Të dy kryetarët thonë se i kanë vulat. Për këtë pritet të ketë proces gjyqësor në Gjykatë Administrative, pasi të nisin procedimet ligjore, se kush do t’i disponojë vulat, pra kush do të jetë kryetari legjitim i partisë.

Edhe pse ish lideri dhe ai aktual në kongreset e mbajtura e kanë shkarkuar njëri tjetrin, megjithatë është Gjykata ajo që vendos se cili do të jetë kryetari i Aleancës për Shqiptarët. Deri dje miq dhe bashkëpartiakë, Ziadin Sela dhe Arben Taravari, që të dy thonë se janë kryetarë legjitim të partisë. Delegatët me 591 vota të dielën, e zgjodhën Selën që ta udhëheq partinë.

Të premten, gjithashtu në kongresin e jashtëzakonshëm në të cilin morën pjesë 421 delegatë, krahu i Arben Taravarit, e shkarkoi Ziadin Selën nga funksioni i kryetarit të Kuvendit Qëndror dhe e rizgjodhi Taravarin për lider të Aleancës për Shqiparët.

Përçarja në ASH ndodhi pasi Arben Taravari vendosi që në zgjedhjet e ardhshme të garoj më opozitën shqiptare, gjegjësisht koalicionin LEN, ndërsa krahu i Selës dëshiron që të garoj vetëm. /shenja/

The post Gjykata Administrative do të vendosë se kujt do t’i mbesë ASH-ja, Taravarit apo Selës appeared first on Albeu.com.

Ziadin Sela nuk do të jetë më kryetar i Kuvendit të ASh-së dhe funksionin e tij do ta bartë lideri aktual i partisë, Arben Taravari, bëhet e ditur nga ASH-ja, transmeton TV21.

Blerant Ramadani në paraqitje para mediave ka bërë të ditur se janë shfuqizuar edhe vendimet e marra në mbledhjen e Kuvendit të ASh-së, të thirrur nga Ziadin Sela më 10 shkurt 2024 në Shkup.

Ja disa nga vendimet që i kanë sjellë delegatët e ASh-së në kongresin e djeshëm:

“U miratua kandidatura për President të Republikës e Kryetarit të Partisë, Arben Taravari, si propozim i Kryesisë së Aleancës për Shqiptarët i përkrahur nga Lidhja Evropiane për Ndryshim, në kuadër të zgjedhjeve presidenciale të 24 prillit dhe 8 majit 2024”.

“U shfuqizuan vendimet e mbledhjes jolegjitime të Kuvendit të Partisë, mbajtur në më 10 shkurt 2024, pasi që e njëjta u karakterizua me shkelje të shumta statutare, manipulime dhe falsifikime tanimë të faktuara, për të cilat sot të karakterizuar me manipulime dhe falsifikime Aleanca për Shqiptarët paralajmëroi ngritjen e një padie penale ndaj abuzuesve”.

“U miratua ndryshimi i statutit të Aleancës për Shqiptarët, duke shfuqizuar ndryshimet statutare të miratuara në Kongresin e III të jashtëzakonshëm mbajtur më 24 dhjetor 2022, dhe rikthyer versionit paraprak të statutit, miratuar më 27 mars 2022 në Kongresin e II të Partisë, me synim të eliminimit të disfunksionaliteteve në vendim-marrjen partiake. Një nga implikimet imediate të këtyre ndryshimeve është çbërja e pozitës së Kryetarit të Kuvendit dhe të kompetencave të organit të njohur paraprakisht si Kryesia e ngushtë e partisë”.

The post Kongresi i ASH-së së Taravarit, shkarkoi Selën, ndryshime edhe në statutin e partisë appeared first on Albeu.com.

Këtë e ka konfirmuar Kryetari i Aleancës për Shqiptarët përmes një postimi në platformën X.

“Dje, 75 prej 141 anëtarëve të Kuvendit të Aleancës për Shqiptarët dhe 17 prej 30 anëtarëve të Kryesisë së saj, më dhanë një mandat të qartë për të negociuar një koalicion parazgjedhor me opozitën shqiptare. Besimi i tyre është nder dhe përgjegjësi e madhe. Aleanca për Shqiptarët është më e fortë dhe unike se kurrë më parë”.

“Vërej me shqetësim përpjekjet për të thyer besimin e krijuar me ish-kryeministrin Kovaçevski, kur Aleanca për Shqiptarët bëri një sakrificë duke iu bashkuar qeverisë për t’i dhënë një shans rrugës së anëtarësimit të vendit në BE. U bëj thirrje të gjitha palëve të sillen me përgjegjësi dhe të respektojnë ligjshmërinë e vendimeve të marra nga organet legjitime të Aleancës për Shqiptarët”, ka shkruar Arben Taravari.

Ndërkohë, koordinatori i grupit parlamentare të Aleancës për Shqiptarët në Kuvend, Adnan Neziri ka komentuar takimin e djeshëm të grupit të Arben Taravarit në Kumanovë.

“Sipas statutit të partisë dhe sipas informacioneve tona atje, kanë qenë më pak se 40 anëtarë. Ajo që thonë ata, nuk janë numra real dhe aj takim nuk ishte Kuvend i partisë sepse në pajtim me statutin Kuvendin mund ta thirr vetëm kryetari. Kuvend legjitim i ASH-së, ai i së shtunës që është thirr në ora 13:00”, ka deklaruar Neziri.

The post Mbështetësit e Taravarit e autorizojnë atë për negociata me opozitën appeared first on Albeu.com.

Këto probleme të brendshme në ASH tashmë kanë filluar të marrin kahje tjetër, ku me këtë rast 8 deputetët nga kjo parti, janë përcaktuar se kë do e mbështesin në të ardhmen.

Sipas asaj që flitet brenda ASH-së, por edhe dy taboreve në parti, vlerësohet se 6 deputetë janë rreshtuar në mbështetje të Ziadin Selës edhe atë: Ilire Dauti, Adnan Neziri, Elmi Aziri, Remzi Mehmedi dhe Artina Qazimi, ndërsa dy prej tyre Halil Snopçe nga Gostivari dhe Abdulla Saliu nga Saraji i japin përkrahje Arben Taravarit.

The post Problemet në ASH: Kush kontrollon më shumë deputetë Sela apo Taravari?! appeared first on Albeu.com.

Taravari tha se nuk është me rëndësi se cili propozim për Qeveri do të pranohet, por që me rëndësi janë që të votohen ndryshimet kushtetuese.

“Për ne me rëndësi është që VMRO-DPMNE tashmë jep sinjale pozitive se janë të gatshëm për t’i votuar ndryshimet kushtetuese, një punë që ne e kemi thënë qysh para një muaji ose dy se në fund VMRO përsëri do t’i voton ndryshimet kushtetuese. Nuk është me rëndësi më propozimi, për ne si parti politike me rëndësi është agjenda, ndërsa agjenda dhe rruga e vetme e Maqedonisë është rruga drejt BE-së pa marrë parasysh kombinimet dhe opsionet që ofrohen ne jemi aty për të mbështetur dhe për ta ndihmuar rrugën e RMV-së drejt fillimit të negociatave me BE-në”, tha Taravari.

The post Taravari: Ashtu siç e parashikuam, VMRO-DPMNE do t’i votojë ndryshimet kushtetuese appeared first on Albeu.com.

“Cila do të jetë oferta juaj për shqiptarët, për shembull nëse nuk bëhet ndryshimet kushtetuese zotëri Zendeli. VMRO thotë se, keni mbetur partia e vetme opozitare. Kjo nuk është e vërtetë. Ju mund të thoni se jeni partia e vetme shqiptare opozitare, po kjo nuk është e vërtetë, sepse nuk keni legjitimitet të tillë, nuk keni fituar vota si opozitë, por në listë të përbashkët si LSDM”, tha Halil Snopçe nga ASH.

Ndërkohë, deputeti i Lëvizjes Besa, Fadil Zeneli i’u kundërpërgjigj Snopçes duke thënë se, hyrja e ASH-së në Qeveri bëhet që të shpëtohet BDI-ja.

“Me hyrjen tuaj në Qeveri, e shpëtoni BDI-në në një moment kritik për BDI-në dhe në këtë situatë nuk mund të nxirreni me arsyetimet për anëtarësimet eurointegruese dhe ndryshimet kushtetuese. Ju njëherë provuat të hynit në Qeveri në vitin 2017 dhe e dini në fund ngelët me byrekun, por ky byrek filloi të kundërmojë dhe për çudi, në mbrëmje fjetët si opozitë, kurse në mëngjes u zgjuat si pozitë”, deklaroi Fadil Zendeli nga Lëvizja Besa.

Debati për zgjedhjen e anëtarëve të ri të Qeverisë filloi dje, pas shkarkimin të ministrave të Aletarnativës. Kryeministri, Dimitar Kovaçevski në fillim të diskutimit për ministrat e ri, kërkoi mbështetjen e deputetëve për formimin një qeverie më stabile, më të suksesshme, më efikase dhe më të fokusuar./KlanMacedonia

The post Përplasje mes deputetëve të ASH dhe BESËS, kush me kë po punon? appeared first on Albeu.com.

Vendimi u bë i ditur të enjten në mbrëmje nga kryetari i kësaj partie, Arben Taravari pas bisedimeve disa ditëshe me kryeministrin maqedonas Dimitar Kovaçevski.

Kjo parti ka tetë deputetë dhe me përfshirjen në qeveri do t’i krijojë stabilitet qeverisë aktuale që përbëhet nga Lidhja Social Demokrate (LSDM), Bashkimi Demokratik për Integrim (BDI) dhe disa parti më të vogla, por që kanë 64 deputetë, apo vetëm 3 më shumë se numri i nevojshëm për funksionimin e shumicës parlamentare.

Arben Taravari, kryetari i Alencës për Shqiptarët tha se pjesëmarrja e kësaj partie në qeveri ka të bëjë me “ruajtjen e kursit evropian të Maqedonisë së Veriut”.

“Me parimet e platformës për bashkëpunim me Aleancën e Shqiptarëve, të miratuara nga orannet partiake, sigurohen të gjitha kushtet për stabilitet politik dhe rritje të efikasitetit të Kuvendit dhe të institucioneve…Pjesëmarrja jonë në qeveri është në funksion të stabilitetit të vendit, miratimit të ndryshimeve kushtetuese dhe vazhdimit të kursit evropian të Maqedonisë së Veriut”, ka deklaruar Arben Taravari, kryetar i Aleancës për Shqiptarët.

Kjo parti në qeveri do të ketë një post të zëvendëkryeministrit për investimet kapitale, Ministrinë e Drejtësisë, Ministrinë e Shëndetësisë, dy pozita të zëvendësministrave të Mbrojtjes dhe Bujqësisë, dy sekretarë shetërorë, si dhe disa drejtori.

Vendimi për pjesëmarrjen e ASH-së në qeveri vjen në kohën kur opozita maqedonase, që drejtohet nga partia VMRO-DPMNE, po përgatitej për mocionin e votëbesimit të qeverisë, duke llogaritur edhe në votat e deputetëve të opozitës shqiptare.

Kryetari i VMRO-DPMNE-së, Hristijan Mickoski, vendimin e ASH-së për pjesëmarrje në qeveri e ka quajtuar “vendim për të shpëtuar qeverinë dhe jo për të ardhmen evropiane të vendit”.

Por nga Lidhja Social-Demokrate, thotë se me zgjerimin e qeverisë dhe të shumicës parlamentare është evtiuar rreziku për “ndryshimin e kursit evropian të Maqedonisë së Veriut”.

“Me këtë marrëveshje kemi evituar rrezikun është se vendi do të pushtohet nga elementë radikalë si ‘E Majta’ (parti me orientim prorus që ka dy deputetë në Kuvend) që duan të ndryshojnë kursin tonë drejt BE-së dhe të na dërgojnë në izolim dhe varfëri. Fatkeqësisht, ‘E Majta’ po e merr peng VMRO-DPMNE-në, ashtu si në kohën e Gruevskit kur u bllokua integrimi evropian. Sot një kërcënim për të ardhmen tonë vjen nga Apasiev (Dimitar Apasiev, kryetar i partisë ‘E Majta’) dhe Mickoski (Kryetar i VMRO DPMNE-së). Andaj vendosëm të bashkojmë forcat dhe të mos lejojmë që të na bllokojnë sërish”, ka deklaruar Bogdanka Kuzeska, zëdhënëse e LSDM-së.

Shumica parlamentare me zgjerimin e ri edhe me ASH-në, dhe me votat e disa deputetëve të VMRO-DPMNE-së shpreson në miratimin e ndryshimeve kushtetuese, për përfshirjen e pakicës bullgare në preambulën e saj, si popull shtetformues.

Ndryshimet kushtetuese janë kusht që parashihet me marrëveshjen mes Shkupit dhe Sofjes për zhbllokimin e integrimit evropian.

Nëse kjo ndodh, atëherë Bullgaria, si shtet anëtar i BE-së nuk e përjashton mundësinë që sërish të bllokojë bisedimet e anëtarësimit evropian të Maqedonisë së Veriut, njejtë sikur në nëntor të vitit 2020.

The post Aleanca për Shqiptarët, pjesë e Qeverisë së Maqedonisë së Veriut appeared first on Albeu.com.

Kovaçevski pranon se ka pasur takim me kreun e Alternativës Afrim Gashin dhe thotë se Alternativa duhet të qëndrojë në koalicionin qeveritar.

“Ne pajtohemi se duam që Alternativa të mbetet pjesë e qeverisë dhe e shumicës parlamentare. Duke qenë se bisedohet për kyçje të një partneri të ri në koalicion dhe zgjerim të shumicës, kjo nënkupton edhe organizim të ri të mandateve të deputetëve i ndryshëm nga organizimi që kemi tani. Për vendimet e Alternativës unë nuk mund të përgjigjem. Atë mund ta bëjë vetëm kryetari i saj ose persona të tjerë kompetent nga Alternativa”, tha Dimitar Kovaçevski, kryeministër.

Gashi, pasi takoi një ditë më parë Kovaçevskin, disa orë më vonë takoi në Kuvend kreun e opozitës Hristijan Mickoskin. Ai në një deklaratë për Klan tha se këto takime janë në përpjekje të sigurimit të 80 deputetëve për ndryshimet kushtetuese. Mickoski nga ana tjetër, tha se me Gashin është takuar vetëm kalimthi në korridor.

Sot nga VMRO-DPMNE-ja nuk japin më shumë detaje për këtë takim Mickoski-Gashi dhe nuk u përgjigjën në pyetjen nëse shohin një partner të ri eventual te Alternativa. Takimin Mickoski – Gashi nuk e komentoi as kryeministri.

“Mendoj se të dy deklaruan se janë takuar në Kuvend dhe janë përshëndetur, kështu që…”, u shpreh Kovaçevski.

Organet e LSDM-së dhe Aleancës për Shqiptarët do të vendosin sonte, secili në kryesinë e tyre, për marrëveshjen e arritur mes palëve për zgjerimin e shumicës. Pas përfundimit të mbledhjeve përkatëse, të dy partitë do ta bëjnë publike marrëveshjen. Alternativa pret zyrtarizimin e koalicionit të ri që të thotë më pas nëse do të vazhdojë të jetë pjesë e tij ose do të vazhdojë aktivitetin në opozitë. /Alsat.mk

The post Akoma shumë dilema për zgjerimin e shumicës, Kovaçevski: Alternativa të mbetet në koalicion appeared first on Albeu.com.

Sipas burimeve të TV21 Aleanca për Shqiptarë arriti të negociojë për këto resorse: Ministria e Shëndetësisë dhe Drejtësisë, Zv.kryeministër, Drejtoria MEPSO, Inspektorati i Arsimit, Posta e Maqedonisë, PIOM, Drejtoria për Menaxhim me pronën e konfiskuar, Hekurudhat, Drejtori rajonale dhe në kuadër të qyteteve, Drejtoria në Spitalin e Tetovës, Ndihmësdrejtor në kuadër të sektoreve të doganave dhe DAP, Zv.ministri i Bujqësis dhe Mbrojtjes, Dy sekretarë shtetëror si dhe përfaqësim në polici./tv21

The post Këto ministri dhe drejtori në Maqedoninë e Veriut do t’i marrë Aleanca për Shqiptarët appeared first on Albeu.com.

“Sot nuk do të kem takim as me kryetarin e Aleancës për Shqiptarët, zotin Taravari e as me kryetarin e partisë Alternativa zotin Afrim Gashi, por mund t’ju them se grupi i punës të cilin njëzëri e formuam Këshillin Ekzekutiv të LSDM-së punon në përgatitjen e mundësisë për hyrjen e një partneri të ri në Qeveri, unë sot pasdite kam një bisedë telefonike me një zyrtar të lartë të SHBA-së”, deklaroi Dimitar Kovaçevski, kryeministër. /Alsat.mk

The post Kovaçevski: Grupi i punës shqyrton mundësinë e përfshirjes së ASH-së në Qeveri appeared first on Albeu.com.