Sipas këtij komisioni thuhet ndër të tjera se ankimimi nuk përmbush asnjë nga kriteret e përcaktuara në mënyrë rigoroze në ligj, si dhe se Enkelejd Alibeaj nuk ka asnjë emër për të përfaqësuar Partine Demokratike sepse nuk mban zyrtarisht asnjë funksion në Parti.

Reagimi:

6 ARSYE PËRSE NUK DUHEJ PRANUAR ANKIMI “ALIBEAJ” NDAJ VENDIMIT NR.3 DT. 25.03.2021

Ankimi nuk përmbush asnjë nga kriteret e përcaktuara në mënyrë rigoroze në ligj. Konkretisht personi që ka paraqitur ankimin nuk është palë në proces në kuptim të ligjit (422/a KPrC) dhe as nuk është përfaqësues legjitim i ndonjë pale në procesin e shqyrtimit të kërkesës.Kontrolli mbi legjitmimin që bën Gjykata në këtë rast nuk është substancial por vetëm formal/procedurial, pra verifikon nëse ankohet një palë që formalisht ka qenë në proces apo jo. (vendime te Gjykatës së Lartë )

Po i njëjti standart është mbajtur edhe nga ana e gjyqtares Blerina Muça, kur në vendimin për caktimin e seancës gjyqësore lidhur me kërkesën e paraqitur nga Partia Demokratike e Shqipërisë për të regjistruar Statutin dhe vendimarrjet e Kuvendit Kombëtar të Korrikut 2021, i është referuar kërkesës së paraqitur nga Komisioni i Rithemelimit me objekt “pushimin e gjykimit” duke mos e marrë në shqyrtim atë dhe duke mos e referuar në vendimin përfundimtar pikërisht si rrjedhojë e mungesës së cilësisë proceduriale. Për këtë arsye, e njëjta gjykatëa është e detyruar të mbajë të njëjtin standart, në të njëtin rast konkret duke mos e legjitimuar z.Alibeaj në paraqitjen e ankimit.

Gjykata e Tiranës e ka të konsoliduar praktikën për mospranimet e ankimeve nga palë të cilat nuk legjitimohen

Ky standart është tashmë i vendosur nga Gjykata e Tiranës dhe përmendim këtu Vendimin Nr.1041 Regj.Themeltar dt.15/10/2021 të Gjykatës së Rrethit Gjyqësor Tiranë dhënë nga Gjyqtar Ervin Pollozhani i cili ndër të tjera shprehet :
“pra nuk ka një vendim të posaçëm nga kjo gjykatë për pranimin ose jo të kërkesave të futjes ose jo të tyre si palë ndërgjyqëse në këtë proces, në mënyrë që më pas, sipas përcaktimeve proceduriale mbi të drejtën e ankmit të parashikuara nga Neni 194/2, të K.Pr.Civile të mund të ushtrohej e drejta e ankimit..”

Çështja e legjitimimit të palës që ankohet (Alibeajt) lidhur me qënien pjesëmarrës më cfarëdo cilësie proceduriale në procesin qe ka konkluduar me vendimin nr. 3 dt. 25.03.2021 është zgjidhur me vendimin Nr.191 Regj.Temeltar dt. 04.02.2022 të gjyqtar Arben Kostandini, i cili rrëzon kërkesën e po kësaj pale për përjashtimin e gjyqtarit Agron Zhukri, pasi këta të fundit nuk janë palë në proces dhe për pasojë nuk legjitimohen. Ky vendim përjashtimi nuk është ankimuar, për rrjedhojë është i formës së prerë dhe vetë ankuesi e ka pranuar duke mos e ankimuar. (Vendimi bashkëlidhur)

Nënshkruesi i ankimit, Enkelejd Alibeaj nuk ka asnjë tagër për të përfaqësuar Partine Demokratike sepse nuk mban zyrtarisht asnjë funksion në Parti.

Nuk është Kryetar i Komanduar- Duhet të kishte një vendim të Këshillit Kombëtar të PDSH që ta komandonte si të tillë dhe nuk ka, pasi Këshilli Kombëtar nuk është mbledhur kurrë për këtë qëllim.(neni 46 i statutit PDSH)
Nuk është nënkryetar Partie- vetë në ankim ngre pretendimin se vendimi i gjyqtare Blerina Muça, për regjistrimin e Kuvendit të 17 korrikut 2021, i cili zgjodhi Këshillin Kombëtar që zgjodhi Alibejan nënkryetar, nuk ka marrë formë të prerë dhe nuk ka prodhuar ende asnjë pasojë juridike. (neni 46 i statutit PDSH)

Autorizimi Lulzim Bashës i datës 21.09.2021, me anë të së cilit i jep tagra përfaqësimi Enkelejd Alibeajt, në momentin e paraqitjes së ankimit e ka humbur fuqinë e tij ligjore, pasi në atë moment Lulzim Basha, që prej datës 21.03.2022 kur dha dorëheqjen, nuk është më kryetar i PDSH./albeu.com

The post Komisioni i Rithemelimit, 6 arsyet pse nuk duhej pranuar ankimimi i Alibeajt appeared first on Albeu.com.

“Gjyqtari Agron Zhukri shkeli vendimin e vet për të pezulluar shqyrtimin e çështjes derisa të përfundonte gjykimi tjetër për kërkesën e PD për ndryshimet statutore. “Më 23 Mars, ai caktoi seancën në mënyrë të pashpjegueshme, megjithëse vendimi i gjyqtares tjetër për rregjistrimin e ndryshimeve statutore nuk është zbardhur dhe nuk na është komunikuar”- thuhet në kallëzimin e PD.

PD vë në dijeni SPAK se e ka ankimuar vendimin, duke qenë se gjykata nuk është shprehur për të gjitha kërkesat e saj. Për shkak të ankimimit, në Rregjistrin e Partive Politike nuk janë pasqyruar ndryshimet statutore të 17 korrikut.

PD i kërkon SPAK-it të administrojë kamerat e gjykatës, ku shohet qartë takimi I gjyqtarit Zhukri me një nga përfaqësuesit e atij që njihet si Komisioni i Rithemelimit. PD sqaron se gjyqtari Zhukri e ka caktuar seancën pas këtij takimi.

Në kallëzimin penal, PD sqaron se gjyqtari Zhukri nuk i ka lajmëruar për të marrë pjesë në seancë, megjithëse gjykata ka administruar kërkesat e PD përmes të cilave gjyqtari Zhukri është vënë në dijeni se kërkesa që ai kishte për të shqyrtuar ishte në kundërshtim me ligjin për partitë politike. “Mosthirrja e PD si palë e trete, me interesa të ligjshme në proces, cënon rëndë detyrimet ligjore dhe është bërë me qëllimin për të marrë një vendim në fshehtësi dhe për të favorizuar një palë, që ai vetë ka pranuar se ka lidhje”- thuhet në kallëzimin e PD.

Më kallëzim theksohet se gjyqtari Agron Zhukri ka shkelur rëndë ligjin duke marrë një vendim pa patur më parë një vendim të formës së prerë për pasqyrimin e ndryshimeve statutore të 17 Korrikut.

Pa patur vendimin e zbardhur për këto ndryshime, gjyqtari Zhukri e ka patur të pamundur të shohë përputhshmërinë e akteve të 11 dhjetorit me statutin e 17 Korrikut, ku bazohet edhe kërkesa e palës tjetër për 11 dhjetorin.

PD sqaron me detaje SPAK-un për paligjshmërine e mbledhjes së 11 dhjetorit, duke shpjeguar detyrimet statutore që duhet të ndiqeshin. PD i kërkon SPAK të bëjë veprime të shpejta hetimore, duke administruar kamerat, duke sekuestruar dosjen gjyqësore, në mënyrë që fjyqyari të mos ketë kundësi të manipulojë provat.

The post PD kallëzon në SPAK gjyqtarin që i dha vulën Berishës: Shkeli rëndë ligjin appeared first on Albeu.com.

Kërkesë kjo që nuk u pranua nga Gjykata, e cila hodhi shortin dhe gjyqtar u përzgjodh, Arben Konstandini.

Kujtojmë që Zhukri më herët kërkoi që të mos e shqyrtojë statutin pasi ishte në konflikt interese me Sali Berishën. /albeu.com

The post PD kërkesë Gjykatës për përjashtimin gjyqtarit Agron Zhukri, caktohet se kush do ta shqyrtojë statutin e Berishës appeared first on Albeu.com.

Por kush do t’i jap fund përplasjes statutore në Gjykatë? Pas shortit të hedhur në Gjykatën e Tiranës çështja për regjistrimin e statutit të Berishës të miratuar në 11 dhjetor në Air Albania iu besua gjyqtarit Agron Zhukri. Gjyqtari pasi Zhukri pasi administroi dosjen bëri kërkesë për heqje dore nga gjykimi duke deklaruar se ishte në konflikt interesi me ish-kryeministrin Berisha.

Por pavarësisht kësaj kërkese, Gjykata refuzoi që çështjen e regjistrimit të statutit të miratuar nga Sali Berisha në 11 dhjetor tia besoj gjyqtarit Agron Zhukri.
Por ABC ka siguruar një dokument, në të cilin gjyqtari në fjalë ka qenë sërish në të njëjtën situatë. Në vitin 2018, shorti i përcaktoi gjyqtarit Agron Zhukri padinë e kryeministrit Rama ndaj ish-kryeministrit Berisha. Tre vite më parë gjyqari sërish me të njëjtën arsye kërkoi të tërhiqej nga gjykimi i Berishës duke deklaruar se ishte në konflikt interesi.

“Bashkëshortja ime Rezarta Zhukri, ka punuar për një periudhë të gjatë me të paditurin z. Sali Berisha, fillimisht si Sekretare personale dhe Shefe e Administratës, duke qenë njëkohësisht edhe anëtare e Partisë Demokratike dhe është në marrëdhënie të ngushtë miqësie”, deklaronte gjyqtari në kërkesën e dorëheqjes nga përplasja “RAMA-BERISHA në vitin 2018. Në atë kohë duke e cilësuar qartësisht në konflikt interesi gjyqtarin me ish-kryeminstrin Berisha, gjykata pranoi kërkesën e Zhukrit dhe i hoqi këtij të fundit çështjen. Tre vite më pas, me të njëjtët aktorë dhe në të njëjtin konflikt interesi, gjykata ka refuzuar kërkesën e Zhukrit për të qenë ai që do të jap drejtësi për kërkesën e ish-kryeministrit Berisha./abcnews.al/

The post DOKUMENTI/ Si pranoi gjykata kërkesën e gjyqtarit Zhukri në 2018 për të mos gjykuar Berishën (FOTO LAJM) appeared first on Albeu.com.