u shpreh shkurtimisht për mediat, duke thënë se nuk mund të bëjë interpretim në lidhje me qëndrimin e SPAK.

“Nuk mendoj se më shkon mua që të bëj intepretime për qëndrimin e SPAK. Unë nuk kam përplasje me asnjë institucion, unë jam gjyqtar dhe është jashtë realitetit që të kem përplasje me institucionet. I takon si çdo individi tjetër që të ketë interpretimin e tij, janë institucionet ato që vendosin përfundimisht, koha e gjyqeve popullore ka mbaruar gjatë regjimit të kaluar. Nuk mund të bëhen në media”, tha Dvorani.

Përplasja mes Metës dhe ish-kreut të KED, Ardian Dvorani ka nisur për shkak të emërimeve në Gjykatën Kushtetuese, të dy kandidateve për një pozicion, Arta Vorpsi dhe Marsida Xhaferllari. Kreu i KED, që sipas Metës ishte në shkelje të Kushtetutës, emëroi Arta Vorpsin në Gjykatën Kushtetuese, duke përvetësuar kompetencën e presidentit.

Gjykata Kushtetuese nuk e njohu Vorpsin si anëtare, edhe pasi kjo e fundit u betua pranë një notereje Nga ana tjetër Xhaferllari, e dekretuar nga Meta, nisi menjëherë nga puna pas betimit të saj në presidencë, duke e çuar kështu në katër numrin e anëtarëve, si pasojë e shkarkimit të Besnik Muçit, pasi u “dogj” nga Vetingu. Anëtaret e Gjykatës Kushtetuese janë: Vitore Tusha, Fjona Papajorgji, Elsa Toska dhe Marsida Xhaferllari.

Presidenti Ilir Meta e akuzoi Dvoranin për veprën penale të “Shpërdorimit të Detyrës”, parashikuar nga neni 248 i Kodit Penal dhe“Përvetësimi i titullit apo i detyrës shtetërore”, parashikuar nga neni 246 i Kodit Penal.

The post GJKKO pushoi hetimet ndaj tij, Dvorani: Koha e gjyqeve publike ka mbaruar appeared first on Albeu.com.

Mësohet se pritet të shqyrtohet kërkesa e SPAK, për pushimin e kallëzimit të Presidentit të Republikës Ilir Meta, ndaj ish-kreut të KED.

Kujtojmë se Meta e bëri kallëzimin e tij në SPAK më 18 shkurt të 2020-ës, ndërsa e ka akuzuar Dvoranin si shkelës të ligjit dhe të Kushtetutës.

Ardian Dvorani u largua nga detyra si kryetar i KED nga Këshilli i Lartë Gjyqësor, pasi i kishte mbaruar mandati, por vazhdonte të qëndronte, me pretendimin se nuk i ishte gjetur zëvendësuesi.

The post SPAK kërkoi pushimin e padisë së Metës ndaj Dvoranit, ish-kreu i KED dhe përfaqësuesi ligjor i presidentit mbërrijnë në GJKKO appeared first on Albeu.com.

Seanca do të zhvillohet të martën me dyer të mbyllura, ndërsa gjyqtari i çështjes është caktuar Erion Çela.

Meta e akuzoi Dvoranin për shkelje të Kushtetutës në miratimin e ndryshimeve ligjore për betimin e gjyqtarëve të GJK./albeu.com/

The post SPAK i kërkon gjykatës pushimin e padisë së Metës ndaj Dvoranit appeared first on Albeu.com.

Akuza e parë ka të bëjë me ish-kreun e Gjykatës së Lartë, Xhezair Zaganjori, i cili sipas Berishës ishte zyrtari i lartë i Sistemit të Drejtësisë që u kap në përgjimet e prokurorisë në dhjetor 2019 duke folur me një person publik në Shqipëri me qëllim nxjerrjen nga burgu të vëllezërve Aliko kundrejt 750 mijë eurove.

Në atë kohë, personazhi në fjalë nuk u identifikua me emër, por u tha se ishte një zyrtar i lartë i Sistemit të Drejtësisë. Për herë të parë, Berisha nxjerr në publik emrin e personit në fjalë duke thënë se nuk u publikua me qëllim për të mos cënuar Sistemin e Drejtësisë që ishte nën kontrollin e maxhorancës.

Akuza e dytë e Berishës lidhet me Ardian Dvoranin, kreun e Këshillit të Emërimeve në Drejtësi (KED). Sipas Berishës, kompania “Albtelecom” i ka shlyer atij një kredi prej 17 mijë eurosh për shtëpinë.

Pas këtij veprimi sipas Berishës, Dvorani dha një numër të madh vendimesh gjyqësore pro “Albtelecom” duke cënuar interesat e qytetarëve. Ky, tha Berisha, “është kampioni i shpallur i anti-korrupsionit”.

The post Përgjime dhe pëshpëritje, 4 “bombat” e Berishës në Fier appeared first on Albeu.com.