Por gjatë një deklarate për mediet, Berisha nuk i ka kursyer kritikat.

Sipas tij, qëndrimi i kryeministres së Serbisë ishte një mesazh ndaj Ramës.

Ditën e djeshme, Ana Brnabiç ishte e ngrysur dhe e ngurtë në takimin me Ramën si edhe në parakalimin në tapetin e kuq.

Sipas Berishë, Aleksandër Vuçiç, i ka dërguar mesazh Ramës, që nuk e ka bërë mirë detyrën, pasi ishte zotuar se Kurti nuk do merrte pjesë në Samitin e Tiranës.

Berisha: Samiti evropian u mblodh, por sherret ballkanike mbeten. Ballkani Perëndimor vazhdon të mbetet tokë sherri në Europë.
Samiti ishte ngjarja më e madhe për rajonin. Rikonfirmonte mbështetjen e perspektivës evropiane për kombet e rajonit. Ky samit pati rezultat tjetër shumë të rëndësishëm, varrosjen në piramidën e diktatorit më stalinist të Europës, Enver Hoxhës, të projektit ruso-serb të Ballkanit të Hapur dhe së bashku me të të ëndrrës së Edi Ramës dhe Aleksandër Vuçiçit, për ndarjen e Kosovës mes Serbisë dhe Shqipërisë. Vetë, me mbledhjen e tij në Tiranë, samiti sillte në Ballkanin perëndimor, antidotin e sherrit, por ky efekt nuk pati. Pse kjo? Sepse përtej fasadës, mikpritësi është vetë sherri. Ai, në prag të samitit, jo që nuk synoi qetësimin e sherreve ekzistuese, në të cilat ai vetë është përfshirë, por bëri gjithçka që t’i hapte ato më shumë.

Tre ditë përpara samitit, ai mbajti një fjalim koprolalik, të llojit të Enver Hoxhës, kundër udhëheqjes politike të Kosovës dhe kryeministrit Albin Kurti, për fajin e vetëm se kanë kundërshtuar ndërhyrjet brutale të tij si argat i Vuçiçit në punët e brendshme të vendit të tyre dhe projektin antishqiptar të ndarjes së Kosovs mes Serbisë dhe Shqipërisë. Kështu, Rama jo vetëm që nuk punoi për shkrirjen e akujve mes Tiranës dhe Prishtinës, por në prag të samitit bëri të kundërtën, vazhdoi luftën e ftohtë të nisur prej vitesh nga ai.

Përveç këtyre, ajo që ra në sy ishte paraqitja hund e buzë e kryeministres Brnabiç në krah të argatit të Beogradit.
Me gjuhën e trupit dhe mimikën shpërfillëse, ajo shprehu mesazhin e padronit të tij, argatit, se nuk ke bërë mirë detyrën, ishe zotuar se Kurti nuk do vinte në samitin e Tiranës. Në fakt Rama, muaj më parë kur vendosi i pari sanksionet ndaj Kosovës, kishte paralajmëruar se për Kurtin nuk do të kishte vend në samit, sikur të ishte ky samit personal i tij dhe jo i BE dhe rajonit. Por Kurti nuk ra në kurthin e tyre dhe megjithëse Rama nuk kurseu gjë për ta irrituar dhe dekurajuar, në mënyrë që të refuzonte ardhjen në Tiranë, kjo nuk ndodhi. Albin Kurti erdhi dhe i vari Ramës teneqenë që meritonte. Takimi i vetëm biletaral në këtë samit, i njoftuar nga media, ishte takimi i kryeministrit të Kosovës Albin Kurti me kancelarin e Gjermanisë, Olaf Scholz.

The post “E ngrysur dhe e ngurtë”, Berisha: Brnabiç i përcolli Ramës mesazhin e Vuçiçit, ishte zotuar se Kurti nuk do merrte pjesë në Samit appeared first on Albeu.com.

“Presidenti pati shumë takime atje me shumë zyrtarë dhe ne biseduam sot rreth orës një e gjysmë kur ai mbaroi. Doja ta mbështesja sepse nuk jam as e sigurt nëse e kuptoj plotësisht barrën e madhe që ai ka marrë përsipër. Mbroni Serbinë dhe popullin serb në Kosovë dhe Metohi, mendoj se ai arriti të largojë rrezikun e menjëhershëm të vendosjes së sanksioneve, por nuk mund të flas për detaje”, tha kryeministrja për TV Pink.

Vuçiç ndaloi dezinformimin

Ajo pretendon se që nga incidenti në Banjskë, nga Prishtina ka nisur një ortek dezinformatash dhe se presidenti me gjakftohtësinë e tij ka arritur ta ndalojë atë.

“Një ortek dezinformatash ka nisur nga Prishtina për të sulmuar Serbinë dhe për të përdorur atë tragjedi për të vendosur sanksione ndaj Serbisë dhe presidentit. Ai ia doli me punë të pabesueshme dhe ka arritur të ndalë ortekun e dezinformatave dhe ta stabilizojë situatën”, tha Brnabiç.

Ajo ka përsëritur se presidenti ka arritur të eliminojë rrezikun imediat të vendosjes së sanksioneve ndaj Serbisë, por se tani nuk mund të thotë asgjë më shumë për këtë.

The post Brnabiç pretendon se Vuçiç ka shpëtuar Serbinë nga sanksionet pas sulmit terrorist në Kosovë appeared first on Albeu.com.

“Ky është shtet ligjor dhe ne do të bëjmë gjithçka që mundemi, në përputhje me ligjin dhe Kushtetutën, për t’i hetuar të gjitha rrethanat dhe për të vepruar siç parashihet”, ka thënë Bërnabiq për Televizionin serb Prva.

Ajo ka theksuar se, “nuk e arsyeton” vrasjen e askujt, dhe as vrasjen e zyrtarit të Policisë së Kosovës, mirëpo ka thënë se serbët në Kosovë janë duke vuajtur nga presioni i vazhdueshëm nga autoritetet e Prishtinës, prandaj ka qenë “çështje ditësh, çështje minutash”, deri tek incidenti.

Bërnabiq, megjithatë, nuk ka përmendur dëshmi për presionin e pretenduar.

Ajo ka vlerësuar se autoritetet në Serbi duhet “të mbledhin dëshmi dhe ta mbrojnë të vërtetën absolute”, para takimit të Këshillit të Sigurimit të Kombeve të Bashkuara, më 18 tetor.

Sipas agjendës së Këshillit të Sigurimit, në raportin gjashtëmujor të Sekretarit të Përgjithshëm të OKB-së, Antonio Guterres, do të vlerësohet edhe puna e misionit të OKB-së në Kosovë (UNMIK).

Ish-nënkryetari i Listës Serbe, Radoiçiç, është marrë në pyetje më 3 tetor, katër ditë pasi e ka marrë përgjegjësinë për sulmet.

Ai është liruar nga mbajtja më 4 tetor.

Gjyqtari i procedurës paraprake e ka refuzuar propozimin e Prokurorisë së Lartë Publike në Beograd për caktimin e masës së paraburgimit për Radoiçiqin, pas intervistimit.

Prokuroria e ka kërkuar paraburgimin me arsyetimin e rrezikut nga arratisja.

Radoiçiçi akuzohet në Serbi për blerje të armëve, municioneve dhe mjeteve shpërthyese me fuqi të madhe shkatërruese nga Tuzlla në Bosnje dhe Hercegovinë, nga janari 2023 deri më 24 shtator.

Radoiçiqi e ka mohuar kryerjen e këtyre krimeve.

Me vendimin e 4 tetorit, Radoiçiçit i është ndaluar largimi prej territorit të Serbisë, pa miratim të gjykatës dhe i është ndaluar të shkojë në territorin e Kosovës.

Kosova e ka bërë fajtore Serbinë për sulmin në Banjskë, të cilin e ka konsideruar “akt terrorist”.

Serbia e ka hedhur poshtë një gjë të tillë./rel

The post Kryeministrja serbe për Radojiçiçin: Do t’i hetojmë të gjitha rrethanat appeared first on Albeu.com.

“Pavarësisht disa deklaratave, nuk besoj se Rama është kundër nismës Ballkani i Hapur, mendoj se për këtë ka folur në konferencën e fundit për shtyp me presidentin e Serbisë, Aleksandar Vuçiç. Besoj se e ardhmja e saj është e ndritshme dhe e sigurt dhe që edhe vendet e tjera të rajonit t’i bashkohen kësaj nisme”, tha shefja e qeverisë serbe.

Sipas Brnabiç, “Open Balkan” është një iniciativë autoktone dhe jashtëzakonisht praktike, sepse çdo projekt që bëhet në kuadër të saj ka një aplikim specifik dhe drejtpërdrejt ndjehen përfitimet e tij për ekonominë dhe qytetarët.

“Ky është vetëm fillimi dhe nëse shihni shkëmbimin e ndërsjellë të mallrave mes Shqipërisë, Serbisë dhe Maqedonisë së Veriut, harmonizimin e procedurave doganore dhe fitosanitare, shkurtimin e kohës së pritjes në pikat kufitare, qytetarët dhe ekonominë do të na detyrojnë jo vetëm neve, por edhe gjenerata e ardhshme e politikanëve të vazhdojë me këtë iniciativë dhe ta zgjerojë atë”, tha Brnabić.

The post Brnabiç: Me Ramën do flasim në Tiranë për të ardhmen e ndritur të Ballkanit Perëndimor appeared first on Albeu.com.

Në një postim në Tëitter ajo ka thënë se nuk është kundër zgjedhjeve, teksa shton se ndoshta Vuçiç mund të ndryshojë mendje.

“Duke marrë parasysh shkrimet e mediave, për të qenë të qartë, në çdo moment jam gati të jap dorëheqjen si kryeministre dhe presidenti i Serbisë Vuçiç e di këtë dhe për momentin refuzon. Ndoshta ai do të ndryshojë mendje”, shkruan ajo në Twitter.

The post Kryeministrja serbe e gatshme të japë dorëheqjen: Vuçiç e ka refuzuar, ndoshta ndryshon mendje appeared first on Albeu.com.

Sipas saj, reagimi i KFOR ishte i vonshëm, detyra e të cilit është mbrojtja e interesave dhe paqes së popullit të Kosovës, e jo, siç tha ajo, “mbrojtja e uzurpatorëve”.

 “Paqja është gjëja më e rëndësishme që kemi, duke ruajtur paqen ruajmë mbijetesën e popullit serb në Kosovë”, ka pretenduar Bërnabiq.

Ajo ka shtuar se “situata në Kosovë po monitorohet orë pas ore dhe se publiku do të informohet për veprimet e radhës të Serbisë”, shtoi ajo.

The post Kryeministrja serbe reagon për tensionet në veri të Kosovës: Situata nuk ka qenë kurrë më e vështirë appeared first on Albeu.com.

“Pres me padurim futjen e identifikimit elektronik për të gjithë qytetarët si pjesë e nismës së Ballkanit të Hapur. Perdorimi i lehtesuar i kartave te identitetit do të na lejojë të kalojmë kufijtë pa asnjë ndalese. Praktikisht tashme nuk ka kufij mes nesh. Do të kemi një fluks të papenguar në levizjen e mallrave, njerëzve, kapitaleve dhe shërbimeve”-u shpreh ajo.

Brnabić mezi pret të shohë pikat kufitare ku do të ketë një korsi të vetme të shënuar për kamionët dhe automjetet e pasagjerëve të vendeve të Ballkanit të Hapur.

“Mendoj se do të jetë një fillim krejtësisht i ri për Ballkanin, me këtë të rinjtë do të shohin se ne mund të krijojmë një të ardhme të re. Theksin e kemi vënë tek nisma e Ballkanit të Hapur, sepse ajo është “iniciativa jonë, autoktone, e nisur nga ky rajon”-përfundoi kryeministrja serbe.

Brnabić shprehu besimin se nismës “Ballkani i Hapur” dalëngadalë do t’i bashkohen edhe partnerë të tjerë nga rajoni.

The post Kryeministrja serbe optimiste për Ballkanin e Hapur appeared first on Albeu.com.

“Të gjitha protestat duhet të jenë paqësore dhe demokratike. Ne duhet të mbrojmë gjënë e vetme më të rëndësishme për të gjithë: paqen”, shkroi ajo në Twitter.

Bërnabiç tha se “atë që kryeministri i Kosovës, Albin Kurti, e percepton si kërcënim janë thirrjet tona të vazhdueshme për paqe dhe stabilitet, dialog të hapur dhe të ndershëm, respektim dhe zbatim të plotë të të gjitha marrëveshjeve të arritura deri më tani”.

The post Tensionet në veri, Bërnabiç bën thirrje për qetësi dhe durim appeared first on Albeu.com.

Ajo tha se autoritetet nga Serbia, përfshirë presidentin Aleksandar Vuçiç, do të jenë gjithmonë me komunitetin serb në Kosovë dhe shtoi se është e lumtur që ndodhet në Kosovë “në një moment kaq të vështirë”.

“Jam e lumtur që edhe pas provokimeve të fundit, të 31 korrikut, arritëm ta ruajmë paqen. Interes i Republikës së Serbisë dhe popullit serb është paqja dhe stabiliteti”, tha Bërnabiç.

Kryeministrja e Serbisë shtoi se vendi i saj do të vazhdojë të luftojë për popullin serb, në mënyrë që përmirësimi i kushteve të jetesës të shihet në terren.

Ajo theksoi se tani është koha për të formuar Asociacionin e komunave me shumicë serbe në Kosovë dhe tha se një gjë të tillë do ta përsërisë kudo që të shkojë – nga Mitrovica në Bruksel e Pekin.

“Në këtë do të vazhdojmë të këmbëngulim çdo ditë”, tha Bërnabiç.

Bërnabiç arriti paraditen e së hënës në Mitrovicë të Veriut, ku u prit nga përfaqësues të Listës Serbe – subjektit më të madh politik të serbëve të Kosovës – si dhe nga përfaqësues të institucioneve që punojnë në sistemin e Serbisë.

Paraprakisht u mblodhën edhe punonjës të institucioneve që financohen nga buxheti i shtetit serb. Ata mbanin në duar pankarta me fjalë përkrahëse, të tilla si: “Derisa e kemi [presidentin e Serbisë, Aleksandar Vuçiç dhe Anën tonë, ne nuk i druhemi asgjëje”.

Kjo është vizita e parë e Bërnabiqit në Kosovë prej se është zgjedhur kryetare e Qeverisë serbe, në vitin 2017.

Gjatë qëndrimit njëditor, ajo do të vizitojë komunat në veri të Kosovës – Mitrovicë e Veriut, Zveçan dhe Leposaviq – ku popullata shumicë është serbe. /REL

The post Bërnabiç nga veriu i Mitrovicës: Interes i Serbisë është paqja appeared first on Albeu.com.

Policia e Kosovës ka njoftuar se për shkak të kësaj vizite, do të bllokojë disa rrugë për ofrimin e sigurisë dhe mirëmbajtjen e rendit dhe qetësisë publike.

Në njoftim thuhet se në segmentet nëpër të cilën do të kalojë eskorta e kryeministres serbe do të ketë ndërprerje të përkohshme të qarkullimit të trafikut si dhe në lokacione të caktuara ku parashihen të realizohen aktivitetet.

“Njëkohësisht për të mundësuar qarkullimin dhe riorientimin e trafikut në rrugë alternative në lokacionet ku pritet të kalojë eskorta do të angazhohen zyrtarë policorë të njësiteve relevante, andaj Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik”, thuhet në njoftimin e policisë.

Teksa Bërnabiç viziton veriun e Kosovës, zëvëndës-kryeministri, Besnik Bislimi dhe ministrja e Arsimit, Arbërie Nagavci do ta vizitojnë Luginën e Preshevës./albeu.com/

The post Vizita e Brnabiç në Veri të Kosovës, policia merr masa të rrepta: “Paralizohet” lëvizja appeared first on Albeu.com.