Vetëm një natë më parë, në aksin Belsh-Cerrik mbeti i vdekur në një aksident rrugor Nderim Bakiaj. Dyshohet se shkak i aksidentit ishte mungesa e ndriçimit në këtë aks si edhe problemet e shkaktuara nga moti i keq.

Ky aks është një ndër më problematikët, sidomos pjesa nga Papri për në dalje të lagjes së quajtur Fermë në drejtim të Belshit, ku edhe ndodhin aksidente të vazhdueshme.

Vetëm një muaj parë, në të njëjtin aks mbeti i vdekur një 60-vjeçar, aksident shkak i të cilit ishte mungesa e ndriçimit dhe sinjalistikës në rrugë.

Aksidentet janë një fenomen i përhershëm në këtë pjesë të rrugës që lidh Elbasanin me Belshin. Vazhdimisht banorët kanë bërë thirrje për vendosjen e ndriçimit dhe sinjalistikës, por ARRSH as që e ka kthyer vëmendjen aty, ndërsa policia mjaftohet duke vendosur gjoba përmes postblloqeve nëpër cepa rrugësh.

Ndërkohë që institucionet shtetërore tregohen të papërgjegjshme, qytetarët humbasin jetën rrugëve për shkak të mungesës së ndriçimit dhe sinjalistikës, kurse shoferët duhet të vuajnë pasojat e investimeve të pabëra nga ata që kanë për detyrë mirëmbatjen e rrugës.  /albeu.com

The post Papër-Belsh, “rruga e vdekjes” merr jetë, shteti i papërgjegjshëm nuk instalon as drita dhe as sinjalistikë appeared first on Albeu.com.

Burimet zyrtare bëjnë me dije se në fshatin Lumas të Cërrikut, si pasojë e daljes së mjetit nga rruga, ka humbur jetën 33-vjeçari Raman Hoxha.

Ndërkohë që në gjendje të rëndë është edhe pasagjeri që ndodhej në mjet në momentin e aksidentit.

Njoftimi i policisë:

Më datë 11.07.2021, rreth orës 01:45, në aksin rrugor Gostimë- Mollas, në fshatin Lumas, mjeti tip “Audi”, me drejtues shtetasin R.H., 33 vjeç,  ka humbur kontrollin e drejtimit të mjetit dhe  ka dalë nga rruga.

Si  pasojë e aksidentit ka ndëruar jetë drejtuesi i mjetit shtetasi R.H., dhe është plagosur pasagjeri shtetasi E.Q., 29 vjeç, banues në fshatin Floq, Cërrik i cili ndodhet nën kujdesin e mjekëve.

Grupi hetimor po punon për zbardhjen e shkaktut të aksidentit. /albeu.com/

The post EMRI/ Aksidenti tragjik pas mesnate, vdes në rrugë 33-vjeçari në Cërrik appeared first on Albeu.com.