Lajmin e bëri të ditur vetë Ministria e Infrastrukturës e cila deklaron anulimin kontratës për dhënien me koncesion/partneritet publik privat, për projektimin, ndërtimin, operimin, mirëmbajtjen dhe transferimin e Aeroportit të Sarandës.

Sipas Ministrisë së Infrastrukturës arsyeja që kjo gjë ka ndodhur, është sepse në garë nuk u paraqit asnjë kompani.

Ndërkohë kujtojmë që vlera minimale e tenderit ishte 34,3 milionë euro.

“Nuk është dorëzuar asnjë ofertë brenda afateve kohore, pra nuk ka pasur pjesëmarrës në garë.” njoftohet nga Ministria e Infrastrukturës.

Kujtojmë se afati për paraqitjen e ofertave ishte deri në 26 nëntor. Në bazë të njoftimit të bërë nga Agjencia e Prokurimit Publik (APP) më 26 tetor, investitorët me interes kishin një muaj kohë për të dorëzuar ofertat.

Procedura e parë e tenderit në Aeroportin e Sarandës u mbyll më 14 tetor. Pavarësisht ndryshimeve në kontrata dhe dy zgjatjeve të afateve, përpjekja e parë dështoi për të tërhequr asnjë ofertë dhe si duket ka dështuar edhe e dyta.

Sipas dosjes së ofertës në dispozicion në Agjencinë e Prokurimit Publik me numrin e referencës: REF-09417-10-25-2021, vlera e parashikuar e projektit është 34,320,000 Euro (pa TVSH) ndërsa kohëzgjatja e kontratës është caktuar 35 vjet.

Bazuar në dokumentet zyrtare, projekti i planifikuar (një lloj investimi Greenfield) do të zbatohej në zonën e fushës së Vurgut, gjashtë km larg Sarandës dhe në një lartësi prej 20 metrash mbi nivelin e detit./albeu.com/

The post Dhënia me koncesion e aeroportit të Sarandës, dështon për herë të dytë tenderi! “Zbardhet” arsyeja appeared first on Albeu.com.

Lajmin e ka bërë të ditur vetë Agjencia e Prokurimeve Publike e cila ka prezantuar edhe ofertat që do të priten deri në 26 nëntor të këtij viti.

Ndërtimi i aeroportit të Sarandës është parashikuar edhe në projektbuxhetin për vitin 2022.

Kohëzgjatja e PPP do të jetë 35 vite dhe ka një vlerë prej 4 miliard e 290 milion lekë ose 34.3 mln euro. Ky aeroport  parashikohet të presë  rreth 130 mijë pasagjerë/ në vit ose 300 pasagjerëve në orë. Kryesisht operimi i tij do të jetë për arsye turistike./albeu.com/

The post DETAJET/ Rihapet gara për ndërtimin e aeroportit të Sarandës appeared first on Albeu.com.

Balluku u shpreh se aeroporti i Vlorës do të jetë një aeroport me kapacitet të madh që do të ketë një fluks të gjerë udhëtarësh.

Ndërsa aeroporti i Sarandës, sipas Ballukut do të jetë një aeroport sezonal dhe do i vijë më shumë në ndihmë turizmit, pasi Saranda po zhvillohet vit pas viti në këtë aspekt./albeu.com

The post Belinda Balluku: Brenda mandatit ndërtojmë aeroportin e Vlorës dhe Sarandës appeared first on Albeu.com.

Ministrja tha se gara do të jetë e hapur në faqen e ministrisë duke filluar nga data 2 gusht deri në datë 23 shtator të këtij viti.

“Prej kohësh Kryeministri Rama ka lançuar strategjinë për zhvillimin  e Aviacionit Civil duke njoftuar si ky zhvillim do të vijë. Pas kontratës së re të firmosur nga qeveria dhe koncensionari i aeroportit të Tiranës , pas hapjes së aeroportit të Kukësit që ka arritur normalitetin duke kryer fluturime përditë. Pas firmosjes së kontratës për aeroportin e Vlorës tani është radha për lançimin e garës për aeroportin e Sarandës. Ministria e Financës ka marrë përsipër kostot për procedurën e koncensionit. Është një procedurë e lehtë pasi shteti nuk ka përfshirje direkte. Shteti nuk ofron një garanci financiare. Do të jetë investim privat që do të kushtojë 37 milionë.

Ndoshta për skeptikët që po thonë për atë të Kukësit që ishte 3D padyshim puna flet dhe nuk ka nevojë për fjalë. Aeroporti i Sarandës do t’i shtohet infrstrukturës ajrore pasi është një kollonë e fortë për zhvillimin e vendit. Kemi pasur interes nga grupe të ndryshme në Europë dhe jam shpresëplotë që edhe ky process do të jetë i sukseshëm.

Në Sarandë presim që në 3-4 vite te elaborojmë 1 milionë pasagjerë. Gara do të jetë e hapur në faqen e ministrisë nga data 2 gusht deri më 23 shtator. Investitori do të ketë mbështetjen totale të shtetit dhe ministrive por procesi i shpronësimeve do të bëhet nga shteti bashkë me Agjensinë e Shpronsimeve. Unë jam e sigurt që banorët e Sarandës do të jenë te kënaqur nga ky lajm i ri”, tha Balluku./albeu.com

The post Balluku: Hapet gara për ndërtimin e aeroportit të Sarandës appeared first on Albeu.com.