I pyetur në lidhje me vendimet e presidentit amerikan Donlad Trump, një prej të cilave është edhe ndalimi i lëvizjes së refugjatëve afganë, kreu i qeverisë tha se kushdo që do të dojë të qëndrojë në Shqipëri do të jetë i lirë ta bëjë një gjë të tillë.

“Nuk do të ketë asnjë problem me refugjatët afganë që jetojnë në Shqipëri. Nëse duan të qëndrojnë në vendin tonë, mund ta bëjnë këtë, nuk mund të kthehen në vendin e tyre dhe të ndalojnë dhunën. Këto nuk janë shifra të mëdha për ne, janë vetëm disa qindra njerëz”, tha ai.

The post Rama flet për afganët të cilët jetojnë në Shqipëri: Nëse duan mund të qëndrojnë appeared first on Albeu.com.

Duke qenë ish-deputete, ajo ishte në rrezik nga një hakmarrje e mundshme e grupit islamik të linjës së ashpër.

Por, tre vjet pas ardhjes në pushtet të talibanëve, Fatima jeton me djalin e saj 7-vjeçar në Shqipëri, në pritje për t’u zhvendosur në Shtetet e Bashkuara.

“Paqartësia është torturuese”, tha nëna vetushqyese, emri i së cilës është ndryshuar për të mbrojtur identitetin e saj. “E ardhmja jonë është pezull”.

Fatima ishte në mesin e qindra mijëra afganëve të rrezikuar që u larguan nga atdheu i tyre pas rënies së Qeverisë afgane që mbështetej nga Perëndimi dhe rimarrjes së pushtetit nga talibanët.

Shtetet e Bashkuara dhe aleatët e tyre nxorën me avionë dhjetëra mijëra afganë jashtë vendit gjatë evakuimit kaotik dhe vdekjeprurës nga Kabuli.

Fatima ishte në mesin e atyre që iku rrugës për në Pakistanin fqinj. Prej aty, disa mijëra afganë u zhvendosën përkohësisht në Shqipëri, ndërsa prisnin që të përpunoheshin vizat e tyre amerikane.

Por, tre vjet pas rimarrjes së pushtetit nga talibanët, dhjetëra afganë mbeten të bllokuar në vendin e vogël ballkanik.

“Është e dhimbshme të mos e di se çfarë nuk shkon me rastin tim”, tha Fatima, e cila jeton në një apartament në kryeqytet, Tiranë.

“Pse po vonohet?”, theksoi ajo.

Sipas Departamentit amerikan të Shtetit, më shumë se 160.000 afganë janë zhvendosur në Shtetet e Bashkuara sipas programit të vizave speciale imigruese (SIV) që nga shtatori i vitit 2021.

Vizat SIV janë të destinuara për afganët që i kanë shërbyer Qeverisë së SHBA-së ose forcave të NATO-s të udhëhequra nga SHBA-ja, në Afganistan për të paktën një vit.

Aleatët e SHBA-së në Perëndim, gjithashtu, kanë strehuar dhjetëra mijëra afganë.

Afganët që nuk kualifikohen për SIV, mund të aplikojnë për Programin e Pranimit të Refugjatëve në SHBA (USRAP), i cili u jep status prioritar të veçantë afganëve që kanë punuar për projekte të financuara nga Qeveria amerikane në Afganistan, përkthyes për Qeverinë amerikane dhe ndihmës për punonjësit e mediave dhe organizatave me bazë në SHBA.

Procesi i aplikimit për vizat SIV dhe zhvendosja përmes programit USRAP, mund të zgjasë me vite dhe grupet e avokimit kanë thënë se programet po vazhdojnë shumë ngadalë.

Kjo do të thotë se mijëra afganë që shpresojnë të sistemohen në Shtetet e Bashkuara kanë mbetur në harresë të gjerë në vendet e treta, duke përfshirë Shqipërinë, Kosovën, Katarin dhe Emiratet e Bashkuara Arabe.

Fatima pranon se është me fat që është gjallë. Por, ajo gjithashtu zbuloi se kjo pasiguri ka pasur ndikim tek ajo.

“Unë më parë kurrë nuk kam marrë as tableta për dhimbje koke”, tha ajo. “Por, tani marr ilaçe tri herë në ditë”.

Ish-deputetes nuk i lejohet të punojë. Ajo ia del mbanë me ndihmën e një organizate joqeveritare me bazë në Uashington. Djali i saj ndjek një shkollë lokale, megjithëse pengesa me gjuhën e ka privuar atë nga një edukim kuptimplotë, tha ajo.

Ahad, një ish-oficer ushtarak afgan, është në mesin e rreth 40 afganëve që kanë mbetur në Shqipëri.

Ahad, i cili kërkoi të mos përdoret emri i tij i vërtetë për arsye sigurie, jeton me katër fëmijët dhe gruan e tij në një qytet turistik përgjatë bregut të Adriatikut.

Çdo anëtar i familjes merr një pagesë mujore prej 50 dollarësh nga agjencia e OKB-së për refugjatët, UNHCR. Por, Ahad tha se paratë mezi mjaftojnë për të paguar qiranë për apartamentin e tyre të vogël.

“Problemet financiare në rritje po na shtojnë ankthin”, tha ai.

I paaftë për të punuar, Ahad theksoi se i janë grumbulluar borxhet ndaj shitësve vendas, nga të cilët ka marrë ushqime dhe gjësende të tjera bazike.

Departamenti amerikan i Shtetit thotë se rastet e afganëve në Shqipëri po shqyrtohen në kuadër të programit amerikan për refugjatët.

“Ne jemi të fokusuar në rritjen e kapaciteteve, përshpejtimin e përpunimit dhe zgjidhjen e aplikacioneve të vonuara shumë”, tha një zëdhënës i Departamentit amerikan të Shtetit për Radion Evropa e Lirë në një përgjigje me shkrim, duke shtuar se, “…vazhdon të ruajë standardin rigoroz të shqyrtimit dhe verifikimit të programit”.

Zëdhënësi tha se DASH-i “po lëshon vizat SIV për partnerët afganë me norma rekord”.

Në vitin e fundit fiskal të SHBA-së që përfundoi në shtator 2023, DASH-i lëshoi më shumë se 18.000 viza SIV për afganët, më së shumti në një vit të vetëm, bëri të ditur zëdhënësi.

“Në këtë vit fiskal [2024], ne e kemi tejkaluar tashmë këtë shifër”, shtoi ai.

Por, garancitë nga Uashingtoni nuk i kanë shuar shqetësimet e afganëve të ngecur në Shqipëri.

“Pse na kanë lënë këtu kur i kanë evakuuar edhe kafshët nga Afganistani?”, tha Fatima, duke iu referuar evakuimit të kafshëve nga Qeveria britanike prej Kabulit në vitin 2021, edhe pse Londra la pas mijëra afganë të rrezikuar që kishin punuar me ushtrinë britanike.

Kthimi në Afganistan nuk është një opsion për Fatiman apo Ahadin.

Talibanët shpallën një amnisti të përgjithshme menjëherë pas rimarrjes së pushtetit, përfshirë të gjithë zyrtarët afganë, forcat e sigurisë dhe individët që bashkëpunuan me praninë ushtarake të larguar, të udhëhequr nga SHBA-ja në Afganistan.

Por, vëzhguesit ndërkombëtarë të të drejtave të njeriut dhe Kombet e Bashkuara kanë dokumentuar raste të përhapura të hakmarrjes, duke përfshirë vrasjet pa gjyq dhe torturat.

Ahad thotë se nëse nuk kualifikohet për t’u sistemuar në Shtetet e Bashkuara, Uashingtoni duhet ta ndihmojë atë të shkojë në një vend të tretë.

“Unë dua që ky fat i keq i yni të marrë fund”, tha ai./ REL

The post Afganët mbesin “të bllokuar” në Shqipëri tre vjet pas rikthimit të talibanëve appeared first on Albeu.com.

E themeluar në vitin 2005 nga Presidenti Bill Clinton, “Clinton Global Initiative” CGI mbledh liderë shtetesh nga mbarë bota, si dhe aktorë të rëndësishëm të fushave të ndryshme në një përpjekje të përbashkët për të hartuar dhe zbatuar zgjidhjet më të mira për sfidat emergjente me të cilat përballet sot globi, të cilat në takimin e këtij viti u fokusuan në ndryshimin e klimës, rritjen ekonomike gjithëpërfshirëse dhe barazinë shëndetësore.

Takimi 2023 u përqendrua në përpjekjet për të ruajtur dhe çuar përpara progresin e bërë në këtë drejtim, pavarësisht vështirësive që dalin, duke ndërmarrë angazhime konkrete për reagimin ndaj fatkeqësive, rimëkëmbjen dhe qëndrueshmërinë. Kryeministri Rama ishte pjesë e njërit prej paneleve të “Clinton Global Initiative”.

Kryeministri Edi Rama: Unë besoj që nuk do të isha ftuar këtu në qoftëse nuk do të ishte për mënyrën sesi ne arritëm të jepnim ndihmë për afganët në atë moment kaosi, gjithashtu dhe për atë që po përpiqemi të bëjmë në Këshillin e Sigurimit ku Shqipëria është anëtare e përkohshme dhe ku, besojeni apo jo, për herë të parë në historinë e Këshillit të Sigurimit, u ngrit nga ne çështja e bashkërendimit dhe bashkëpunimit të mundshëm në një mënyrë më sistemore midis sektorit privat dhe sektorit publik për të ndërtuar një partneritet dhe aleancë humanitare.

Ka një tjetër fakt për të cilin kemi marrë mbështetje mjaft të rëndësishme për këtë ide nga një organizatë me të cilën jemi njohur gjatë kësaj krize në Afganistan, “Futures” dhe me ta ne tashmë po marrim edhe disa aktorë mjaft të mëdhenj dhe t’i japim jetë një platforme që çdokush në këtë botë donatorësh, kompanish e vullnetarësh mund të marrin informacion për nevojat, për kë po bën çfarë, për ku është e nevojshme ndihma dhe sigurisht, përmes kësaj platforme të mobilizohen më shumë financime sepse ajo çfarë kemi arritur të kuptojmë gjatë këtij ushtrimi është se në fakt, nevojat në nivel humanitar janë shumë më tepër sesa 55 miliardë këtë vit dhe ajo çfarë është mbledhur është më pak se 11 miliardë. Hendeku pra është shumë i madh dhe nevoja për bashkërendim është e jashtëzakonshme.

Për t’iu kthyer momentit kur u ekspozuam ndaj kësaj situate kaotike në Afganistan, më duhet ta them që ishte tronditëse për mua, për ne sepse nuk e imagjinonim dot sesi të gjitha këto vende të mëdha jo vetëm po largoheshin nga ky vend, por po linin pas çdokënd dhe gjithçka dhe as nuk po mendonin se çfarë do të ndodhte me të gjitha këto gra të cilat kishin vënë veten në rrezik. Gjithë këta persona që kishin punuar për ne dhe kur flas për ne është sepse Shqipëria është anëtare e NATO dhe ka qenë pjesë e misionit atje dhe çfarë do të ndodhte me të gjithë këta njerëz të cilët ishin ekspozuar si armiqtë e ardhshëm të regjimit të ri aty. Duke u besuar ëndrrave që ne shitëm, duke u besuar të ardhmes që ne bëmë të ëndërronin. Më pas morëm disa kërkesa krejt befas nga disa prej organizatave të përfshira, gjithashtu edhe nga senatorja Klinton, gjithashtu edhe nga të tjerë për t’i pritur këta njerëz në Shqipëri. Po, nuk jemi mes më të mëdhenjve e mes më të pasurve, por duhet tu hapnim dyert këtyre njerëzve sepse ishte një turp t’i linim në duart e këtyre barbarëve. Prej asaj kohe mësuam se sa e rëndësishme ishte qe të kishim diçka më sistemore, më të gatshme për tu përgjigjur dhe jo për të parë gjithë këtë kaos. Ne besojmë në Shqipëri që jemi kaotikë, por kur pashë se sa kaotike mund të ishin Shtetet e Bashkuara të Amerikës, thashë: “o Zot sa mirë jemi”.

-Jam kureshtare për përvojën tuaj kur Shqipëria u përball më katastrofën e saj. Si ndihmon kjo nismë që po përpiqemi të krijoni për të trajtuar këto sfida?

Kryeministri Edi Rama: Ne vërtetë shpresojmë që kjo nismë do të zhvillohet dhe kjo urë midis të gjithë njerëzve vullnetmirë, kompanive vullnetmira, organizatave vullnetmira dhe Kombeve të Bashkuara do të ndërtohet duke tejkaluar edhe paragjykimin që është aty domethënë, që Shtetet e Bashkuara janë të ngadalta e kështu me radhë por shpresojmë që kjo do të zhvillohet. Kur u goditëm nga tërmeti qemë të bekuar se patëm miq dhe nuk na lanë vetëm as Bashkimi Europian, as Turqia, nga Emiratet e Bashkuara Arabe dhe nga shumë të tjerë të cilët na ndihmuan ndërkohë që qysh prej momentit të parë ishte e jashtëzakonshme të shihje ekipet e shpëtimit të vinin nga mbarë Europa e madje dhe nga Izraeli për të të ndihmuar me shpëtimin e njerëzve që ishin ende gjallë nën rrënoja. Po kështu ishte e jashtëzakonshme të shihje vetë shqiptaret nga të gjitha vendet ku jetojmë, sepse ne jemi një rast mjaft i veçantë sepse jemi një komb i vogël, por me dy shtete, Shqipëria dhe Kosova dhe shqiptarët jetojnë kudo dhe ju e dini ndoshta më mirë se unë se nëqoftëse doni të hani mirë, shkoni në një restorant të mirë shqiptar në New York dhe gjithë ndihma prej tyre ishte e jashtëzakonshme.

-Kryeministër, lidhur me këtë nismë që ju kërkoni të përdorni për të mobilizuar fondet, do ta drejtoni tek grupet që janë në vijë të parë ?

Kryeministri Edi Rama: Dëgjoni, ne po bëjmë në mënyrë mjaft modeste pjesën tonë dhe po përfitojmë nga kjo mundësi për të shfrytëzuar maksimalisht të qenit anëtar të Këshillit të Sigurimit, por ne nuk jemi Shtetet e Bashkuara të Amerikës, jemi Shqipëria. Kështu që edhe pse jam shumë i gjatë, jemi shumë të vegjël për të imponuar ndonjë gjë apo për të udhëzuar botën drejt diçkaje. Ne thjeshtë besojmë që deri më tani ia kemi dalë të krijojmë sinergjinë e duhur me këto organizata shumë të mëdha, shumë më të mëdha se ne, siç thashë me “Future”, Google është futur në këtë aleancë që do të thoja është një start-up, është fillestare dhe me shprese dhe të tjerë do të bashkohen me ne. Çdo kush mund të sjellë jo vetëm paratë, donacionet por edhe njohuritë sepse Google mund të kontribuojë shumë për shembull, sa për t’ju dhënë një shembull me aspektin teknologjik. Dikush tjetër mund të kontribuojë shumë në aspektin e shpërndarjes dhe kështu me radhë, pra ngritja e një platforme ku të gjithë mund të kenë qasje, ku të gjithë mund të informohen, ku të gjithë mund të shohin në mënyrë transparente kush bën çfarë dhe sa është nevoja për të çuar diku dhe sa është nevoja për të shpenzuar në një vend tjetër. Është diçka shumë e mirë për të pasur diçka në nivel sistemi, që nuk është herë pas here e njëjta situatë ku ndërkohë që ndodh katastrofa e madhe të gjithë vrapojnë lartë e poshtë pa e ditur çfarë bëjnë të tjerët apo çfarë mund të bëjnë të tjerët. Në botën ku jetojmë nuk duket sikur do të bëhet më mirë, duket sikur do të bëhet gjithmonë e më keq kështu që duhet të përgatitemi shumë më mirë për të përballuar të gjithë këtë bela./albeu.com/ 

The post Rama nga New York: Kur pashë sa kaotike ishte SHBA, thashë “O Zot sa mirë jemi” appeared first on Albeu.com.

Në raportin e saj më të ri, OKB-ja ka thënë se Ministria e talibanëve për Shëndetin Publik, ka bërë të ditur se vetëm burrat mund të hyjnë në provime për t’u regjistruar në studimet për mjekësi.

OKB-ja ka thënë se ka regjistruar raste kur talibanët edhe kanë nisur t’i zbatojnë disa kufizime shtesë kundër lirisë së lëvizjes dhe punësimit të grave.

Në fillim të muajit maj, dy gra afgane – pjesëtare të një organizate ndërkombëtare joqeveritare – janë arrestuar nga forcat talibane në aeroport, sepse ato kanë udhëtuar pa u shoqëruar nga një burrë, apo nuk kanë qenë të mbuluara tërësisht.

Në qershor, një grua është kërcënuar me vdekje nga shërbimi i inteligjencës, nëse vazhdon të punojë me organizata ndërkombëtare.

Ajo është raportuar të ketë dhënë dorëheqje dy ditë më vonë.

Sipas OKB-së, ka raportime edhe për dhunë fizike ndaj grave.

Organizata e ka përmendur një incident kur talibanët e kanë rrahur një grua dhe e kanë detyruar të largohet nga një park publik.

Pavarësisht premtimeve për një udhëheqësi tjetër, në krahasim me atë të viteve 1990, talibanët kanë vendosur rregulla të ashpra, prej kur janë ngjitur në krye të Afganistanit në gusht të vitit 2021, në kohën kur forcat amerikane dhe ato të NATO-s kanë qenë duke u larguar.

Ata ua kanë ndaluar grave lëvizjen në pjesën më të madhe të hapësirave publike dhe i kanë shtypur mediat.

Vajzave u është ndaluar shkuarja në shkollë pas klasës së gjatë, dhe grave u është ndaluar puna për organizata lokale dhe joqeveritare./rel

The post OKB: Talibanët i kanë shtuar kufizimet ndaj grave dhe vajzave afgane appeared first on Albeu.com.

Shumë prej tyre ndjekin zhvillimet në Afganistan ndërsa mbeten të bllokuar në Shëngjin, rreth 70 kilometra në veriperëndim të Tiranës.

Qindra refugjatë që u larguan nga Afganistani pasi talebanët rimorën kontrollin e vendit të tyre më shumë se një vit më parë, mbeten të bllokuar në Shqipëri, duke pritur që të konkretizohet premtimi për një transferim të përhershëm në Shtetet e Bashkuara.

Shumë thonë se lajmet nga Afganistani dhe pritja e gjatë për të marrë dokumentat për zhvendosjen përfundimtare kanë filluar t’i rëndojnë kushtet e tyre, por ata mbeten me shpresë.

“Gjithmonë mendoj se kemi humbur rininë tonë në Afganistan”, thotë Firooz Mashoof, prindërit, vëllezërit dhe motrat e të cilit mbeten në qytetin e tij të lindjes, Herat në Afganistan.

Firooz Mashoof po jeton në Shëngjin. Ai kishte shpresuar se do të ishte vetëm një qëndrim i shkurtër.

Firooz Mashoof – ende zyrtarisht një zëdhënës i Federatës Afgane të Futbollit – thotë se viti i kaluar i jetës së tij ka qenë i mbushur me “ditë të vështira”.

Dy javë më parë, gruaja e Firoozit – e cila gjithashtu u evakuua në Shqipëri – solli në jetë fëmijën e tyre të parë, një vajzë.

“Vetëm shpresoj që vajza ime të rritet larg luftës dhe të ecë përpara me jetën e saj në Amerikë. Nuk dua që vajza ime të përjetojë atë që kemi kaluar ne dhe tani ky është qëllimi i vetëm në jetën time,” thotë Firoozi, duke shfaqur shpresën se kjo “do të ndodhë pak më shpejt”.

Rreth 2,400 afganë u evakuuan në Shqipëri në gusht dhe shtator të vitit 2021 dhe iu dhënë strehim të përkohshëm në Shëngjin.

Organizatat joqeveritare nga Shtetet e Bashkuara dhe vende të tjera ofruan mbështetje financiare për strehimin e tyre.

Qeveria shqiptare tha në atë kohë se do të strehonte disa mijëra afganë për të paktën një vit, përpara se të transferoheshin në Shtetet e Bashkuara.

Kohët e fundit, qeveria u zotua t’i mbajë ata për më shumë se një vit nëse vizat e tyre për në SHBA vonohen.

Pritja e gjatë për një shans për të rifilluar jetën e tyre në SHBA është e vështirë për të evakuuarit, por shumë prej tyre kanë vetëm fjalë të mira për mënyrën se si trajtohen në Shqipëri.

Rabia Yaqoobi është një futbolliste e re nga qyteti verior afgan i Dehdadit që jeton në Shëngjin.

“Jeta është e mirë këtu, unë mund të stërvitem edhe pse nuk kemi terren dhe pajisje të duhura. Por megjithatë, ne vijmë këtu në këtë terren sportiv dhe stërvitemi, dhe gjithashtu punoj në një restorant. Kështu që vazhdoj jetën time si kam bërë në Afganistan, stërvitem dhe punoj. Kur të shkoj në Amerikë, dua të vazhdoj karrierën time si futbolliste”, thotë Rabia./VOA

The post Afganët në Shqipëri shpresojnë të rifillojnë jetën në SHBA appeared first on Albeu.com.

Kryeministri ka shkuar t’i takojë ata me dhurata në duar, duke marrë rolin e ‘një babagjysshi’. Rama i ka prezantuar afganëve dhe Ministren Ogerta Manastirliu.

Pjesë nga biseda:

Rama: Përshëndetje si jeni? Çdo gjë është në regull këtu? Kjo është Ministrja jonë, e keni takuar. Të gjithë kanë bërë maksimumin. Kemi sjellë disa gjëra për fëmijët. Jam i bindur që do i pëlqëjnë shumë. Më në fund ia dolët.

Nje nga shtetaset afgane: Faleminderit shumë z.Kryeministër. Na kanë mbështetur shumë. Faleminderit!

The post Rama shkon në hotelet ku janë strehuar afganët (VIDEO) appeared first on Albeu.com.

Ata u pritën nga kryeministri Edi Rama, ambasadorja amerikane në Shqipëri, Yuri Kim dhe nga Ministrja për Evropën dhe Punët e Jashtme, Olta Xhaçka.

Ndërkohë personazhe të tjerë public I kanë mirëpritur nga rrjetet sociale dhe një prej tyre është Arbana Osmani.

Moderatorja shumë e dashur e publikur shqiptarë ka ndarë foton e një nënë afgane me fëmijën në krah ku shkruan: Do doja shumë t’i përqafoja të gjithë këta njërëz. Mirë se vini!/albeu.com/

The post “Do doja t’i përqafoja të gjithë”, Arbana Osmani i uron mirë se ardhjen afganëve (FOTO LAJM) appeared first on Albeu.com.

Pyetjes nëse afganët do të qëndrojnë përgjithmonë në Shqipëri, Rama i është përgjigjur duke thënë se është në dorën dhe vendimin e tyre një gjë e tillë.

Çfarë po ndodh në terren me shqiptarët dhe afganët që kanë punuar për ju?

Rama: Dua të përsëris atë që ç’kam thënë disa herë. Ka të bëjë me atë që jemi. Ka të bëjë me atë që jemi anëtare e NATO-s. Kemi bërë përpara sepse kjo është historia jonë. Shqipëria është i vetmi vend në Evropë që ka pasur hebrenj. Është kështu sepse në fund të fundit i detyrohemi fëmijëve tanë.

Rama: Jo nuk ka. Jemi gati të mirëpresim afganët që besuan te ne si NATO dhe që ne nuk i ndihmojmë. Është çështje jetë a vdekje për ta dhe është një çështje shumë e madhe për ne si aleancë e NATO-s. Nuk jemi në kohën për të ngritur çështjet që duhet ngritur. Kjo është koha për të menduar për ata që gjenden midis jetës dhe vdekjes. Shqipëria nuk është nga vendet e pasura, por kemi në kujtesë dhe besojmë që është në nderin e anëtarëve të NATO-s dhe të gjithë kësaj bashkësie vendesh që mbrojnë vlerat që ne qëndrojmë, në të kundërt rrezikon që NATO të zbehet në sytë e botës që kërkojnë liri, trajtim të barabartë për gratë dhe jo vetëm NATO-ja por edhe kjo pjesë e jona e botës bazohet në këto parime. Është shumë e qartë, jemi sfiduar në një mënyrë të tillë si nuk jemi sfiduar më parë. Jo nga një kundërshtar apo nga një forcë kundër nesh, por nga vetja jonë, sfidohemi ose të qëndrojmë për atë çka i themi botës që jemi. Ky është një objektiv i madh që nuk mund të dështojmë.

Ju folët për historinë tuaj dhe pastrimin etnik, e që keni mbrojtur hebrenjtë. Lufta është NETFLIX, për ne lufta ka qenë reale. Sa refugjatë jeni të gatshëm të prisni?

Rama: Ne qëndrojmë për diçka që është thellësisht e rëndësishme për fëmijët tanë. Ne kemi përjetuar luftën, kemi pasur njerëz të vdesin. Kemi pasur refugjatë lufte në Kosovë që lëvizën në tokën tonë. Ishim në situatë financiare më të vështirë se sot. Ajo nuk na bëri të vdisnim urie, por na bëri më të pasur moralisht.

Sa refugjatë do pranoni?

Rama: Ne thamë se jemi të gatshëm për të pritur njerëz. Për momentin po punojmë për listat që na sjellin dhe numërojmë rreth 2 mijë të listuar dhe 2 mijë të tjerë, që po punojmë për të mirëpritur.

A i pranoni në mënyrë të përhershme?

Rama: S’është çështja që ne do i pranojmë në mënyrë të përhershme, por kanuni i parë kishte të shkruar që shtëpia e shqiptarit është e zotit e mikut. Nëse duan të qëndrojnë le të qëndrojnë.

Ka një çështje morale që është përparësia numër 1 për ju, por është dhe çështje politike e të gjithë i kthehen refugjatëve që kanë ardhur nga Siria drejt Evropës. Presidenti turk tha që Turqia s’do të jetë magazina e refugjatëve, ç’mendoni për këtë?

Rama: Mendoj që faqja më e ndritur e historisë është faqja që shkroi Angela Merkel duke i hapur krahët këtyre njerëzve të dëshpëruar dhe ajo i shpëtoi nderin Evropës. Ne respektojmë debatet, interesat dhe s’kemi nevojë t’i bëjmë leksione askujt. Çdo të thotë 20 mijë në 5 vite. Unë nuk diskutoj shifrat, është fjala për dispobilitet dhe mungesë dispobiliteti. Ndoshta se kishim fatkeqësinë dhe mirësinë për të parë çdo të thotë të jetonim në një regjim me talebënt për 20 vjet. Ne ishim afganët që i iknim ferrit që ishim mbyllur për gjysmë shekulli. Vëllezërve tona italianë i dukeshim si alienë, e sot ne jemi të integruar atje, shqiptarët po përfitojnë shumë atje. Asokohe ne kishim nevojë të merrnin dhe morëm./albeu.com

The post A do të strehohen afganët përgjithmonë në Shqipëri? Si përgjigjet Rama appeared first on Albeu.com.

Letra e një adoleshenteje, ishte shtysa përfundimtare e 46 vjeçares, që e çoi në hapjen e një profili në Instagram.

Angelina Jolie ka shpërndarë në rrjetin social pjesë nga letra e adoleshentes afgane, duke u shprehur se ajo do bëhet zëri i qytetarëve që po luftojnë për jetën dhe të drejtat e tyre.

 

View this post on Instagram

 

A post shared by Angelina Jolie (@angelinajolie)

“Kjo është letra që mora  nga një adoleshente në Afganistan. Për momentin, njerëzit në vend po humbasin aftësinë për të komunikuar.Unë isha në kufirin e Afganistanit dy javë para 11 shtatorit, ku takova refugjatët afganë që kishin ikur nga talibanët. Kjo ishte njëzet vjet më parë.

Është e dhimbshme të shikosh afganët të zhvendosen përsëri nga frika dhe pasiguria që ka kapluar vendin e tyre”, ka shkruar Jolie në mbishkrimin që shoqëroi foton nga letra.

“E hapa Instagramin për të ndarë historitë me botën dhe për të dëgjuar zërat e atyre që luftojnë për të drejtat e njeriut kudo.”

Menjëherë pas hapjes së llogarisë, 46 vjeçarja ka marrë 1.8 milionë ndjekës virtualë.

The post Angelina Jolie hap Instagram për të ngritur zërin për afganët: Jam këtu për të ndarë historitë historitë e tyre me botën appeared first on Albeu.com.

Për transportimin e tyre do të kujdesen SHBA-të dhe organizatat ndërkombëtare tek të cilat këto persona kanë qenë të angazhuar.

Me të mbërritur në vendin tonë përgjegjësia për akomodimin, rregullimin e statusit apo edhe risocializimin e tyre kalon tek trupi koordinues i formuar nga Qeveria e Maqedonisë.

Ministri i Jashtëm, Bujar Osmani, i cili është pjesë e këtij grupi tha për Alsat se shtetasit Afganë tek ne do të qëndrojnë përkohësisht, por çfarë harku kohorë përfshin kjo, nuk e di askush. Akomodimi i tyre do të bëhet nëpër disa hotele në vend.

Sot flitet për 50 shtetas afganë më shumë, për dallim nga një ditë më parë, në total 450. Kryeministri Zoran Zaev tha se përveç strehimit dhe kujdesit shëndetësorë, do të bëhet edhe angazhim i tyre shoqëror, për sa kohë që do të qëndrojnë në vendin tonë. Së pari në vend do të mbërrijnë shtetasit afganë për të cilët Ministria e Punëve të Brendshme ka bërë verifikimet e nevojshme. Ndërsa për sjelljen e këtyre 450 personave do të realizohen disa fluturime./Alsat

The post Afganët e parë në Shkup arrijnë të premten, ja ku do të vendosen appeared first on Albeu.com.