Pallati “Tod Trungu” në qendër të Durrësit, është ndërtesa që u bë shkak për arrestimin e ish-kryebashkiakut Vangjush Dako, dhe disa ish-zyrtarëve të tjerë të bashkisë.

Prokuroria e Posaçme gjeti shkelje në lejen e ndërtimit të dhënë 11 vite më parë gjatë drejtimit të bashkisë nga Vangjush Dako. Ai dhe disa ish-zyrtarë të tjerë të drejtorisë së Urbanistikës akuzohen për shpërdorim detyre dhe falsifikim dokumentesh.

Megjithatë, ai nuk është i pari nga krybashkiakët socialistë (në detyrë ose të larguar”, që përfundon në pranga.

Ish-kryebashkiaku i Lushnjes, Fatos Tushe, u arrestua në korrik të vitit 2021 me urdhër të SPAK, me akuzën për korrupsion dhe shpërdorim detyre në lidhje me një tender të Bashkisë së Lushnjes.

Në qershor të vitit 2022, e kishte radhën bashkia e Vorës. Ish-kryetari Agim Kajmaku, i cili u arrestua në Itali për trafik të lëndëve narkotike.

Ai kishte fshehur një dënim në Greqi për falsifikim parash në formularin e dekriminalizimit, gjë që çoi edhe në shkarkimin e tij nga drejtimi i bashkisë së Vorës. Pasi u zgjodh në krye të bashkisë më 30 qershor 2019 ai u denoncua nga PD për fshehjen e dënimit. Kjo akuzë u vërtetua nga prokuroria e Tiranës e cila mori informacione nga autoritetet greke.

Ndërkohë, në mars të këtij viti ishte ish-kryebashkiaku i Bulqizës, Lefter Alla ai që përfundoi pas hekurave. Ai u arrestua bashkë me 7 persona të tjerë për abuzimin me një tender me vlerë rreth 3 milionë euro.

The post Dako nuk është i pari! Cilët janë kryebashkiakët socialistë që kanë përfunduar pas hekurave appeared first on Albeu.com.

E ftuar në “Opinion”, Lala ka zbuluar se autoritetet italiane kishin 8 muaj që e përgjonin Kajmakun, ndërsa ka renditur pistat ku autoritetet shqiptare mund të hetojnë.

“Kanë qenë rreth 8 muaj në hetim nga autoritetet. Pronari i fidanishtes ka sinjalizuar i pari, janë përgjuar, më pas janë detektuar dhe  me autoritet shqiptare është bërë një kontroll.

Kajmaku ishte një kryetar bashkie që u zgjodh edhe pse dihej aktiviteti i tij kriminal. Politika mbylli sytë përpara këtyre fakteve. PS dhe mbase edhe forcave të tjera nëse do të ishin në të njejtën situatë do ti interesonte e njëjta gjë. Kajmaku nuk ishte emër i panjohur”, tha ajo.

“Kjamaku garantonte marrjen e bashkisë së Vorës”, ka thënë Artan Hoxha.

“E ka shfrytëzuar politika dhe më pas e largoi. Bashkëshortja e tij ka 2 milion euro në llogari bankare, pavarësisht biznesit nuk është e qartë se cili është burimi i të ardhurave. Ata kanë fituar edhe tendera, ndaj kjo është më shqetësuese.

Kur duhej të flitej për Kajmakun, të gjithë heshtën. Një gjë duhet ta kemi të qartë, policia italiane nuk dërgon pas hekurash dikë pa pasur një minimum provash. Kajmaku përgjohej prej 8 muajsh. Autoritetet italiane prisnin të shkonte vetë Kajmaku që ta arrestonin.

Si nuk bënë asnjë hetim autoritetet shqiptare? Ai vinte nga bota e krimit me një vendim të formës së prerë. Fakti që nuk e deklaroi një fakt të tillë edhe pse e dinte që nuk mund të pësonte asgjë nga kjo, bëri që autoritetet e jashtme të dyshonin që Kajmaku nuk është shkëputur kurrë nga aktiviteti kriminal. Thjeshtë politikës iu desh derisa të merrnin bashkinë e Vorës.

Në Shqipëri ka një mori pistash ku mund të hetohet, mund të hetohet për tenderat, pasuritë e Agim Kajmakut, lidhjet me portin e Durrësit. Si ka mundësi që një njeri që vinte nga bota e krimit nuk kontrollohet? Do të thotë që kishte bashkëpunëtorë. Autoritet shqiptare u kujtuan vetëm kur u arrestua në Itali”, ka shtuar Lala./albeu.com/

The post Klodiana Lala “zbërthen” skemën: Si e përdori dhe e largoi politika Agim Kajmakun appeared first on Albeu.com.

Kajmaku vijon të jetë në shënjestër të autoriteteve italiane që prej arrestimit të tij.

Il Resto del Carlino shkruan për ngjarjen e bujshme duke e cilësuar si një histori filmi që në fakt është e vërtetë. Hetimet për ish-kryebashkiakun krahas italisë, janë shtrirë edhe në Shqipëri.

Ditët e fundit në portin e Durrësit është ushtruar kontroll në një prej kamionëve të kompanisë së Kajmakut. Aty janë zbuluar disa vende të fshehta ku dyshohet se futej droga megjithatë, brenda mjetit nuk është konstatuar asnjë sasi droge. Prandaj autoritetet dyshojnë se kjo është skema se si kanë arritur të lëvizen qindra kilogramë drogë.

Il Resto Del Carlino thotë se policia shqiptare ka arritur që të zbulojë një llogari bankare në emrin e gruas së Agim Kajmakut me 2 milionë Dollarë brenda. Nën hetim është origjina e këtyre parave. Hetuesit kanë verifikuar po ashtu, se Kajmaku ka udhëtuar nga Tirana në Ancona me avion 5 ditë para se të sekuestrohej sasia e drogës. Më pasi, ai ka udhëtuar në Monterubbiano së bashku me nipin e tij, duke përdorur një makinë me qira.

Sipas të dhënave nga mediat italiane, nipi i Kajmakut, Edmond Kajmaku, 34 vjeç, para se të arrestohej jetonte në Monterubbiano dhe më përpara ka qenë drejtor i UKT.

“Pra dy persona të pa dyshuar: Një politikan dhe një ish-ekzekutiv i rëndësishëm. Megjithatë, të dy kanë lëvizur kilogramë të tërë me drogë me supozimin se mbështeten nga krimi i organizuar shqiptar”, shkruan media italiane.

The post Media italiane: Gruaja e Kajmakut me llogari bankare me 2 mln $, udhëtimet e tij të dyshimta para se të prangosej appeared first on Albeu.com.

Mësohet se të hënën pakot me kokainë të kapur nga karabinierët e San Benedettos në një fidanishte në Grottammare do të dërgohen në Ankona për t’u analizuar për të përcaktuar përqindjen e pastërtisë së drogës.

Ndërkohë hetuesit vijojnë hetimet për të konstatuar se si ka mbërritur në fidanishte 18.8 kilogramë kokainë, të cilët ishin fshehur në vazot e bimëve që ishin blerë nga fidanishtja shqiptare.

Agim Kajmaku, ish-kreu i bashkisë së Vorës, pronar i një fidanishteje në këtë zonë, jeton me familjen në Monterubbiano, ndërsa nipi i tij jeton në Terra delle Aquile, ku punon si kopshtar.

Sipas dëshmisë së tyre, ata shkuan për të blerë bimë në disa fidanishte të zonës dhe i mblodhën në atë të Grottammare, ku duhej të ngarkoheshin.

Më vonë, u zbulua sasia e madhe koka, me vlerë gati një milion euro. Tani po punohet për të përcaktuar se nga erdhën, ku ishin dhe kush i ka ngarkuar bimët që përmbajnë drogën.

Karabinierët identifikuan Kajmakun dhe nipin  e tij që ndodheshin në afërsi të fidanishtes me një furgon. Të pastra ishin edhe banesat përkatëse të xhaxha e nip, të cilët vazhdimisht përsërisin se nuk di asgjë për praninë e drogës në vazo. Avokati mbrojtës i të dyve, Vittorio Supino i Chieti, thotë se ka ende shumë punë për të bërë për të zbardhur pozicionin e klientëve të tij./abcnews.al

The post U kap me “të bardhë” në Itali, flet Agim Kajmaku: Nuk kam lidhje fare appeared first on Albeu.com.

Për gazetaren Lala lajmi nuk është që ai u kap me 20 kg drogë, pasi në vendin tonë janë kapur dhe kaluar tonelata me drogë, por problem është fakti se si Agim Kajmaku ngjiti shkallët e politikës, duke u bërë dhe kryebashkiak i një prej bashkive më të mëdha në vend.

“Kam folur një javë më par ëme drejtuesit më të lartë të Policisë së Shtetit. Nuk kanë pranuar se kishin informacion për arrestimin e Kajmakut. Në këndvështrimin tim, ata e mbrojtën Agim Kajmakun, sepse nuk e pranuan lajmin. Kemi të ruajtura të gjitha mesazhet. News24 u lajmërua nga një burim në Itali për arrestimin e Kajmakut. Problemi është se përtej përfshirjes së tij në trafik droge, ulëritëse është se Agim Kajmaku, i skeduar që në vitin e largët 1991-1995 arriti të ngjiste shkallët politike.

Nuk është lajm kapja e tij me 20 kg drogë, sepse në vendin tonë janë kapur tonelata kokainë. Kjo bën lajm, sepse bëhet fjalë për një ish-kryetar bashkie, të një ndër bashkitë më të mëdha në vend. Nga informacionet që kemi, që policia nuk i pranoi në asnjë moment, Kajmaku është arrestuar dy javë më parë, sepse pronari i fidanishtes, ku ai merrte lulet, kishte dyshime. Ai sinjalizoi policinë atje. Por nuk është ende e qartë nëse droga ka ikur nga Shqipëria, pra nëse është trafikuar nga Shqipëria drejt Italisë.

Nëse bëhet fjalë për një sasi droge të shkuar nga Shqipëria drejt Italisë, jemi përpara faktit se ku kaloi kjo drogë, si u fut në territorin italian. Nëse ka ikur nga Shqipëria, ka dyshime se mund të ketë dhe bashkëpunëtorë. Është një strukturë e tërë që operon, që nga momenti si kamuflohet, mënyra si kamuflohet, fakti që bëhej në vazo lulesh. Kjo histori kërkon minimalisht një kërkesë falje nga politika, por dhe një hetim shterues nga policia. Zyrtarët që fshehën lajmin duhet të kërkojnë falje, e të ketë edhe dorëheqje. Ata duhet të shpjegojnë arsyet pse një ish-kryebashkiak, i prekur nga dekriminalizimi, i mbrojtur hapur nga kryeministri, arrestohet atje dhe nuk ka informacion në vendin tonë. “Nuk kemi konfirmim nga pala shqiptare”, është mesazhi i zyrtarit të lartë të Policisë së Shtetit. Unë nuk besoj që nuk ka pasur konfirmim. Pasuria e Agim Kajmakut, pas këtij momenti, duhet t’i nënshtrohet verifikimit”, tha gazetarja Lala./balkanweb

The post “Është ulëritëse që…”! Klodiana Lala zbardh detaje nga arrestimi i Agim Kajmakut: Nëse droga ka dalë nga Shqipëria, ai ka bashkëpunëtorë appeared first on Albeu.com.

Mediat italiane thonë se ka qenë pronari i fidanishtes që ka lajmëruar policinë pasi ka parë zëvendësimin e bimëve me drogën. ABC mësoi se Kajmaku ka qenë në përgjim prej dy muajsh nga forcat e antidrogës së San Benedetos. Për të ndjekur hap pas hapi çdo lëvizje të tij, policia italiane kishte montuar kamera në disa akse, banesa dhe lagje ku kryheshin takimet e të dyshuarve.

Dyshohet se ish kryebashkiaku së bashku me nipin e tij ishin pjesë e një grupi trafikantësh që tregtonin kokainë.  Arrestimi i tyre me 20 kg kokainë u pasqyrua dhe nga mediat lokale italiane.

Si u zbulua Kajmaku bashkë me nipin

Hetimet e koordinuara nga Prokuroria e Fermos, vijojnë për të zbuluar origjinën e sasisë së madhe të kokainës, më pak se një milion euro dhe destinacionin e saj. Sipas mediave italiane Kajmaku bashkë me nipin përdornin një Volkswagen Polo nga një kompani vendase për të udhëtuar, kishin bërë një inspektim në fidanishte për dy ditë rresht dhe kishin zgjedhur një numër bimësh të vogla të cilave kërkonin t’u ndryshonin vazon duke vendosur më të mëdha. Një punonjëse e fidanishtes kishte vënë re edhe shenja të lëna në sipërfaqen e dheut.

Kur kjo iu komunikua karabinierëve, nga vazot u shfaqën qese të mbushura me kokainë, por nuk dihet se me çfarë mjetesh do t’i kishin transportuar bimët. Furgoni është vënë re nga hetuesit jo shumë larg fidanishtes ku u zhvillua operacioni antidrogë. Pas arrestimit, drejtues të hetimit kanë kërkuar informacione autoriteteve shqiptare në lidhje me këtë shtetas i cili ka qenë ndër personat më të rinj që i është bashkuar grupit./abcnews.al

The post Kajmaku mbushi furgonin me të “bardhë” të fshehur brenda vazove: Si u fut në kurth nga pronari i fidanishtes, mori në qafë edhe nipin appeared first on Albeu.com.

Sipas burimeve nga mediat italiane, bëhet me dije se Kajmaku mbahej prej 8 muajsh nën vëzhgim të rreptë nga policia.

Gjithashtu për të ndjekur hap pas hapi çdo lëvizje, policia italiane ka montuar kamera në disa akse, banesa dhe lagje ku kryheshin bisedat dhe takimet që kishin tematikë aktivitetin e paligjshëm të lëndëve narkotike në shtetin fqinj dhe Europë.

Autoritetet italianë kanë kërkuar informacione edhe nga autoritetet shqiptare lidhur veprimtarinë e tij.

Kujtojmë se ai u kap me 20 kilogram kokainë me një vlerë prej 1 milion aurosh, në zonën e ‘San Benedetto del Tronto’, së bashku me nipin e tij.

Kajmaku ishte një ndër pjestarët më të rinj që i ishin bashkuar grupit dhe sasia e drogës kur u gjet ishte e fshehur në vazo me lule.

Kujtojmë se Kajmaku u zgjodh kryebashkiak në zgjedhjet lokale të vitit 2019, ku opozita nuk mori pjesë, por nuk e gëzoi për shumë kohë atë mandat. Partia Demokratike i zbuloi atij një dënim të padeklaruar në Greqi për falsifikim parash, të cilin duhet ta kishte deklaruar në formularin e dekriminalizimit.

Komisioni Qendror i Zgjedhjeve e shkarkoi nga detyra dhe menjëherë policia e shpalli në kërkim. Në ditën që u shkarkua nga KQZ-ja ai firmosi shkarkimin nga detyra të dy nënkryetarëve të bashkisë, firmë e cila i rëndoi pozitën, pasi u akuzua edhe për përdorim të postit pas lirimit.

Pasi qëndroi 8 muaj në arrati, Agim Kajmaku u arrestua në një spital privat ku kishte shkuar për problem shëndetësore. Por një ditë pas arrestimit, në 8 korrik 2020 Gjykata e Apelit liron ish krye-bashkiakun e Vorës.

Apeli caktoi ‘detyrim paraqitje’ për Kajmakun pasi vetë prokuroria, konkretisht prokurorja Arta Marku kërkoi zbutjen e masës së sigurisë. Kajmaku vuan nga disa sëmundje dhe kjo me sa duket ka ndikuar në zbutjen e masës së sigurisë.

The post 1 milion euro “të bardhë”, si u prangos ish-kryebashkiaku i Vorës në Itali: Ishte pjestari më i ri i grupit appeared first on Albeu.com.

Lajmi për Kajmakun u bë i ditur sot në Shqipëri, nga mediat, ndonëse arrestimi i tij në Itali ka ndodhur në javën e fundit të muajit maj. Burime të policisë shqiptare po ashtu konfirmuan kapjen e tij nga autoritetet italiane.

Kajmaku pati një histori të gjatë me drejtësinë shqiptare, pak pasi ai u zgjodh në krye të Bashkisë së Vorës, në vitin 2019, në një garë pa konkurrentë, pasi opozita i kishte bojkotuar zgjedhjet. Por një sërë dokumentesh të publikuara më pas nga Partia Demokratike, për të kaluarën e tij, çuan fillimisht në shkarkimin e tij nga posti, dhe pastaj dhe kërkesën për arrestim.

Kajmaku rezultoi se ishte arrestuar në Greqi nën akuzën e falsifikimit të parave, nën një emër tjetër, dhe se këtë fakt nuk e kishte deklaruar në fomularin e dekriminalizimit. Ish kryebashkiaku e mohoi fillimisht akuzën, por kur shenjat e gishtërinjve vërtetuan se bëhej fjalë për të njejtin person, dorëzoi vendimin e Gjykatës së Janinës e cila e kishte shpallur të pafajshëm.

Kërkesa për arrestimin e tij erdhi për shkak se u dyshua se kishte firmosur shkarkimin e dy nënkryetarëve të Bsshkisë, në një kohë kur ai vetë ishte shkarkuar nga Komisioni Qendror i Zgjedhjeve. Për muaj të tërë ai qëndroi në arrati, derisa u arrestua, ndërsa ishte shtruar në një spital privat për mjekim, në fillim të korrikut të vitit 2020. Por një ditë më pas, masa e arrestit u konvertua në “detyrim paraqitje”. Në shkurt të këtij viti, Gjykata e Tiranës, pushoi çështjen e hapur ndaj tij dhe prokuroria u detyrua që të bënte ankim në Apel.

Lajmi për arrestimin e Kajmakut në Itali, u pasua me reagime të menjëhershme nga opozita e cila drejtoi gishtin e përgjegjesisë mbi kryeministrin Edi Rama. “Kurioz jam të dëgjoj se çfarë do thotë sot shefi i Rilindjes, për një trafikant droge që e bëri kryetar bashkie, siç bëri shumë të tjerë, deputetë e drejtues të lartë të pushtetit të tij. Nuk pres as të skuqet e as të zverdhet, sepse është i nxirë faqje të gjithëve nga raportet e DASH dhe ODHIR! Denoncimet e PD në të gjitha rastet për të inkriminuarit e tij janë vërtetuar dhe është provuar se pushteti i tij, është pushtet i marrë me kriminelë e trafikantë droge dhe me votat e non gratave të tij”, shkruajti në Facebook, kryetari i grupit parlamentar demokrat Enkelejd Alibeaj.

Ndërsa ish kryeministri Sali Berisha, i cili ka rimarrë drejtimin e PD-së, u shpreh, po në një status në Facebook, shoqëruar me vlerësimet e kryeministrit Rama për Kajmakun gjatë fushatës zgjedhore të vitit 2019, se “njëri pas tjetrit, miqtë e tij po përfundojnë në qeli, ndërkohë që me papërgjegjshmërinë më të madhe ky njeri nuk ka marrë kurrë përgjegjësitë që i takojnë në mënyrë të drejtpërdrejtë. Këtu nuk bëhet fjalë për veprime individuale, por për inkriminim kokë e këmbë të Edi Ramës dhe qeverisë së tij”./VOA

The post Arestimi i Kajmakut me 20 kg drogë në Itali, VOA: Pati histori të gjatë me drejtësinë pasi u zgjodh kryebashkiak i Vorës appeared first on Albeu.com.

Sipas informacioneve paraprake, arrestimi është kryer më 27 maj të këtij viti ku Kajmaku ishte vënë nën vëzhgimin e policisë prej gati 1 viti. Autoritetet i kishin vendosur kamera në dyqane e banesa ku ai ishte parë, duke pasur dyshime të forta se ishte një person i përfshirë në trafik droge.

Gjatë operacionit ai i është prezantuar policisë si Agim Kajmaku i datëlindjes 6 korrik 1971 dhe si ish-kryebashkiak i Vorës në Shqipëri. Në momentin e arrestimit përveç 20 kg drogë të veshur në vazo me lule atij ju gjetën mbi 500 mijë euro cash.

Operacioni anti-drogë mësohet se është ende në vijim e se autoritetet italiane kanë kërkuar ndihmën e atyre shqiptare. Policia e shtetit fqinj ka vënë në pranga edhe persona të tjerë, shqiptarë e jo vetëm që rezultojnë të jenë bashkëpunëtorë me Kajmakun, por ende nuk janë zbardhur detaje për ta.

The post Policia italiane e vëzhgonte prej kohësh, si ra në “grackë” Agim Kajmaku appeared first on Albeu.com.

I zgjedhur në krye të bashkisë së Vorës në zgjedhjet e vitit 2019, Kajmaku e humbi të drejtën e ushtrimit të kësaj detyre pas denoncimit nga PD se kishte fshehur dënimin në Greqi për falsifikim parash dhe se kjo nuk ishte deklaruar në formularin e dekriminalizimit, fakt që u vërtetua më pas nga prokuroria e Tiranës përmes një letërporosie dërguar autoriteteve greke.

Pas një sërë akuzash dhe kundër akuzash mes maxhorancës dhe opozitës, drejtësia shqiptare nisi hetimet për Kajmakun. Komisioni Qendror i Zgjedhjeve e shkarkoi nga detyra dhe policia e shpalli në kërkim.

Pas disa muajsh në arrati, ish-kryebashkiaku u arrestua në një spital privat në Tiranë, më 7 korrik 2020. Por, një ditë pas arrestimit, Apeli shpëtoi nga burgu Kajmakun. Ishte prokurorja e çështjes, Arta Marku që kërkoi zbutjen e masës së sigurisë, duke argumentuar qëndrimin e saj për shkak të ndryshimit të rrethanave të ngjarjes.

Sipas Markut në atë kohë, Kajmaku nuk ishte person me rrezikshmëri të lartë shoqërore dhe nuk rrezikonte të largohej nga Shqipëria. Vetë Kajmaku me anë të një dokumenti bënte të ditur se vuante prej 15 vitesh nga diabeti.

The post Nga fshehja e dënimit në Greqi, arrestimi në spital e droga në Itali: Përballjet me drejtësinë të Kajmakut appeared first on Albeu.com.