Në mbledhjen e Këshillit të Përgjithshëm të partisë, Haradinaj thotë se rezultati zgjedhor është një prej tre arsyeve pse u largua nga pozita e kryetarit.

“Procesi zgjedhor fillon nga 20 shkurti. Është risi ose ndryshim sepse nuk do të kandidoj për kryetar të Aleancës në këto zgjedhje të brendshme. I kam treguar edhe disa arsye, ua shpjegoj edhe ju. Një arsye është koha e gjatë, arsyeja e dytë është rezultati zgjedhor. Po ashtu është edhe besim që kam në kuadrin e Aleancës”, ka thënë ai.

Haradinaj ishte përfolur se po mbledh nënshkrimet për të qenë kandidat për president, por një gjë të tillë e ka mohuar.

“Nuk jam kandidat për president të vendit. Nëse në një rrethanë të caktuar deputetët, Parlamenti do të ma kërkonin do ta shqyrtoja, por nuk jam kandidat… ende nuk kemi një qëndrim se si do të veprojmë rreth çështjes së presidentit, do ta shqyrtojmë”, ka deklaruar Haradinaj.

The post Ramush Haradinaj jep dorëheqjen si kryetar i AAK: Nuk do kandidoj për president appeared first on Albeu.com.

Haradinaj do të jetë edhe bartës i listës për zgjedhjet e dhjetorit, teksa partia e tij do të garojë me sloganin “Krah teje”.

Ai bëri të ditur përmes një postimi në Facebook se në mbledhjen e Këshillit të Përgjithshëm të AAK-së është miratuar edhe lista me 110 kandidatë për deputetë si dhe programi zgjedhor.

Sipas tij, programi është ndërtuar mbi tri shtylla kryesore: “qëndrueshmëria dhe trashëgimia, mirëqenia dhe zhvillimi ekonomik, si dhe siguria dhe integrimi euro-atlantik”.

“Aleanca në zgjedhje niset ‘Krah Teje’, për rikthim të normalitetit në vend, zhvillim e mirëqenie, për anëtarësim në NATO dhe BE, për rikthim të partneritetit strategjik me aleatë të prirë nga SHBA, për sigurinë dhe ruajtjen e Shtetit si një të të pandarë”, shkroi Haradinaj në Facebook.

Në të kaluarën, Haradinaj ka shërbyer dy herë si kryeministër i Kosovës.

Në zgjedhjet e fundit parlamentare të mbajtura më 9 shkurt të këtij viti, AAK-ja garoi në koalicion me Nismën Socialdemokrate dhe disa parti të tjera. Koalicioni arriti të fitojë 66.256 vota apo 7.06 për qind. Nga tetë deputetë, pesë ishin nga AAK-ja dhe tre nga Nisma Socialdemokrate e Fatmir Limajt.

Deri më tani, edhe partitë e tjera shqiptare kanë nominuar kandidatët e tyre për kryeministër. Lëvizja Vetëvendosje e ka nominuar kreun e partisë, Albin Kurti, Partia Demokratike do të garojë me kreun e ri të partisë, Bedri Hamza, ndërkaq Lidhja Demokratike e Kosovës e ka nominuar kryetarin e partisë, Lumir Abdixhiku për postin e kryeministrit.

Që të katër këta udhëheqës partiakë ishin kandidatë për kryeministër edhe në zgjedhjet e 9 shkurtit./REL

The post AAK-ja e nominon Haradinajn kandidat për kryeministër appeared first on Albeu.com.

AAK, përmes kësaj kërkese drejtuar Kushtetueses, ka shprehur shqetësimet e saj mbi procedurat e ndjekura gjatë krijimit të komisionit, duke e vënë në dyshim përputhshmërinë e tyre me Kushtetutën dhe Rregulloren e Kuvendit.

Lidhur me këtë çështje, zyra për media e Gjykatës Kushtetuese ka konfirmuar për Telegrafin se lënda në fjalë është aktualisht në shqyrtim.

Në një përgjigje zyrtare, Gjykata thekson se vendimi ende nuk është marrë.

“Kjo lëndë është duke u shqyrtuar. Për vendimmarrjen e Gjykatës do të njoftohen me kohë të gjitha palët e interesit dhe opinioni”, thuhet në përgjigjen e Kushtetueses.

Ndërkaq, në Gjykatën Kushtetuese janë dorëzuar edhe komentet e deputetëve të Kuvendit në lidhje me kërkesën e dorëzuar nga deputetja e Aleancës për Ardhmërinë e Kosovës (AAK), Time Kadrijaj, e cila bashkë me 10 deputetë të tjerë ka kërkuar vlerësimin e kushtetutshmërisë së një vendimi të marrë më 5 maj 2025.

Ndryshe, AAK ka insistuar se krijimi i komisionit për votim të fshehtë nuk ka qenë në përputhje me procedurat kushtetuese, dhe ka kërkuar që Gjykata të sqarojë ligjshmërinë e veprimit në fjalë.

The post Kërkesa e AAK-së për Kuvendin e Kosovës, kur pritet shqyrtimi nga Gjykata Kushtetuese? appeared first on Albeu.com.

Kandidati për kryeministër, Ramush Haradinaj, ka premtuar para se ky koalicion do të punojë për Kosovën.

Ai tha se Deçani, është xhevahiri i turizmit malor, është ndër qytetet e rralla që rrethohet me bjeshkë që i kanë terrenet më të përshtatshme për sportet dimërore.

“Do të investojmë dhe do ta shndërrojmë këtë zonë në adresë ballkanike të turizmit. Turizmi dhe bujqësia mund të bëhen shtylla të zhvillimit ekonomik të Komunës, e për realizimin e të cilave do ta ketë edhe dorën e Shtetit. Studentët do të kenë bursa, rinia mbështetje financiare pa kthim nga Shteti për të fillur biznese të vogla, bujqit trefishim të subvencioneve, bizneset partneritet e lehtësira për rritje të biznesit. Rrymën do ta prodhojmë vet dhe nuk do të lejojmë të na e caktojë çmimin mafia energjetike. Energjia nuk do të jetë malli më i shtrenjtë. Do ta ulim çmimin për 20 përqind. Por për tu zhvilluar, së pari duhet të kemi siguri, e kjo arrihet vetëm duke qenë krejt Kosova në NATO”, tha Haradinaj.

Kurse Fatmir Limaj tha se ky qytet ka punuar lirinë e Kosovës dhe ka premtuar se do të punojnë për të mirën e qytetarëve të Kosovës.

The post Koalicioni AAK-NISMA dhe të tjerët prezantojnë ofertën para deçanasve appeared first on Albeu.com.

Haradinaj tha se bashkimi i tyre vjen si pasojë e një ndjenje të përgjegjësisë ndaj qytetarëve të Kosovës, të cilët, sipas tij, janë anashkaluar dhe madje braktisur në disa raste nga ekzekutivi aktual.

“Ne kemi ardhur në përfundimin se qytetarët e Kosovës janë ndjerë të braktisur dhe në disa raste edhe të shtypur nga ata që duhet të ishin garantues të mirëqenies së tyre. Ky shtypje shfaqet qartë në trajtimin e sektorit të lirisë; marrim për shembull mënyrën se si janë trajtuar mësimdhënësit gjatë grevave të sindikatës. Kjo është vetëm një nga shembujt e shumtë që tregojnë indiferencën e Qeverisë ndaj nevojave të qytetarëve,” u shpreh Haradinaj.

“Sot, qytetarët tanë paguajnë tarifat më të larta të rrymës në rajon, ndërsa kjo Qeveri ka qenë një kundërshtar i hapur i investimeve në sektorin e energjisë,” shtoi ai, duke kritikuar politikën ekonomike të Qeverisë aktuale.

“Jemi në gjendje të vështirë ekonomike sepse Qeveria po përfiton në mënyra që nuk i shërbejnë popullit,” theksoi Haradinaj.

The post AAK dhe NISMA nënshkruajnë marrëveshje për koalicion parazgjedhor, zbardhet përmbajtja appeared first on Albeu.com.

Ligji për pagën minimale parasheh rritjen e saj në 264 euro, nga 130 deri në 170 sa është aktualisht ndërsa nuk përfshinë kategoritë e dala nga lufta e ish Ushtrisë Çlirimtare të Kosovës.

Shefi i grupit parlamentar i Aleancës për Ardhmërinë e Kosovës, Besnik Tahiri tha se nga Gjykata Kushtetuese kërkohet vlerësimi i kushtetutshmërisë së ligjit në tri çështje kryesore.

“E para Këshilli ekonomik social i cili përcaktohet edhe në ligjin e punës dhe i cili asnjëherë nuk është konsultuar asnjëherë për pagën minimale, tregon për një shkelje flagrante që qeveria e Kosovës e ka bërë. E dyta është diskriminimi i palëve të cenueshme, pra të verbërve, paraplegjikëve dhe tetraplegjikëve, e të cilët nuk janë përfshirë dhe janë larguar. Ky është një diskriminim dhe shkelje e drejtpërdrejtë e vlerave dhe të drejtave të njeriut që përcakton Kushtetuta e Kosovës dhe e treta lidhet me veteranët e Ushtrisë Çlirimtare të Kosovës, rast ky që është eklatant dhe i cili jo vetëm që është shkelje mirëpo lidhet drejtpërdrejt edhe me vlerat që kjo kategori i përfaqëson”, tha zoti Tahiri.

Edhe partia tjetër opozitare, Partia Demokratike tha se i ka doërzuar një kërkesë Gjykatën Kushtetuese për vlerësimin e kushtetutshmërisë së vendimit për caktimin e seancës plenare të datës 13 korrik 2023 nga ana e kryetarit të parlamentit të Kosovës.

Ky subjekt tha se seanca e fundit ku janë miratuar disa ligje të rëndësishme përfshirë edhe Ligjin për pagën minimale është caktuar në kundërshtim me kushtetutën dhe rregulloren e punës së parlamentit.

Shoqatat e dala nga lufta e ish Ushtrisë çlirimtare të Kosovës, protestuan javën e kaluar në Prishtinë në kundërshtim të ligjit për pagën minimale. Nëse ky ligj hyn në fuqi, për çka kërkohet nënshkrimi i presidentes së vendit veteranët do të vazhdojnë të marrin 170 euro sa është pensioni aktual i tyre.

Në fillim të kësaj jave udhëheqësit e shoqatave të UÇK-së u takuan me presidenten e Kosovës Vjosa Osmani, dhe kërkuan mosdekretimin e ligjit ndërsa paralajmëruan pengimin e funksionimit të parlamentit të Kosovës.

“Veprimet tona nuk lidhen me presidenten, presidentja e ka për obligim ta kryej si duhet punë e saj sepse paraqet unitetin e popullit dhe nuk duhet të krijojë përçarje por kundërshtimet tona vazhdojnë. Ne kemi veçse të paralajmëruar me datën 26 atë që mbahet seanca”, tha Faton Klinaku nga shoqata e Veteranëve të luftës së ish Ushtrisë Çlirimtare të Kosovës.

Presidentja e Kosovës Vjosa Osmani ka thënë se “Ligji për pagën minimale do të analizohet nga zyra e saj dhe më pas do të veprohet në përputhje me përgjegjësitë kushtetuese e ligjore të presidentes dhe duke pasur parasysh rëndësinë e trajtimit të dinjitetshëm të këtyre kategorive”.

Sipas qeverisë Ligji i ri për pagën minimale parasheh ndryshimin e Ligjit për veteranët, asisoj që, siç thuhet, “deri në kategorizimin përfundimtar të listës së veteranëve qeveria e Kosovës, vendos për lartësinë e shumës së pensioneve të përcaktuara me këtë ligj”.

Ligji për pagën minimale u miratua pa praninë e opozitës në fund të një dite përleshjesh fizike në parlament që nxitën shqetësime për thellimin e përçarjeve politike dhe polarizimin e shoqërisë në Kosovë.

The post Opozita e Kosovës dërgon në kushtetuese ligjin për pagën minimale appeared first on Albeu.com.

“Sulmet e grupeve kriminale ndaj Eulex-it dhe Policisë së Kosovës në veri, janë goditje e rëndë mbi paqen dhe stabilitetin jo vetëm në Kosovë por edhe në rajon! Beogradi duhet që urgjentisht të heqë dorë nga veprimet e veta destabilizuese e luftënxitëse me pasoja të paparashikueshme jo vetëm për Kosovën por edhe për Serbinë. Është investuar shumë për paqen dhe askush nuk do të lejohet ta rrezikojë atë”.
Ai ka thënë se është momenti i fundit që Serbia të pranojë Kosovën. “Sot, është momenti i fundit që regjimi në Beograd t’i thërrasë arsyes dhe ta pranojë realitetin e Kosovës së pavarur dhe sovrane dhe këtë ta pranojë edhe në tavolinën e bisedimeve!”

“Luftërat në Ballkan janë kapitull i mbyllur!”, ka shkruar tutje i pari i AAK-së.

The post “Luftërat në Ballkan janë kapitull i mbyllur”, Haradinaj thirrje Beogradit: Hiq dorë nga provokimet! appeared first on Albeu.com.

Përmes disa videove të postuara në Facebook, të dielën, Haradinaj ka treguar që bashkë me dy djem dhe nipin, kanë ecur pesë orë për te Liqeni Jazhinces.

“Gëzuar Ditën e Çlirimit, Kosovë!”, shkruan ai.

Haradinaj ka qenë komandant në Ushtrinë Çlirimtare të Kosovës, zona operative e Dukagjinit, shkruan Express. Ai gjatë luftës kishte humbur vëllezër në betejë kundër Serbisë. Gjatë kësaj dite ka përkujtuar të gjithë dëshmorët e kombit.

The post Pesë orë ecje, Haradinaj ngjitet me djemtë e nipin në Liqenin e Jazhincës! Gëzuar! (VIDEO) appeared first on Albeu.com.

Ramush Haradinaj është rizgjedhur kryetar i Aleancës për Ardhmërinë e Kosovës.

Lajmin e ka bërë të ditur deputetja e kësaj partie, Albana Bytyqi, përmes një shkrimi në Facebook.

Ajo shprehet se është krenare që me Haradinajn kryetar, partia po forcohet çdo ditë e më shumë.

“Kuvendi i IX Zgjedhor i Aleancës për Ardhmërinë e Kosovës u përmbyll sot me zgjedhjen kryetar të degës, liderin e pashoq, Ramush Haradinaj. Jemi krenarë që me kryetarin Haradinaj, Aleanca po forcohet çdo ditë e më shumë, me vizion të qartë për të ardhmen e me bashkëpunëtorë që japin gjithë potencialin e tyre në zhvillimin e vendit tone”, shkruhet në postim.

The post Ramush Haradinaj rizgjidhet në krye të AAK-së appeared first on Albeu.com.

Situata ekonomike në Kosovë është e rëndë dhe alarmante, prandaj nevoja për ndërhyrje në rishikim të buxhetit është e menjëhershme, ka thënë Ramush Haradinaj, kryetar i Aleancës për Ardhmërinë e Kosovës.

“Kanë ndryshuar parashikimet në të cilat është bazuar buxheti. Janë rritur çmimet, ka ndryshime në inflacion dhe në parametra të tjerë ekonomikë”, ka deklaruar Haradinaj duke përsëritur thirrjen për ndërhyrje të menjëhershme të qeverisë me masa adekuate.

Haradinaj tha se AAK-ja e ka analizuar situatën, dhe sipas tyre “kanë ndryshuar të gjitha parashikimet në të cilat është bazuar ky buxhet”.

“Kërkojmë urgjentisht që të ndodhë rishikimi i buxhetit, praktikat e rishikimit ekzistojnë, kërkojmë që të ndodhë tani, urgjent dhe analiza e jonë është se kanë ndryshuar të gjitha parashikimet në të cilat është bazuar buxheti”.

Kreu i AAK-së përmendi inflacionin dhe rritjen e çmimeve, ndërsa përmendi disa propozime për Qeverinë në lidhje me masat që duhet të ndërmerren.

“Ne i propozojmë Qeverisë që të parasheh disa instrumente me të cilat do të ndërhyjë në krizën financiare në vend. Ekziston mundësia dhe është reale heqja e TVSH-së për artikujt bazë ushqimorë për 3 muaj dhe për t’u rivlerësuar. Ne kërkojmë që të ndodh rishikimi tani, analiza jonë është se kanë ndryshkur të gjitha parashikimet që është bazuar ky buxhet, janë rrit çmimet, të hyrat. Si aleancë i sugjerojmë qeverisë së vendit që ta ndërmerr rishikimin urgjent. I propozojmë qeverisë që të parasheh disa instrumente me të cilat do të ndërhyj në krizën financiare në vend për fuqitë blerëse dhe vështirësitë qe po kalojnë qytetarët e vendit, është reale heqja e TVSH-së”.

Haradinaj në konferencë ka dal bashkë me ekonomistët e partisë dhe ish-ministrat, Fatmir Gashi dhe Haki Shatri, për të shpjeguar jo vetëm problemet, por edhe masat që ata besojnë se duhet të ndërmerren.

E ish-ministri Haki Shatri, tha se buxheti aktual është përgatitur më disa premisa jo reale. Tutje, tha se proklamomi i qeverisë për rritje të GDP për vitin 2022 për 14.5 për qind është në kundërshtim me të gjitha institucionet financiare ndërkombëtare.

“Është vlerësuar që rritja e GDP për vitin 2022 do të jetë 14.5 për qind gjë që është në kundërshtim me të gjitha institucionet financiare ndërkombëtare. Nuk mund të ndodh në këtë vit nuk mund të ndodh në asnjë vit me këto parametra. Janë shifra joreale që e krijojnë një bazë shumë reale për kërkesën tonë që të bëhet një rishqyrtim sa më shpejt i buxhetit, e jo të pritet ajo koha tradicionale – siç e tha edhe kryeministri Haradinaj – por të bëhet menjëherë sepse ka nevojë të adaptohen shifrat në buxhetin zyrtar me kërkesat aktuale”, tha Shatri.

Ramush Haradinaj, ka thënë se partia e tij e përkrah mundësinë që qytetarët të tërheqin një pjesë të trustit, derisa kërkoi që të bëhet një analizë dhe të gjendet formula e rikthimit të këtyre mjeteve

Ai tha se duhet të bëhet një analizë e kujdesshme, për shumën se sa duhet të tërhiqen, derisa kërkoi që të gjendet edhe formula e rikthimit të këtyre mjeteve nga Qeveria.

“Kemi analizuar edhe këtë veprim me kujdes me kolegët tanë, e përkrahim, për shumën se sa duhet jemi të hapur të bëhet një analizë e kujdesshme. Duhet të bëhet një projekt se si do të kthehen këto mjete nga qeveria. Pra, jemi të interesuar që të gjendet formula e rikthimit nga Qeveria.Jemi të shqetësuar për situatën me likuiditetin e kostot dhe është një situatë që po vazhdon të përkeqësohet. Devijimet e vazhdueshme në furnizim me energji po e rritin koston”.

Ai tha se duhet të hiqet TVSH-ja për artikujt bazë ushqimorë për tre muaj dhe të bëhet rishikimi i akcizës së naftës.

Deputetët e Kuvendit të Kosovës kanë miratuar me 65 vota pro, të premten e 17 dhjetorit në shqyrtim të dytë Projektligjin mbi ndarjet buxhetore për Buxhetin e vitit 2022, i cili është 2.7 miliardë euro.

Nga të dhënat e publikuara nga Qeveria e Kosovës, në buxhetin e 2022 miliona euro janë ndarë për skemën e punësimit të të rinjve, për shtesat e lehonave dhe fëmijëve e skema sociale e pensionale.

20 milionë euro janë ndarë për skemën e punësimit të garantuar për të rinj. 45 milionë euro për shtesat për lehonat dhe fëmijë. 35 milionë euro për skemat sociale e pensionale. Kurse sa i përket investimeve: 40 milionë euro janë ndarë për prodhuesit vendorë. 40 milionë euro për ri-ngritjen e ndërmarrjeve publike. Mbi 700 milionë euro për sektorin e arsimit, shëndetësisë, kulturës, infrastrukturës e sigurisë. Sipas njoftimit të Qeverisë së Kosovës, ky ligj siguron qëndrueshmëri të financave publike, ringjallje të ekonomisë e orientim drejt prodhimit vendor, përkrahje të punësimit e fuqizim të grave, dhe zhvillim të qëndrueshëm ekonomik e rritje të mirëqenies qytetare.

Buxheti për vitin 2022 është saktësisht 2 miliardë e 748 milionë euro, njëherit buxheti më i lartë që ka pasur Republika e Kosovës ndonjëherë./Monitor

The post Kriza financiare në Kosovë, kërkohet rishikim urgjent i buxhetit për vitin 2022 appeared first on Albeu.com.