Mediat në Itali raportojnë se adoleshenti shqiptar i ka dorëzuar një dozë droge personit tjetër në këmbim të 30 eurove.

18-vjeçari ka vënë re mbërritjen e policisë, ka bërë klientin të zbresë nga makina dhe befas ka përshpejtuar marshin duke tentuar të largohet për të shmangur kontrollin.

Me gjithë manovrën e papritur dhe të rrezikshme, ai u arrit dhe u bllokua menjëherë nga patrulla e policisë.

Në makinën e përdorur nga i riu shqiptar, Ford Puma ngjyrë gri, policia, pas kontrollit, gjeti doza të shumta lëndë narkotike, të fshehura në dorezën dhe në pjesë të tjera të makinës, përfshirë hashash, kokainë me peshë rreth 14 gramë dhe shuma prej 585 eurosh cash, në kartëmonedha të prerjeve të ndryshme, që mendohet se janë të ardhura nga veprimtaria e tregtimit të drogës.

Droga dhe paratë u sekuestruan në cilësinë e provës materiale.

The post U kap në flagrancë duke i shitur drogë një 42-vjeçari, arrestohet adoleshenti shqiptar appeared first on Albeu.com.

Mediat greke raportojnë se ngjarja ka ndodhur në Aiginas, ku 14-vjeçari me origjinë shqiptare i ka dhënë fund jetës duke u vetëvarur në pemë.

Raportohet se adoleshenti bullizohej dhe ndodhta kjo e ka çuar që të ndërmerrte dhe aktin ekstrem.

I mituri i ka lënë një letër familjes pak para se t’i jepte fund jetës.

Edhe pse bëhet fjalë për vetëvrasje, autoritetet greke po hetojnë për shkaqet që kanë çuar 14-vjeçarin në këtë akt ekstrem.

The post Bullizohej nga moshatarët, 14-vjeçari shqiptar në Greqi i jep fund jetës appeared first on Albeu.com.

Një adoleshent shqiptar rreth 18 vjeç është plagosur mbrëmë me thikë në Carmignano. Gonews.it shkruan se sulmi është ende duke u ekzaminuar nga karabinierët, të cilët po hetojnë dinamikën. Ngjarja ka ndodhur pak pas orës 20.00 të mbrëmjes së djeshme.

Kërkimi për autorin e ngjarjes ka vazhduar gjatë gjithë natës. Ndërkohë që për ngjarjen ka reaguar edhe kryebashkiaku i Carmignano Edoardo Prestanti, i cili tha se shqiptari është transferuar në spital dhe ndodhet në gjendje të rëndë por nën kujdesin e mjekëve.

“Djali është transferuar në spital dhe ndodhet nën kujdesin e mjekëve, kushtet janë të rënda por shpresojmë të dalë nga rreziku për jetën. Policia mundi të hynte në pamjet e kamerave të vëzhgimit në zonë. E paralajmërova menjëherë prefektin, policia përjashton çdo rrezik për bashkëqytetarët tanë, ndjej se mund të qetësoj qytetarët. Kushdo që ka informacion të dobishëm duhet të kontaktojë absolutisht me karabinierët. Falenderojmë bashkëqytetarët që kanë dhënë ndihmën e parë”, shkroi Prestanti.

The post Plagoset me thikë 18-vjeçari shqiptar në Itali, policia në kërkim të autorëve appeared first on Albeu.com.