Shpërndarë pa fund dhe pa fillim,
Si zogjtë e korbit nëpër botë,
Mallkuar qofsh, o vendi im,
Që as me bukë nuk na mban dot.

Ca sharlatan, ca ujqër,
Na turpëruan njëmijë breza,
Moj, rrënjë dala Shqipëri,
Ç’mi pate ditët kaq e zeza.

Gjithë djalëria që t’i nxore,
Dhe nuk i ndave kurrë prej pragut,
Shkrihen çdo ditë si vesë dëbore,
Se bëjnë punën e zezakut.

Një pikë ujë t’u kërkosh,
Dot nga asnjë nuk merr përgjigje,
Ndaj lidh në kokë shami të zezë,
Dhe ulëri brigje më brigje.

Vitet në shekuj pa mëshirë,
Moj, Shqipëri ty të tretën,
Që kur ka lindur Europa,
Ti si një qyqe mbete vetëm.

Sikur të biesh në greminë,
Kjo botë-kurvë s’lëviz as gishtin,
Rron Izraeli shumë më mirë,
Edhe pse ka vrarë Jezu Krishtin.

The post Mallkuar qofsh o vendi im, që as me bukë nuk na mban dot! appeared first on Albeu.com.

Denisi ndërroi jetë në SHBA pas një ataku kardiak. Ai ishte i martuar dhe baba i një fëmije.

Për shkak se jetonte në SHBA, ai nuk arriti të përcjellë të atin për në banesën e fundit. Madje, ai nuk arriti të plotësojë as një amanet që i kishte lënë i ati.

Bashkëshortja e Arben Dukës, Pranvera, ka rrëfyer për gazetën Dita këtë ndjesi të të birit vetëm disa ditë pas ndarjes nga jeta të poetit.

Ajo rrëfeu se i biri, Denisi, kishte fituar strehim politik në SHBA, për shkak se pretendonin që përndiqesh.

“Kur ishte në klasën e pestë Denisi, në vitin ’98, na e rrëmbyen. Ai ishte moment më i vështirë për ne, kur nuk kemi ikur atëherë nga mendtë e kokës…. Për fat e gjejmë në Durrës. Edhe kur ka qenë student djali, i kanë dalë përpara me pistoletë. Edhe atëherë jemi shqetësuar shumë dhe bëmë letrat e nisëm në Amerikë. Ishte student, në vit të tretë për Gjuhë dhe Letërsi, se edhe ai ka shumë talent si Beni.

Atje u përpoqëm me të gjitha mënyrat për të marrë strehim politik, çuam të gjitha gazetat që kishin shkruar për ne. Denisi u bë 15 vite që ka ikur në Amerikë, vajza, Denada 20. Janë të martuar dhe me fëmijë të dy. Djali përfundoi studimet më tej për Diplomaci, Marrëdhënie Ndërkombëtare. Denisi shkruan shumë bukur. Madje Beni kërkonte t’ia mblidhte dhe t’ia botonte shkrimet. Por është e kundërta e Benit, është shumë filozofik, pasi edhe librat që lexon me tepër janë me orientim pikërisht filozofik. Më shumë është i prirur drejtë prozës.

Beni ia la amanet me gojë: Babi nuk është mirë, i tha, por çfarë do që të ndodhi, se dhe mund të ndodhi, i tha, ju të dy ju nuk do të vini. Ishte dhe kohë e shkurtër, që nga momenti kur u dha lajmi deri sa u varros Beni ishin vetëm 24 orë. Ata nuk arrinin dot as në Europë me gjithë këto masa për Covidin, plus me fëmijë të vegjël janë…

–Besoj e kanë përjetuar shumë…?

“Shumë, madje unë tani sa të bëj të dyzetat e Benit do iki tek ta dhe duhet të rri 3-4 muaj, se, sidomos djali, po e përjeton shumë keq. Më merr shpesh në telefon…”- tregon Pranvera Duka.

The post Tragjedia në familjen e Arben Dukës, flet bashkëshortja pas humbjes së djalit: Ja amaneti që la Beni për fëmijët appeared first on Albeu.com.

Lajmin e trishtë e kanë dhënë miqtë e tij përmes postimeve në rrjete sociale.

Mësohet se 35-vjeçari ka ndërruar jetë në SHBA për shkak të një infarkti, njësoj si i ati.

Ai ishte i martuar  dhe kishte një vajzë./albeu.com

The post Tragjedi në familjen e poetit Arben Duka, pas tij ndërron jetë dhe i biri në moshë të re appeared first on Albeu.com.

Duka është autori i dhjetra teksteve këngësh pjesëmarrëse në Festivalin e RTSH-së.

Sëfundmi ai ishte angazhuar në shtypin e shkruar.

The post Ndahet nga jeta poeti i njohur shqiptar, Arben Duka appeared first on Albeu.com.