ardian collaku subashi Archives - Albeu.com

Vranë dy persona në Elbasan, pamje nga vendi ku u gjet e djegur makina e autorëve

E B — Tue, 05 Oct 2021 08:11:56 +0000

Mbrëmjen e djeshme, Elbasani u trondit nga një ngjajre e rëndë. Persona të maskuar qëlluan me breshëri plumbash dejt një lokali pranë një karburanti në hyrje të Elbasanit, duke lënë të vrarë 2 veta; Ardian Çollaku (Subashi) dhe Lulzim Bitri.

Pas ekzekutimit të Çollakut dhe Bitrit autorët janë larguar në drejtim të paditur, ndërsa një makinë tip “Volvo” është gjetur e djegur në afërsi të Metalurgjikut. Dyshohet se ajo u përket autorëve të ngjarjes.

Në lidhje me këtë ngjarje, policia ka shoqëruar deri më tani 25 persona, ndërsa vijon puna për identifikimin dhe kapen e autorëve.

Siç bëri të ditur policia mbrëmjen e djeshme, për krehjen e zonës në ndihmë të policisë së Elbasanit kanë ardhur dhe forcat RENEA dhe ato FNSH.

Viktimat, Adrian Çollaku dhe Lulzim Bitri, nuk janë emra të panjohur për drejtësinë dhe po ashtu kishin lidhje me grupet kriminale në Elbasan./albeu.com

The post Vranë dy persona në Elbasan, pamje nga vendi ku u gjet e djegur makina e autorëve appeared first on Albeu.com.

Çollaku e Bitri pjesë e dy grupeve kriminale, lidhja e tyre me Alibejt dhe Talo Çelën

E B — Mon, 04 Oct 2021 18:49:36 +0000

Dy personat shënjestër të atentatit të sotëm në Elbasan duket se janë pjesë e grupeve kriminale që operojnë në këtë qytet. Gazetarja Klodiana Lala raporton se Ardian Çollaku (Subashi) është hetuar për vrasjen e Everest Çakaj që ndodhi më 11 maj të këtij viti, në të cilën dyshohet se ka pasur lidhje direkte. Nga hetimet ka rezultuar që pas dënimit në Itali, Çollaku vidhte automjete dhe ua shiste grupeve kriminale për të kryer vrasje.

Po kështu dyshohet se ka bashkëpunuar dhe me grupin e Dubait dhe të Erion Alibejt, i cili është vëllai i Endrit Alibejt, që mbeti i vrarë në “Masakrën e Bradasheshit” në vitin 2018.

Erjon Alibej nga ana tjetër dyshohet se është porositësi i dy vrasjeve që ndodhën vitin e kaluar në Elbasan.

Nga ana tjetër, viktima tjetër Lulzim Bitri rezulton lidhje e fortë e Talo Çelës, një nga miqtë më të afërt të tij. Talo Çela është person i shpallur në kërkim kombëtar dhe ndërkombëtar, pasi Gjykata e Posaçme i ka caktuar masën e sigurisë “Arrest në burg”, për veprat penale “Vrasja e punonjësit të policisë” kryer në bashkëpunim, mbetur në tentativë, “Vjedhja me armë e kryer në bashkëpunim”, në kuadër të grupit të strukturuar kriminal dhe “Vrasja me paramendim, kryer në bashkëpunim”.

Talo Çela akuzohet për vrasjen e vëllezërve Haxhiaj, si dhe atë të Anxhelo Avdias dhe Dorian Shkozës. Po kështu është i dyshuar për grabitjen e Rinasit./BW

The post Çollaku e Bitri pjesë e dy grupeve kriminale, lidhja e tyre me Alibejt dhe Talo Çelën appeared first on Albeu.com.

Të dënuar më parë për vrasje dhe prostitucion, kush janë dy personat që u ekzekutuan me armë në Elbasan

E B — Mon, 04 Oct 2021 18:27:01 +0000

Mbrëmjen e sotme Elbasani u trondit nga një ngjarje e rëndë. Persona të maskuar kanë qëlluar me armë zjarri dy persona, të cilët kanë humbur jetën.

Ngjarja ka ndodhur në afërsi të një karburanti në hyrje të Elbasanit.

Viktima kanë mbetur; Adrian Çollaku (Subashi) dhe Lulzim Bitri.

Këta dy emra nuk janë të panjohur për drejtësinë.

Ardian Çollaku, 50 vjeç, i dënuar me burg me 23 vite e dy muaj për për veprat penale të “Shfrytëzimit të prostitucionit” dhe “Prodhimit dhe mbajtjes pa leje e armëve luftarake dhe e municionit” në Itali. Ai gjithashtu ka qenë edhe subjekt i OFL ku vitin e kaluar së bashku me 3 persona të tjerë u është kërkuar deklarimi i pasurisë.

Ndërkohë Lulzim Bitri, 43-vjeç, nga Elbasani po ashtu është një person me precedent të mëparshëm penal, pasi akuzohet për vrasjen e një personi në Tetovë të Maqedonisë së veriut në 2018. Vrasja ndodhi pas përplasjes mes dy grupeve kriminale./albeu.com

The post Të dënuar më parë për vrasje dhe prostitucion, kush janë dy personat që u ekzekutuan me armë në Elbasan appeared first on Albeu.com.