Kështu ka bërë të ditur Federata e Futbollit të Kosovës përmes një njoftimi në faqen e tyre zyrtare.

“Përkundër dëshirës së madhe për të qenë në fushë, pas ekzaminimeve të detajuara mjekësore është konstatuar se Rrahmani e ka të pamundur të paraqitet në këtë ndeshje për shkak të lëndimit të pësuar në ndeshjen e së premtes kundër Zvicrës në Bazel”, thuhet në njoftimin e FFK-së.

Si rrjedhojë, kapiteni është liruar nga grumbullimi me ekipin kombëtar për t’u kthyer në klubin e tij, ku do të vazhdojë trajtimin mjekësor me qëllim që të rikuperohet sa më shpejt dhe të rikthehet në fushë, për të qenë gati më pas edhe për ndeshjet e muajit tetor me fanellën dardane kundër Sllovenisë dhe Suedisë.

Përballja Kosovë-Zvicër zhvillohet të hënën, në stadiumin “Fadil Vokrri”, në kuadër të kualifikimeve për Kampionatin Botëror 2026.

The post Amir Rrahmani do të mungojë në ndeshjen kundër Suedisë appeared first on Albeu.com.

Kryeministri Kurti i ka “rrëmbyer” kapitenit dardan edhe një fanellë të përfaqësueses së Kosovës. Ndërkohë që nuk ka krusyer edhe elozhet për qendërmbrojtësin, duke përmendur edhe disa prej ekipeve ku Rrahmani ka luajtur gjatë karrierës së tij.

Postimi i Albit Kurtit:

Nga Drenica në Shqipëri te Partizani i Tiranës, prej aty në Kroaci te Spliti, Lokomotiva dhe Dinamo e Zagrebit, dhe pastaj në Itali fillimisht te Verona dhe tash te Napoli, Amir Rrahmani është një nga lojtarët më të mirë e më të suksesshëm të Kosovës dhe të kampionit të Serie A, Napoli. Ai është shembull për t’u ndjekur nga sportistët tanë të rinj, sidomos futbollistët.

Bashkë me ministrin Hajrulla Çeku dhe deputetin e trajnerin e mirënjohur, Bylbyl Sokoli, me kënaqësi mirëpritëm kapitenin e Kosovës që është dy herë kampion i Italisë. E uruam për arritjet e jashtëzakonshme në futbollin profesionist e veçanërisht në një ekip si Napoli ku sa herë fiton bëhesh i paharrueshëm dhe ikonë për tifozerinë atje, si dhe e falënderuam për përfaqësimin e denjë të Republikës sonë – e unë edhe për fanellën që ma dhuroi.

The post “Një nga lojtarët më të mirë në Serie A”, kryeministri Albin Kurti pret në zyrë kampionin Amir Rrahmani appeared first on Albeu.com.

Sipas prestigjiozes La Gazzetta dello Sport, e ardhmja e 30-vjeçarit është bërë temë diskutimi në ambientet e klubit italian, pasi oferta financiare nga Arabia Saudite është mjaft e lartë dhe përfaqëson ndoshta shansin e fundit të tij për një kontratë të madhe në një kampionat më pak kërkues.

Rrahmani iu bashkua Napolit në vitin 2020 nga Verona dhe është shndërruar në një pikë kyçe të prapavijës, duke qenë protagonist në dy sezonet kur klubi u shpall kampion i Serie A.

Tashmë, pas pesë vitesh të suksesshme në Itali, mbrojtësi i Kombëtares së Kosovës mund të përballet me një kthesë të madhe në karrierë.

Napoli, i vetëdijshëm për rrezikun e largimit të një prej lojtarëve më të besuar në prapavijë, ka nisur menjëherë kërkimin për një zëvendësues. Sipas raportimeve, në listën e alternativave kryesojnë dy emra: Trevoh Chalobah i Chelseat dhe Sam Beukema i Bolognas.

Situata mbetet e hapur, ndërsa priten zhvillime në ditët në vijim që do të përcaktojnë nëse Rrahmani do të qëndrojë në Evropë, pasi e duan edhe Tottenham dhe Aston Villa, apo do të ndjekë rrugën e shumë yjeve drejt futbollit saudit.

The post Arabia Saudite kërkon Amir Rrahmanin, Napoli ka nisur kërkimin për zëvendësues appeared first on Albeu.com.

Sipas raportimeve nga mediat italiane dhe britanike, Aston Villa ka bërë një ofertë zyrtare për qendërmbrojtësin e Napolit, i cili është shumë i pëlqyer nga trajneri Unai Emery.

Megjithëse detajet e ofertës nuk janë bërë publike, raportohet se Rrahmani është joshur nga mundësia për të luajtur në Angli dhe për të provuar veten në elitën e futbollit anglez. Kalimi i tij te Aston Villa do të ishte një hap i madh në karrierën e 31-vjeçarit.

Sidoqoftë, largimi nga Napoli nuk pritet të jetë i lehtë, pasi trajneri Antonio Conte e konsideron Rrahmanin si një nga shtyllat kryesore të mbrojtjes.

Në sezonin e fundit, ku Napoli fitoi titullin kampion në Serie A, Rrahmani ishte titullar i padiskutueshëm, duke luajtur të gjitha 38 ndeshjet e kampionatit.

Qendërmbrojtësi kosovar ka qenë pjesë e Serie A që nga viti 2019 dhe iu bashkua Napolit në vitin 2020 nga Hellas Verona.

Me skuadrën napolitane, ai ka fituar dy tituj kampion dhe është vlerësuar për lojën e tij të fortë dhe organizimin e mbrojtjes. Tani, mbetet për t’u parë nëse Napoli do të pranojë ofertën e Aston Villas apo do ta mbajë kapitenin e Kosovës në “Diego Armando Maradona”.

The post Shtohet numri i anglezëve që e duan Amir Rrahmanin, pas Tottenhamit futet në garë edhe Aston Villa appeared first on Albeu.com.

Gjatë konferencës për shtyp, ndërsa trajneri Antonio Conte po fliste për triumfin historik, kapiteni i përfaqësueses së Kosovës, Amir Rrahmani, e ndërpreu papritur konferencën dhe mori vetë fjalën.

Mes duartrokitjeve dhe buzëqeshjeve, Rrahmani u ngrit në këmbë dhe nisi këngën e kampionëve, ku shumë shpejt iu bashkua edhe Conte.

Të dy së bashku e kthyen sallën e konferencës në një festë të vërtetë, duke treguar unitetin dhe emocionin që mbretëronte në skuadër pas arritjes së madhe.

Ky ishte titulli i dytë në Serie A për Amir Rrahmanin, pas atij të fituar në sezonin 2022-23, dhe një tjetër dëshmi e rëndësisë së tij në mbrojtjen e Napolit.

Ndërkohë, për Napolin, ky ishte titulli i katërt në historinë e klubit, një sukses i rrallë që këtë herë mban edhe firmën e trajnerit Antonio Conte. /GazetaExpress/

The post VIDEO/ Rrahmani ndërpret konferencën e Contes dhe bëhet viral në festën e Napolit appeared first on Albeu.com.

Teksa po luheshin minutat e fundit të ndeshjes mes Parmas dhe Napolit që u mbyll 0-0, Amir Rrahmani iu afrua një fëmijë pas portës për të pyetur për rezultatin në ndeshjen Inter-Lacio.

“Sa, sa është ndeshja e Interit?”, e pyeti Rrahmani djaloshin që rrinte pas portës, duke e marr përgjigjen që ndeshja është 2-2.

E gjithë kjo situatë është filmuar nga kamerat dhe është postuar në faqen zyrtare të Serie A.

Rrahmani nga 37 ndeshjet e luajtura në 35 prej tyre ka luajtur 90 minuta, dhe vetëm në dy është zëvendësuar në të njëjtën minutë 77. Ka shënuar një gol dhe ka dhuruar dy asiste

Bëjmë me dije që axurrët udhëheqin kampionatin me 79 pikë, ndërsa të premten luajnë kundër Kaljarit në orën 20:45 ndërsa Interi që ka 78 pikë udhëton drejt Komos.

View this post on Instagram

A post shared by Lega Serie A (@seriea)

The post VIDEO virale/ Çastet e fundit të ndeshjes Parma-Napoli, Amir Rrahmani me mendjen te rivalët zikaltër: Sa me sa është Interi? appeared first on Albeu.com.

Të paktën kështu pretendojnë të gjithë bazuar në fotografitë që do të shikoni të paraqitura më poshtë:
Dyshja siç duket, shihen së bashku derisa dalin nga makina, ku vërehet qartë se shoqërohen me njëri-tjetrin në çdo vend. Megjithatë, lidhja e tyre nuk është bërë zyrtare në rrjete sociale nga vetë çifti.

The post Pas ndarjes nga Era Istrefi, Amir Rrahmani nis romancën e re! appeared first on Albeu.com.

Kapiteni i Kosovës i është rikthyer edhe një herë çështjes për largimin nga Shqipëria dhe zgjedhjen e Kosovës.

Mbrojtësi ka deklaruar se në atë periudhë kishte shumë dyshime mes kombëtars shqiptare apo përfaqësueses së Kosovës, ndërsa nënvizon se të jesh kapiten i “Dardanëve” është një përgjegjësi e madhe.

Ndër të tjera nënvizoi se pavarësisht se Kosova është një vend i vogël ka lojtarë me shumë kualitet.

Rrahmani thekson se gjithmonë kërkon të argëtohet duke luajtur futboll dhe se ky ka qenë qëllimi i tij që kur ishte 8 vjeç, periudhë kur nisi të luante futboll.

“Për mua është një përgjegjësi e madhe dhe krenari të jem kapiten i Kosovës. Jemi një vend i vogël me më pak se dy milionë banorë, por kemi shumë lojtarë me kualitet.

Zgjedhja mes Shqipërisë dhe Kosovës? Në atë periudhë kisha shumë dyshime, nuk e dija se si do të organizohej Federata e Kosovës. Kam nisur të luaj futboll në moshën tetëvjeçare dhe e kam bërë gjithnjë për t’u argëtuar. Jam më mësuar në këtë formë duke u argëtuar me miqtë e mi dhe nuk e kam mësuar futbollin duke ndjekur leksionet në një shkollë futbolli.

Napoli? Jetoja disi larg qytetit, më pëlqente sepse ishte qetësi. Kisha një vilë dhe një pishinë. Por, nga qershori i kaluar u transferova në qendrën e Napolit dhe tani jetoj në një apartament. Këtu kam më shumë mundësi të vizitoj qytetin dhe të ndjej më shumë atmosferën. Një pasion tjetër veç futbollit ka qenë moda, por tashmë ajo është bërë diçka shumë e zakonshme dhe nuk më intereson më”, ka deklaruar mbrojtësi shqiptar për sajtin zyrtar të Napolit.

The post Amir Rrahmani rikthehet të flasë për kombëtaren shqiptare: Kisha dyshime, krenari të jem kapiten i Kosovës appeared first on Albeu.com.

Pas një goditje nga këndi në minutën e tetë, Mateo Politano harkoi në zonë, ku Amir Rrahmani me një goditje të bukur me kokë shënoi për 1-0.

Ky ishte goli i tretë i Rrahmanit në këtë kampionat me fanellën e Napolit.

Mbrojtësi është lidhur me një largim në afatin kalimtar të verës dhe pritet që vendimi të merret së shpejti.

Fiorentina arrti të shënojë dy herë me Cristiano Biraghin dhe M’Bala Nzola për të marr epërsinë në pjesën e parë prej 2-1. /Telegrafi/

✈️ Amir Rrahmani scores for Napoli!pic.twitter.com/gZQXDtayuE

— Kosovo Football 🇽🇰 (@FootballKosovo) May 17, 2024

The post VIDEO / Amir Rrahmani shënon gol të bukur me kokë ndaj Fiorentinës appeared first on Albeu.com.

Sipas vendimit të lëshuar, ylli i Napolit do të mungojë në një ndeshje për shkak të “sjelljes jo korrekte ndaj kundërshtarit” gjatë një përballje të javës së 32-të kundër Frosinones.

Incidenti që çoi në suspendimin e tij ndodhi në minutën e 29-të të atij takimi, ku kapiteni i Përfaqësueses së Kosovës u ndëshkua me karton të verdhë për veprimin e tij në fushë.

Si rezultat, ai nuk do të jetë në dispozicion për trajnerin e tij për ndeshjen e ardhshme që Napoli do të luajë kundër Empolit të shtunën.

Rrahmani, i cili tashmë është 30 vjeç, ka qenë një pikë kyçe në formacionin e Napolit këtë sezon.

Ai ka kontribuar jo vetëm në mbrojtje, por edhe në sulm, duke shënuar tri gola në 35 ndeshjet që ka luajtur. /Telegrafi/

The post Suspendohet Amir Rrahmani për një ndeshje në Serie A appeared first on Albeu.com.