“RIKUJTESË për kohët e tashme të “griposura”, POR jo më kovidiane….PËRSËRITJA MBETET MËMA E DIJES PËR TË GJITHË NE….GRIPI është tashmë mes nesh, ndërkohë që virusi i Sars-Cov2/COVID-19, vijon të vijë rrotull si të gjithë sëmundjet e tjera endemike infektive, sikundër gjinden në mesin tonë tashmë edhe paraardhësit më pak “jetëlëndues” të tij, që prej vitit të largët 1962….. NE si popullatë i kemi njohuritë e mjafta për “përballjen” me GRIPIN STINOR, por edhe të parandalimit të mundshëm të saj si përmes VETNDËRGJEGJËSIMIT, po ashtu edhe përmes VAKSINIMIT, sidomos të grupeve të riskut….Jemi në kohën më të përshtatëshme të aplikimit të vaksinës së Gripit stinor në këto grupe risku: personeli i ofrimit të përkujdesit shëndetsor, gratë shtatëzëna, grup moshat nën 5 vjeç dhe mbi 65 vjeç, të sëmurët me sëmundje kronike të zemrës, të veshkave, të mëlçisë, të mushkërive, të kyçeve, të Diabetikëve, të përdoruesve kohëgjatë të kortizonikëve, të përdoruesve të kemioterapisë në sëmundjet kanceroze apo të medikamenteve imunosupresive, të infektuarve nga virusi i imunodefiçiencës humane (HIV/AIDS), etj……KUJDES: 1- Ajrosja sa më e shpeshtë e mjedisit ku gjendemi, por duke evituar korentet ajrore, 2- Ulësit e temperaturës (Paracetamol, Ibubrufen), kompresat e ftohta rreth qafës apo rrëzë dy kofshave, dushet me ujë të vakët….3- Marja e çajrave të ndryshëm bimorë dhe të lëngjeve të ndryshme për të shmangur dehidrimin….4- Ushqim sa më të pasur, në mundësi edhe të gjëndjes ekonomike të të sëmurit….5- Evitimi i frequentimit të çerdheve, kopshteve, shkollave, të vëndeve të punës apo të mjediseve publike nëse kemi shënja Gripi….Të gjitha këto përbëjnë bazën e trajtimit të Gripit Stinor….Në rast të rëndimit të gjëndjes, mos e nënvlerësoni adresimin e menjëhershëm për ndihmë mjeksore….ASNJËHERË mos rendni drejt marjes së ANTIBAKTERIALËVE/ANTIBIOTIKËVE si vetmjekim, sepse antibiotikët nuk janë antiviralë, por vetëm në rast se ato përshkruhen nga mjekët, nën dyshimin e mbivendosjeve bakteriale në të sëmurët me Grip stinor ose Katare stinore…..Të evitojmë gabimet e shumta të përshkrimit të Antibiotikëve vënd e pavënd, të përshkrimeve për kombinime të tyre jo shkencërisht të bazuara apo edhe me kohëzgjatje  alogjike të tyre, gabime të cilat janë vërejtur jo pak përgjatë Pandemisë së Covid-19…..Po ashtu kujdes edhe me marjen e kortikosteroideve, të abuzuara po ashtu në dhënien e tyre në “Kohët kovidiane”…..Jo ekzaminime radiologjike vënd e pa vënd, po ashtu edhe një rikujtesë se imazhet skanografike të GGO-ve (Ground Glass Opacities) nuku vërehen vetëm në Covid-19, por edhe në Grip sidomos në atë të shkaktuar nga AH1N1…..Puna, Përkushtimi e Profesionalizmi ynë kurrë nuk do mungojë në ofrimin e Përkujdesit ndaj jush…..Together forever!!!”, shkruan Kalo./albeu.com

The post Gripi stinor, mjeku Tritan Kalo: Mos e bëni kurrë këtë gjë nëse keni simptoma appeared first on Albeu.com.

Ka shumë faktorë që shkaktojnë një infeksion në vesh. Disa prej tyre janë dëmtimi i veshëve, depozitimi i dyllit në vesh, alergjitë ushqimore ose të mjedisit dhe kequshqyerja. Ky problem është më i pranishëm tek fëmijët se sa tek të rriturit. Pavarësisht rastit, është e rëndësishme të konsultoheni me një mjek.

Për raste të lehta dhe të moderuara të infeksioneve të veshit, ekzistojnë disa metoda natyrale për t’i trajtuar në shtëpi.  Ana pozitive e këtyre metodave është se nuk merrni antibiotikë të cilët shfaqin disa efekte anësore. Më poshtë do të lexoni për disa medikamente shtëpiake të cilat kanë provuar se trajtojnë infeksionet dhe dhimbjet e veshit:

Hudhra

Hudhra jo vetëm që i bën pjatat më të shijshme, ndihmon gjithashtu për të trajtuar infeksionet në vesh. Copëtoni dy thelpinj hudhre dhe gatuajini me dy lugë gjelle vaj vegjetal si ai i susamit apo i sinapit. Më pas lëreni vajin të ftohet pak. Kur nxehtësia të jetë e durueshme, hidhni disa pika në veshin që ju dhemb. Kullojeni pas disa minutave duke kthyer kokën nga ana tjetër.

Qepa

Një tjetër medikament shtëpie i rëndësishëm për të qetësuar infeksionet e veshit, është qepa. Copëtoni një qepë të vogël dhe ngroheni në mikrovalë për disa sekonda. Lëreni të ftohet dhe përmes një nape shtrydhini lëngun. Hidhni 2-3 pika lëng në vesh. Kulloeni pas disa minutash duke kthyer kokën nga ana tjetër.

Uthulla e mollës

Ndër përdorimet e shumta që gjen uthulla e mollës, një prej tyre është edhe trajtimi i infeksioneve të veshit. Bashkoni pak uthull molle me të njëjtën sasi uji. Merrni një copë pambuk, zhyteni në këtë përzierje dhe vendoseni në vesh për disa minuta.

Vaj ulliri

Nëse burimi i problemit në vesh është depozitimi i dyllit, vaji i ullirit mund të përdoret për të përshpejtuar shërimin. Ngrohni pak vaj ulliri në mikrovalë për disa sekonda. Pasi të jetë ftohur pak, hidhni disa pika në vesh. Ktheni kokën nga ana tjetër pas disa minutash në mënyrë që të nxirrni vajin e tepërt së bashku me dyllin.

Vaji i pemës së çajit

Nuk është më sekret që vaji i pemës së çajit ka veti të mrekullueshme antibakteriale. Kjo është arsyeja pse përdoret edhe për të trajtuar infeksionet e veshit. Hidhni tre pika nga ky vaj në një lugë gjelle me vaj ulliri. Më pas hidhni disa pika nga kjo përbërje në veshin e infektuar. Lëreni për disa minuta dhe më pas kullojeni duke kthyer kokën nga ana tjetër.

Qumështi i gjirit

Qumështi i gjirit mund të vrasë bakteret dhe t’ju çlirojë nga simptomat e infeksionit në vesh. Kështu që disa pika prej tij në vesh, do t’ju bëjnë të ndien më mirë.

The post Dhimbjet dhe infeksionet e veshit, si t’i trajtoni në shtëpi pa antibiotikë appeared first on Albeu.com.

Në veçanti, ekipi hulumtues nga Spitali i Përgjithshëm i Masaçusets, Shkolla Mjekësore e Harvardit, Kolegji Mjekësor Rush dhe Spitali Brigham and Women, gjeti një korrelacion midis përdorimit të antibiotikëve nga gratë e moshës së mesme dhe dëmtimit kognitiv më vonë në jetë. Puna e tyre u botua në PLOS ONE.

Hulumtimet e mëparshme kanë gjetur një lidhje midis shëndetit të zorrëve dhe shëndetit mendor, por edhe faktin se përdorimi i antibiotikëve mund të çojë në çrregullime serioze në mikrobiomën e zorrëve.

Për të ekzaminuar nëse përdorimi i antibiotikëve lidhet me këtë dëmtim njohës në grupmoshën e femrave, studiuesit morën të dhëna nga Studimi i Infermierëve II, një bazë të dhënash që është pasuruar nga infermieret femra për shumë vite. Mosha mesatare e grave të ekzaminuara ishte 54.7 vjeç.

Hulumtuesit studiuan të dhënat nga 15,129 infermiere femra që përshkruan përdorimin e antibiotikëve dhe rezultatet e rezultateve njohëse të mbledhura disa vite më vonë, duke krahasuar ato që merrnin antibiotikë në periudha të ndryshme me ato që nuk merrnin. Sa i përket testeve njohëse , ata matën shpejtësinë e mendimit, vëmendjes, të mësuarit dhe kujtesës. Secili nga infermieret u klasifikua në një nga katër kategoritë sipas përdorimit të antibiotikëve, nga mospërdorimi i tyre deri në përdorimin për më shumë se dy muaj.

Zbulimi i tyre ishte se infermierët që kishin marrë antibiotikë për të paktën dy muaj shënuan rezultate më të ulëta në testet njohëse (shtatë vjet më vonë) sesa infermierët që kishin marrë antibiotikë për më pak ose aspak kohë. Si përfundim, studiuesit sugjerojnë se reduktimi ishte afërsisht i barabartë me tre deri në katër vjet plakje./albeu.com

The post Antibiotikët: Sa kërcënues mund të jenë për kujtesën appeared first on Albeu.com.

Sipas Qendrës Evropiane për Kontrollin e Infeksioneve dhe Organizatës Botërore të Shëndetësisë, antibiotikët nuk rekomandohen për shumicën e dhimbjeve të fytit, pasi nuk janë efektivë kundër viruseve që shkaktojnë 8 nga 10 dhimbje të fytit.

Kur merrni antibiotikë, bakteret në trupin tuaj mund të bëhen rezistente ndaj antibiotikut. Këto baktere rezistente ndaj antibiotikëve mund të qëndrojnë në trup deri në 1 vit.

Bakteret rezistente ndaj antibiotikëve janë më të vështira apo edhe të pamundura për t’u trajtuar. Përdorimi jo i duhur i antibiotikëve çon në shkatërrimin e baktereve të dobishme dhe përfundimisht infeksionet bakteriale do të bëhen të patrajtueshme.

“Antibiotikët nuk do të funksionojnë në rast të ftohjes apo gripit. Ata nuk kanë efekt të menjëhershëm për lehtësimin e dhimbjes, kështu që fyti mbetet i lënduar me ose pa antibiotikë.

Përkundrazi, mund të shkaktojnë efekte anësore si diarre dhe të prishin bakteret e dobishme në zorrën tuaj (mikrobiomën) që janë të rëndësishme për shëndetin dhe sistemin tuaj imunitar”, thotë me rastin e Ditës Evropiane të Ndërgjegjësimit për Antibiotikët, S. Skliros, mjek i përgjithshëm./albeu.com

The post Pse antibiotikët duhet t’i marrim vetëm kur kemi domosdoshmëri absolute appeared first on Albeu.com.

Efikasiteti i tyre është në varësi të përthithjes së antibiotikëve në sistemin tretës dhe më pas rrjedhjen e tyre në qarkullimin e gjakut.

Prej këndej, antibiotikët e gjejnë rrugën në zonën e infeksionit.

Rrugëtimi i suksesshëm i antibiotikëve ndikohet nga shumë faktorë, siç mund të jetë aciditeti në stomak, yndyrnat, ushqyesit dhe prania e kalciumit.

Përse antibiotikët nuk duhen marrë me qumësht

Kjo ndodh sepse kalciumi tek qumështi ndërlidhet me antibiotikun dhe pengon përthithjen e tij në stomak.

Edhe nëse qumështi , ‘paralizon’ gjysmën e antibiotikut, organizmi merr vetëm gjysmën e dozës, gjë që vonon eliminimin e plotë të infeksionit.

Ekspertët rekomandojnë që kur të merrni antibiotikë, të shmangni qumështin dhe produktet e bulmetit për të paktën 2 orë përpara dhe mbrapa marrjes së antibiotikut.

Në rastin e shumicës së antibiotikëve, ushqimi ose ndikon në uljen e sasisë së përthithjes, ose nuk luan asnjë rol.

Disa antibiotikë përthithen më mirë nëse merren me ushqim, sepse ky i fundit nuk ka asnjë ndikim në këtë proces.

Të dhënat thonë se pacientët që marrin antibiotikë duhet t’i ndjekin me përpikëri udhëzimet në paketimet e ilaçeve.

Mungesa e zbatimit të këtyre udhëzimeve mund të shkaktojë probleme në kurimin e infeksionit.

Ndër ushqimet që duhet të shmangni kur merrni antibiotikë janë ushqimet acidike siç janë pijet me gaz, lëngjet e agrumeve, çokollata dhe produktet me bazë domateje.

Lëngu i qitros në veçanti ndikon shumë negativisht me disa ilaçe dhe jo vetëm antibiotikët.

Ushqimet me përmbajtje të lartë fibre siç janë thjerrëzat, fasulet dhe drithërat e plota ngadalësojnë përthithjen e antibiotikut./AW/

The post Çfarë i ndodh organizmit nëse i pini antibiotikët me qumësht appeared first on Albeu.com.

Por, një studim i ekspertëve të Institutit të Shëndetit Publik, me autorë Rexhep Muja, laborante Alma Qosja, Frida Bushati dhe Ermal Selimi i publikuar nga Urdhri i Mjekut, tregon se nga 1500 analiza serologjike të bëra në vendin tonë gjatë dimrit të kaluar, rezultoi se vetëm

54% e tyre kanë zhvilluar antitrupa (IGG). Krijimi i antitrupave ka nisur që nga dita e 14 ose në ditët e 21-28 pas infektimit. Siç shihet nga të dhënat shqiptare, imuniteti natyror është zhvilluar vetëm në gjysmën e të infektuarve.

Ekspertët e argumentuan përqindjen e ulët me antitrupa si rrjedhojë e përdorimit më të madh të antibiotikëve, antiviralëve dhe kortizonikëve, të cilët ndikojnë negativisht në zhvillimin e antitrupave.

Studimi tregoi se kontingjenti me PCR pozitiv dhe imunitet gati mospërfillës, përfaqësohet kryesisht nga të sëmurët kronikë si, diabetikë insulinovartës, diabetikë jo insulinovartës, kardiopat, hipertonikët, obezët dhe ata faktorë rreziku kardiometabolikë të kombinuar.

Ecuria e pandemisë varet nga imuniteti që do të krijojë popullata nëpërmjet infektimit apo vaksinës. Por imuniteti natyror tregon zhvillim të dobët në vendin tonë, ndërsa vaksina duket se nuk krijon imunitet afatgjatë, sipas të dhënave që vijnë nga Izraeli, i cili ishte shteti me përqindjen më të madhe të vaksinimit në këtë fillimvit.

Zyrtarët në Izrael së fundmi se vaksina e zhvilluar me teknologjinë MRNA mund të mos jetë plotësisht efektive kundër variantit të ri.

Izraeli ka një nga nivelet më të larta të vaksinimit në botë me 78% të atyre të moshës 12 vjeç e lart, sipas Science Magazine. Pavarësisht kësaj, vendi ka vuajtur një nga nivelet më të larta të infeksionit në botë, me 650 infeksione për 1 milion banorë. “Më shumë se gjysma janë në njerëz plotësisht të vaksinuar, duke nënvizuar transmetueshmërinë e jashtëzakonshme të variantit Delta dhe duke nxitur shqetësimet se përfitimet e vaksinimit zbehen me kalimin e kohës”, sipas “Science Magazine”.

Izraeli shpesh është konsideruar një model për Shtetet e Bashkuara kur bëhet fjalë për vaksinën e COVID-19 dhe efikasitetin e vaksinës kundër koronavirusit.

Kohët e fundit, zyrtarët shëndetësorë amerikanë po marrin në konsideratë edhe Izraelin kur bëhet fjalë për dozën e tretë të vaksinës anti-Covid.

Vendi “po ofron një dozë përforcuese të koronavirusit për njerëzit mbi 60 vjeç, që tashmë janë vaksinuar më shumë se pesë muaj më parë” sipas “The Associated Press”.

Të dhënat e reja po tregojnë se imuniteti natyror nga koronavirusi dhe ai nga vaksina nuk rezistojnë për shumë kohë, ndaj pandemia Covid-19 do të jetë e pranishme edhe këtë dimër. Ecuria e deritanishme po tregon se edhe në vjeshtë-dimër 2021-2022, pandemia do të jetë e pranishme./Monitor

The post Vetëm 54% e të infektuarve me antitrupa, shkak përdorimi i lartë i antibiotikëve, pengoi imunitetin natyror appeared first on Albeu.com.